200 државјани на Србија се вратија дома, авион од Дубаи слета во Белград

Авион од Дубаи со 200 државјани на Србија денес слетал во Белград, откако летовите меѓу Обединетите Арапски Емирати и Србија беа прекинати поради зголемените тензии на Блискиот Исток.

— реклама —

Првиот авион со 200 патници полетал синоќа од аеродромот во Дубаи, јави Радио-телевизија Србија.

Аеродромот во Дубаи соопшти дека првиот лет од Обединетите Арапски Емирати кон Србија, по прекинот на воздушниот сообраќај, полетал околу 23:30 по средноевропско време.

— реклама —

Станува збор за авион Boeing 737 MAX 8, со капацитет од 162 до 200 патници, кој го управува авиокомпанијата Flydubai.

— реклама —

Во меѓувреме, авиокомпанијата Emirates соопшти дека повторно воспоставува сообраќај со ограничен број летови.

Приоритет имаат патниците со претходни резервации, а оние кои се прераспоредени на овие ограничени летови, Emirates ќе ги контактира директно“, се наведува во соопштението.

Компанијата апелираше до патниците да не доаѓаат на аеродромот доколку претходно не биле известени, додавајќи дека сите останати летови остануваат суспендирани до понатамошно известување.