ЕУ и НАТО планираат „воен Шенген“ вреден 100 милијарди евра

Европската Унија и НАТО договориле инфраструктурен проект вреден 100 милијарди евра, со кој треба да се постават темелите на таканаречен „воен Шенген“ за побрзо движење на трупи и воена опрема низ Европа, изјави европскиот комесар за транспорт и туризам Апостолос Цицикостас на конференција во Атина.

— реклама —

Проектот, како што објасни Цицикостас на самитот „Energy Transition Summit: East Med & Southeast Europe“, организиран од Financial Times во партнерство со Катимерини, предвидува развој на 500 „жешки точки“ каде во следните три до четири години ќе се создава или зајакнува инфраструктура за воена мобилност, пишува Екатимерини.

— реклама —

Според него, тоа значително ќе го забрза времето потребно за пренос на војници и воена опрема од еден до друг дел на ЕУ, како за воени вежби, така и во случаи на итни ситуации.

— реклама —

Цицикостас најави и формирање заедничка резерва, односно „пул“ на воена опрема, по примерот на европскиот механизам за цивилна заштита.

— реклама —

Тој посочи дека регулативата треба да биде готова до 2027 година, а инфраструктурата до почетокот на 2030 година.