ФР

Со овој предлог нема да почнеме преговори и вечно ќе бидеме заглавени, ставот на ВМРО-ДПМНЕ е НЕ за ултиматум, НЕ за асимилација, вели Ковачки

Се што прави власта сега една обична фарса која ќе заврши во еден ѕид од каде нема да се оди напред. Со ова што го планира власта нити ќе почнат преговори, ни ќе тече мед и млеко од утре. Практично Македонија ќе остане заглавена вечно во овој процес, изјави за „Заспиј ако можеш“ пратеникот од ВМРО-ДПМНЕ, Драган Ковачки.Ковачки истакна дека владата за да избега од одговорност се обидува да ја префрли одговорноста во Собранието каде што се надеваат дека ќе се изгласа предлогот, но како што посочи треба да биде јасно дека ВМРО-ДПМНЕ нема да поддржи промена на Устав.- Тоа што е доставено од владата во Собрание е еден лист хартија која што информативно го праќаат да се запознаеме. Владата се обидува да ја префрли одговорноста на Собранието и с сака да го понижи Собранието на начин на којшто е својствен. Изминатиов период видовме како владата се поставуваше на Собранието, кое го гледа како гласачка машинерија. Тие знаат дека имаат 61 пратеник и можат да го изгласаат предлогот. Сепак треба да знаат дека промена на Устав, ВМРО-ДПМНЕ не поддржува, за тоа им требаат 80 пратеници и ние нема да поддржиме, рече Ковачки.Тој потенцираше дека ставот на ВМРО-ДПМНЕ е НЕ за ултиматумот, нашиот став е НЕ за бугаризација и НЕ за асимилација.- За протоколот имавме можност да ја слушнеме бугарската министерка за надворешни работи, Генчовска која кажа дека протоколите се усогласени и имале договор со Османи да не се излегува во јавност. Но гледаме дека протекоа тие протоколи. Во неколку наврати ние ги повикувавме да објаснат за што преговараат и ако се преговара за идентитет, историја и јазик, треба Собранието да биде запознаено во најмала рака. Членка на НАТО која сака да биде дел од ЕУ крие документи. Кога криете нешто, очигледно е дека има нешто што е надвор од дозволеното од тоа што може да се прифати, рече Ковачки.Ковачки истакна дека изгласана е Резолуција во Собрание која е обврзувачка за владата и владата е должна да постапува по неа.- Ако беше се во согласност со Резолуцијата, зошто не објават јавно? Го лажат народот, влегуваат од една лага во друга. Факт е дека ќе менуваат учебници, ќе менуваат споменици на македонските херои, факт е дека македонскиот јазик на правата конференција треба да има бугарска изјава која ќе не прати во цел процес на преговори? Кого го дефокусираат? Поглавје 34 кажува дека кога ќе дојде на крај да се одлучува за јазикот повторно ќе се отвори прашањето, нагласи Ковачки.

Скопје | пред 3 години

Џафери реши, францускиот предлог ќе оди директно на пленарна седница

На денешната редовна координација свикана од претседателот на Собранието, Талат Џафери, присуствуваа потпретседателот на Собранието, Горан Мисовски, координаторите на пратеничките групи на ВМРО – ДПМНЕ, Никола Мицевски; на СДСМ, Јован Митревски; на ДУИ, Арбер Адеми и на Алијанса на Албанците, Илире Даути, како и претставниците на политичките партии БЕСА, Алтернатива и Левица.„По однос на точката Информацијата за содржината на предлог-преговарачката рамка и дискусијата која што се разви по однос на оваа точка, претседателот нагласи дека согласно член 185 од Деловникот на Собранието претседателот ја доставува Информацијата до пратениците во форма во која што е добиена и нема надлежност да навлегува во нејзината содржина. Во исто време нема деловничка одредба која што му овозоможува на Претседателот да ја врати информацијата до предлагачот. Според процедурата, Информацијата која што е на дневен ред на пленарна седница се усвојува со донесување на Заклучоци по однос на Информацијата.Претсавникот на Владата Бојан Маричиќ одговори дека ќе ги пренесе ставовите на опозицијата и информацииите од Координација до Влада за потребата да се дополни Информацијата со материјалите кои што се јавно достапни за целата јавност, а во Информацијата се наведени како референца. Согласно Деловникот, Претседателот соодветно ќе информира за датумот за свикување на пленарната седница на чиј дневен ред ќе биде Информацијата. За денес е закажана пленарна седница со една точка на дневен ред, Ребаланс на Буџетот, за која што расправата ќе трае до 5 дена“, велат од Собранието.

Македонија | пред 3 години

„Ќе потпишете и ќе јадете бифтеци за 100 денари, мислете на здравје малце, холестероли, триглицериди“, вели Весна Бејби

Весна Птерушевска на денешниот протест пред Собранието порача дека секој еден треба да излезе и да се бори за Македонија.„И мислам и тврдам дека треба секој општествен одговорен и културен работник особено културен работник да ја има општествената одговорност да излезе и да се бори за Македонија, затоа што ние сме тие кои што играме на сцена, кој што снимаме на телевизија, кој снимаме македонски филмови, кои сме амбасадори на нашата култура, како да сме амбасадори на македонската култура, како, со сменет идентитет, со тоа што вие таму некои ќе потпишете и ќе јадете бифтеци за 100 денари. Па мислете на здравје малце, холестероли, триглицериди, малку од малку, бидете витки, згодни, вели Петрушевска.

Македонија | пред 3 години

„Преку глава ни е, цела држава да оди во погрешна насока, затоа што така им текнало во Муртино и Зајас“, вели Попов

Денес сме повторно овде собрани за да кажеме НЕ, не на асимилација, не на бугаризација и не на бришење на нашиот македонски национален идентитет. Последнава недела сме секој ден на улиците да го искажеме нашето мислење околу бугаризацијата завиткана во француска обланда која ни ја сервираат замислете како најдоброто нешто што ни се има случено. Пак ќе ве прашам што имаме да им порачаме на домашните предавници и на бугарските шовинисти, вели Сергеј Попов, претседател на подмладокот на ВМРО-ДПМНЕ на денешниот протест „Ултиматум НЕ – благодарам“ пред македонското собрание.Попов потенцираше дека власта не ја интересира за егзодуст на младите во Македонија, нагласувајќи дека на младите им е преку глава од оваа власт бидејќи носи погрешни одлуки и ја носи државата во погрешна насока.За егзодусот на младите од Македонија господата во Влада не ги интересира, како да не си одат младите кога ги лажевте за гаранција за вработување, за висок стандард а на крај само ќе ги оставите без матична држава. Преку глава ни е, цела држава да оди во погрешна насока, да се носат одлуки против желбите на народот затоа што така им текнало во Муртино и Зајас. Ова веќе не може, јас и младите ви кажувам нема да ви помине неказнето, порача Попов.Преку глава ни е да слушаме за теми од 19-ти век, ние сакаме да зборуваме за иднината, да зборуваме за развој и прогрес, но немој да нè потцените и да се излажете дека ни е сеедно! Нема да дозволиме и нема да прифатиме бришење на идентитетот и сквернавење на историјата и фактите од минатото, нема да признаеме и да ги трансформираме бугарските фашисти во некакви си администратори. Нема да ја заборавиме Ваташа и дванаесетмина кои загинаа, нема да ги заборавиме илинденците, асномците, петте струмички студенти и сите оние кои животот го положија за слободна и независна Република Македонија. Тие гинеа, а овие во Владата продаваат, ќе продадат сè само да не ги изгубат власта, за пуста власт живи луѓе ќе јадеа, а ние од нив очекуваме да се борат за нас и нашите интереси. Од нив можеме да очекуваме само ново предавство, но овој пат овој кроток народ нема да ви дозволи, нема да ви помине, бидејќи сите во еден глас ви порачуваме НЕ, потенцираше Попов.Попов упати порака до сите млади да се приклучат на протестите и да не дозволат различните политички ставови да ги оттргнат од оваа борба која ги обединува.Порака до моите врсници и до оние помлади од мене: ве замолувам да излезете масовно и приклучите се, немојте политичките ставови по други прашања да ве оттргнат од оваа борба која сите не обединува, не дозволувајте поради пиење кафе, излегување, шетање да се намали масовноста и да им пројде ова предавство, рече тој.

Македонија | пред 3 години

„Оваа преговарачка рамка ја носи државата во ќорсокак, 73% од Македонците се против неа“, вели Милошоски

Милошоски: Преговарачката рамка треба да се подобри бидејќи ваква каква што е ја носи државата во ќорсокак-Во Собранието засега има само девалвирање на законодавниот дом од страна на Владата бидејќи стигнат е еден документ од еден лист во кој ја нема ниту преговарачката рамка во целина таа што можевме да ја видиме на медиумите, ниту општиот став и заклучоци од страна на ЕУ, а најмногу се крие двостраниот македонско-бугарски протокол и сметаме дека спикерот Џафери треба да ги побара од Владата сите овие документи за да може да дебатираме инаку на што би дебатирале. Но, во секој случај утре ќе бидеме во Собрание бидејќи почнува ребалансот на буџетот и дебатата за истиот.Ќе направиме се што е во наша моќ во Собранието ова да не оди брзо и лесно и ќе направиме се што треба да го претставиме мислењето на граѓаните каде што 73% од Македонците се против оваа преговарачка рамка која ја нарекуваме француска, а всушност бугарскиот премиер Кирил Петков денеска кажа дека тоа е бугарска преговарачка рамка која што станала европска и сметам дека истата е пораз на бугарската дипломатија и тоа во Собранието ќе го разобличиме темелно, истакна Антонијо Милошоски, пратеник во Собранието и член на ИК на ВМРО-ДПМНЕ во своето гостување во вестите на Сител.Тој во текот на своето гостување потенцираше дека не е точно дека не може да се смени нешто во однос на преговарачката рамка затоа што таа рамка треба да има конкретни и содржински измени.-Гледам дека Владата се обидува да ја релативизира лошата преговарачка рамка на која што веројатно се согласиле и сега Македонија е доведена пред свршен чин. Јавноста експертска, новинарската, законодавната преку пратениците да прифати нешто, еден лош договор кој што македонската дипломатија не успеала да го направи подобро. Не е точно дека не може да се смени нешто затоа што ова преговарачка рамка треба да има конкретни, содржински измени за да биде текст кој што ќе може да ни служи во следните 15-20 години, колку и да преговараме, рече пратеникот, кажа тој.Тој посочи дека преговарачката рамка треба да се подобри бидејќи ваква каква што е ја носи државата во ќорсокак.-Хрватска за време на своите преговори имаше на почетокот одредени за неа неповолни позиции, но се обеденија сите и успееја да си издејствуваат подобра позиција. Сакам да кажам ако има сериозна држава, сериозна дипломатија, ако има добра сплотеност на Собрание, на претседател, на Влада, преговарачката рамка може да се подобри и треба да се подобри бидејќи ваква што е не води во ќорсокак. Ниту нуди европска перспектива, јасна и конкретна, ниту нуди подобра односи со Бугарија, напротив ќе имаме поголеми тензии и дополнително со барањето за смена на Уставот само ќе создава поларизација во Македонија. Ние имаме 3 штетни последици од ваквата преговарачка рамка, додаде Милошоски.

Македонија | пред 3 години

Весна Бејби до Макрон: „Македонка сум, ако не разбираш ќе ти преведеме“

Јас сум против насилство, и цел живот се борам против тоа. За македонскиот јазик не се преговара. Македонија е тврдина која мора да ја одбраниме, изјави Весна Бејби на денешниот протест пред Собранието.„Како сакате да ни го смените идентитетот, да не асимилирате, како сакате да се вика мојот театар ако не Македонски народен театар.Оние одонаде сакаат да не скараат и на голорак народ да пукаат во нас. Не може! Не смееме да дозволиме затоа што мора да им покажеме дека сме единствени и дека никој нема да предизвика меѓунационална војна. Какво безобразие и лицемерие. Оние кои мислат дека се бројка од 61 зимаат пари од нас, од нашиот данок кој го плаќаме.Ние треба секој ден да кажеме НЕ. Како јас на моите деца да кажам дека од утре нема да сме Македонци, учебниците ќе ни ги редактираат. Тие ќе ни кажуваат што да учиме и кој бил Никола Карев.Треба цела Македонија да се дигне на нозе! Јас се обидувам да не сум патетична, туку разумна, да ги разберам зошто би преговарале, кога и вака и онака 15 години нема да влеземе во ЕУ“, изјави Весна Бејби.Таа му се обрати и на Макрон и му порача дека е Македонка„Македонка сум. Ако не разбираш ќе ти преведеме“, вели Весна.„Ние сме тие кои играме на сцена, снимаме на тв, кои сме амбасадори на македонската култура. Како да сме амбасадори на македонската култура? Со сменет идентите? Со тоа што вие таму ќе потпишете и ќе јадете бифтеци за 100 денари. Па мислете на здравје малце, холестероли, триглицериди, малку од малкубидете витки згодни.Со достоинство и честа се раѓате.Секој ден на протест додека да ја срушиме оваа влада“, додаде таа.

Македонија | пред 3 години

(ВО ЖИВО) Атмосферата на новиот протест против францускиот предлог

Денес во Скопје ќе се одржи уште еден протест против францускиот предлог.„Денес продолжуваме помасовно и побројно против отворената бугаризација и асимилација. Да се обединиме под македонското знаеме. Повикуваме секое семејство на својот балкон или прозорец да го развиори македонското знаме. Денес продолжуваме со протестен марш. Во 19 часот пред Влада, преку министерство за правда каде ќе порачаме дека Уставот не е тоалетна хартија, па се до Собранието. Масовно, мирно и достоинствено да протестираме, народот да е последната брана против нечесната игра која ќе направи насилна бугаризација на народот и Македонија. Да кажеме НЕ на Ултиматумот“, велат организаторите на протестот.

Македонија | пред 3 години

Со прифаќењето на предлогот владата добива само фотографија, а Македонија добива бесконечни преговори или асимилација, вели опозицијата

Власта на СДСМ и ДУИ ја лажат македонската јавност. Со денови манипулираат и кријат што содржи протоколот договорен со Бугарија или ако сакате годишниот извештај, документ кој е клучен во текот на преговорите. Токму во овој документ се уредени сите клучни барања на Бугарија и е врамен во преговарачката рамка, вели ВМРО-ДПМНЕ„Бидејќи власта го крие, информациите за овој документ ги дознаваме од странски медиуми. Овој протокол предвидува конкретни обврски на Македонија кон Бугарија, диктат кога и кој учебник треба да се промени, диктат која лекција за некој историски настан или лик треба да се промени, диктат кој споменик да се објаснива со натпис, како ќе се уредува наводниот говор на омраза и слични други понижувачки моменти за Македонија кои водат до асимилација.Затоа на Власта и се брза со наводните консултации. Затоа им се брза и со собраниската расправа, која нема апсолутно никаква врска со процесот, бидејќи се работи за МЕЃУВЛАДИНА конференција. Единствената реална улога која ќе ја има собранието е кога ќе треба да гласа по уште една уцена за почеток на преговорите, а тоа е промената на Уставот. ВМРО-ДПМНЕ ги уверува граѓаните дека оваа уцена нема да дозволи помине.Манипулациите на власта не поминуваат кај граѓаните, кај експертската јавност и интелектуалците. Огромно мнозинство од народот вели не на ваквите диктати, ултиматуми и асимилација. Народот знае дека со прифаќањето на ваков предлог владата добива само една фотографија, а Македонија добива или бесконечни преговори или асимилација. Затоа народот масовно, достоинствено и мирно, но сепак гласно и јасно вели Ултиматум, НЕ благодарам“, се вели во соопштението.

Македонија | пред 3 години

Ангелов против францускиот предлог: Некоректно е да се појавам на протеститe

Претседателот на Достоинство и директор на ЦУК, Стојанче Ангелов го осудува насилството на протестите врз полицајците и истакнува дека не заслужиле да бидат мавани со камења пред очите на нивните родители, деца или сопруги.Ангелов вели дека францускиот предлог ваков каков што е, е неприфатлив, но, додава, би било некоректно да се појави на протестите против него, затоа што е дел од коалицијата на власт.– Јас како поискусен политичар можам да проголтам неколку работи, но со овој предлог ние не добиваме датум за преговори. Покрај тоа што е во одредени делови е понижувачки за нас Македонците, ние нема да добиеме датум, се додека не се случат уставните измени и тешко ќе биде да се обезбеди дветретинско мнозинство. Јас сум против внесување на Бугарите во Уставот затоа што нивната бројка е минорна – потенцира Ангелов во емисијата „Само вистина“.

Македонија | пред 3 години

Апасиев: Во Собранието ќе биде многу тензично, ќе се шверцува францускиот предлог

Лидерот на Левица, Димитар Апасиев вели дека во понеделник треба да се видат што собранието треба да донесе, каков акт треба да донесе, бидејќи никој не знае.„Дали ќе донесеме одлука или заклучок некаков си, дали ќе им го врати на Влада, така што не знаеме што ќе прави Џафери.Меѓутоа мислам дека во Собранието ќе биде многу тензично, кога ѓе се носи тоа. Според моите информации ќе се обидат да ја прескокнат комисиската расправа и ќе оди директно на пленарна што е противделовнички што значи повторно ќе се шверцува. Тогаш мислам дека ќе има тригер за поголемо собирање пред Собранието. Ние од внатре, народот од надвор, мислам дека ќе спречиме ново предавство кое е десеткратно поголемо од преспанското предавство“, вели Апасиев

Македонија | пред 3 години

Амбасадорката убедува: Треба да донесете уште една тешка одлука

Амбасадорката на САД во Македонија, Кејт Мери Брнз преку отворено писмо се обрати до јавноста. Таа вели дека до сега Македонија донесе многу тешки одлуки со очекувања за напредок, а сега треба да се донесе уште една.Писмото ви го пренесуваме во целостВашата земја достигна историски момент во своето долго и со предизвици полно патување кон нејзината евроатлантска иднина. На вашиот пат наидовте на блокади и одложувања, и се соочивте со предизвици по однос на македонскиот јазик и идентитет, кои се суштински дел од тоа што ве прави нација. Донесовте тешки одлуки со очекувања за напредок. Сега треба да донесете уште една. Токму заради предизвиците со кои се соочивте и оние со кои може да се соочите во иднина, САД ве охрабруваат да продолжите по тој пат со сегашниот предлог за пристапување во ЕУ.Не ви треба потсетување дека низа влади и пошироката јавност две децении работеа и сеуште работат на пристапувањето кон ЕУ. Како сојузник, партнер и пријател, ние имаме реален интерес во обезбедувањето на вашата Евро-Атлантска иднина. Го одиме овој пат заедно од 2004 година, спроведувајќи програми и обезбедувајќи помош во реализирањето на вашите аспирации и за НАТО и за ЕУ. Ја остваривте првата аспирација. Сега сакаме да ве видиме како ги остварувате придобивките што произлегуваат од активниот процес на пристапување кон ЕУ и ги користите правата како земја членка на ЕУ.Пристапувањето кон ЕУ ќе ја направи вашата земја посилна. Зачленувањето во меѓународна организација, уште повеќе учеството во тие процеси, е напорна работа и бара тешки одлуки. Тоа веќе го знаете. Веќе сте носеле такви одлуки. Но прифаќањето на овој предлог значи дека конечно ќе имате место на масата за пристапни преговори. Тоа ве става во истата просторија со земјите-членки на ЕУ, од кои многу се ваши блиски партнери и сојузници. Европската комисија ќе ги прима вашите тимови во Брисел и ќе испраќа свои експерти тука на терен, за да го спроведат процесот на скрининг и самите да станат сведоци на живото демократско општество овде. Откако ќе ги започнете преговорите ќе имате повеќе алатки на располагање и, благодарение на новата методологија, ран пристап до фондовите и програмите на ЕУ, кои ќе можете да ги користите за реализација на сопствените цели и изградба на иднина каква што посакувате за себе и за вашите деца. А тогаш кога ќе бидете членка на ЕУ, ќе имате еднаков глас внатре во Унијата, исто како што сега имате во НАТО.Прашањата содржани во предлогот се технички и ви беа презентирани без многу време за јавна дебата. Разбираме дека предлогот не е таков каков што вие би го подготвиле доколку би имале можност еднострано да ги диктирате условите – но тој го признава македонскиот јазик и идентитет и ги заштитува од понатамошни предизвици. Иако можеби не е совршен, предлогот го прави она што е потребно: ги заштитува вашите клучни интереси и овозможува отпочнување преговори и динамичен процес на скрининг. Според нашето прагматично гледиште тој претставува реално најдобра можност конечно да ја придвижите вашата земја напред на патот кон ЕУ, истовремено зајакнувајќи ја вашата улога во одлучувањето за сопствената иднина.Изборот да продолжите напред е ваша одлука како суверена нација. Знаеме дека одлуката е тешка. Но одлуката ќе остане ваша и кај вас и низ целиот пристапен процес. Кога ќе сте на преговарачката маса, и кога ќе сметате дека вашите забелешки не го добиваат потребното внимание, ќе имате можност да направите различни избори. Но, треба да го направите првиот чекор за да стасате до вториот.Суштината на демократијата е слободата на избор. Суштината на пријателството е да ги поддржуваме одлуките на нашите пријатели и да повикаме на храброст во времиња на предизвици. Како ваш пријател, Соединетите Американски Држави се надеваат дека ќе го изберете најдоброто за вашата земја денес, а и за нејзината иднина.

Македонија | пред 3 години

„Утре блокади низ цела Македонија, додека храбрите пратеници се борат за одбрана на Македонија“, најави Боцевски

Веќе шести ден протестираме овде. Си го браниме нашиот идентитет, државата, културата. Лажеа дека не преговараат. Оваа рамка ја преговарал премиерот Ковачевски, Пендаровски. Ја преговарале Маричиќ и Османи. Не гледаа во очи не лажеа, го знаат документот од точка до запирка, изјави Ивица Боцевски пред Собранието на Македонија.„Вечерва сум емотивен, гледате колкава е Македонија и колку е моќна кога маршира во една колона а три знамиња, на Асномска Македонија, знамето со сонцето од Кутлеш и државното знаме.Се обидоа да не разбијат и скршат. Се сеќаваме што направија вчера, кога на нас вперија пиштоли. Сакаа крв да падне, и во црно да ја завијат Македонија. Одговорноста е кај Ковачевски, Спасовски, Османи“, додаде тој.Боцевски изјави дека нема промена на македонската историја и македонскиот јазик.„Овие кукаквици, денес имале седница на Влада, толку немаат срам и образ, ја поминале срамнава преговарачка рамка и ја доставиле до Собранието. Немале образ да кажат што мислат околу тоа. Нашата последна црвена линија е Уставот. Утре ќе имаме блокади низ целата држава со почеток во 13 часот, додека нашите храбри пратеници се борат за одбрана на Македонија“, вели Боцевски.

Македонија | пред 3 години

Тасевски: Од Македонец, Бугар не бидува

Актерот Сашо Тасевски се обрати на денешниот протест пред Собранието на Република Македонија.„Не! ЕУ изневери мак народ. Ни прати некои мажи кои сакаат да се облекуваат во фустанчиња кои самите не знаат што се, а сакаат од нас да потпишеме нешто што знаеме дека не сме.Еве им порака до нив и Бугарите, од Mакедонец, Бугар не бидува. Анте Поповски пееше: со векови бев уплашен со ножот на туѓата рака. Сега овој час сум уплашен со ножот на својата рака во своите плеќи.Таче, Заев, Маричиќ можете да потпишете секакво предавство, но тоа нема да ве направи понапредни, ниту европјани, ниту попаметни, со тоа ќе покажете дека сте продадени души“, рече Тасевски

Македонија | пред 3 години

„Ни недостига едно смирување на топката, насилството треба да не загрижува“, вели Димитров

Ни недостига едно смирување на топката, има по некој такви повици од различни места. Ова со насилството при слободното собирање и протестирање треба да не загрижува и сите политички субјекти имаат одговорност да ја смират ситуацијата. Малку треба да се забави ова панично брзање. Ми пречи што овие широки консултации се како фингирани, вели поранешниот шеф на македонската дипломатија, Никола Димитров.Според него, недостига клучен дел во пакетот – билатералниот протокол.-Не бев на протестите, се мислев. Имав повици од граѓани преку социјалните мрежи да повикам. Размислував за протести пред Европската делегација со македонското знаме и знамето на ЕУ, на некој начин повик кон ЕУ и потсетник за сопствените вредности. Мотото на ЕУ е обединети во различностите. Тоа е дел од темелните договори, рече Димитров во емисијата „Само интервју“.

Македонија | пред 3 години

Нема да можат да ги внесат Бугарите во Уставот, посочи Мицкоски и гарантира дека власта нема 80 пратеници

Немаат 80 пратеници за да ги внесат Бугарите во Уставот. Ова е ставот на Христијан Мицкоски, лидер на ВМРО-ДПМНЕ. Тој смета дури и да го прифатат францускиот предлог, нема да може да ги исполнат ветувањата кои ги дале кон ЕУ.„Продолжуваме протестите со големо народно ‘не’ на дипломатскиот нокаут кој го добивме. Повторно десетици илјадни луѓе излегуваат и протестираат против ова што се подготвува. Тоа претставува чест и обврска. Ја добивме информацијата, преговарачката рамка и оној втор документ кој се заклучоци на Советот на ЕУ, да се пренесе во Собранието. Не знаеме зошто, зошто Владата носи одлука. Владата нема да поддржи уставни измени, што и да се случува со ова национално предавство. Бидете сигурни дека тие немаат 80 пратеници“, кажа Мицкоски.За протестите кажа дека се знаат сценаристите на насилните протести.„Овој народ знае дека силата е во масовноста, не во насилството. Насилството е предавство на вредностите во кои веруваме, а тоа е мирен и демократски начин на изразување незадоволство на ова што го подготвува ненародната власт. Сакам да порачаме големо ‘не’ на насилниците кои се обидуваат да го контаминираат овој протестот“, додаде тој.

Македонија | пред 3 години

Масовно и мирно, протестите продолжуваат и вечерва

„Власта на СДСМ и ДУИ ја силуваат волјата на граѓаните и свесно сценираат инциденти. Еднаш тоа го прават преку уфрлени провокатори на протестите, друг пат преку вооружени инциденти за кои полицијата не реагира“, смета ВМРО-ДПМНЕ.Тие додаваат:Целта е јасна. Да го заплашат и одвратат народот од гласното и масовно противење на нивната анационална политика. Впрочем сценариото на власта се гледа во изјавите на Бујар Османи, Оливер Спасовски и Димитар Ковачевски кои најавуваат меѓуетнички тензии и даваат милитантни контексти. Но тоа не им поминува. Прочитани се. На народот му е јасно дека криминогената власт само заради фотелји и функции е спремна на се.Народот масовно, достоинствено и гласно кажува НЕ на уцените, ултиматумите и асимилацијата која власта на СДСМ и ДУИ сака да им ги наметне. Оваа власт колку повеќе го притиска својот народ, толку помасовни се протестите “Ултиматум, НЕ благодарам“. ВМРО-ДПМНЕ ги поддржуваа овие сенародни протести и затоа повикува и денес уште помасовно, помотивирано и мирно и достоинствено да го дигне својот глас против понижувањата и асимилацијата која оваа власт е спремна да ја направи.Затоа ги повикуваме граѓаните и денес во 19 часот уште помасовно да се приклучат на сенародниот протест, да не потпаѓаат на провокациите на власта, да се упатат од платото на Владата, преку министерството за правда кое Уставот го направи желботека, до Собранието и таму да го кажат гласно Ултиматум, НЕ БЛАГОДАРАМ.

Скопје | пред 3 години

Францускиот предлог отиде во Собранието

Владата на Република Северна Македонија, на денешната 59-та седница, ја разгледа информацијата од Министерството за надворешни работи, за предлог-преговарачката рамка за Република Северна Македонија со ЕУ, претставена од Француското претседателство со Европската Унија.На седницата, Владата одлучи предлог-преговарачката рамка да ја проследи до Собранието на Република Северна Македонија на разгледување и донесување понатамошни заклучоци, согласно процедурите на Собранието на Република Северна Македонија.

Македонија | пред 3 години

„Се што правеше/прави МВР е да се уништат протестите, вечер уште помасовно“, вели Димовски

По вчерашниот протест на социјалните мрежи се огласи пратеникот од ВМРО-ДПМНЕ, Илија Димовски кој вели дека ако МВР имале информации за групи кои сакале со насилство да учествуваат, зошто не ги стопирале.„Ако МВР имаше/има информации за групи кои сакаат со насилство да учествуваат во протести, зошто не ги стопираше/стопира?На тој начин МВР ќе им обезбедеше/обезбеди на илјадници граѓани мирно, достоинствено и искрено учество во протестите (што е уставно право) против политиката на Владата за прифаќање на катастрофалниот предлог...Ама не, се што правеше/прави МВР е да се уништат протестите...Провидно...Вечер уште повеќе, уште помасовно и достоинствено...“, вели Димовски

Македонија | пред 3 години

„Мишел не ја дава гаранцијата на ЕУ, нам ни вели, жими мајка“, вели Најчевска

Професорката Мирјана Најчевска се огласи на социјалните мрежи, каде вели дека треба политичка казна за оние кои учествувале во изработката и кои го потпишале квазидоговорот со БугаријаОбјавата ви ја пренесуваме во целостПоследна линија на елементарно достоинство треба да биде:-прифаќање на рамката со отфрлање на членот за јазикот и со отфрлање на спомнувањето конкретни билатерални договори- политичка казна за оние кои учествувале во изработката и кои го потпишале квазидоговорот со БугаријаМишел не ја дава гаранцијата на ЕУ.Гаранцијата се дава писмено во рамка, а тоа го нема за Македонија а го има за Бугарија.Мишел нам ни вели, жими мајка.И да не заборавам, ВМРО-ДПМНЕ не е партија која има било каков капацитет да ја внесе Македонија во ЕУ. СДСМ со овој и ваков состав нема интелектуален капацитет да не внесе во ЕУ. А ДУИ има капацитет да не внесе во криминалното подземје на ЕУ во секој момент.

Македонија | пред 3 години

„Финтата со странски гости и пораки пак ни ја сервираа“, вели Мицковски

Дебата исфингираа. Финтата со странски гости и пораки пак ни ја сервираа, вели новинарот Ивор Мицковски.„Сите платеници, сите што вадат леб од јавни и владини пари ги истопорија да го бранат неодбранливото.Протоколот не го објавија, моравме од бугарски извори да го читаме.Сите странски експертски мислења ги игнорираат.Сите домашни експертски и критички мислења ги игнорираат.Наместо да делуваат превентивно против насилниците, политички си играат со насилството за сите да ги стават во иста корпа и да испаднат жртви.Нивните ботови и платеници исповреѓаа се што можеше да се исповреѓа граѓанско.Но, пак останува најболниот факт, против вистината и аргументите, против европските вредности и нашите национални интереси, исполажаа, искреираа, договорија и ветија на странци дека ќе потпишат далекусежно штетен документ и ќе прифатат преговори каде се внесени бугарските барања и погледи на штета на нашите.И кога нема да успеаат да го променат Уставот со 2/3 мнозинство, виновни ќе испаднеме ние, а не Бугарите.Промашија се што може да се промаши“, додава тој.

Македонија | пред 3 години

Левица објави видео од провокаторите на протестот

Политичката партија Левица на социјалните мрежи објави видео на кое како што вели се гледа како неколку лица ја провоцираат полицијата.„На оваа снимка, која беше објавена на социјалните мрежи, се гледа како неколку лица кои континуирано провоцираат до полицијата - истата ги одминува штом тргне со апсење кон толпата!Доколку Ковачевски и Спасовски имаа информации дека ќе има немили настани уште во текот на самиот ден, зошто не презедоа превентивни активности за да ги заштитат граѓаните и полицајците“, вели Левица.

Македонија | пред 3 години

(ВИДЕО) Како изгледа Собранието по вчерашните протести

Претседателот на Собранието, Талат Џафери денеска на својот Фејсбук профил објави видеа од состојбата на Собранието по вчерашните протести.„Последиците од синоќешното дивеење пред Собранието. Признавам и поддржувам сечие право на протест, на искажување став. Постојано и силно осудувам хулиганство, насилство, поттикнување на омраза, зашто тие не се решение“, вели Џафери.

Македонија | пред 3 години

И денес продолжуваат протестите против францускиот предлог

Продолжуваат протестите против францускиот предлог за решавање на спортот со Бугарија и за почеток на преговори со Европската унија.„Ултиматум – НЕ благодарам“ повика на „мирен и достоинствен“ протест кој ќе почне пред Владата па преку МНР ќе заврши пред Собранието.– Да кажеме не на бугаразицијата. Не за полициските инфилтрати и не за полициското насилство. Да излеземе масовно и достоинствено се вели во повикот.Вчера на четвртиот ден од протестите ситуацијата ескалираше, a по индицентот МВР соопшти дека се повредени 47 полицајци, двајца потешко, приведени се 11 лица.

Македонија | пред 3 години

„Велат не се секирајте 'бетониран е јазикот', па од бетон глава не кренавме“, вели Весна Бејби

Актерката Весна Петрушевска се огласи на социјалните мрежи откако вчера присуствуваше на протестот против францускиот предлог.-Вечерва излегов на протест за да ви кажам дека македонскот јазик е тврдина, идентитетот е нешто за кое не се преговара. Ова е наша работа за сите нас. Цел живот ни помина во уцени, притисоци и закани. Зошто да потклекнеме и да дозволиме да ни менуваат историја, култура…велат не се секирајте”бетониран е јазикот”. Па од бетон глава не кренавме! Сакаме да сме асимилирани, денационализирани и без историја? Да сме гости на сопствениот живот? Беше радикално вечерва и не поддржувам насилство, но народот е бесен и гневен. Жално и тажно за сите нас во што ни помина животот?, пишува Петрушевска на Фејсбук.Таа вчера имаше и обраќање на кое истакна дека општествена одговорност е секој културен работник, актер, музичар да дојде и да говори дека имаме само еден јазик, а тоа е македонскиот.

Македонија | пред 3 години

„Ова дете е маченик на нацијата, нож до коска е, не може да биде полошо“, вели Богојески

За честа се умира!!! Овој млад човек, ова сеуште дете е веќе МАЧЕНИК НА НАЦИЈАТА“, вели Петар Богојески, поранешниот заменик- генерален секретар на ВМРО-ДПМНЕ.„Тој се бори за честа на Македонија! Младите секогаш ги носат промените! Како што тврдев дека младите од шарените се борат за слободата, така тврдам дека денес младите се борат за честа!Ова е битка за Македонија! Протестите се со цел да се одбрани честа на Македонија, а не за нечии лични политички кариери!Мораме сите заедно да му ветиме на Оливер Обиџуко дека за кратко ќе и прави друштво на Гоца Брк во Идризово!Нема разлика помеѓу убиеното дете Мартин Нешковски и ова младо дете, чие име сеуште не го знаеме!Политиката на страна! Партиите на страна! Народот да се крене! Нож до коска е! Не може да биде полошо!Почитувани граѓани, Скопје се бори веќе петти ден...Каде сте другите Македонци?!? Каде сте Албанците во Тетово, Струга, Кичево да се кренете? Та нели Македонија е заедничка мајка на сите нас? Нели за граѓанска држава се бориме на сите граѓани?Ајде сите граѓани заедно да ја одбраниме честа и европската иднина на МакедонијаМожеме поинаку во ЕУ!#можемепоинаку“, вели Богојески.

Македонија | пред 3 години