ИЗБОРИ 2024

Поднесени 17 листи на пратеници за парламентарните избори

До Државната изборна Комисија, заклучно со 2 април 2024, до 24 часот, се пристигнати вкупно 17 листи на кандидати за пратеници Изборите за пратеници во Собранието на Република Северна Македонија кои ќе се одржат на 8 мај 2024.Листи на кандидати за пратеници за парламентарните избори во мај, доставија:1.СДСМ( Kоалиција за европска иднина) – за ИЕ1, ИЕ2, ИЕ3, ИЕ4, ИЕ5, ИЕ62.ВМРО- ДПМНЕ ( Коалиција Твоја Македонија) - за ИЕ1, ИЕ2, ИЕ3, ИЕ4, ИЕ5, ИЕ63. ЗНАМ - за ИЕ1, ИЕ2, ИЕ3, ИЕ4, ИЕ5, ИЕ64.РОДИНА- за ИЕ1, ИЕ2, ИЕ3, ИЕ4, ИЕ5, ИЕ65.АВАЈА- за ИЕ 3, ИЕ4, ИЕ5, ИЕ66.РАБОТНИЧКА ПАРТИЈА - за ИЕ1, ИЕ2, ИЕ3, ИЕ4, ИЕ5, ИЕ67.ТВОЈА ПАРТИЈА- за ИЕ1, ИЕ2, ИЕ3, ИЕ48.ГРОМ - за ИЕ1, ИЕ2, ИЕ3, ИЕ4, ИЕ5, ИЕ69.МАКЕДОНСКА ЕРА ТРЕТА СУВЕРЕНОСТ - за ИЕ1, ИЕ2, ИЕ3, ИЕ4, ИЕ5, ИЕ610.ДУИ ( Коалиција за европски фронт) за ИЕ1, ИЕ2, ИЕ3, ИЕ4, ИЕ5, ИЕ611.ДЕМОКРАТИ- за ИЕ1, ИЕ2, ИЕ3, ИЕ4, ИЕ5, ИЕ612.ЕДИНСТВЕНА МАКЕДОНИЈА- за ИЕ1, ИЕ2, ИЕ3, ИЕ4, ИЕ5, ИЕ613.Група избирачи ЏУЛА ЧЕЛИКУ- за ИЕ 614.Коалиција ВЛЕН - за ИЕ1, ИЕ2, ИЕ3, ИЕ4, ИЕ5, ИЕ615.ЛЕВИЦА - за ИЕ1, ИЕ2, ИЕ3, ИЕ4, ИЕ5, ИЕ616.ДЕСНА - за ИЕ1, ИЕ2, ИЕ3, ИЕ4, ИЕ5, ИЕ617.НОВА АЛТЕРНАТИВА - за ИЕ 1,ИЕ 2, ИЕ3, ИЕ4ДИК по приемот на листата на кандидати утврдува дали истата е поднесена во утврдениот рок и составена во согласност со одредбите на Изборниот закон.Државната изборна комисија проверува дали кандидатите за пратеници ги исполнуваат условите предвидени во Уставот и член 7 ст. 2, 3 и 4 од Изборниот закон, преку проверка на податоците во соодветните регистри и евиденции на надлежните институции.

Македонија | пред 1 година

(Видео) Ковачевски раскажа за жешката ноќ, кога седеле со Стево и требало да се гласа францускиот предлог

Премиерот Димитар Ковачевски раскажа зошто го поддржува Стево Пендаровски за нов мандат. Посочи дека тоа било кога требало да се прифати францускиот предлог, со кој, Бугарите треба да се вметнат во Уставот, тој застанал рамо до рамо со него. Ковачевски рече дека тоа било жешка ноќ.Ковачевски раскажа дека тој и Стево се немаат окажано во најтешките моменти за нив.„Стево и јас требаше и мораше да ја донесеме одлуката“, рече Ковачевски.

Македонија | пред 1 година

Нема фотографија

Јакимовски контра сите: ќе биде фер, ама Кодекс не потпишува

Кандидатот за претседател на Република Македонија, Стевчо Јакимовски денеска во Државната изборна комисија не го потпиша Кодексот за Фер и демократски избори.Образложувајќи ја неговата одлука, Јакимовски рече дека одредени претседателски кандидати се фаворизирани наспроти другите и дека тоа се гледа и по распределбата на финансиски средства.- За да можеме денеска да бидеме овде, ние пред себе имавме два услова, а тоа се или да не кандидираат 30 пратеника или да собереме 10 000 потписи. Денеска дојдовме да потпишеме Кодекс за фер и демократски услови во кој, жал ми е што јас морам тоа да го кажам, одредени кандидати се максимално фаворизини, земајќи големи средства и кога ќе поделиме ќе видиме дека потписот што граѓаните го дале за нив, вреди 97,5 евра, а потписот што е даден за нас вреди 12,6 евра и ние сега треба да зборуваме за фер и демократски избори. Тоа ќе го голтнеме, но утрово ја добив веста дека се откажува мастер дебатата и мислам дека тоа не е во ред, не оди во духот на развој на демократските процеси, рече Јакимовски.Претседателскиот кандидат Јакимовски во своето обраќање јасно кажа дека нема да го потпишува Кодексот се додека не се организира дебата помеѓу сите претседателски кандидати.- Навистина е чудно, на локални избори да одиме на три дебати, каде разговараме за канализации, водоводи и паркови, а кога треба да разговараме за битни држвни работи, да немаме ниту една дебата. Мене ми е жал што ова го кажувам, длабоко се извинувам, јас Кодексот ќе го почитувам, но ако немаме дебати јас кодексот нема да го потпишам. Жал ми е што ова ви го кажувам. Јас на локалните избори имав нула средства за реклама, но имавме дебати. Сега со вакви минимални средства и плус се откажуваме од дебатите, сметам дека тоа не е во интерес на граѓаните и јас претседателе би ве замолил да ветите дека ќе организирате дебати и јас немам пробелм. ќе го потпишам Кодексот, во спротивно не сум подготвен. ДИК е должна да ги обезбеди сите услови за фер и демократски избори“ порача Јакимовски.

Македонија | пред 1 година

Министерот Тошковски одржа состанок со оперативниот штаб за спроведување на парламентарните и претседателски избори 2024

Денеска министерот за внатрешни работи Панче Тошковски одржа работен состанок со раководителот и членовите на оперативниот штаб и раководителите на 8 помошни штабови формирани за спроведување на парламентарните и претседателските избори 2024. На состанокот, министерот од страна на директорот на Бирото за јавна безбедност и началникот на Одделот за униформирана полиција при БЈБ беше информиран за сите досегашни активности кои се преземени од страна на оперативниот штаб, како и оние мерки и активности кои треба да бидат преземени во наредниот период со цел да се овозможи организирано, синхронизирано и координирано делување на полицијата во насока на обезбедување на мирни и демократски избори, како и спречување на секаков обид за загрозување на изборниот процес. Во таа насока, досега одржани се и 5 состаноци со Државната изборна комисија, а во тек е обуката на полициските службеници за улогата на полицијата во изборен период.„Од моја страна беше дадена насока да се задржи високото ниво на будност и подготвеност на полицијата во овој контекст, како и да се стави акцент на прибирањето на оперативни информации со цел превенција на можни загрозувања на безбедносната состојба во овој предизборен период. Од страна на директорот на БЈБ и членовите на оперативниот штаб беше потенцирано дека безбедносната состојба е стабилна и дека полицијата е подготвена да се соочи со претстојниот безбедносен предизвик поврзан со организирањето на изборите“, потенцираше министерот Тошковски.

Македонија | пред 1 година

Нема фотографија

Кандидатите за претседател ќе потпишат Кодекс, а колку ќе има фер и демократски избори?

Кандидатите за претседател на државата денеска во Државната изборна комисија ќе го потпишат Кодексот за фер и демократски избори.Пред потпишувањето на Кодексот за фер и демократски избори воведно обраќање ќе има претседателот на ДИК, Александар Даштевски, а ќе биде прочитана и содржината на Кодексот.Пред секои избори вообичаено се потпишува ваков Кодекс, но тоа не значи дека ќе се спроведе и во пракса. Веќе е почната црната кампања, лажните вести, недоличните навреди. Не се непознати и физичките пресметки, пукања па и жртви. Не е се до Кодекс и потписи, туку до реална волја и решеност.

Македонија | пред 1 година

Нема фотографија

До полноќ ќе се знае кој сака да учествува во парламентарниот изборен маратон

До полноќ политичките партии и коалициите треба да ги достават листите за пратеници до Државната изборна комисија за парламентарните избори закажани на 8 мај.Според правилата доколку ДИК утврди дека листата е поднесена во определениот рок и е составена во согласност со одредбите на Изборниот законик, поднесената листа ќе ја потврди со решение веднаш, а најдоцна во рок од 24 часа.Ако се утврди дека во листата има одделни неправилности, ДИК ќе го повика овластениот претставник на подносителот на листата да ги отстрани неправилностите во рок од 48 часа од приемот на известувањето на комисијата за неправилностите. Ако ДИК утврди дека констатираните неправилности или пропусти, подносителите на листата ги отстраниле во законскиот рок, поднесената листа ќе ја потврди со решение.Во случај на неправилности од членот 67 став (2) од Изборниот законик, подносителот на листата може да го замени предложениот кандидат што не ги исполнува условите со нов кандидат во истиот рок од 48 часа и за истиот е должен самиот да ги обезбеди предвидените докази за исполнување на условите.Ако ДИК утврди дека листата е поднесена ненавремено, односно по истекот на рокот определен со овој роковник, поднесената листа ќе ја отфрли со решение во рок од 24 часа од приемот на листата.Собранието вчера, во рамки на 150. седница, го донесе Законот за изменување и дополнување на Изборниот законик, со кој се допрецизираат одредбите за определување на редниот број на гласачкото ливче за двата изборни процеси, односно политичките парти кои предложиле или поддржале кандидат за претседател на државата да можат да ги задржат извлечените редни броеви и за парламентарните избори за поедноставна презентација пред граѓаните.Другите политички партии кои ќе учествуваат на парламентарните избори, пак, дополнително по пат на жрепка ќе извлечат редни броеви под кои ќе настапат на изборите.ДИК треба да го заклучи и Избирачкиот список за претседателските и за парламентарните избори.

Македонија | пред 1 година

СДСМ може да го задржи број 1, а ВМРО-ДПМНЕ број 2 на гласачкото ливче, изменет Изборниот законик

Откако се распуштија, па денеска итно се состанаа, пратениците го изменија и Изборниот законик.На претстојните парламентарни избори на 8 мај, политичките партии кои имаат претседателски кандидати и учествуваа во одредување на редоследот на претседателските кандидати кои ги предложиле или поддржале, ќе може да го задржат иститот реден број.Со ова, како што беше кажано, се допрецизираат одредбите за определување на редниот број на гласачкото ливче за двата изборни процеси.„Заради поедноставување на постапката на определување на реден број на гласачкото ливче подносителот на листата на кандидати за претседател на државата ќе може со писмена согласност да дозволи неговиот реден број истовремено да се користи и на гласачкото ливче и за друга листа на кандидати за друг на вид на избори доколку кандидатот, односно кандидатите се поддржани од иста политичка партија или коалиција или користат ист симбол“, рече пратеникот Никола Мицевски од ВМРО-ДПМНЕ кој всушност и ја предложи оваа точката на дневниот ред на седницата.Другите политичкк партии ќе извршат дополнителни ждребување.Пред една недела Стево Пендаровски, подржан од СДСМ го доби местото број 1 на гласачкото ливче, двојката Гордана Силјановска Давкова, предложена од ВМРО-ДПМНЕ, бројот 3 Стевчо Јакимовски од ГРОМ, четворката Бујар Османи од ДУИ, Билјана Ванковска од Левица го доби број 5, Арбен Таравари од коалицијата „Вреди“ шестката, а Максим Димитриевски, од ЗНАМ е со бројот седум.Ова е новиот член во Изборниот законик:„ Доколку во ист период се одржуваат повеќе видови на избори, подносител на листа на кандидат/и чиј што реден број на гласачкото ливче е определен согласно став (1) од овој член може со писмена согласност да дозволи неговиот реден број да се користи истовремено на гласачкото ливче и за друга листа на кандидат/и за друг вид на избори, доколку кандидатот/ите се поддржани од иста политичка партија или коалиција и/или користат ист симбол, за што задолжително ја известуваат Државната изборна комисија“.

Македонија | пред 1 година

Нема фотографија

Филипче: Платите на општите лекари ќе се качат до 140.000 денари на медицинските сестри до 90.000

Кандидатот на СДСМ и коалицијата и носител на листата во изборна единица 4, Венко Филипче вчера во Кавадарци присуствуваше на отворање на нов изборен штаб. Филипче пред граѓаните потсети на вложувањата во здравството, земјоделието и покачувањето на платите кои владата на СДСМ ги направи во изминатиот мандат. Тој истакна дека СДСМ во следните четри години има предвидено уште повеќе средства за поддршка и развој на тиквешкиот регион и земјоделието, а платите во сите сектори ќе продолжат да растат.„Платите ќе продолжат да растат, тоа е одлика на владата предводена од СДСМ, секогаш да вложува во приходите на граѓаните. Платите на општите лекари до крајот на мандатот ќе бида од 120.000 до 140.000 денари, а на на медицинските сестри од 60.000 до 90.000 денари. Ќе продолжат да растат и платите на специјалистите. Со овој модел на европски плати ќе ги задржиме здравствените работици дома и ќе ги подобриме услугите.Тој истакна дека во изминатите 4 години се направени големи вложувања во болницата во Кавадарци но и во Прилеп каде е донесена магнетна резонанца, а жителите од овој крај веќе не мора да патуваат до Скопје за здравствени услуги.Филипче се осврна и на приходите и проектите во земјоделството и најави рекордни 1,3 милијарди евра финансиска поддршка за македонското земјоделство.„СДСМ ќе продолжи да вложува силно во земјоделието. Планирани се рекордни 1,3 милијарди евра финансиска поддршка за македонското земјоделство. Планирано е зголемување за 100% на поддршката за млади земјоделци во првите 5 години. Со ова значително ќе се зајакна земјоделците и нивниот животен стандард. Зелената нафта, успешен проект кој за прв пат го имплементираше СДСМ ќе се надгради и во следниот мандат ќе обезбедиме 100% покривање на трошоците за гориво за земјоделска механизација“ - истакна Филипче.

Македонија | пред 2 години

Силјановска за слоганот Македонија повторно горда: Причината е да се врати надежта

Прес-конференцијата на Проф. д-р Гордана Силјановска-Давкова во врска со промоција на слоганот за кампањата:?si=zUmV8j7YgKUQkN5D„Слоганот на мојата кампања, впрочем целата програма е во функција во слоганот. Слоганот е заради хроничната и актутната состојба со македонската демократија којашто не само што е во тешка криза, туку зборува за една слаба држава или држава во пропаѓање. Во таквата држава најголеми жртви се граѓаните и кога велам јас „Македонија повторно горда“, пред сè мислам на граѓаните, повторно горди. Причината е да се врати надежта, причината е да се врати довербата во демократијата, причината е нацијата повторно да знае дека сите во политиката, вклучувајќи ги и шефот на државата или претседателката на државата имаат обврска во секој свој чекор и потег да се водат од националните од односно од државните интереси. Кога велам „Македонија повторно горда“, не можам да не споменам неколку ноторни факти. Прво, граѓаните имаат причина зошто да бидат горди. Се разбира, јас сум горда на предците, горда сум на оние што стојат зад трите Илиндени, горда сум на хероите. Меѓутоа мислам дека токму вредностите на кои се темелат трите Илиндени денеска не само што се погазени, туку и на оваа нација и на оваа држава и се заканува културоцид со одобрени, за жал, на оние во власта. Инаку, неслучајно е одбран овој слоган, мислам дека сфативме дека одност на овој свет на реализам, односно односот кон малите држави навистина треба да се проблематизира. Но, дека неслучајно големите и оние однадвор се однесуваат кон нас понекогаш како да не заслужуваме гордост. Зошто? Зашто погрешната слика за нас ја даваат оние кои треба да бидат најгорди, претседателот на државата, премиерот, претседателот на Собранието. Нивната слика е сликата за државата. Тие не залужуваат гордост и во односите на сите кон нив, ова се повторува. Затоа мислам дека ако сами не се почитуваме, не треба и не можеме да очекуваме почит однадвор, ако сами немаме самодоверба нема да ни веруваат. Овие луѓе не заслужуваат доверба и тие знаат дека тоа не го заслужуваат и немаат ни самопочит. Мислам дека е време за длабоки промени, длабоки реформи! Време луѓето да се идентификуваат со оние коишто треба да ги застапуваат нив и националните и државни интереси, луѓе кои имаат самодоверба не затоа што попусто граѓаните им веруваат. Кога сте успешни вие верувате во себе и ја заслужувате довербата. Овие избори ќе доведат на власт луѓе кои заслужуваат доверба, луѓе кои се почитувани, луѓе кон кои оние однадвор и граѓаните ќе се оснесуваат како кон некој кој ја заслужува нивната доверба.“

Македонија | пред 2 години

Една партија и печат, две коалиции: Села оди со ДУИ

Една партија - две крила. Зијадин Села ја носи Алијанса за Албанците во коалиција со ДУИ, додека, Арбен Таравари влезе во коалицијата „Вреди“ на албанската опозиција. Села посочува дека одлуката за коалицирање ја донело Централното собрание на состанокот во Скопје, а само еден бил против, додека 111 гласале „за“.„Одлучувавме и за понудата од страна на Европскиот фронт, јас веќе ги објаснив позициите на АА – делегатите едногласно одлучија, еден беше против, и четворица воздржани за АА да биде дел од „Европскиот фронт“, дел од одговорностите што треба да ги преземеме, за да нашата иднина биде уште подобра. Бројот на пратеници ги одредува народот, гласачите, а не политичките партии. А ние сме се договориле во оваа коалиција, АА да ја зачува парламентарната група во Собранието. Но како резултат на гласањата од гласачите, овие бројки може и да се зголемат. „Европскиот фронт“ ќе биде апсолутен победник на изборите. Алијанса за Албанците ќе има минимум парламентарна група, рече Села.За поделбите во Алијансата за Албанците се пишуваше и во изминатиот период. Останува да се види - кој ќе го земе партискиот печат и чии одлуки ќе бидат легитимни.

Македонија | пред 2 години

Нема фотографија

Претседателскиот кандидат Арбен Таравари го претстави вториот дел од кабинетот на претседателот

"Почитувани сограѓани и претставници на медиумите, На минатонеделната прес-конференција ја имав честа да ви го претставам првиот дел од мојот претседателски кабинет, чиј состав ќе се гради врз принципите на инклузивност и меритократија. Со мене како претседател по нашата победа на 8 мај, Претседателството ќе биде институција отворена за секој граѓанин. Претседателството ќе биде и репрезент на реалноста на нашето мултинационално, мултиетничко и мултикултурно општество. Граѓаните заслужуваат да бидат претставени од квалификувани и докажани луѓе во различни области од јавниот живот, од најдобрите меѓу нив, чиј придонес ќе се прошири на сите слоеви на општеството. Денеска продолжуваме со претставување на уште една група експерти од мојот претседателски кабинет, кои се докажани професионалци во академскиот свет, во приватниот и во јавниот сектор. Покрај стручноста и професионалниот придонес, секој од нив ја докажал и својата посветеност на сеопфатен општествен напредок во одредени каузи. Овие луѓе најдобро ја знаат и ја претставуваат реалноста на нашето општество. Сите тие ја делат истата посветеност да им служат на граѓаните на Северна Македонија, без етнички, верски или политички разлики. Сега дозволете ми да ги претставам членовите на мојот кабинет кои се пред вас денес: Амбасадорот Халим Хида ќе биде дипломатски советник на Претседателството. Амбасадорот Хида докторирал на Универзитетот „Свети Кирил и Методиј“ во Скопје, на Филозофскиот факултет. Моментално е амбасадор на мирот во светот и претседател на Здружението на албанските интелектуалци во Куманово и Липково. Јасмин Калац ќе биде правен советник на Претседателството. Јасмин магистрирал право на Универзитетот Кирил и Методиј а докторирал кривично право на Универзитетот во Анкара. Јасмин работел во Основното јавно обвинителство Скопје, а сега е правник и предавач на Меѓународниот Балкански Универзитет. Урим Вејсели ќе биде советник за безбедност и заштита. Тој е доктор по политички науки, вонреден професор, предавач на повеќе факултети во Република Северна Македонија и Косово, гостин-говорник на Универзитетот Џон Хопкинс САД и на Институтот за одбрана за меѓународни правни студии во САД. Автор и коавтор на научни трудови со импакт фактор. Експерт за одбрана и управување со кризи. Др. Аријанит Река - портпарол, вонреден професор на отсекот хемија при Факултетот за математичко-природни науки, Универзитет во Тетово. Фулбрајт алумни од Соединетите Американски Држави, докажан професионалец, автор на многу научни публикации. Со овој одличен тим од докажани професионалци, имам непоколеблива доверба дека ќе ги носиме напред идеалите на ВРЕДИ, кои всушност се најточниот одраз на очекувањата и надежите на граѓаните за промени, просперитет и благосостојба за земјата и нивните семејства. Со овие луѓе со добра волја ќе ги надминеме предизвиците пред нас и ќе ја урнеме 22-годишната тиранија на владејачката партија. Затоа велам ПРОМЕНАТА ВРЕДИ. Почитувани сограѓани, придружете ни се на ова патување, со вашите идеи и барања. Јас и мојот тим сме тука да ве слушаме. Ќе слушаме, ќе разговараме и ќе се грижиме за секој од вас. Како претседател, заедно со овој тим, ќе бидеме обединувачки фактор и ќе работиме во најдобар интерес на сите граѓани на Северна Македонија, но и на генерациите што ќе дојдат после нас.", изјави Арбен Таравари, кандидат за претседател на Република Македонија.

Македонија | пред 2 години

Села со еден од двата албански блока или воопшто да не учествува на изборите

Таборот на Зијадин Села во Алијанса за Албанците утре на Централно Собрание носи одлука со кого и како ќе оди на избори.Пред себе ќе имаат два избора:заеднички настап со „Европскиот фронт“ предводен од ДУИ или со опозициската коалиција ,,Вреди“.Проблем е партискиот печат што оневозможува самостоен. Од Коалицијата Вреди го потсетија Села дека доколку одлучи да настапи самостојно претседателот на Алијанса Таравари веднаш ги даде печатите за да се завршат кандидатските листи.Таборот на Зијадин Села во Алијанса за Албанците утре на Централно Собрание носи одлука со кого и како ќе оди на избори.Пред себе ќе имаат два избора:заеднички настап со „Европскиот фронт“ предводен од ДУИ или со опозициската коалиција ,,Вреди“. Села пак вели дека има опција и да не одат воопшто на избори.Проблем е партискиот печат што оневозможува самостоен.Таравари му вети на Села ако одлучи да настапи самостојно и да не оди со ДУИ, претседателот на Алијанса Таравари веднаш ќе ги даде печатите за кандидатските листи.

Македонија | пред 2 години

„Не се плашиме од никакви санкциии“ - Јакимовски влезе во коалиција со ИНТЕГРА и ПЦЕР

ГРОМ на Стевчо Јакимовски, ИНТЕГРА на Љупчо Ристески И ПЦЕР на Самка Ибраимоски потпишаа договор за коалицирање. Коалицијата ќе се вика „Храбро за Македонија.„Храбро ќе излеземе, ќе се спроиставиме, народот мора да знае што подготвуваат и дека нивните предавства се бескрајни. Не се плашиме од никакви санкции, не се плашиме од ништо. Чесно, никогаш компромис не сме правеле со вистината и со честа. Затоа сме подготвени вака цврсто да застанеме зад интересите на граѓаните на Република Македонија“, рече Јакимовски.Тие ги соопштија и носителите на листи.

Македонија | пред 2 години

Таравари се сретна со интелектуалци за претседателската програма

Кандидатот за претседател од коалицијата ВРЕДИ, Арбен Таравари денеска беше на тркалезна маса со академици и експерти од различни области.„На масата со интелектуалците се разговараше за претседателската платформа на кандидатот Арбен Таравари, како и за приоритетите на истата, а на неа присуствуваа еминентни личности како што е д-р.проф. Руфи Османи и уште десетици универзитетски професори, кои покрај конкретни предлози дадоа и силна поддршка на претседателската платформа на Арбен Таравари. Платформата на кандидатот Арбен Таравари е изградена околу четири главни столба и ќе биде објавена во наредните денови.„Денеска имав многу важна средба со универзитетска елита, академици и експерти од различни области, за Претседателската програма. Наскоро оваа програма, дизајнирана од најдобрите во земјата, ќе биде јавно претставена затоа што го заслужувате најдоброто“, вели Таравари.Платформата на кандидатот Арбен Таравари е изградена околу четири главни столба и ќе биде објавена во наредните денови“, велат од коалицијата.

Македонија | пред 2 години

Цензус или неизвесност, дали еден од седумте кандидати на седмите претседателски избори се сели на Водно

Кандидатите за нов татко на нацијата, најмногу досега, седум, добија и реден број на гласачкото ливче.Течат изборните рокови, а кампањата не почната официјално, е под полна пареа. Она што кај нас, според изборните правила е најтешко, да се има цензус на патот кон вила Водно.Изборот се врши со модифициран систем од два круга. Кандидат може да биде избран во првиот круг само ако добие половина од гласовите од вкупниот број избирачи, што и до сега се покажа е неизводливо.Доколку во првиот круг ниту еден кандидат за претседател не го добие потребното мнозинство гласови, во вториот круг можат да учествуваат само двајца кандидати кои добиле најмногу гласови во првиот круг. Вториот круг на гласање се одржува во рок од 14 дена.За претседател е избран кандидатот кој добил мнозинство гласови од избирачите кои гласале, доколку гласале повеќе од 40% од вкупниот број избирачи. Доколку и во вториот круг не се исполнат условите, целата изборна постапка се повторува.Цензусот од 40 проценти е тешко остварлив, тоа го покажа и претходниот дуел меѓу Пендаровски и Силјановска. И тука на сцена стапуваат преговорите, пазарењата, интересите, но во секој случај одлучувачки ќе бидат гласовите на етничките Албанци.На 24 април ќе се почувствува пулсот, но на 8 мај ќе биде јасно кој се сели во претседателската резиденција. Или пак без доволна излезност ќе влеземе во нов лавиринт на неизвесност.

Македонија | пред 2 години

Нема фотографија

Пендаровски прв на гласачкото ливче, Силјановска по него

Државната изборна комисија денеска ја спроведе ждрепката за утврдување на редоследот во единствената листа на кандидати за претседател на Република Северна Македонија.Прв на ливчето ќе биде Стево Пендаровски, а седми Максим Димитриевски, Гордана Силјановска ќе биде под реден број два.Вака ќе изгледа ливчето за гласање наседмите претседателски избори:1-Стево Пендаровски2-Гордана Силјановска Давкова3-Стевчо Јакимовски4-Бујар Османи5-Билјана Ванковска6- Арбен Таравари7-Максим Димитриевски

Македонија | пред 2 години

Нема фотографија

Кој прв, а кој седми, ждрепката во ДИК ќе го определи редоследот на гласачкото ливче

Државната изборна комисија ќе ја спроведе ждрепката за утврдување на редоследот во единствената листа на кандидати за претседател на Република Северна Македонија.Денеска ќе се одржи и ждрепката за распределба на рекламни паноа и билборди.На седмите претседателски избори ќе се натпреваруваат:Стево Пендаровски, Гордана Силјановска Давкова, Арбен Таравари, Бујар Османи, Максим Димитриевски, Стевчо Јакимовски и Билјана Ванковска.

Македонија | пред 2 години

Нема фотографија

Стојанче Ангелов влегува во коалиција со ВМРО-ДПМНЕ

Лидерот на политичката партија Достоинство и актуелен директор на Центарот за управување со кризи (ЦУК), Стојанче Ангелов, денеска соопшти дека неговата партија излегува од коалицијата предводена од СДСМ.„Иницијативите на Достоинство поднесени до Владата и Собранието, со кои нудевме решение на овој апсурден проблем, добиваа постојана поддршка од страна на премиерот Димитар Ковачевски и министерката за одбрана Славјанка Петровска, но поради противењето на ДУИ истите не поминаа. Секако дека проблемот со необесштетените воени инвалиди и семејства на загинатите бранители не е единствената причина поради која излегуваме од коалицијата предводена од СДСМ, но поради политичка коректност во овој момент немам намера да навлегувам во понатамошни објаснувања“, пишува, Стојанче Ангелов во објавата на Фејсбук.

Македонија | пред 2 години

Промовирани адутите на ЗНАМ; Максим Димитриевски спремен да ги замени партиите кои владееа

Движењето ЗНАМ ги промовираше своите адути како носители на изборни листи за парламентарните избори на 8 мај.Прв во Изборната единица 1 ќе биде Бобан Карапејовски, професор на Катедрата за македонски јазик на Филолошкиот факултет „Блаже Конески“.Носител на листата во ИЕ 2 ќе биде Даниел Стојчевски, м-р по кривично право, директор на ЈП Чистота и зеленило.Носител во тројката е биде Павле Арсовски, генерал-мајор во пензија.Носител на листата во ИЕ 4 ќе биде економистот Миле Цеков, претседател на Стопанска комора на југоисточна Македонија, а петтата изборна единица ќе ја предводи поранешната претседателка на Комисијата за спречување и заштита од дискриминација, пратеник и потпретседател на СДСМ, Весна Бендевска.Во Изборната единица 6 носител ќе биде Небојша Захариевски, магистер по правни науки.Максим Димитриевски ги обвини СДСМ И ВМРО-ДПМНЕ за состојбите во државата и рече дека е време да заминат.Тој нагласи дека сме Македонци и време е да бидеме свои на своето.,, Оние што 30 години се менуваат, време е да си заминат”, рече Димитриевски.

Македонија | пред 2 години

(Видео) Објавени одлуките на Државната изборна комисија од денешанта седница

Денес, Државната изборна комисија ја одржа 89- тата седница на која комисијата ја донесе одлуката за јавна објава на описот на избирачките места за претстојните претседателски избори 2024 година.„Описот ги содржи сите стручно- технички детали во однос на избирачките места и истиот ќе биде јавно достапен на веб страната на Државната изборна комисија за да можат граѓаните во секое време да се информираат за избирачките места кадешто ќе може да го остварат правото на глас. Покрај тоа, Комисијата ги разгледа и Предлог програмата за задолжителна едукација на изборните органи, Предлог програмата за едукација на граѓани и Предлог програмата за едукација на други чинители во изборите. Програмите се детален приказ на процесот на едукација на сите чинители вклучени во изборниот процес, што ја спроведува Државната изборна комисија“, велат од ДИК.Сите предлог програми имаат за цел да придонесат за поголема професионализација на изборните органи, унификација и воедначена примена на изборниот закон, намалување на можноста од ненамерни пропусти што ќе ја подобри сликата на организација на изборниот процес.„Исто така целта за едукација на другите чинители вклучени во изборниот процес кои ги вклучуваат и политичките партии, медиумите и граѓанските организации, е потребата од правилно и прецизно информирање за изборните процеси за да се избегне можноста од пласирање на дезинформации. Со ова се очекува да се подигне довербата и кредибилноста во изборниот процес. Трите предлог програми беа едногласно усвоени од страна на комисијата и истите ќе бидат достапни на веб страната на државната изборна комисија“, додаваат тие.

Македонија | пред 2 години

Левица ги објави носителите на листи за пратеници

„Левица ги има вистинските носители на пратеничките листи во шестте изборни единици, кои се воедно и единствените, од севкупниот избор, кои немаат нанесено штета врз државата“, велат од оваа партија и додаваат:✔️ Носител во ИЕ 1: Проф. д-р Димитар Апасиев, претседател на Левица, пратеник во Собранието на Република Македонија, доктор на правни науки, професор на Правниот факултет при Државниот универзитет „Гоце Делчев“ - Штип.✔️ Носител во ИЕ 2: Амар Мециновиќ, портпарол на Левица, член на Президиумот на Партијата и член на Советот на Град Скопје, активист за социјална правда и зачувување на животната средина.✔️ Носител во ИЕ 3: Борислав Крмов, пратеник во Собранието на Република Македонија, член на Президиум на Левица и долгогодишен борец за социјална правда.✔️ Носител во ИЕ 4: Сашко Јанчев, магистер по кривично право, член на ЦК и советник на Левица во Општина Гевгелија. Повеќегодишен борец за заштита на животната средина со фокус на југот на државата и борбата за Кожув да е национален парк.✔️ Носител во ИЕ 5: Јована Мојсоска, дипломиран криминолог по финансиски криминал, генерален секретар на Левица и долгогодишен борец за социјална правда и заштита на животната средина и животните.✔️ Носител во ИЕ 6 - Игор Димески, раководител на Сектор за енергетика и советник на Левица во Општина Центар.Еднаш засекогаш ќе се спротивставиме на политичките елити кои управуваат со нашите животи и ќе ја вратиме политичката моќ во рацете на работничката класа!Нашите носители и идни пратеници во Собранието на Република Македонија ќе бидат гласот на народот во Собранието, како што докажаа и нашите досегашни пратеници.Од нас сите зависи силата со која ќе се спротивставиме и судбината која сами ќе ја создадеме. Никогаш повеќе да не владеат над нас криминалот, корупцијата и профитот!

Македонија | пред 2 години

Тачи и Ахмети во изборна прегратка

Мендух Тачи доби виза од Централното собрание на Демократска партија на Албанците за учество во коалицијата Европски фронт предводена од Демократската унија за интеграција.Тачи по состанокот изјави дека ДПА ќе има две добитни позиции на изборите, четврта и девета позиција во Изборната единица 6.Според информацијата од ДПА, потпишувањето на коалицискиот договор ќе се случи во понеделник во Тетово. Договорот ќе го потпишат партиските лидери Мендух Тачи и Али Ахмети.

Македонија | пред 2 години

Сите луѓе на Ковачевски или неопходни компромиси со луѓето на Заев

Плачки, незадоволство или намерно пласирани дезинформации. Каква била атмосферата внатре на седниците на партиските тела на која се разгледувале парламентарните изборни листи се уште нема официјална изјава.Некои се надеваа, но извисија. Резултатоте на 8 мај ќе покажат дали ќе останат без функции зошто или ги нема или се на недобитни места.На листите нема некои од видните членови на СДСМ, како Стефан Богоев, Петре Шилегов, Снежана Калевска Ванчева, Викторија Мадиќ Аврамовска, Ненад Коциќ но и многу од пратениците. Ги нема и луѓето од доверба на Ковачевски, неговата досегашна сенка и шеф на Кабинет Мартин Попов, како и партискиот секретар Миле Зечевиќ.Прв на листата во првата изборна единица е Димитар Ковачевски, а коносител е Моника Зајкова од ЛДП. Таа е и највисоко котирана од коалициските партнери.Даниела Николова е на високото трето место, по неа се Бојан Маричиќ, инфектологот Милена Стевановиќ, Маја Морачанин од ДОМ, Дарко Каевски кој демантираше дека бара да биде избришан од листата. Следуваат Љубица Јанчева, советник од Град Скопје и Љупчо Фармаковски, кои тешко ќе ибезбедат парламентарно столче.Носител во втората изборна единица е поранешниот министер за внатрешни работи Оливер Спасовски, а коносител е Фатмир Битиќи. Санела Шкриељ е трета а наводно незадоволниот кој ова го демантираше Мартин Костовски е четврти.Тројката ќе ја предводи Сања Лукаревска од УЈП, а втор е актуелниот министер за земјоделство, шумарство и водостопанство Љупчо Николовски. Горан Мисовски од НСДП и овој пат си обезбеди по неколку изборни циклуси влез во Парламентот, по него се актуелниот министер за транспорт Благој Бочварски и Љупчо Балковски од ВМРО-НП. На 8 место е претставник на партијата на пензионерите.Носител во четвртата изборна единица е поранешниот министер за здравство Венко Филипче, а втора Јована Тренчевска.Миле Талевскк е трет а Соња Мираковска од НСДП е четврта. На листата се и пратеничките Даниела Колева и Лолита Ристова, но од распоредот на силите ќе зависи дали ќе бидат во или вон парламентот.Актуелниот преседател на Собранието Јован Митрески е носител во петката, а заменик е Бисера Костадиновска, министерката за култура.Митко Трајчулески е трет, потоа следуваат Боби Мојсовски од ЛДП, Енес Ибрахим и Жаклина Лазаревска.Шестката ја предводи министерката за одбрана Славјанка Петровска, а како како втор е Агрон Демири.Ема Нешковска е трета.

Македонија | пред 2 години

Ковачевски: Во новиот мандат на СДСМ, просечна плата од 1100 евра, минимална плата од 600 евра, просечна пензија од 500 евра

Имаме јасен, конкретен и издржан план за иднината кој е преточен во нашата изборна програма. Во изминатите седум години покажавме и докажавме дека СДСМ ги исполнува ветувањата и дека работи за доброто на сите. Уште поодлучни и попосветени, најавуваме кои ќе бидат главните столбови на нашата работа во наредните четири години. - истакна претседателот на СДСМ Димитар Ковачевски во денешното обраќање на 28 Конгрес на СДСМ.—Во наредните четири години просечната плата ќе достигне рекордни 1.100 евра, а минималната плата ќе изнесува 600 евра или 37.000 денари. - рече Ковачевски—Во 2028 година минималната пензија ќе биде 20.000 денари, а просечната пензија 30.000 денари. Плус, од оваа година, па секоја наредна ќе има новогодишен пакет од 100 евра за секој пензионер во државата - посочи претседателот на СДСМ Димитар Ковачевски во денешното обраќање на 28 Конгрес на СДСМ.

Македонија | пред 2 години

Нема фотографија

Ковачевски: Изборна програма на СДСМ е јасен, конкретен и издржан план за иднината на Македонија

Имаме јасен, конкретен и издржан план за иднината кој е преточен во нашата изборна програма. - истакна претседателот на СДСМ Димитар Ковачевски во денешното обраќање на 28 Конгрес на СДСМ.— Во наредните четири години просечната плата ќе достигне рекордни 1.100 евра, а минималната плата ќе изнесува 600 евра или 37.000 денари. Во 2028 година минималната пензија ќе биде 20.000 денари, а просечната пензија 30.000 денари. Плус, од оваа година, па секоја наредна ќе има новогодишен пакет од 100 евра за секој пензионер во државата. - рече Ковачевски осврнувајќи се на првите два столба од новата програма на СДСМ за изборите, кои е однесуваат на подобрувањето на животниот стандард на граѓаните, но и конкретно на пензионерите.Новата влада на СДСМ ќе обезбеди по 200 евра месечно во првите 12 месеци за секое прво вработување на лица до 26 години. - рече Ковачевски говорејќи за третиот столб, поддршка на младитеКовачевски во обраќањето се осврна и на петтиот и шестиот столб, економија и инфраструктура:-180 милиони евра директна финансиска поддршка на домашните компании за инвестиции во производство. Поттик на економскиот раст, предвидуваме 3,5 милијарди евра јавни капитални инвестиции. Во наредните четири години ќе инвестираме 2,7 милијарди евра во инфраструктурни проекти. Тоа се 194 километри изградени автопатишта до 2028 година и реконструирани 950 километри патишта. - рече КовачевскиЗборувајќи за плановите а во земјоделството, Ковачевски истакна дека со новата програма се безбедуваат уште поголеми субвенции и поддршка за нашите земјоделци од 750 милиони евра. Воедно, проекцијата е дека до 2028 година проектираме Македонија повеќе да извезува отколку што увезува храна. Извозот на земјоделски производи ќе биде 1,25 милијарди евра!-Гарантираме безбедност и сигурност за учениците. Еден од проектите е бесплатен топол оброк за учениците во основните и средните училишта. Бесплатен јавен превоз за сите ученици и студенти. Децата се нашата иднина! - рече Ковачевски говорејќи за седмиот столб, образованието.-Предвидуваме зголемување на вкупното домашно производство на енергија за најмалку 70% до 2028 во однос на 2019 година. Енергетска независност и самостојност со која ќе ГИ ЗАДОВОЛУВАМЕ 100% ОД СОПСТВЕНИТЕ ПОТРЕБИ.Проширувањето на домашните енергетски капацитети ќе влијае на намалување на цените на струјата. - се осврна Ковачевски на столбот посветен на чистата енергија и можностите за обезбедување поевтина струја за граѓанитеГоворејќи за европските фондови кои ќе бидат дополнителен поттик за македонската економија како деветти столб на програмата за избори на СДСМ, Ковачевски посочи дека со отворањето на поглавјата ќе обезбедиме дополнителни фондови за посилна македонска економија и за повеќе знаења и стручност.-Вложуваме повеќе домашни и европски фондови за градење инфраструктура, за реновирања јавни објекти, за Модернизирање на училиштата, за обуки за наставниците и младите. Уште повеќе фондови за обука и пракса за подготовка на младите за добро платени работни места по стандарди на ЕУ. - рече КовачевскиДесеттиот столб е заедничкото чекорење кон Европа за кој претседателот Ковачевски истакна дека СДСМ ќе работи посветено на исполнувањето на двете цели - завршување на преговорите со ЕУ до 2028 година и членство до 2023 година.-Заедно тоа ќе го направиме. Нема откажување од иднината - истакна претседателот на СДСМ Димитар Ковачевски во денешното обраќање на 28 Конгрес на СДСМ.

Македонија | пред 2 години