АПАСИЕВ

Апасиев: Гаши го крши деловникот со опструкциите на Законот за бранители

,,Сметаме дека во случајот со законот за бранители спикерот Гаши го крши новиот Деловник. Тука има два моменти: политички и правен.Правниот момент е тоа дека Гаши еклатантно го крши новиот Деловник и нашиот правен тим размислува да му пушти кривична пријава за несовесно вршење на службата, односно пречекорување на дискрециони овластувања. Затоа што ако внимателно и граматички го читате новиот Деловник, можноста да не ја свика комисијата е само на претседателот на матичното тело, но не и на спикерот. Кај него има Jus cogens обврзувачка норма дека тој е должен да свика, доколку овој во 24 часа не ја свика комисијата и тука нема што да се толкува. Значи тоа е правната одговорност.Додека политичката одговорност според нас е кај ДПМНЕ, затоа што со ова се покажува зошто не треба партија со двајца пратеници да има спикер. Затоа што за секое вакво чкрипење, вие ќе треба да одите на "бакни рака" кај спикерот и тука политичката одговорност е кај овие 58 пратеници.Впрочем затоа се донесе и новиот Деловник, за да нема одолговлекување на закони. Но, сега гледаме дека во дослух со спикерот, практично можете да филибастерингувате практично можете кој закон го сакате.Точна се покажа, за жал, нашата теза дека во вакви ситуации, партијата со најголем број пратеници треба да го има спикерското столче токму поради вакви ситуации. Ние сметаме дека ова создава една правна пукнатина, којашто во иднина и те како ќе се злоупотребува, доколку помине несанкционирана.Санкцијата треба да биде и од страна на Основното обвинителство, тоа е правната, и од страна на најголемата политичка партија или пратеничка група, а тоа е ДПМНЕ. Значи има два типа одговорност: тоа е правна и политичка одговорност. Ние ќе ја потераме правната но немаме инструменти за политичката, односно имаме, тоа е следна интерпелација - но чекаме да му се соберат повеќе прекршувања, па да поднесеме уште една интерпелација за Гаши.Јасна е нормата, впрочем затоа се донесе и новиот Деловник, за да нема одолговлекување на закони. Но, сега гледаме дека во дослух со спикерот практично можете да филибастерингувате можете кој закон го сакате.Илире Даути може да го толкува така Деловникот, затоа што таа можност е предвидена. Практично тоа беше проблем на претходниот Деловник. И тогаш кога претседател на матично работно тело нема да стави нешто на комисија, во тој случај немаше правен инструмент тоа нешто да се анулира. Но, сега има. И затоа велам таа може да оди лево-десно, но спикерот не може. Него му се врзани рацете и Деловникот вели: - Доколку е поминат рокот и законот не е ставен на комисија, во тој случај тој мора, нема избор сакам или не сакам, затоа што нормата е императивна. Во јавното право вие ги почитувате нормите коишто стојат во Деловникот.И затоа одговорноста на Гаши е правна, а одговорноста на Илире може да е политичка, таа е опозиција, нејзе и одговара да го вози овој процес. Но, спикерот и те како има правна одговорност и затоа ние кај него ќе алудираме на правна одговорност, а политичката е кај најголемата политичка група на ДПМНЕ.", вели Димитар Апасиев.

Македонија | пред 1 година

Апасиев: Ако Џафери беше мајстор - Гаши е велемајстор за скандали

Во 100 дена Влада, Гаши го надмина Џафери во скандали - истакна во своето обраќање на денешната собраниска седница претседателот на Левица, пратеникот Димитар Апасиев.- Вие го надминавте Талат Џафери, којшто беше мајстор за скандали. Практично, во 100 дена, направивте рафал од скандали и станавте, можеби, велемајстор за скандали - потенцираше Апасиев, говорејќи за стодневното дејствување на Гаши.Апасиев образложи дека Левица ја темели интерпелацијата на седум основи, кои се дополнуваат и со нови скандали.- Покрај седумте точки, вие сторивте уште три - четири скандала, но за свадбата на Косово и за пеењето ,,Шота" на 2 Август ќе оставиме да зборува, можеби, недокваканиот Мицкоски, којшто ја оцени оваа уставна интерпелација како глупава - појасни Апасиев.Во својот говор, Апасиев потенцираше и дека во овие 100 дена се прекршени и Уставот и законите.- Вие покрај Уставот, прекршивте дури четири закони: Законот за спречување на корупција и судир на интереси, Законот за Собранието, Законот за пратениците и Изборниот законик - заокружи Апасиев.За потсетување, како што досега јавноста е повеќепати информирана од страна на Левица, интерпелацијата за претседателот на Собранието, Африм Гаши, е заснована на следниве седум точки:1. Повреда на секуларноста на државата; 2. Скандалот на Меѓународниот аеродром во Скопје;3. Повреда на употребата на македонскиот јазик;4. Повреда на правилата за употреба на државните инсигнии;5. Неконстатирање на престанок на мандатот на Таљат Џафери;6. Патувањето во Вашингтон со неговата сопруга и7. Повреда на низа деловнички одредби за нормална работа на пратениците и Собранието и продолжување на лошите практики.

Македонија | пред 1 година

За грст привилегии од носот подалеку не гледате, дека државата ни стана федерација, вели Апасиев за прославата на Мечкин Камен

На социјалните мрежи за чествувањето на Илинден, на кое делови од Крушевскиот манифест се читаа на албански, се огласи пратеникот на Левица, Димитар Апасиев. Тој, минатата година на Илинден бил на Мечкин камен.Еве што напиша Апасиев:„Лани бев на Мечкин Камен, говор држеше Таљат, се беше на македонски. Годинава, говор држеше Мицко. Се беше ДВОЈАЗИЧНО. Пак да си го гласате јаничаров, гниди вмроидни одродени. За грст привилегии од носот подалеку не гледате, дека државата ни стана федерација!p.s. И уште еднаш, народе, не заборавај – само ЛЕВОТО КРИЛО е државотворно!“

Коментари | пред 1 година

(Видео)Апасиев: Осудените за 27 април треба да се помилуваат преку помилување „ин конкрето“

Осудените за 27 април треба да се помилуваат преку помилување „ин конкрето“, вели претседателот на Левица, Димитар Апасиев, во емисијата „Претрес со Ландов“.Апасиев објаснува дека тоа значи претседателот на државата да помилува конкретни осуденици. Инаку, овие кои се, како што вели, неправилно класифицирани во делот на терористичко загрозување, ќе се изедначат со „Монструм“.- Мислам дека треба да има помилување, но како ќе го изведат не знам. Ние еднаш поддржавме, ако се сеќавате. Тие луѓе се неправилно класифицирани во делот на најтешко терористичко загрозување. Ако дадете вие амнестија за такво дело, по автоматизам доаѓа и „Монструм“, овие - терористите - посочува Апасиев.Во однос на тоа предметот да се врати на повторно судење, Апасиев посочи дека тоа е подолгата варијанта, односно дека тоа ќе трае долго. Не е потребно да се докажува дека се невини за ова кривично дело, поентираше Апасиев, туку тие треба да бидат прагматични и да излезат од затвор.- Треба да бидат прагматични и да излезат од затвор. Тоа таму е кочина... Таму куче да заврзеш, ќе умре, а не, пак, човек - рече Апасиев.За затворските услови Апасиев вели дека ни малку не се на нивото на скандинавските земји, а ниту, пак, останало тоа што било во Југославија. Затворот, додава тој, е извор на зараза и насилство, а престојот е небезбеден за кого било.- Видете ги условите во скандинавските земји, како приватна болница се, а кај нас е кочина, буквално. И тој систем на ресоцијализација, кој сме го имале од Југославија, сега веќе не постои. Таму вие здрав да отидете, пореметен ќе излезете од затвор. И чесен човек да бидете, вие утре, не дај Боже, може да згазите некој и да завршите во затвор заедно со тие убијци и криминалци, може да ве силуваат, да ве убијат... Ете, сега имаше еден претепан, умре на Клинички. Тоа е ужас таму, тоа е страв и ужас - заклучува Апасиев.

Македонија | пред 1 година

(Видео) Апасиев: Мијалков е хохштаплер

Лидерот на Левица, Димитар Апасиев го поврзуваа со ексдиректорот на УБК Сашо Мијалков, а тој во „Претрес“ одговори дали муабетите држат вода. Средби, финансирања и разни муабети.. Што е вистина, а што не?На прашање што мисли за Мијалков, лидерот Апасиев рече: „Хохштаплер“.Раскажа и за заканите од телохранителот на Мијалков кој му ги упатил нему.Целиот поткаст:

Македонија | пред 1 година

(Видео) Закани дека ќе му ја убијат фамилијата добивал Апасиев: Политички е поврзано

Лидерот на Левица, Димитар Апасиев при гостување во поткастот „Претрес со Ландов“ кажа дека бил мета на закани од радикални структури. Тој објасни дека неговата пријава не била сфатена сериозно од Обвинителството, а во неврзан муабет со ексминистерот Оливер Спасовски добил утеха наместо процесирање на пријавата.„Ќе ти заколеме фамилија, тебе... Политички е поврзано“, рече Апасиев.Тој кажа дека обвинителката го убедувала дека безопасни се нападите.. Погледнете ги деталите во поткастот:

Македонија | пред 1 година

Апасиев: Ги повикуваме сите чесни членови на СДСМ затоа што Левица го носи пламенот на АСНОМ

Пратеникот и претседател на Левица, Димитар Апасиев, во своето гостување во емисијата ,,Претрес со Ландов", го повика гласачкото тело на веќе распаднатата СДСМ да се приклучи кон Левица.- Ние имавме една герила - акција на Црвена младина со која се обративме до гласачкото тело на СДСМ. Бујрум за сите чесни членови на СДСМ, затоа што Левица го носи пламенот на АСНОМ, сакале тоа да го признаат или не - истакна Апасиев.Црвена младина ја испрати пораката со истакнување на транспарент со натпис: ,,Другари, вратите во Левица ви се отворени!"- Треба да правиме разлика под таа комуњарска номенклатура, којашто била како бубрег во лој уште од времето на Југославија. Тоа ви се династиите: овие кои ги имаме ние на УКИМ каде сè нивните се најдобри, нивните за сè ги бива, ама не се сите дека ги бива. И таа номенклатура е преточена подоцна во СКМ-ПДП и подоцна во СДС. Додека оние луѓе кои се левичарски настроени, кои се анти - ВМРО, кои се анти - десничари и таа некоја класа, средна до некаде висока - средна класа, едноставно, остана незастапена, затоа што местото нивно во СДС го земаа бизнисмените - дообјасни Апасиев.

Македонија | пред 1 година

Aпасиев до Мицкоски: Владината програма ви б'зди на одвратно десничарење

Ја прочитав внимателно програмата и биографиите на министрите и тоа се најзалудно потрошени четири часа во мојот живот. Вашите кадри би ги опишал преку два хаштага. Првиот хаштах е „ружна ви е владата“. Ова е една од трите НАЈГОЛЕМИ влади. Секогаш кога ДПМНЕ е на власт имаме три најголеми влади, 24 - влада, гломазна влада, а европскиот стандард е 13 до 15 члена - истакна претседателот на Левица, Димитар АПАСИЕВ, на денешната Седница за избор на новата Влада.- Имате еден глумец, а јас би кажал сите сте глумци. Еден ШПИУН, косовски, не знам ни дали знае човекот македонски јазик и работел за косовската влада. Вие, господине Мицкоски, сте плагијатори, а не реформатори. Има 10 добри работи и сите се препишани од Левица. Идеолошки воведувате нов правец, еве, да го наречеме ,,Мицковизам" како највисок стадиум на Груевизмот, бидејќи правите идеолошка каша попара од кадрите. Значи, имате: бугараши, врховисти, необалисти, бранковисти и михајловисти на крајот, но не овие ванчо-михајловизам туку воведувате сега ,,Дража-михајловизам" во нашата Влада - додаде Апасиев.- Вториот хаштаг е „шверцеви властитог живота“. Мицкоски си ја фризирал биографијата. Требало наместо нарцесоидни моменти, да пишете ,,тато ме направи асистент, Груевски - претседател на партија". Програмата е без визија, без храбри чекори, зборот РАБОТНИК се споменува само два пати, зборот СИНДИКАТ нула пати и знаете дека на ДПМНЕ газдите и коморите ќе им бидат нивните соработници, додаде Апасиев.

Македонија | пред 1 година

Апасиев: Гаши го прекршува Уставот за Џафери да не биде разрешен

„Уставот е јасен! Дополнително има дури четири други закони кои изречно со ,,jus cogens" норма пропишуваат неспоивост на функција. Тоа се: Законот за Собранието, Законот за пратениците, Изборниот законик и Законот за спречување на корупција и судир на интереси“ - рече лидерот на опозицијата и пратеник од Левица, Димитар Апасиев, при процедуралното обраќање на собраниската седница, а по однос на неуставното, незаконското и неделовничкото заземање на две неспоиви функции од страна на Талат Џафери.„На пратеникот му престанува мандатот пред истекот на времето за кое е избран ако: Поднесе оставка, е осуден за кривично дело за кое е пропишана казна затвор поголема од пет години, настапи неспоивост со функцијата пратеник, му престане државјанството на РМ, со правосилно решение биде лишен од деловна способност или со смрт“, додава Апасиев.Во своето процедурално обраќање, лидерот на опозицијата - Апасиев, таксативно ги наведе случаите по коишто престанува функцијата пратеник.- Ставот три е многу битен, којшто вели: ,,Мандатот на пратеникот му престанува со денот на настанување на случаите од ставот 1, точки 2, 3, 4, 5, и 6". Значи, точката 3 којашто е случај на инкопатибилност е спомената изрично. Слушајте што вели: ,,Собранието тоа го констатира на првата наредна седница". Ова е прва наредна седница после верификацијата на мандатите - објасни Апасиев.Инаку, уште на 4 јуни, пратеничката група од Левица има поднесено барање врз основа на сите наведени членови.- Кај пратеникот Џафери, согласно Одлуката за верификација се констатира престанок на неговата функција без расправа со прост премин - поентираше Апасиев.

Македонија | пред 1 година

Апасиев: Ние сите шестмина би дале поддршка за Гаши да не биде претседател на Собрание

Пред денешната собраниска Седница, Лидерот на Левица - Димитар АПАСИЕВ изјави дека партијата е спремна да ги даде своите шест гласови во македонскиот парламент, за Гаши да НЕ биде Претседател на Собранието на Република Македонија.Како главна причина зошто Левица не поддржува Гаши да биде Претседател на собранието Апасиев наведе дека е „противуставно да се зборува на друг јазик освен на македонски кога се претседава со Седница“.Левица отворено го повикува Мицкоски да не даде поддршка за косоваризација на Собранието на Република Македонија! Апасиев најави дека партијата е спремна да даде бланко - поддршка на невидено за Македонец да управува со законодавниот дом во Републиката!

Македонија | пред 1 година

Апасиев: Даваме бланко поддршка, да не биде повторно косоваризиран македонскиот парламент

Лидерот на Левица, Димитар Апасиев, рече дека ќе ја поддржи ВМРО-ДПМНЕ ако Африм Гаши не биде собраниски претседател, а во Собранието се зборува само македонски јазик. Тој посочи дека противуставен е Законот за јазици по кој претходно Талат Џафери претседаваше со седниците на албански јазик.„Не ние би дале поддршка од нашите шест за да не биде претседател на Собрание. Отворено го повикуваме Мицкоски, бланко поддршка, на невидено, само за да не биде повторно косоваризиран повторно македонскиот парламент. Противуставно е да се зборува на друг јазик освен македонскиот кога се преседава со седница“, рече Апасиев.Тој додаде дека ако зборува на македонски, може да преседува.„Си ги гласавте патриотите тоа ќе ви биде реалноста“, додаде Апасиев.

Македонија | пред 1 година

Апасиев: Некои битки мора да ги водиме повеќе од еднаш, за да можеме да победиме

,,Борбата за правична и поубава Македонија за сите нас е Борбата што вреди!Како претседател на Левица, Ви пишувам со големо чувство на благодарност...Нашиот успех на овие историски парламентарни Избори 2024 и освојувањето на шест мандати во Собранието на РМ е доказ за неумоливоста и вербата на секој наш член, гласач, поддржувач, симпатизер и граѓанин кој верува во нашата искреност и визија за подобра иднина.На ЧЛЕНОВИТЕ на Левица им должиме огромна благодарност! Вашата посветеност и пожртвуваност, истрајноста наспроти притисоците и работата за нашата заедничка кауза се движечката сила позади нашиот континуиран успех. Растот на Левица од нула до она што е денес, организирањето теренски активности за контакт и дискусии со граѓаните, вклучувањето во кампањите, сета напорна работа и масовна мобилизација не останаа без резултат. Вашата издржливост, одлучност и на моменти фанатична посветеност во клучните мигови е она што дополнително нè поттикна да одиме решително напред во секоја криза и ни овозможи да направиме сериозна разлика во политичката култура во Македонија.На нашите ГЛАСАЧИ им благодариме за дадената доверба. Вашата храброст да постапите различно од сите останати, вашата мудрост да ги препознаете искрените заложби наспроти бројните лаги и манипулации во етерот, како и вербата во нашата работа и кауза е катализатор на промените кои претстојат. Ја разбираме тежината на одговорноста што ни ја доверивте и ветуваме дека чесно и доблесно ќе работиме за да бидеме достојни на Зборот даден кон вас. Идејата за поубава Македонија е жива и преку нашата работа во законодавниот дом ќе ја чуваме и работиме на нејзина реализација. Вашиот глас ни даде простор да се залагаме за политики кои даваат приоритет на благосостојбата на граѓаните, заштита на животната средина и на националните ресурси, унапредување на состојбите во здравството, образованието, правосудството, но и заштита на националното прашање и македонскиот идентитет.На сите наши СИМПАТИЗЕРИ и поддржувачи (дома и во странство), ви благодариме што останавте покрај нас во текот на нашиот перманентен раст и созревање на политичката сцена. Без разлика дали тоа беше преку волонтирање, донации, јавна поддршка, споделување на нашите идеи или друг начин, вашата поддршка е непроценлива! Вербата во нашата левичарска Кауза ја поттикнува нашата решителност уште поборбено да тргнеме кон значајни промени и да создадеме пофер, попрaвично и порамноправно општество за нашиот народ.Борбата која ни претстои не сме наивни да веруваме дека ќе биде лесна. Напротив, свесни сме дека ќе биде сериозен предизвик. Сепак, со вашата континуирана поддршка убеден сум дека можеме да дојдеме до уште подобри резултати кои ќе значат надеж, но и можна поубава иднина дома, во Македонија.Заедно докажавме дека трулиот систем може да се изигра.Дека најголема закана за него се чесните граѓани организирани во борбена работничка Партија, кои се спремни да бидат над матрицата на клиентелизмот и личниот интерес понуден од „змијата“ (СДС) или „магарето“ (ДПМНЕ).Дека токму тие луѓе исфрлија шест нечесни и на нивно место донесоа шест чесни народни пратеници, а разликата допрва ќе ја сведочиме.Со Левица, нема веќе инфериорни Македонци во сопствената држава!Со цел на нè запрат - прво нè игнорираа, потоа нè исмеваа, па нè напаѓаа, а сега, веќе ни се плашат!Затоа, Борбата не смее да запре, сè додека не ги победиме!Фала ви на сите, од сè срце", пишува Апасиев.Во ,,пост скриптум" Апасиев додава:p.s. Се гледаме во новиот собраниски состав.Да ги преброиме зулумите!Да ги израмниме есапите!

Македонија | пред 1 година

Апасиев: Дебелогазецот Маричиќ не стана пратеник, Левица втора партија во Аеродром и Кисела Вода, а дишеме во врат на СДС и за Карпош и Центар

Лидерот на Левица, Димитар Апасиев, посочува дека во Аеродром и Кисела Вода, тие се втора партија по број на гласови. Посочува и дека на пат се да станат втора партија и во Аеродром и Кисела Вода.„Досегашниот вицепремиер, дебелогазецот МАРИЧИЌ не ни стана пратеник, а бил 4-ти на листата во Кецот!? Левица и официјално стана втора партија во Аеродром и Кисела Вода, а му дише во врат на СДС во нивните довчерашни бастиони - Карпош и Центар!“, напиша Апасиев.Тој додава: „Нашето пророштво за ПАСОКИЗАЦИЈА почна да се остварува од главниот град на Татковината. p.s. Од вчера СДС на „Нашата Земја“ стана СДС под „Нашата Земја“. p.p.s. Дури ни 18 пратеници немаат, туку 15 (три им се од коалиционите партнери НСДП и ЛДП)“, додаде тој.

Македонија | пред 1 година

Апасиев: Македонската платформа е единствениот спас од опасноста за федерализација на државата

Дека мотивацијата по првиот круг од претседателските избори е зголемена, во интервју за ,,ТВ Стар" потврди Претседателот на Левица и Носител на ИЕ1, Димитар Апасиев.„Мотивацијата е зголемена, затоа што ова беше наше огнено крштевање - првпат имавме претседателски кандидат и тоа е одлично искуство. Партијата продолжува напред. Отворивме над триесетина канцеларии во меѓувреме, во овие две последни години, така што мотивацијата е најмалку да го дуплираме скорот којшто го донесе професорката Ванковска", вели претседателот на Левица, Апасиев.Левица очекува поголем број пратеници на Парламентарните избори, за да може уште посилно да се бори против штетните политики и да ги застапува интересите на граѓаните, остварувајќи ја својата изборна програма.,,Поголем број пратеници од Левица во Собрание би значело брана против сите штетни политики на косоваризација и бугаризација на државата. Ние со два пратеника успеавме да спречиме многу штетни политики: успеавме да спречиме етничка припадност во лични карти, приватизација на Брза помош, ги намаливме цените на болниците во време на ковид-криза, така што кога со двајца тоа го постигнавме, можете да замислите со 8 - 12 пратеници!"Оттука Апасиев порача дека гласот даден за Левица не е фрлен глас.,,Гласот за Левица е глас даден за една искрена, чиста опција којашто е единствена на левата политичка сцена. Бидејќи сега се остварува нашата прогноза за пасокизација на СДС, гласот за Левица е глас насочен кон правата левичарска опција во Македонија."

Македонија | пред 1 година

Апасиев: ДПМНЕ фатени на дело, со месеци местеле анкети во нивна корист

„Вмроидите од ДПМНЕ фатени на дело, со спуштени гаќи. Со месеци местеле анкети во нивна корист и во корист на ЗНАМ (за да ја маргинализираат Левица), преку институтит на нивниот слуга Влајко. И тоа на Јавен радиодифузен сервис - МТВ! Ама АВМУ моментално не е од оваа планета, зафатена е со кратење на парите на Левица за политичко рекламирање.Е ова е ДПМНЕ. Уште недојдени на власт, почнуваат со аздисот. Затоа, не им дозволувајте да ве заведат по којзнае кој пат. Памет у глава и не им давајте повеќе од 50 мандати, оти ќе ви се серат на глава.“, објави претседателот на Левица, Димитеар Апсиев на својот фејсбук профил.

Македонија | пред 1 година

Апасиев: Денес свикуваат итна седница, сакаат да шверцаат Изборен законик

“Нели некни се "распушти" Собранието. Епа, АПРИЛИЛИЛИ било. Еве денес свикуваат ИТНА седница. Сакаат да шверцаат Изборен законик, на три дена пред кампања.“, напиша Димитар Апасиев на својот фејсбук профил.

Македонија | пред 1 година

Директорот на велешката болница забранил да се дава инфузии да се заштеди, а за операција на жолчка се бара мито?, прашува Апасиев

Лидерот на Левица и пратеник, Димитар Апасиев јавно упати прашања до директорот на Општата билница во Велес, откако добил прашање дека имало забрана за давање на инфузии, со цел да се заштеди. Апасиев, меѓудругото, е родум од Велес.„Дали е вистина дека директорот на велешката Болница - Зоран Арсовски од СДС забранил да им се дава инфузија на Детското одделение, на деца со температура 40 - за да заштеди? И дали е вистина дека за операција на жолчка, во истава Болница, докторите отворено си бараат мито од пациентите - од 500 ЕУР "по тарифа"? Докторе Министре?“, прашува Апасиев.За ова, се уште нема јавна реакција од Министерството за здравство или Општата болница-Велес.

Македонија | пред 2 години

Нема фотографија

Апасиев: НАТО не носи демократија. НАТО е кршач на меѓународното право и Повелбата на Обединетите нации

Претседателот на Левица, проф. д-р Димитар Апасиев, за декларацијата на Собранието по повод четири години од членството во НАТО денес истакна:,,Нато не носи демократија. Нато е кршач на меѓународното право и повелбата на Обединетите Нации. Без дозвола на Совет за безбедност НАТО ја нападна Југославија во 1999 година, ја нападна Либија, го нападна Ирак и редици други држави.Последниот пункт е дека народот сакал во НАТО. Не е точно! Не е испочитуван член 120 од уставот кој што вели: ,Одлуката за стапување и истапување од сојуз или заедница со други држави е усвоена ако на референдум за неа гласало мнозинство од вкупниот број на избирачи'. Референдумот во 2018 беше неуспешен и немаше цензус и оттука уставниот услов за да влеземе во НАТО не е испочитуван, што значи противуставно и против волјата на народот сме влезени во НАТО.”

Македонија | пред 2 години

Апасиев: Со Преспанскиот и Бугарскиот договор ни се одзеде правото на сопствен историски наратив и тоа е удар врз идентитетот

„Во однос на историјата, сите држави, вклучително и балканските, си имаат сопствена историска нарација. Само нас ни е одземено правото, со Преспанскиот договор и со таканаречениот Договор за добрососедство со Бугарија, да имаме свој сопствен историски нарататив. И тоа е удар врз идентитетот, но тоа го направија недоквакани политичари и ние како нова генерација политичари, тоа ќе мораме да го исправиме.Политичкиот активизам кој го започнавме како чисто левичарење, наместо мејнстримот на СДС, мислам дека конечно ги дава првите плодови. Наредните пролетни избори ќе бидат изборите кога Левица, односно децата на транзицијата, ќе им пресуди на оние кои ги доведоа до тоа дереџе.Ние сме општество каде повеќе од половина луѓе живеат со 1 долар на ден, додека една четвртина од децата во школска возраст имаат по еден родител кој не работи. Тоа се страшни егзистенцијални трауми кои ни ги ставаме под тепих, а многу влијаат врз насочувањето на младите. Сиромаштијата го разјадува здравото општество. Тоа е најголемата болест на 21-виот век. Налет да е такво општество каде се зголемува GDP, се зголемува богатството на малкумина, а мнозинството 99% остануваат сиромашни. Тој систем нема перспектива и тоа општество е нездраво општество.Неолибералната логика оди до таму дека се треба да се приватизира, да се монетизира. Ние со Крмов блокиравме и закон за приватизација на брзата помош. Тоа е концепт на неолиберализмот, кој потекнува од времето на Реган и Маргарет Тачер - дека сѐ треба да се фрли на приватен бизнис и дека јавните добра стануваат “клубски” добра. Што значи клуб? Клуб е приватна забава, „ако платиш влезница, ќе те пуштиме. Ако не платиш, нема да те пуштиме.” Така и ова, ако платиш,ќе ти ставиме инфузија. Ако не платиш, ќе умреш како куче. Како што умираат во Америка, две третини од луѓето немаат здравствено осигурување. Така да, концептот на социјална држава тие го урнисаа. Тоа беше европски модел, кој според мене солидно функционираше. Но, сега имаме див капитализам, каде секој на секому му е волк и гледа како да преживее. Затоа, ние имаме идоли на мафијаши, на луѓе кои ја зезнале државата и тие ни се репери. Младиве кои се паметни, кои се иделисти, кои сакаат добро, гледаат дека такви битанги тука виреат и си ги пакуваат куферите и си одат.Но, според мене не треба да одат. Треба да се приклучат во Црвена младина и заедно да се бориме против бандите тука. Видете ги вие загинатите партизани, вие немате постар од 25 години, сите се дечишта од 16 до 25 години. Младите луѓе ја носат промената и јас сум многу горд што тие луѓе во Левица гледаат спас. Тоа значи дека на младите не им е проблем да ризикуваат, не им е проблем да гинат за идеали. И затоа мислам дека на младите треба да им се дава повеќе простор, особено во политиката, затоа што имаат попрогресивни ставови. ", вели Димитар Апасиев, претседателот на Левица.

Македонија | пред 2 години

Апасиев за Ковачевски: Лажен левичар-милионер, кој не знае Римско право во Рим

„Политико“ објави, а пратеникот и лидер на Левица, Димитар Апасиев, праша дали неговиот имењак Ковачевски навистина не го пуштиле на собирот на европските социјалисти во Рим. Апасиев се изнасмеа преку статус на социјалната мрежа „Фејсбук“.„Таче не го пуштиле да влезе на собирот на европските социјалисти во РИМ!? 😂🤣😂 Епа како да пуштат лажен левичар-милионер, кој не знае Римско право во Рим, бе? p.s. Социјал-демократијата веќе не е секси“, напиша Апасиев.Влијателниот медиум Политико, Ковачевски, иако бил повикан, не успеал веднаш да влезе на собирот на европските социјалисти во Рим.

Коментари | пред 2 години

Ванковска собрала половина од потребните потписи, тврди Апасиев

Лидерот на Левица, Димитар Апасиев тврди дека за три дена, успеале да ги соберат половина од потребните потписи за претседателската кандидатура на Билјана Ванковска.„Народе - за еден викенд собравме скоро 1/2 од потребните потписи! Со оглед на тоа дека и учките од ДУИ уште немаат собрано, и покрај целата нивна машинерија и клиентела - тоа ни кажува дека нашата структура воопшто не е слаба. Вашата поддршка во процесов е суштинска! Затоа, продолжуваме со исто темпо. Нашите волонтери се на терен. Потпиши се за Ванковска и денес! Ако си на работа - потпиши се на пауза. Ако не можеш на пауза - потпиши се после работа (канцелариите на ДИК работат секој ден - од 8:00 до 20:00 часот)“, напиша Апасиев.Се очекува Државната изборна комисија да ја објави состојбата со собрани потписи за кандидати, заклучно со вчерашниот ден.

Македонија | пред 2 години

Апасиев: УЧК организирано собира потписи за Бугар Османов у штаб на ДУИ у Чаир, па ќе се жалите: "А бе, учките ни ја земаа државата"!

Лидерот на Левица, Димитар Апасиев објави упатство како граѓаните да се потпишат за Билјана Ванковска да биде кандидат за претседател, во четири чекори. Тој посочува и дека ДУИ, собирале потписи за Бујар Османи да биде кандидат, во штаб во Чаир.„Денес е недела. Лабав ден. Додека си лежиме по дома, УЧК организирано собира потписи за Бугар Османов у штаб на ДУИ у Чаир. Оти им се може. И после ќе се жалите: "А бе, учките ни ја земаа државата"! Не. Не ни ја земаа. Ние им ја дадовме. Со нашата некативност. Затоа, уште пред ручек, личната карта у џеб и правец канцеларија на ДИК во вашата општина. Потпиши се за професорката ВАНКОВСКА! Да. Работат и во недела, до осум вечер. p.s. Поручек, пак ќе ве потсетам“, напиша Апасиев.Тој сподели и фотографија.

Коментари | пред 2 години

Таче и Пајакот побарале апанажа, а по закон не им следува, видете со какви забегани личности си имаме работа, реагира Апасиев

Пратеникот и лидер на Левица, Димитар Апасиев, смета дека експремиерот Димитар Ковачевски и минситерот за внатрешни работи Оливер Спасовски се забегани. Заклучокот го донесува бидејќи тие побарале апанажа, а смета дека не им следува.„Таче и Пајакот побарале АПАНАЖА, иако поднесоа оставки и по закон не им следува (согласно последната одлука на Уставниот суд). Од ова можете да видите со каков забеган профил на личности си имаме работа. Пак да си ги гласате“, напиша Апасиев.Пред две недели, Комисијата за избори и именување во Собранието, под точка „разно“, усвоила решенија за да експремиерот Димитар Ковачевски и ексминистерот за внатрешни работи, Оливер Спасовски добиваат апанажа.

Коментари | пред 2 години

„Пудлица на Заев“, „македонска Кончита“, „лавчиња“ - жестока расправија меѓу Ковачки и Апасиев

Пратениците Димитар Апасиев од Левица и Драган Ковачки од ВМРО-ДПМНЕ јавно се скараа на социјалните мрежи. Се започна со објава на Апасиев во која тврди дека ВМРО-ДПМНЕ повлекло илјадници амандмани под притисок од амандмани поднесени од ДУИ. На ова возврати Ковачлки кој го нарече Апаиев „македонската Кончита“ (евровизискиот победник кој се облекува и претставува како жена).„Вмроидите (Ковачки и Петрушевски) поднесоа илјадници амандмани на Законот за вработени во одбраната. И се сликаа, прописно. Рекоа дека додека не се донесе ЗАКОНОТ ЗА БРАНИТЕЛИ, нема да го одблокираат тој за одбрана! ДУИ им врати со 10.000 амандмани, а Алијанса не им ја свика седницата на Комисија. ДПМНЕ рече "мјау" и ги повлече своите амандмани. Така заврши уште едно ку*чење на десните лавчиња“, напиша Апасиев.На ова врати Ковачки.„Македонската Кончита што беше дел од шарените „револуционери” и го донесе Заев на власт, за што професорот по право беше награден во неуставното СЈО директно под команда на госпоѓата што се продаде за тросед, двосед и фотеља, коментирал зошто сме ја повлекле блокадата на Законот за вработените во одбраната.Пудлицата на однародените дезертери Заев и Ковачевски, што за случувањата од 2001 година слушал и гледал на ТВ, наместо да ги нападне ,,про-европјаните” ДУИ што го блокираа Законот за обештетување на семејствата на бранителите, повторно одработува за неговите стопани и прави политика од маката на семејствата.ВМРО-ДПМНЕ покажа решеност да се реши ова горливо прашање кое никој не го покренуваше затоа што се плашеше да не им се налутат Ареберовци, Артанци и ним сличните. Апасиев што се клањаше на гробот на Енвер Хоџа, дојде ред да ме навредува и со својата лажна загриженост за бранителите од 2001 да ја покаже својата политичка шизофреност. Пепси генерација“, напиша пратеникот Ковачки.

Коментари | пред 2 години

Апасиев: Шверц со европско знаме за неписмените кадри на ДУИ да станат судии

Пратеникот од Левица, Димитар Апасиев обвини дека во Собранието се прави шверц на Законот за академија на судии и јавни обвинители кои треба да се усвои по скратена постапка, за неписмени кадри на ДУИ да станат судии.„Да знае јавноста зошто е овој закон. Овој закон е за да се протнат неписмените кадри на ДУИ кои одвај го владеат македонскиот јазик - да бидат судии и јавни обвинители. Бидејќи не положиле претходно, сега ќе им се овозможи писмено да им се додадат поени и да станат судии. Исто како случајот со фалсификуваните дипломи од Драч за англиски јазик, каде појма немаат да бекнат и незнаат пресуда да прочитаат.Сега, претседателе, Вас ви се обраќам. Собранискиот Деловник вели дека „кога предлогот на закон содржи одредби со кои се врши усогласување со правото на Европската унија, во воведот се наведуваат и податоци за изворниот акт на Европската унија со полн назив, број и датум.” Дополнително, со предлогот се поднесува и изјава за усогласеност, потпис на надлежниот министер и наведување на правниот акт на Европската унија со кој е извршено усогласувањето.Ваква коресподентна табела и Изјава отсуствува во списите! Оттука, Вие (како претседател на Собранието) сте биле должни да побарате од предлагачот да го усогласи.Зборот ми е, дали сефтето ќе го почнуваме и со Вас, како со Таљат, за носовесно вршење на служба и да ви поднесуваме кривични пријави?!", вели Апасиев.

Македонија | пред 2 години