(Видео) Уапсен Драган Петровски - Шутка во полициската акција во Куманово

Драган Петровски, познат како Штука, е уапсен во големата полициска акција што се спроведува во Куманово.

Акцијата започна со претреси на повеќе локации, каде што полициски специјалци и истражители бараа докази поврзани со група за која постојат сомневања дека подолг период дејствувала во Куманово и околината. Според неофицијалните информации објавени од „Скопје1“, групата се поврзува со изнуда, лихварство и перење пари.

— реклама —

Истражителите се сомневаат дека осомничените користеле закани, насилство и уцени за да дојдат до противправна материјална корист. Петровски, според информациите на медиумот, бил осомничен како организатор на групата.

— реклама —

Во текот на полициската акција биле проверувани и локации поврзани со нотарска канцеларија и менувачница, поради сомневања за нивна можна поврзаност со спорните финансиски активности. Неофицијално, при претресите биле пронајдени пари, возила и документација што може да послужи во истрагата.

Акцијата е резултат на подолготрајна оперативна работа на Одделот за сузбивање на организиран и сериозен криминал при Бирото за јавна безбедност, во координација со Јавното обвинителство за гонење организиран криминал и корупција.

— реклама —

Засега нема официјално соопштение со целосни детали за бројот на приведените и осомничените лица, како и за предметите што биле одземени. Се очекува надлежните институции да ја информираат јавноста за понатамошниот тек на постапката.

— реклама —