Филипче: Нема пари за лекови и апарати, има за луксуз и тендери

Венко Филипче ја обвини Владата дека го уништува здравствениот систем и дека средствата наместо за пациентите ги троши за луксуз и, како што тврди, криминални тендери.

— реклама —

„Имаме криминална влада која го руинираше здравствениот систем и создаде хаос само за да краде пари“, наведува Филипче во објава по вечерашната конференција „Заедно против карциномот на дојка“, организирана од Форумот на жени на СДСМ Бутел.

— реклама —

— реклама —

Тој посочува дека пациентите се соочуваат со долги листи на чекање, проблеми со медицинската опрема и недостиг од лекови и терапии. Според него, онколошките пациенти биле оставени без потребната терапија.

Филипче обвинува дека нема доволно средства за медицинска опрема, терапии, нови вработувања и повисоки плати, додека, како што наведува, пари има за луксуз и криминални тендери.