Дрон преку тераса влегол во спална соба во Кочани: „Нè разбуди звукот од пропелерите“

На 11 септември во ОВР Кочани било пријавено навлегување на дрон во станбена зграда во центарот на градот. Граѓаните сведочат дека во првиот случај дронот влегол во спална соба преку отворена врата на терасата, додека станарите спиеле. Тие велат дека звукот од пропелерите ги разбудил, а при обидот дронот да ја напушти просторијата се удрил во стаклото од вратата. Кратко потоа, дронот повторно навлегол во друга спална соба, околу еден метар. При обид да биде срушен, дронот успеал да избега преку вратата на терасата.

— реклама —

— реклама —

Од Министерството за внатрешни работи велат дека случајот е пријавен и дека се преземени полициски мерки и активности.

— реклама —

„Известен е јавен обвинител и доставено е барање до Агенцијата за цивилно возухопловство за проверка дали во наведениот период било пријавено користење на дрон на подрачје на Општина Кочани. Во тек е постапување по насоки на јавниот обвинител, а по добивање на дополнителни сознанија за случајот ќе биде доставено известување до ОЈО Кочани“, информираат од МВР.