Еболата се шири поради движењето на населението, предупредува СЗО

Епидемијата на ебола во Демократска Република Конго продолжува да се шири, а бројот на потврдени случаи достигна 1.708, покажуваат најновите податоци на властите.

— реклама —

Според Министерството за здравство, досега се регистрирани 580 смртни случаи поврзани со вирусот. Само ден претходно беа евидентирани 1.561 заразен и 506 починати, што укажува на значително зголемување за краток период.

— реклама —

— реклама —

Светската здравствена организација (СЗО) предупреди дека епидемијата сè уште е во фаза на ширење и дека ситуацијата останува сериозна.

— реклама —

Претставничката на СЗО во Демократска Република Конго, Ан Ансија, изјави дека движењето на населението е еден од главните фактори што придонесуваат за ширење на вирусот, што дополнително ги отежнува напорите за негово ставање под контрола.