Филипче: Се покажаа точни нашите укажувања за српското, унгарското влијание и кинеските пари

Претседателот на СДСМ, Венко Филипче, во гостување во „Тема на денот“ на Сител, потенцираше дека се потврдија предупредувањата на СДСМ изминатите две години за српското и унгарското влијание во земјата, како и за унгарскиот кредит преку кој влегуваат кинески пари.

— реклама —

„Се покажа колку точни беа нашите укажувања уште пред две години. Ние бевме први што укажуваа за српското влијание тука. Ние бевме први што укажавме за унгарското влијание и за унгарскиот кредит, преку кој влегуваат кинески пари. Ние бевме први што кажаа дека ова не е добар кредит, дека може на друг начин да земеме многу помала сума пари. Каде се сега тие пари? Ги нема. Милијарда евра се потрошени и ќе ги враќаат следните генерации, а Унгарија отвори и истрага. Цела Европа знае дека Унгарија го истражува тој кредит“, посочи Филипче.

Говорејќи за српското влијание, Филипче се осврна и на односот на власта кон политичките теми поврзани со Србија.

— реклама —

„Имаме доскорешен вицепремиер, сега министер за локална самоуправа, кој го величи Ратко Младиќ, воен злосторник. Цела Европа реагира. Две години наназад укажуваме дека оваа Влада е антиевропска. Дека работи спротивно. Не само на нашите интереси, туку и на интересите на Европската Унија, затоа што проширувањето е еден од приоритетите“, порача Филипче.

— реклама —

Филипче посочи и на влијанието на медиумите.

— реклама —

„Зарем мислите дека Урсула фон дер Лајен не знае дека премиерот тука ги контролира медиумите? Над 40% унгарски медиуми, сопственици, пријатели на Виктор Орбан? Вие мислите дека Фон дер Лајен не знае дека противзаконски регистрирани српски медиуми тука имаат дозвола за работа“, рече Филипче.