Две лица загинаа, а 11 се повредени по неколку експлозии и пожари на подземен паркинг во швајцарскиот град Нусбаумен во Аргау, соопшти кантоналната полиција.
Во полиција синоќа околу 19 часот биле пријавени неколку експлозии, а пожарот кој до доаѓањето на пожарникарите се проширил на првиот кат бил изгаснат до 23 часот, јавува Свис инфо.
Жителите се евакуирани и засега не им е дозволено да се вратат во становите, а локалните власти итно им обезбедуваат живеалишта.
Во акцијата за гаснење биле вклучени три хеликоптери.
