Еболата се шири во Африка: Потврдени 263 случаи во Конго и Уганда

До крајот на мај во Демократската Република Конго и Уганда се регистрирани 263 потврдени случаи на ебола, соопшти директорот на Африканскиот центар за контрола и превенција на болести, Жан Касеја.

— реклама —

Во авторски текст за „Фајненшл тајмс“, Касеја наведе дека во тек е истрага за повеќе од 1.100 сомнителни случаи, додека 43 лица починале како последица од реткиот сој на вирусот ебола – бундибугио.

— реклама —

Тој ги повика националните системи за управување со кризи брзо да се активираат и да инвестираат во долгорочна подготвеност за идни пандемии.

Според извештаите, актуелната епидемија е 17. регистрирана во Демократската Република Конго и трета по големина откако вирусот беше откриен пред околу 50 години.

— реклама —

Здравствените власти предупредуваат дека недостигаат дури и основни средства за заштита, како што се заштитни маски, а болеста со недели се ширела незабележано.

— реклама —

Поради сериозноста на ситуацијата, Светската здравствена организација прогласи меѓународна јавно-здравствена вонредна состојба поврзана со епидемијата во Демократската Република Конго и Уганда.