Европските десничари се дистанцираат од Трамп

Американскиот претседател Доналд Трамп станува сè понепосакуван партнер за европските десничарски партии, кои почнуваат да се дистанцираат од него поради политичката тежина што ја носи, пишува Politico.

— реклама —

Овој тренд дополнително се засили по изборниот пораз на унгарскиот премиер Виктор Орбан, кој важеше за еден од најблиските сојузници на Трамп во Европа. И покрај отворената поддршка и посетата на американскиот потпретседател Џеј Ди Венс во кампањата, резултатот беше пораз, што многумина го толкуваат како предупредување.

— реклама —

Лидерката на француската десница Марин Ле Пен, според партиски извори, им порачала на своите соработници дека треба да се држат на дистанца од Трамп. Сличен пристап има и италијанската премиерка Џорџа Мелони, за која пресвртна точка биле нападите на Трамп кон папата Лав XIV.

И во Германија, дел од десничарската Алтернатива за Германија внимателно ја преиспитува поврзаноста со Вашингтон, особено пред важни избори.

— реклама —

Иако дел од политичарите сè уште гледаат корист од одржување врски со американската администрација, доминира ставот дека јавното приближување кон Трамп може да биде политички товар, особено во контекст на растечките тензии на Блискиот Исток и економските последици во Европа.

— реклама —

Сепак, и покрај дистанцирањето од Трамп, моделот што го воспостави Виктор Орбан – конфронтација со ЕУ и силна националистичка агенда – останува влијателен меѓу десничарските партии низ Европа.