Два комерцијални брода погодени од непознати проектили во Ормускиот Теснец

Два комерцијални контејнерски брода биле погодени од непознати проектили во два одделни инцидента во Ормускиот Теснец, соопшти денеска Британската агенција за поморска трговија (УКМТО). И двата брода претрпеле помали оштетувања, а меѓу членовите на нивните екипажи нема повредени.

— реклама —

Според информациите на агенцијата, во првиот инцидент бил погоден контејнерски брод со тежина од 50.000 тони, додека влегувал во Ормускиот Теснец.

— реклама —

„Бродот претрпе помали оштетувања, немаше повредени, а пловидбата безбедно ја продолжи“, соопшти УКМТО преку објава на социјалната мрежа Икс.

— реклама —

Во вториот инцидент, непознат проектил погодил контејнерски брод со тежина од 19.000 тони додека излегувал од теснецот. И овој брод претрпел помали оштетувања, без повредени членови на екипажот.

Британската агенција потврди дека двата брода продолжиле со пловидбата по инцидентите. Во соопштението не беа наведени дополнителни информации за потеклото на проектилите или за тоа кој би можел да стои зад инцидентите.