Нови проблеми со летовите на Сицилија: Етна повторно исфрла вулканска пепел

Повторното исфрлање вулканска пепел од Етна повторно предизвика ограничувања во воздушниот сообраќај на меѓународниот аеродром во Катанија, на италијанскиот остров Сицилија.

— реклама —

Поради пепелта е затворен дел од воздушниот простор над подрачјето, со што е ограничен бројот на авиони што можат да слетаат на аеродромот. До 14 часот во Катанија ќе може да слетуваат најмногу пет авиони на час, додека полетувањата засега не се ограничени.

— реклама —

Од аеродромот најавија дека во текот на денот ќе објавуваат нови информации во зависност од развојот на ситуацијата. На патниците им се препорачува кај авиокомпаниите да го проверат статусот на своите летови.

— реклама —

Состојбата на аеродромот се нормализираше дури во текот на викендот, откако воздушниот сообраќај повеќе од една недела беше сериозно нарушен. Етна во повеќе наврати исфрлаше вулканска пепел, поради што бројни летови беа откажани или пренасочени.

Во саботата нивото на предупредување за вулканот беше намалено, а воздушниот сообраќај повторно се одвиваше нормално. Сепак, новото исфрлање пепел повторно доведе до ограничување на слетувањата во Катанија.