Епидемијата на ебола во Конго однесе најмалку 930 животи

Епидемијата на ебола во Демократска Република Конго продолжува да се влошува. Според најновите податоци на Министерството за здравство, од почетокот на епидемијата починале најмалку 930 лица, а досега се потврдени 2.344 случаи на зараза.

— реклама —

Само во изминатите 24 часа биле регистрирани 37 нови смртни случаи, што претставува еден од највисоките дневни биланси од прогласувањето на епидемијата на 15 мај.

— реклама —

Здравствените власти наведуваат дека станува збор за вирусот Бундибугио, поредок вид ебола за кој сè уште не постои одобрена вакцина ниту специфичен третман.

Ситуацијата дополнително ја отежнуваат безбедносните проблеми во источниот дел на земјата, особено во покраината Итури, каде што од средината на мај се регистрирани најмалку 12 напади врз здравствени установи и медицински тимови.

— реклама —

Дополнителен предизвик претставува и прекинот на работата на дел од здравствените работници, кои протестираат поради неисплатени плати. Од последиците на заразата досега починале и најмалку 36 здравствени работници.

— реклама —

Во моментов 724 пациенти се хоспитализирани или се наоѓаат во изолација, а Министерството за здравство соопшти дека ги засилува мерките во најпогодените подрачја со цел да се спречи понатамошното ширење на болеста.