European Eye Hospital ги отфрли обвинувањата: Никогаш не сме оштетиле пациент

Очната болница „European Eye Hospital“ од Скопје реагираше на информациите што денеска беа објавени на повеќе интернет-портали, во кои установата беше поврзувана со случајот со приватна болница која на пациенти им наплаќала операции на очи, иако интервенциите биле платени од Фондот за здравствено осигурување (ФЗО). Од болницата објавените информации ги оценуваат како невистинити и најавуваат дека ќе преземат сè што е во нивна моќ за да се утврдат фактите и вистината да излезе на виделина.

— реклама —

Во своето соопштение, болницата нагласува дека е подготвена за целосна соработка со надлежните институции, како што, според нив, било и досега.

— реклама —

Од „European Eye Hospital“ категорично тврдат дека никогаш не оштетиле пациент, ниту од здравствен, ниту од морален или финансиски аспект.

— реклама —

Од установата посочуваат дека и покрај тоа што повеќе од една година немаат поддршка од Фондот за здравствено осигурување, успеале да го задржат квалитетот на услугите, хуманиот пристап и достапните цени на офталмолошките интервенции.

Истовремено, упатија јавен повик до интернет-порталите да им овозможат на надлежните институции непречено да ја завршат својата работа, апелирајќи на професионално известување и почитување на законите, интегритетот и достоинството на сите засегнати.