Етна исфрла вулкански пепел: прекинати сите летови од аеродромот во Катанија

Воздушниот сообраќај на аеродромот во Катанија е прекинат поради активноста на вулканот Етна и исфрлањето вулкански пепел од североисточниот кратер.

— реклама —

Поради облакот од пепел, кој се издигнува на височина од околу четири километри, летовите на аеродромот се обуставени до 16 часот.

— реклама —

Италијанскиот Оперативен координативен центар, по затворањето на воздушниот простор во секторот C1, одредил ограничување од нула слетувања и нула полетувања.

— реклама —

На Етна е издадено црвено предупредување за воздушниот сообраќај од Националниот институт за геофизика и вулканологија (INGV) во Катанија.

Станува збор за највисок степен на предупредување на скалата со четири нивоа. Предупредувањето VONA се однесува на опасностите за воздушниот сообраќај предизвикани од вулканската активност и присуството на вулкански пепел.