Вулканот Етна повторно покажува засилена активност, откако денеска исфрли облак од пепел кој достигна височина од околу четири километри.
Поради зголемената вулканска активност, италијанскиот Институт за геофизика и вулканологија издаде највисоко ниво на предупредување за авијацијата.
И покрај предупредувањето, меѓународниот аеродром во Катанија засега останува отворен, а авиосообраќајот продолжува да се одвива.
Етна и во текот на овој и минатиот месец предизвика проблеми во авиосообраќајот. Поради вулканската активност, аеродромот во Катанија во неколку наврати беше привремено затворен.
Со височина од околу 3.300 метри, Етна е највисокиот активен вулкан во континентална Европа.
