БРИТАНИЈА

Грција донесе итна одлука пред летната сезона: Овие туристи ќе бидат изземени од новиот систем за влез

Британските туристи кои ова лето ќе патуваат во Грција ќе ги избегнат контроверзните нови контроли на границите на Европската унија (EES), откако Атина се откажа од земање отпечатоци од прсти и скенирање на лице.Оваа одлука доаѓа во момент кога Брисел продолжува со воведување на Системот за влез и излез (EES), кој бара сите посетители надвор од ЕУ да остават биометриски податоци на аеродромите и граничните премини.Системот предвидува на државјаните од трети земји, како Велика Британија, да им се земаат отпечатоци од прсти и фотографии при влез во Шенген зоната, која опфаќа 29 европски земји, главно членки на ЕУ.Автоматизираниот EES систем првпат беше воведен во октомври 2025 година, а аеродромите и пристаништата имаа рок до 10 април целосно да ја имплементираат оваа технологија како задолжителна.EES ќе го замени досегашниот систем на печатирање пасоши од страна на граничната полиција.При првата регистрација во системот, се фотографира лицето и се скенира пасошот. На возрасните и децата постари од 12 години им се земаат и отпечатоци од прсти.Британските патници не мора посебно да се подготвуваат, но им се препорачува да пристигнуваат порано на аеродромите поради подолги чекања на пасошката контрола.Системот – осмислен да го замени традиционалното печатирање пасоши и да ги следи правилата за престој без виза од 90 дена – веќе предизвика сериозни доцнења и фрустрации кај патниците.На туристите им беше кажано дека редиците може да траат и до четири часа (па дури и седум) во рамки на новиот режим, кој сега е целосно оперативен.Но, во обид да избегне нарушувања во екот на летната туристичка сезона, Грција засега одлучи да се изземе од системот, пишува „Дејли мејл“. Елени Скарвели, директорка на грчката Национална туристичка организација во Велика Британија, изјави дека оваа одлука „ќе обезбеди полесен и поефикасен влез во Грција“ и „значително ќе го намали времето на чекање“, како и гужвите на аеродромите.Минатата недела на аеродромот Линате во Милано, повеќе од 120 патници на „ИзиЏет“ останаа заглавени поради долги задржувања на граница, поради што го пропуштија летот за Манчестер.Според „Дејли мејл“, од 156 патници кои требало да патуваат за Манчестер, само 34 успеале да се качат, додека 122 останале. „ИзиЏет“ подоцна се извини. Во Велика Британија проблемите и натаму постојат на клучните гранични точки во Довер, Фолкстон и на лондонската станица Сент Панкрас, каде скапите EES киосци сè уште не се поврзани со француските гранични системи.Се очекува нарушувањата да траат најмалку до септември.Одлуката на Грција се смета за стратешки потег насочен кон заштита на нејзиниот витален туристички сектор, кој во голема мера зависи од британските туристи кои ги посетуваат дестинациите како Крф, Крит и Родос – места кои во сезона можат да примат и повеќе од 2.000 британски туристи дневно.Бидејќи нема потврден датум кога ова изземање ќе престане, сè погласни се шпекулациите дека и други медитерански земји би можеле да го следат овој пример.Експертите од туристичката индустрија велат дека промената веќе влијае на плановите за патување. Портпарол на британското туристичко здружение ABTA изјави дека „оваа година поради војната на Блискиот Исток расте интересот за Европа како туристичка дестинација“. Се очекува Грција да биде петта најпопуларна дестинација за Британците ова лето, по Шпанија, Франција, Италија и САД.„Сè уште е рано да се каже како оваа промена ќе влијае на бројот на посетители, бидејќи одлуките за патување зависат од повеќе фактори“, изјави портпаролот на ABTA..

Свет | пред 1 ден

Рецесија на повидок: 250.000 Британци може да останат без работа

Околу четвртина милион луѓе во Велика Британија би можеле да ги загубат работните места до средината на 2027 година поради рецесија предизвикана од војната на САД и Израел против Иран, се наведува во анализа на „Гардијан“.Министерката за економија Рејчел Ривс ги повика банкарските раководители на разговори со цел да се ублажат последиците од рецесијата, додека два извештаи на водечки сметководствени компании укажуваат на сериозноста на економската закана за Обединетото Кралство.Посебен извештај на компанијата „Делоит“ покажува дека финансиските директори на големите британски компании веќе презеле мерки кои веројатно ќе влијаат врз економската активност и вработеноста, пренесува „Гардијан“.EY Item Club соопшти дека очекува британската економија да стагнира во вториот и третиот квартал од годинава, што би можело да ја доведе земјата на работ на рецесија, дефинирана како два последователни квартали на економски пад.Компанијата предвидува дека невработеноста ќе достигне 5,8 проценти до средината на 2027 година, во однос на сегашниот петгодишен максимум од 5,2 проценти, при што речиси 250.000 луѓе би можеле да останат без работа поради кризата на Блискиот Исток.Според анализата, економскиот раст би се преполовил – од 1,4 проценти во 2025 година на 0,7 проценти оваа година, што ќе го прекине позитивниот тренд забележан во февруари, кога растот на БДП бил над очекувањата.„Растечките трошоци за енергија и нарушувањата во синџирите на снабдување би можеле да ја турнат Велика Британија на работ на техничка рецесија до средината на годината. Куповната моќ на потрошувачите ќе биде под притисок, додека поскапото финансирање и неизвесната глобална економска средина дополнително ќе ги забават инвестициите“, изјави главниот економски советник Мет Свонел.Според EY Item Club, инфлацијата во втората половина на 2026 година би можела да достигне речиси 4 проценти – речиси двојно повеќе од целта на Банката на Англија од 2 проценти, додека се очекува монетарните власти да не реагираат веднаш со зголемување на каматните стапки.Извештајот на „Делоит“ покажува дека довербата на финансиските директори во март паднала на најниско ниво од почетокот на пандемијата на КОВИД-19, а како главни ризици се посочени геополитичките настани, растот на цените на енергијата и зголемените трошоци за финансирање.Најголемите грижи кај директорите се цената на енергијата (61 процент), инфлацијата и каматните стапки (61 процент), како и порастот на сајбер напади (60 проценти).Во анализата се наведува дека кризата поврзана со Иран веќе има директно влијание врз растот на цените на енергијата, што дополнително може да влијае врз инфлацијата и монетарната политика, додека во САД се бележи зголемување на сајбер напади поврзани со Иран.Како одговор, британските компании преминуваат кон порестриктивни финансиски стратегии, со фокус на намалување на трошоците, зачувување на ликвидноста и зајакнување на билансите, додека плановите за инвестиции и нови вработувања се намалуваат.Извештајот на Меѓународниот монетарен фонд покажува дека Обединетото Кралство се соочува со најголеми ревизии на прогнозата за раст меѓу земјите од Г7, при што за 2026 година се предвидува раст од 0,8 проценти, наместо претходно очекуваните 1,3 проценти.

Свет | пред 2 дена

Лондон: Уапсени двајца за обид за палење синагога, истрага за можна странска вмешаност

Британската полиција уапсила две лица поради обид за подметнување пожар во синагога на северот од Лондон, а антитерористичката единица истражува можна поврзаност на серија неодамнешни напади врз еврејски цели со Иран.Според полицијата, приведени се 17-годишник и 19-годишник во врска со инцидентот што се случил во неделата рано наутро во синагогата Kenton United. Во пожарот е предизвикана мала штета од чад, а повредени нема.Ова е најновиот во серијата напади врз еврејски објекти во Лондон во последните недели, вклучувајќи обиди за палење други синагоги и оштетување на имот поврзан со еврејската заедница.Британските безбедносни служби предупредуваат дека по конфликтот во Газа и нападите од октомври 2023 година, се зголемил бројот на инциденти против еврејски цели, а дел од истрагите ја разгледуваат и можната употреба на посредници поврзани со ирански структури.

Свет | пред 2 дена

Судбината на базата Диего Гарсија под знак прашалник

Владата на Обединетото Кралство одлучи да го стави во мирување договорот за пренос на суверенитетот над островите Чагос на Маврициус, по критиките од Доналд Трамп.Според британските власти, законската процедура за договорот нема да биде ставена на дневен ред во парламентот, сè додека не се обезбеди поддршка од Соединети Американски Држави.Од кабинетот на премиерот Кир Стармер соопштија дека Лондон ќе продолжи да работи на убедување на Вашингтон да даде формално одобрение за договорот.Во центарот на спорот е стратешки важната воена база Диего Гарсија, која се наоѓа на архипелагот Чагос и претставува клучна точка за американските воени операции во Индискиот океан.Британската влада нагласува дека безбедноста и долгорочната оперативност на базата остануваат приоритет, додавајќи дека договорот ќе продолжи само доколку има јасна поддршка од САД.Одлуката доаѓа во период на зголемени тензии меѓу Лондон и Вашингтон, особено поради различните позиции околу конфликтот со Иран и користењето на британските бази за воени операции.

Свет | пред 1 седмица

Стармер: „Доста ми е од Трамп“

Британскиот премиер Кир Стармер изјави дека му е „доста“ од Доналд Трамп.За време на посетата на земјите од Заливот, Стармер остро се спротивстави и на израелските напади врз Либан, порачувајќи дека тие „не смеат да се случуваат“.Тој недвосмислено ги осуди израелските воени акции, велејќи: „Ова мора да престане, тоа е мој цврст став, и затоа прашањето не е техничко – дали се работи за прекршување на договорот или не“.Иако напомена дека „не сите ги знаеме сите детали од примирјето“, додаде: „Но, да бидам сосема јасен – тие не се во право“.САД и Израел, од друга страна, тврдат дека договорот за прекин на огнот со Иран не го опфаќа Либан, додека Иран го тврди спротивното.Индекс потсетува дека во средата попладне Израел извршил изненаден напад врз централниот дел на Бејрут, при што за само 10 минути биле погодени 100 цели, во рамки на, како што наведоа, кампања за искоренување на силите на Хезболах поддржани од Иран.Според локалните власти, убиени се околу 112 лица.Израелскиот премиер Бенјамин Нетанјаху изјави дека привременото примирје со Иран нема да го вклучи Хезболах и дека Израел ќе продолжи да „удира со полна сила“.Иран се закани со повторно започнување на војната доколку Израел продолжи со бомбардирањето на Либан, а во знак на протест го запре и поминувањето на нафтени танкери низ Ормускиот теснец.

Свет | пред 1 седмица

Британскиот премиер патува кон Блискиот Исток: Лондон со дипломатска офанзива по договорот меѓу САД и Иран

Британскиот премиер Кир Стармер отпатува на Блискиот Исток, каде ќе се сретне со припадници на Кралското воздухопловство кои учествуваат во заштита на сојузничкиот воздушен простор.Посетата, која била планирана и пред објавата за прекин на огнот меѓу САД и Иран, ќе вклучи и обраќање на премиерот до британските војници на терен.Во својата прва реакција на договорот за примирје, Стармер го поздрави како важен чекор кон деескалација, оценувајќи дека ќе донесе олеснување за регионот и светот.„Меѓународната заедница мора да направи сѐ за овој прекин на огнот да се одржи и да се претвори во траен договор“, изјави британскиот премиер.Тој нагласи дека стабилизацијата на Ормутскиот теснец, како клучна енергетска и трговска рута, е од суштинско значење за глобалната безбедност и економија.Во рамки на посетата, Стармер ќе одржи и билатерални средби со партнери од земјите од Заливот и други регионални лидери, иако од неговиот кабинет засега не откриваат детали за конкретните соговорници.Посетата се случува во чувствителен момент, кога дипломатските напори се насочени кон зачувување на кревкото примирје и спречување на нова ескалација во регионот.

Свет | пред 2 седмици

Жена пронашла торба со оружје на улица во Лондон - ја изгубиле полицајци

Наоружани полицајци кои го чуваат лондонскиот градоначалник Садик Кан заборавиле торба со оружје пред неговата куќа, на што укажала минувачка, пренесуваат медиумите.Градежникот Џордан Грифитс изјавил за The Sun дека неговата девојка ја пронашла торбата на улица во јужен Лондон во вторник навечер.Во торбата имало полуавтоматска карабина Heckler & Koch MP5, пиштол Glock, електрошокер и муниција, јавиле весниците.„Не можев да верувам на своите очи“, изјавил Грифитс за The Sun.Работникот повикал полиција и им кажал што пронашол, по што за неколку минути дошле по оружјето.„Му беше кажано дека торбата ја оставил еден од службениците на полицијата за безбедност на Садик Кан, што има смисла бидејќи тој тука живее.“Полицијата ги потврди неговите наводи и дека оружјето е нивно.„Се верува дека торбата ја изгубиле дежурните полицајци непосредно пред минувачката да ја пронајде“, соопштија од Метрополитенската полиција.„Ова е многу сериозен инцидент и е пријавен кај Управата за професионални стандарди на Метрополитенската полиција. Сега мора да се преземат сите мерки за да се обезбеди ваков инцидент повеќе никогаш да не се повтори“, осуди портпаролот на градоначалникот.

Свет | пред 2 седмици

Рускиот амбасадор во Британија: „Лондон е делумно одговорен за нападите врз Иран“

Рускиот амбасадор во Велика Британија, Андреј Келин, денес оцени дека американската и израелската агресија против Иран е делумно резултат на политиката на Лондон.„Всушност, трагичните настани во Иран и пошироко во регионот се делумно резултат на политиката на Лондон, која им одеше на рака на анти-ирските јастребови во Вашингтон и придонесе за колапсот на Иранскиот нуклеарен договор од 2015 година (JCPOA)“, изјави Келин, пренесува RIA Novosti.Тој посочи на, како што рече, цинизамот на Лондон, кој ја критикува иранската одмаздничка акција без осуда на воените злосторства против иранското население.„Судирот на Блискиот исток уште еднаш го откри цинизмот на Лондон. Британската влада се прави дека не забележува кој го започнал конфликтот и кој ја извршил агресијата. Ги критикува Иран поради контранападите, како да тој го започнал конфликтот. Во меѓувреме, ги затвора очите пред воените злосторства против иранските цивили, вклучувајќи убиство на малолетници“, нагласи Келин.САД и Израел на 28 февруари почнаа да напаѓаат цели во Иран.Техеран изведува одмазднички напади врз израелска територија, како и врз американски воени објекти на Блискиот исток.

Свет | пред 2 седмици

Нови е-пораки откриваат: Питер Манделсон сакал да му „среди“ на Епстајн посета на Даунинг стрит за 15-годишно „кумче“

Нови е-пораки објавени од американското Министерство за правда откриваат дека британскиот политичар Питер Манделсон се обидел да му помогне на осудениот сексуален престапник Џефри Епстајн да организира посета на Даунинг стрит 10 и Домот на лордовите за девојче кое Епстајн го нарекувал свое „кумче“, во време кога тој издржувал затворска казна на Флорида поради случај поврзан со малолетничка.Во преписката, Епстајн пишува дека „со Питер Манделсон“ ќе организира патување до „Број 10“ и Домот на лордовите, а потоа директно му се обраќа на Манделсон, нагласувајќи дека „најважната личност“ за него, покрај самиот Манделсон, е девојчето кое ќе биде во Лондон „следната среда и четврток“ и прашува што може да се направи патувањето да биде „посебно“.Манделсон, според истите е-пораки, возвратил со кратко прашање за возраста, на што Епстајн одговорил дека станува збор за 15-годишно девојче, додавајќи дека ќе биде во придружба на родителите и дека „само десет минути“ во Домот на лордовите и Даунинг стрит 10 би ѝ значеле многу. Во продолжение, Манделсон му одговорил дека е „во ред за сè“.Објавените документи дополнително сугерираат дека Епстајн ја користел близината со Манделсон како канал за пристап до влијателни кругови и настани во Британија, иако Епстајн веќе имал статус на осуден сексуален престапник. Во друга порака, поврзана со семејството Дубин, се споменува и принцот Ендру, за кого во јавноста подолго време постоеја сериозни обвинувања поврзани со Епстајн и неговата мрежа.Е-пораките фрлаат светло и врз односот меѓу Манделсон и Епстајн во периодот пред и по апсењето на Епстајн во 2008 година. Според документите, контактот не запрел, а Манделсон наводно се поставил како неформален советник, изразувајќи поддршка и нудејќи насоки за „стратегија“ во моментот кога Епстајн се соочувал со правните последици.Во поновите преписки, се наведува дека комуникацијата меѓу двајцата траела со години, со тврдења дека тие останале во контакт најмалку до 2016 година, а во извештаи што се споменуваат во документите се сугерира дека односот се провлекувал и подоцна. Објавувањето на овие материјали повторно ги отвора прашањата за тоа како Епстајн успевал да одржува врски со високи политички и општествени фигури, и кои институционални механизми потфрлиле во навремено препознавање на ризикот и јавниот интерес.

Свет | пред 2 седмици

Стармер: Британија нема да испрати војници во Иран

Британскиот премиер Кир Стармер изјави дека Обединетото Кралство нема да испраќа војници во Иран и нема директно да се вклучи во војната.„Ова не е наша војна и нема да бидеме вовлечени во неа“, порача Стармер, додавајќи дека Лондон презема исклучиво одбранбени мерки за заштита на своите граѓани, интереси и сојузници во регионот.Тој нагласи дека Британија продолжува со дипломатските напори за повторно отворање на Ормускиот теснец, кој е клучен за глобалната трговија со нафта.Сепак, и покрај ваквата позиција, Велика Британија им дозволи на САД користење на своите воени бази за напади врз цели поврзани со заканите во теснецот, а истовремено распореди и борбени авиони за пресретнување на ирански проектили.Со ова, Лондон се обидува да одржи баланс – без директно учество на терен, но со ограничена поддршка на сојузниците во рамки на пошироката безбедносна стратегија.

Свет | пред 3 седмици

Принцот Хари чека покана од кралот Чарлс: Ќе има ли помирување ова лето?

Принцот Хари се надева дека ќе добие покана од својот татко, Крал Чарлс Трети, за да помине дел од летото со семејството во Сандрингем, објавија британските медиуми, повикувајќи се на извори блиски до војводата од Сасекс.Според тие информации, Хари би сакал да помине „семејно време“ со сопругата и двете деца во Норфолк, но конечната одлука зависи од кралот. Неговите деца, Принц Арчи и Принцеза Лилибет, повеќе од четири години не го виделе својот дедо, последен пат за време на јубилејот на Кралица Елизабета Втора во 2022 година.Извори наведуваат дека Хари би ја прифатил поканата, но неговото доаѓање во Обединетото Кралство е условено од безбедносни гаранции. Тој веќе подолго време инсистира дека не се чувствува безбедно да ја донесе својата фамилија без официјална полициска заштита, која му беше укината по повлекувањето од кралските должности и преселбата во САД во 2020 година.Последната средба меѓу Хари и Чарлс се случила во септември минатата година, кога накратко разговарале во Кларенс Хаус, по пауза од речиси две години. Оттогаш, комуникацијата се сведува на телефонски разговори.Хари се очекува да престојува во Велика Британија во јули, по повод настан поврзан со Игрите на непобедливите и неговите хуманитарни активности. Кралот Чарлс традиционално летото го поминува во Балморал, но дел од јули обично престојува во Сандрингем – што отвора можност за евентуална семејна средба.„Ако кралот сака да ги види децата, доволно е да ги покани“, наведува извор близок до Хари, додавајќи дека одлуката е целосно во рацете на британскиот монарх.

Магазин | пред 3 седмици

Автомобил прегази пешаци во центарот на англискиот град Дерби – повеќе повредени

Повеќе лица се повредени, дел од нив потешко, откако автомобил влетал меѓу пешаци во центарот на англискиот град Дерби, соопшти полицијата.Инцидентот се случил во саботата околу 21:30 часот на улицата Фрајар Гејт, каде што возило удрило во повеќе луѓе.Повредените биле згрижени на лице место од медицински екипи, а потоа пренесени во болница.Полицијата брзо го пронашла и запрела возилото за кое се сомнева дека учествувало во инцидентот, по што бил уапсен возачот – маж во триесеттите години, кој се наоѓа во притвор.Сведоци опишуваат драматични сцени.„Луѓе лежеле на подот. Беше многу застрашувачко. Кога дојдовме зад аголот, имаше луѓе насекаде“, изјавил очевидец за локалните медиуми.Од полицијата наведуваат дека истрагата е во рана фаза и апелираат до граѓаните да достават информации, особено доколку го забележале црниот „Сузуки Свифт“ во времето на инцидентот.Областа околу местото на настанот е затворена за сообраќај, а улицата Фрајар Гејт останува блокирана додека трае увидот.Надлежните уверуваат дека, и покрај сериозноста на настанот, во моментов нема индиции за дополнителна закана за јавноста.

Свет | пред 3 седмици

Предупредување до Европа: Иран распоредува ракети за да го погоди Лондон

Иран ги позиционира своите ракети за да го погодат Лондон, објави британскиот национален весник „Тајмс“, повикувајќи се на израелски разузнавачки и дипломатски извори. Причина за тврдењето се двете ракети испукани кон британската воена база во Диего Гарсија, која е на приближно исто растојание од Техеран како и западноевропските главни градови.„Иранскиот терористички режим претставува глобална закана. Со ракети способни да стигнат до Лондон, Париз или Берлин“, соопшти израелската војска.Изворите на британското издание тврдат дека двете ракети биле предупредувачки сигнал за Европа.Според еден дипломат, целта на Иран била да ги предупреди Велика Британија и европските сојузници, кои ги поддржуваат САД и Израел во обезбедувањето на Ормутскиот теснец. Изворот додаде дека веројатно претходно не било познато дека ракетата се наоѓа во арсеналот на Иран.„Доколку ракетата биде лансирана од северен Иран, нејзиниот дострел би можел да достигне низ цела Европа“, предупреди тој.Се верува дека ракетите се лансирани со најдолг дострел досега. Израелските одбранбени сили потврдија дека ракетата успеала да помине околу 4.000 км.Не е со сигурност познато дали ракетите стигнале до Диего Гарсија. Првата ракета била пресретната од американски брод, а втората паднала откако прелетала околу 3.200 км, приближно 640 км од американско-британската база на островите Чагос.Како одговор, иранскиот министер за надворешни работи, Абас Арагчи, изјави дека британскиот премиер Кир Стармер „ги става во опасност британските животи“.

Свет | пред 4 седмици

(Видео) Антисемитски напад во Лондон: запалени возила на еврејска итна помош

Полицијата во Лондон спроведува истрага откако четири возила на еврејска служба за итна медицинска помош биле запалени во Голдерс Грин.Британската полиција рано утрово соопшти дека истражува подметнување пожар на четири возила на еврејска служба за итна помош во Лондон, наведувајќи дека инцидентот се третира како антисемитско злосторство од омраза.Полицијата била повикана во Голдерс Грин, кварт во Лондон, поради подметнат пожар и оштетувања на четири амбулантни возила кои ѝ припаѓаат на организацијата „Хацола Нортвест“, еврејска волонтерска група што обезбедува итна медицинска помош, пренесува АП.Пожарот предизвикал повеќе детонации на возилата, поради што биле искршени прозорците на блиска станбена зграда, се наведува во соопштението на лондонската противпожарна служба, која додава дека нема повредени, пожарот е ставен под контрола и истрагата е во тек.„Свесни сме дека овој инцидент ќе предизвика голема загриженост во заедницата и затоа полициските службеници остануваат на местото за да ја спроведат истрагата“, изјави началничката на лондонската полиција Сара Џексон, додавајќи дека засега нема уапсени осомничени.Полицијата потврди дека извештаите за експлозии се поврзани со гасни канистри во амбулантните возила, поради што биле евакуирани блиските станбени објекти.Според податоците на Фондот за безбедност на заедницата, кој работи на заштита на еврејската заедница во Лондон, бројот на антисемитски инциденти пријавени низ Велика Британија значително се зголемил од почетокот на војната меѓу Израел и Хамас во Појасот Газа кон крајот на 2023 година. Во 2025 година биле евидентирани 3.700 антисемитски инциденти, наспроти 1.662 во 2022 година.

Свет | пред 4 седмици

Британски министер: Имаме одбрана што ја гарантира безбедноста, нема да бидеме вовлечени во војна

Британскиот министер Стив Рид изјави дека Обединетото Кралство располага со одбранбени системи кои ја гарантираат безбедноста на земјата, реагирајќи на тврдењата за дометот на иранското оружје и потенцијалната закана за европските метрополи.Изјавата доаѓа откако израелските одбранбени сили соопштија дека Иран поседува вооружување кое може да достигне градови како Лондон, Париз и Берлин. Овие тврдења, според британските медиуми, засега не се независно потврдени.Рид, говорејќи во утринска политичка емисија, одби да навлегува во детали за воените капацитети на Иран, но потенцираше дека Велика Британија има воспоставени системи што обезбедуваат заштита на државата.„Имаме системи и одбрана што ја гарантираат безбедноста на Обединетото Кралство и така ќе остане“, изјави министерот.Тој нагласи дека Лондон нема намера да влезе во војната, ниту да дозволи да биде вовлечен во конфликтот, но додаде дека ќе се преземат сите неопходни мерки за заштита на националните интереси, граѓаните и сојузниците.Во однос на најновите случувања, Рид потврди дека според проценките на британската влада, Иран испалил два проектила кон воената база Диего Гарсија. Едниот, како што наведе, откажал во текот на летот, додека другиот бил успешно пресретнат.Изјавите доаѓаат во момент на зголемени тензии на Блискиот Исток и растечки стравувања од поширока ескалација, при што европските држави внимателно ја следат безбедносната состојба и потенцијалните закани за сопствената територија.

Свет | пред 1 месец

Епидемија на менингитис во Британија, бројот на случаи се искачи на 29

Бројот на случаи на менингитис, во Велика Британија, се зголеми на 29, соопштија здравствените власти.Од заразените, 13 од 18 потврдени случаи припаѓаат на менингококната група Б (MenB).Спортската сала во Кент, претворена во привремен центар за вакцинација на Универзитетот, беше отворена порано за да се одговори на големата побарувачка. Стотици луѓе чекаат во ред за да ја примат вакцината.Менингитисот обично се појавува како поединечен, изолиран случај. Денес е редок во Обединетото Кралство, но повремено се појавуваат помали жаришта, како случајот од 2023 година кога две бебиња во градинка на северот на Англија се заболени.Поголеми епидемии се случувале и претходно. За време на 1980-тите, се забележани 65 случаи на менингитис тип Б, вклучувајќи и два смртни исходи, во Глостершир, но тие случаи биле пријавувани во период од четири и пол години, а не за време на една недела.

Свет | пред 1 месец

Британија би можела да испрати илјадници дронови на Блискиот Исток

Премиерот на Обединетото Кралство, Кир Стармер, би можел да испрати илјадници дронови-пресретнувачи на Блискиот Исток како дел од мерките за зајакнување на одбраната во регионот, објави Телеграф.Според извештајот, британските воени претставници разгледуваат дали системот за пресретнување беспилотни летала „Октопус“, кој се произведува во Велика Британија за потребите на Украина во одбраната од Русија, може да се искористи и против иранските дронови „Шахед“.Овој систем би можел да се употреби за зајакнување на британската одбрана од можни напади со беспилотни летала во регионот, особено по ескалацијата на тензиите со Иран.Агенцијата Ројтерс наведува дека засега не можела независно да ја потврди информацијата објавена од британскиот весник.

Свет | пред 1 месец

Британските пратеници го отфрлија предлогот за забрана на социјалните мрежи за лица помлади од 16 години

Пратениците во парламентот на Обединетото Кралство го отфрлија предлогот за забрана на користење социјални мрежи за лица помлади од 16 години.Предлогот за ограничување на возрасната граница претходно оваа година доби поддршка од голем дел од јавноста, по сè погласните повици од бројни активисти. Поддржувачите на забраната, по примерот на Австралија, сметаат дека родителите на тинејџери се ставени во „лоша позиција“ поради штетите на интернет на кои се изложени нивните деца.Против предложената измена на Законот за благосостојба на децата и училиштата, што ја предложи поранешниот конзервативен министер Џон Неш, гласаа 173 пратеници, додека 134 беа „за“, од вкупно 307 пратеници.Сепак, забраната би можела да се реализира во иднина. Според амандманот што беше усвоен, министерката за наука Лиз Кендал би можела „да го ограничи или забрани пристапот на деца од одредена возраст до услугите на социјалните мрежи и чет-ботови“.Кендал би можела да го ограничи и користењето виртуелни приватни мрежи (VPN) за деца, како и пристапот до функции што создаваат зависност, како и да ја промени возрасната граница за дигитална согласност во Обединетото Кралство, им изјави на пратениците министерката за образование Оливија Бејли.Додека пратениците ги разгледуваат измените предложени од Горниот дом, Бејли изјави:Многу родители и активисти повикаа на целосна забрана на социјалните мрежи за лица помлади од 16 години. Други, вклучително и добротворни организации за деца, предупредија дека општата забрана би можела да ги насочи децата кон помалку регулирани делови од интернетот или да доведе до тоа тинејџерите да бидат неподготвени кога ќе почнат да го користат интернетот. Затоа владата минатата недела започна консултации за да добие мислења кои ќе ни помогнат во обликувањето на идните мерки и ќе обезбедат нашите деца да растат во побезбеден, поздрав и побогат однос со онлајн светот.Во текот на консултациите ќе се разгледува дали треба да се одреди минимална возраст за користење платформи на социјалните мрежи и дали платформите треба да ги исклучат функциите што создаваат зависност, како автоматската репродукција.

Свет | пред 1 месец

(Видео) Британски авиони соборија дронови над Блискиот Исток

Британски борбени авиони во текот на ноќта собориле беспилотно летало во одбрана на Јордан, а пресретнале и уште еден дрон кој летал кон Бахреин, соопшти британското Министерство за одбрана.Според официјалните информации од Лондон, операцијата е дел од пошироки активности за заштита на сојузниците во регионот и на британските воени бази.Истовремено, Велика Британија започнала и одбранбени летови во поддршка на Обединетите Арапски Емирати. Овие активности се дел од поширокото распоредување дополнителни британски воени сили на Блискиот Исток и во источниот Медитеран.Британското Министерство за одбрана соопшти и дека дополнителни хеликоптери од типот „вајлдкет“ пристигнале на Кипар, откако британската воздухопловна база на островот минатата недела била цел на напад со дрон.

Свет | пред 1 месец

Велика Британија бара деескалација на Блискиот Исток за да се спречи раст на цените на енергијата

Брзата деескалација на конфликтот на Блискиот Исток е најдобриот начин да се спречи нов раст на цените на енергенсите и горивата, изјави британската министерка за финансии Рејчел Ривс.Таа пред британските пратеници нагласи дека стабилизацијата на безбедносната состојба во регионот е клучна за задржување на цените на горивата на пониско ниво и за заштита на потрошувачите од нови економски притисоци.„Јасно е дека најдобриот начин да се задржат ниски цените на горивата е брза деескалација. Ќе продолжам внимателно да ги следам цените како што ќе се развива ситуацијата“, изјави Ривс.Министерката додаде дека побарала од регулаторните тела внимателно да ги следат цените на основните производи, особено на патните горива, за да се спречат можни злоупотреби во време на криза.„Нема да дозволам ниту една компанија да ја искористи сегашната криза за да оствари прекумерна добивка на сметка на потрошувачите“, порача Ривс.

Свет | пред 1 месец

Иран му се закани на Лондон: Бидете многу внимателни со вклучување во војната

Иранскиот амбасадор во Лондон, Сејед Али Мусави, ја предупреди Велика Британија да биде „многу внимателна“ со евентуално подлабоко вклучување во војната, истакнувајќи дека Техеран ќе има право на самоодбрана доколку британските сили директно се приклучат на американско-израелските напади.Во интервју за Би-Би-Си, Мусави изјави дека Иран очекува британската влада, како и другите западни влади, да постапуваат „многу внимателно и претпазливо“ во сегашната ескалација на конфликтот.Велика Британија им дозволи на Соединетите Американски Држави да користат британски воени бази за, како што велат британските министри, одбранбени удари врз ирански цели, но официјално не се приклучи директно на нападите. Иранскиот амбасадор оцени дека е „добро“ што Лондон не е директно вклучен во конфликтот, додавајќи дека британската влада, според него, извлекла поука од инвазијата врз Ирак во 2003 година.Сепак, Мусави нагласи дека секоја база што ќе се користи за напади врз Иран ќе се смета за легитимна цел.„Доколку објекти, имот или бази се користат против иранскиот народ, тие ќе се сметаат за легитимни цели“, изјави тој.На прашањето дали Иран ќе ги прекине нападите врз воени бази надвор од Израел, Мусави одговори дека тоа ќе зависи од потезите на САД и Израел.„Ако агресијата продолжи, нема сомнеж дека ќе се браниме. Ако тие сакаат да ги користат тие воени бази, иако ние тоа не го сакаме, нема сомнеж дека ќе се браниме во согласност со тоа“, рече иранскиот амбасадор.Конфликтот влезе во втората недела откако САД и Израел извршија напади врз цели во Иран, по што Техеран возврати со удари на повеќе локации во регионот, меѓу кои и во Кувајт, Обединетите Арапски Емирати, Саудиска Арабија, Бахреин, Оман и Ирак, како и во близина на британска воздушна база на Кипар. И покрај извинувањето што иранскиот претседател Масуд Пезешкијан го упати до соседните земји во Персискиот Залив, иранските власти најавуваат дека нападите врз американските воени бази ќе продолжат сè додека траат нападите врз Иран.

Свет | пред 1 месец

САД започнаа да користат британски бази за одбранбени операции против Иран

Соединетите Американски Држави започнаа да ги користат британските воени бази за одредени операции против Иран во конфликтот на Блискиот Исток, соопшти британската влада.Британското Министерство за одбрана наведе дека САД користат воени локации за „одредени одбранбени операции со цел да се спречи Иран да лансира проектили во регионот“. Премиерот на Велика Британија, Кеир Стармер, ја разгневи американската страна, предводена од претседателот Доналд Трамп, откако првично одби да учествува во американско-израелскиот конфликт против Иран, кој започна на 28 февруари.Подоцна, Стармер се согласи со американскиот предлог за користење на две британски воени бази за „одредени и ограничени одбранбени цели“. Едната се наоѓа во Феирфорд, а другата, британско-американската база Диего Гарсија, на островите Чагос во Индискиот Океан.Во саботата, бомбардерот на американските воздушни сили B-1 Lancer слета во Феирфорд, додека американскиот авион C-5 Galaxy беше забележан на пистата, додека противвоените демонстранти протестираа пред базата.Трамп ја критикуваше Велика Британија и го исмеа Стармер, велејќи дека „ова не е Винстон Черчил“ со кого разговара. Стармер, поранешен адвокат за човекови права, ја бранеше својата почетна одлука истакнувајќи дека Обединетото Кралство „секогаш мора да има правна основа и одржлив, добро промислен план“.Тој додаде дека бил во право кога ја промени својата позиција, бидејќи иранските одмазди со дронови и проектили по американско-израелските напади ја загрозуваа британската безбедност и интереси на сојузниците во регионот.Сепак, членовите на владејачката Лабуристичка партија сѐ уште се соочуваат со критики за катастрофалната поддршка на поранешниот премиер Тони Блер за американската инвазија на Ирак во 2003 година.Анкетата спроведена меѓу 1045 Британци, објавена во петок, покажува дека 56 отсто сметаат дека Стармер бил во право што не ја вклучил Велика Британија во почетните напади, додека само 27 отсто мислат дека згрешил.

Свет | пред 1 месец

Американски бомбардери Б-1 Лансер пристигнаа во Британија, се очекуваат летови во наредните денови

Американски бомбардери во наредните неколку дена би можеле да започнат со летови од Велика Британија, изјави началникот на Генералштабот на британската армија, Ричард Најтон.Тој посочи дека американските бомбардери, кои во текот на ноќта пристигнале во воздухопловната база РАФ Ферфорд, би можеле да започнат операции во следните денови.Во Велика Британија слетал и американскиот стратегиски бомбардер Б-1 „Лансер“, познат под прекарот „Бон“, кој може да носи до 24 крстосувачки ракети.Според британските воени власти, распоредувањето на бомбардерите претставува дел од тековните подготовки и координација меѓу сојузниците во услови на зголемени тензии на Блискиот Исток.

Свет | пред 1 месец

Трамп: Односот со Британија повеќе не е како порано

Доналд Трамп го критикуваше британскиот премиер Киер Стармер поради неговата улога во американските напади врз Иран, истакнувајќи дека не бил од помош и дека односот меѓу двете земји очигледно не е како порано. Во разговор за британскиот весник The Sun, Трамп го изрази разочарувањето од ставот на Обединетото Кралство.Никогаш не би го очекувал ова од Обединетото Кралство“, рече Трамп во телефонско интервју, додавајќи дека особено не би очекувал таков однос од нив.Споредувајќи ги со другите сојузници, тој посочи дека Франција и другите земји биле одлични, додека Обединетото Кралство се покажало сосема поинакво.Критиката на Трамп доаѓа по променливиот став на британската влада, која првично ја одбила САД за употреба на британските бази за напади врз Иран, а подоцна прифатила, како што наведе, одбранбени акции.Стармер во понеделник во Долниот дом на Парламентот нагласи дека владата не верува во промена на режимот од воздух, мислејќи на нападите.

Свет | пред 1 месец

Стармер: Морам да го штитам интересот на Велика Британија, не се придружуваме на напади врз Иран

Британскиот премиер Кир Стармер се обрати пред пратениците во Долниот дом на Парламентот за ситуацијата на Блискиот Исток и одлуката да ѝ се дозволи на САД да користат британски воени бази за „одбранбени“ напади врз Иран.На почетокот, Стармер нагласи дека Обединетото Кралство не учествувало во почетните напади врз Иран, и дека тоа било „намерна“ одлука.„Најдобриот пат понатаму е преку преговори“, рече Стармер, додавајќи дека тоа подразбира дека Иран треба да се откаже од „секоe тежнеење за развој на нуклеарно оружје и да ги запре „дестабилизирачките активности“ во регионот.Потврди дека американскиот претседател Доналд Трамп „изразил несогласување“ со британската одлука да не се вклучи веднаш во нападите, но истакна:Моја должност е да проценам што е во национален интерес на Британија“ и дека стои зад своите одлуки.Стармер додаде дека Велика Британија нема да се придружи на американските и израелските напади врз Иран.Американските власти побарале дозвола да ги користат британските бази за да го спречат лансирањето на иранските проектили „на изворот“, додека се во складишта или подготвени на лансери. Стармер рече дека го прифатил тоа барање „за да се спречи Иран да лансира проектили низ регионот“ и да убива цивили.Тој нагласи дека Лондон не учествува во офанзивни операции, туку дозволува активности насочени кон одбрана. Франција и Германија, како што додаде, се подготвени да им овозможат на САД активности во своите бази за уништување на иранските капацитети за лансирање проектили.Стармер исто така рече дека Иран постапува „сè поспонтано“ и дека неговата должност е да ги штити британските животи. Затоа, британските борбени авиони биле подигнати во воздух „во рамките на координирани одбранбени операции“.Тој посочи дека овие операции веќе дале резултати, вклучувајќи уништување на дрон што се упатувал кон база каде што се сместени британски војници.

Свет | пред 1 месец