Пациентите плаќале операции на очи што Фондот веќе ги покрил – нови детали за полициската акција во приватна болница и ФЗО

Двојна наплата на здравствени услуги, при што за исти операции на очите еднаш плаќал Фондот за здравствено осигурување, а вторпат пациентите, е меѓу најмасовните злоупотреби опфатени со денешната акција за финансиски криминал во здравствениот сектор.

Министерот за здравство Сашо Клековски соопшти дека истрагата опфаќа повеќе видови прекршоци, а иницијативата за нејзино отворање потекнала од него, поради повторени прекршоци на една здравствена установа за кои, како што рече, немало соодветни санкции.

— реклама —

Клековски посочи дека предложил раскинување на договорот со установата за да се прекине, како што рече, „ланецот на неказнивост“. Во истрагата бил вклучен и Секторот за контрола на Фондот за здравствено осигурување, како и Државниот санитарен и здравствен инспекторат и Агенцијата за лекови.

„Не е еднаш, двапати, трипати, туку постојано повторување на слични прекршоци за кои не било соодветно казнувана“, изјави Клековски, заблагодарувајќи им се на вработените во Министерството за внатрешни работи за спроведената акција.

— реклама —

Во истрагата се опфатени три лица вработени во Фондот за здравствено осигурување и две лица од приватна клиника.

— реклама —

Според неофицијални информации, штетата за државниот Буџет од работењето на приватната здравствена установа надминува 1,5 милиони евра, додека противправно стекнатата материјална корист за клиниката се проценува на околу четири милиони евра. Според истите информации, оштетени биле и голем број пациенти.

Меѓу пријавените е и Ден Дончев, поранешен директор на Фондот за здравствено осигурување.

Од МВР информираат дека полициски службеници од Одделот за сузбивање на организиран и сериозен криминал, во координација со надлежен јавен обвинител од ОЈО ГОКК, вршат претреси на повеќе локации низ државата. Истрагата се однесува на финансиски злоупотреби во дел од здравствениот сектор, а од Министерството најавуваат дополнителни информации по завршувањето на акцијата.

Ден Дончев првопријавен во нова полициска акција: Претреси во приватна болница, ФЗО и над 10 локации - има сомнежи за милионски злоупотреби

Поранешниот директор на Фондот за здравствено осигурување, Ден Дончев, е првопријавен во нов случај што го истражува Одделот за организиран криминал при Бирото за јавна безбедност, дознава „Скопје1“. Според неофицијалните информации, утрово се спроведуваат претреси на повеќе од десет локации во Скопје, Тетово и Куманово, во рамките на истрага за сомнителни финансиски трансакции и можни злоупотреби поврзани со приватна болница и Фондот за здравствено осигурување.Меѓу лицата опфатени со полицискит

Македонија | пред 4 часа