Сопственикот на платформата X, Илон Маск, ја нападна француската претседателска кандидатка и лидерка на партијата Зелени, Марин Тонделје, откако таа изјави дека властите треба да имаат можност привремено да ги исклучат социјалните мрежи за време на избори доколку има странско мешање.
„Барам да биде замолчена поради предавство на Франција“, напиша Маск на X.
Тонделје остро му возврати, истакнувајќи дека на Франција не ѝ се потребни лекции за патриотизам од странски милијардер кој мисли дека може да одлучува кој европски политичар треба да биде замолчен.
„Демократијата не е на продажба, дури ни за најбогатиот човек во светот“, порача таа.
Маск и претходно се вклучуваше во европските политички дебати и јавно поддржуваше кандидати од десницата, меѓу кои и Марин Ле Пен. Во меѓувреме, француските власти најавија засилени мерки за спречување странско мешање во претседателските избори во 2027 година.
