Двајца мажи нападнати со тврди предмети во Скопје, полицијата трага по сторителите

Двајца скопјани биле нападнати од група непознати лица рано утринава на подрачјето на Центар, при што едниот од нив се здобил со тешки телесни повреди, соопшти Министерството за внатрешни работи.

— реклама —

Според информациите, на 31 мај околу 04:25 часот во СВР Скопје било пријавено дека М.М. (23) и Д.Ѓ. (27), двајцата од Скопје, биле физички нападнати со тврди предмети од неколку непознати лица.

— реклама —

— реклама —

Во нападот, 23-годишниот М.М. се здобил со тешки телесни повреди, кои биле констатирани во Комплексот клиники „Мајка Тереза“, додека за состојбата на второто лице не се наведуваат потешки повреди.

Полицијата презема мерки за идентификување и пронаоѓање на напаѓачите, како и за целосно расчистување на случајот.