На повисоките делови на Шар Планина денеска падна снег, иако календарски е средина на летото. Снежната покривка е забележана над Попова Шапка, на врвот Церипашина, како последица на најавеното заладување што ја зафати Македонија.
Метеорологот Славчо Попоски објави фотографии на кои се гледа снежната покривка на планината.
Во меѓувреме, Управата за хидрометеоролошки работи (УХМР) издаде метеоаларм поради нестабилното време. Според најавите, во повеќе делови од земјата се очекуваат пороен дожд, засилен ветер и грмежи.
