„Дупка од 10.000 денари во секој семеен буџет е реалноста, а не приказната за “трета економија во Европа”“, велат од ЛДП

Либерално-демократската партија (ЛДП) преку соопштение обвинува дека граѓаните се соочуваат со сè повисоки трошоци за живот, додека владините тврдења за економски напредок не ја отсликуваат реалноста на семејните буџети.

— реклама —

Според партијата, синдикалната потрошувачка кошница за октомври достигнала 70.358 денари, додека за семејствата што живеат под кирија потребните средства за основните трошоци изнесуваат 85.733 денари.

— реклама —

Од ЛДП посочуваат дека разликата од 10.200 денари меѓу владината и синдикалната пресметка е сериозен товар за домаќинствата, бидејќи станува збор за пари потребни за храна, лекови, сметки и други основни потреби.

Партијата оценува дека растот на трошоците го надминува растот на платите и дека граѓаните сè потешко успеваат да го поминат месецот без задолжување или откажување од неопходни производи и услуги.

— реклама —

ЛДП бара конкретни мерки за подобрување на животниот стандард, меѓу кои реален раст на минималната плата, заштита од нагли поскапувања и замрзнување на трговските маржи. Од партијата критикуваат и дека предложените мерки не биле прифатени, а ребалансот на буџетот не нудел соодветни краткорочни и долгорочни решенија за економските предизвици.

„Животниот стандард не се крева со раскажување приказни од владината книга за бајки, туку со реални пари што на крајот од денот мора да останат во џебот на граѓаните“, порачуваат од ЛДП.