Судот ги прифати предлозите на Обвинителството за криминалната група од Куманово: Двајца во притвор, еден во куќен притвор, еден со одземен пасош, а по петтиот се трага

Основниот кривичен суд Скопје определи притвор до 30 дена за две лица осомничени во истрагата за злосторничко здружување, изнуда и перење пари, поврзана со криминалната група од Куманово. За уште едно лице е одреден куќен притвор, додека четвртиот осомничен доби мерки на претпазливост.

— реклама —

Судија на претходна постапка ги прифатил предлозите на Основното јавно обвинителство за гонење на организиран криминал и корупција, по сослушувањето на осомничените во присуство на нивните бранители.

— реклама —

Притвор во траење до 30 дена им е определен на Д.П. и М.К. поради опасност од бегство, можност за повторување или довршување на кривичното дело, како и опасност од попречување на истрагата преку влијание врз сведоци.

За Л.К. е определен куќен притвор, додека Д.Ж. ќе мора да ја предаде патната исправа и нема да смее да добие нова, со што му се забранува преминување на државната граница.

— реклама —

Со предлогот на Обвинителството е опфатено и петто лице, кое во моментов е недостапно за органите на прогонот.

— реклама —

Против судските решенија странките имаат право на жалба до Кривичниот совет на Основниот кривичен суд Скопје.