„Градежништвото е силен двигател на македонската економија“, вели Николоски

Градежниот сектор во земјава бележи значителен раст, откако во второто тримесечје од 2026 година активноста во градежништвото се зголемила за 21,9 отсто во споредба со истиот период лани.

— реклама —

Податокот го објави заменик-претседателот на Владата и министер за транспорт Александар Николоски, кој посочи дека во второто тримесечје биле завршени градежни работи во вкупна вредност од 14,9 милијарди денари, односно околу 242 милиони евра.

Николоски оцени дека растот на градежништвото е значаен поттик за домашната економија и порача дека инвестициите во инфраструктурата ќе продолжат со засилено темпо.

— реклама —

Како приоритети ги наведе изградбата на автопати и експресни патишта, железничката инфраструктура, повеќе од 1.200 проекти во општините, како и инвестициите во аеродромите.

— реклама —

„Ја поставуваме државата вистинска стратешка раскрсница на Балканот. Ја градиме Македонија“, напиша Николоски.