„Имала среќа Америка што Пехчево не е во Силиконската Долина, а богами и Кина што не е во Шангај“, Ковачевски саркастично за одлуката против дата-центарот

Одлуката на Советот на Општина Пехчево да не ја поддржи иницијативата за изградба на дата-центар предизвика саркастична реакција од поранешниот премиер Димитар Ковачевски.

Ковачевски преку објава на „Фејсбук“ се осврна на одлуката на локалните советници, алудирајќи на големата количина вода што може да биде потребна за ладење на вакви центри.

„Имала среќа Америка што Пехчево не е во Силиконската Долина, а богами и Кина што Пехчево не е во Шангај… што би правеле денес со вишокот вода“, напиша Ковачевски.

— реклама —

Неговата реакција следува откако Советот на Општина Пехчево на вчерашната седница едногласно ја отфрли иницијативата за изградба на дата-центар во градот.

— реклама —

За иницијативата гласале сите девет советници, при што ниту еден не дал поддршка за проектот.

— реклама —