Филипче: Владата се шета по светот без резултат, а не сака да ги покачи платите

Претседателот на СДСМ, Венко Филипче, во одговор на новинарско прашање остро ја критикуваше Владата, оценувајќи дека наместо да се фокусира на подобрување на животниот стандард на граѓаните, таа се занимава со, како што рече, бесцелни патувања без конкретни резултати, додека одбива да ги зголеми платите.

— реклама —

Филипче нагласи дека Владата мора да сфати оти нејзината основна улога е да разговара со синдикатите и со работниците и да одговори на нивните реални потреби, а не да ја игнорира нивната состојба. Според него, гласот на работниците и на синдикатите мора да биде слушнат, а причините за нивното незадоволство сериозно да се анализираат.

— реклама —

— реклама —

Тој посочи дека излегувањето на синдикатите на протест е јасен сигнал дека работниците се соочуваат со сериозни егзистенцијални проблеми. „Тоа се луѓе што не можат да врзат крај со крај, во услови кога платите се крајно ниски, најниски во регионот, нема никаков тренд на раст, а цените континуирано се зголемуваат“, изјави Филипче.

— реклама —

Притоа, тој потсети дека јавноста добро памети какви биле условите за работниците за време на владите предводени од СДСМ, кога, како што рече, и во услови на најголеми кризи платите континуирано растеле. Според Филипче, токму таквите политики биле доказ за вистинска грижа за работниците и за нивниот животен стандард, за разлика од актуелниот пристап на Владата.