Полициска акција во Куманово: Претреси во нотарска канцеларија и менувачница во истрагата за организиран криминал

Засилени полициски сили утрово спроведуваат голема акција во Куманово, со претреси на повеќе локации насочени кон разбивање на осомничена организирана криминална група.

— реклама —

Според неофицијални информации, групата подолг период дејствувала во Куманово и околината, а се сомничи за изнуда, лихварство, перење пари, закани и уцени.

— реклама —

Како наводен организатор се посочува лице со прекар Штука, додека меѓу осомничените има и други лица познати на кумановската криминална сцена. Во рамките на акцијата, освен објекти поврзани со осомничените, се проверуваат и нотарска канцеларија и менувачница поради можни врски со истражуваните активности.

— реклама —

Според медиумските информации, при досегашните претреси биле пронајдени пари, возила и документација.

— реклама —

Акцијата ја спроведува Одделот за сузбивање на организиран криминал и корупција, во координација со Обвинителството за гонење на организиран криминал и корупција, по подолготрајна истражна постапка.