Две лица лишени од слобода поради сомнежи за злоупотреба на 80 милиони денари

Управата за финансиска полиција денеска спроведува претреси на повеќе локации, при што две лица се лишени од слобода во рамките на предистражна постапка за сомнежи за финансиски криминал и проневера на буџетски средства во износ од речиси 80 милиони денари.

— реклама —

Овластени службени лица постапуваат по наредби издадени од судија на претходна постапка, во координација и под раководство на надлежен јавен обвинител од Основното јавно обвинителство Скопје.

— реклама —

Акцијата е насочена кон откривање и документирање на кривични дела од областа на финансискиот криминал, за кои постојат основи на сомнение дека се извршени од службени лица со цел стекнување противправна имотна корист од големи размери.

Според информациите од Управата за финансиска полиција, со сомнителните дејствија биле проневерени буџетски средства во износ од речиси 80 милиони денари.

— реклама —

Во рамките на акцијата, а согласно насоките на надлежниот јавен обвинител, овластените службени лица лишиле од слобода две лица.

— реклама —

Постапката е во тек, а надлежните институции продолжуваат со преземање дејствија за целосно расчистување и документирање на случајот.