Филипче за Божиќ: Да градиме праведно и слободно општество во кое младите ќе ја гледаат иднината

Претседателот на СДСМ, д-р Венко Филипче, упати божиќна честитка до верниците, повикувајќи на мир, толеранција и заедничко градење праведно и слободно општество, во кое младите ќе ја гледаат својата иднина во државата.

— реклама —

„Ви благодарам на сите за присуството. Го честитам најрадосниот празник во христијанството со традиционалната честитка – Мир Божји, Христос се роди“, изјави Филипче.

Тој им посака мирни и весели празници на сите верници кои денес го празнуваат Божиќ, нагласувајќи дека празникот е традиционален повод за семејно собирање, за покажување почит и грижа кон најблиските.

— реклама —

„Посакувам денот да помине мирно. Мирот, особено во овие турбулентни времиња, ни е повеќе од потребен за да можеме да продолжиме да градиме општество што ќе биде праведно, толерантно и слободно“, порача претседателот на СДСМ.

— реклама —

Филипче потсети дека во изминатиот период биле имплементирани политики кои, како што рече, граѓаните реално ги почувствувале преку подобар квалитет на живот, поголема безбедност и економска сигурност.

„Имплементиравме политики што доликуваат на развиени општества – општество во кое никој нема да се чувствува помалку вреден, без разлика на етничката, националната, верската, културната припадност, родот, полот или сексуалната ориентација“, истакна Филипче.

— реклама —

Тој упати повик за заедничко градење општество без дискриминација и поделби, во кое сите граѓани ќе имаат еднакви можности и достоинствен живот.