Двегодишно дете и баба му загинаа во тешка несреќа во Србија

Во тешката сообраќајна несреќа што вчера се случила кај Бујановац, животот го загубиле баба и нејзиниот двегодишен внук. Мајката на детето е тешко повредена и лекарите се борат за нејзиниот живот.

— реклама —

Несреќата се случила околу 18 часот на магистралниот пат, познат како стариот автопат, во правец кон Врање. Според досегашните информации, дошло до директен судир меѓу две патнички возила.

— реклама —

Во едниот автомобил бил само возачот, додека во другото возило се наоѓало семејството. По судирот, покрај загинатите, повредени биле и други лица, кои биле пренесени во здравствени установи.

Мајката на двегодишното дете била итно пренесена во Клиничкиот центар во Ниш, каде што се наоѓа во критична состојба.

— реклама —

Првичните информации во српските медиуми биле дека во несреќата загинале мајка и дете, но подоцна семејството потврдило дека жртви се бабата и нејзиниот двегодишен внук.

— реклама —

Засега не се познати причините поради кои дошло до директниот судир. Надлежните служби работат на утврдување на сите околности што довеле до трагичната несреќа.