По вчерашните пожари во Општина Студеничани и во Струмица, денеска повторно се бележат активни огнени жаришта на повеќе локации низ земјава.
Директорот на Дирекцијата за заштита и спасување, Стојанче Ангелов, информира дека два големи пожари беснеат во реонот на делчевското село Бигла, како и во околината на Пехчево, во правец кон границата со соседна Бугарија.
Борба со огнената стихија претпладнево имало и во прилепскиот регион, кај селото Бонче, каде што пожарот се приближил на околу 100 метри од куќите.
Надлежните служби продолжуваат со активностите за ставање под контрола на пожарите.
