ИЗБОРИ 2024

Јакимовски: Османи демонстрира лошо ниво на култура и колегијалност

„Господинот Бујар Османи демонстрира лошо ниво на култура и колегијалност. Јас него го почитувам како колега министер и како противкандидат. За разлика од него кога градоначалникот на Струга, Рамиз Мерко беше ставен на црна листа јас јавно ги осудив и се спротивставив на методите што ги применува Стејт Департментот“, вели кандидатот за претседател, Стевчо Јакимовски и додава:„Ифтарот е интимен чин како круна на целодневниот пост и посветувањето на Бога кој се споделува со најблиските. Убеден сум дека канењето на останатите противкандидати на ифтар не му се најблиски, туку ова го прави по потреба и го злоупотребува верскиот обичај за политичка кампања во недостаток на други идеи за себепромоција.Жал ми е што како интелектуалец демонстрира на јавна сцена некултура, а се промовира како проевропски ориентиран тип и тоа му е главна флоскула во предизборието. За жал тој и дел од неговите другари (чест на исклучоците), во ова 20 годишно практикување на власта не покажаа европски манири. Наративот им е европски, а однесувањето и практикувањето на власт ултра западнобалкански.За разлика од нив, можеби мојот наратив е балкански, ама однесувањето и практикувањето на власта ми е европски во секој поглед.А со Рамиз Мерко се гледа во партија? Оди со него на ифтар или го избегнува?Селам алејкум господине противкандидату. Црногорците велат: „Не пада снијег да покрије бријег. Веч да ѕвери оставе траг“.

Македонија | пред 2 години

Нема фотографија

Трет ден молк од Николоски дали донирал барем 1 денар од неговата 78% зголемена плата, велат од кај Пендаровски

„Пратеникот на ВМРО - ДПМНЕ, Александар Николоски веќе трет ден молчи и не одговара дали некому донирал барем еден денар откако добива за 78% поголема плата“, велат од медиа центарот на кандидатот за претседател Стево Пендаровски и додаваат:Николоски три дена не се охрабри ниту да одговори дали знае дали кој било пратеник на ВМРО- ДПМНЕ, градоначалник на ДПМНЕ или директор на јавно претпријатие од редовите на неговата партија имаат донирано дел од својата плата од моментот кога им е зголемена за 78%, колку и кому.Дали молкот на Николоски значи дека тој ниту донирал, ниту планира да донира дел од својата плата? Дали со молкот Николоски ги штити и своите колеги пратеници и останатите сопартијци, кои месеци наназад земаат огромни плати и не сакаат да помогнат никому донирајќи дел од примањата?

Македонија | пред 2 години

Нема фотографија

Таравари го претстави идниот кабинет - експерти и познавачи на повеќе области

Кандидатот за претседател на ВЛЕН, Арбен Таравари вчера го промовираше својот тим со кој ќе ја бара довербата од граѓаните на изборите на 24 април. Забележлив е фактот дека за прв пат претседателски кандидат тоа го прави пред изборите.Во својот кабинет Арбен Таравари има собрано вредни луѓе од сите етникуми, експерти од повеќе области, доктори на науки, одлични познавачи на приликите во државава, кои без сомнение ќе можат да дадат свој придонес за подобрување на животот на граѓаните.„Моето претседателство ќе се води од европските вредности. Нашиот кабинет ќе го предводат експертите: Калтрина Зеколи-Шаќири - професор од областа на граѓанското право; Танер Хасан, доктор по медицински науки (од турската заедница); Бари Абдули, магистер по право (од ромската заедница), Земри Елези, професор на УЕЈЛ“, изјави Арбен Таравари при презентацијата на својот тим.Таравари најави дека денеска претставил само неколку имиња, а во иднина овој тим ќе се прошири и со други вредни луѓе.

Македонија | пред 2 години

Јакимовски и Таравари немаат целосна документација, потврдено за кого ќе може да се гласа на претседателските избори

Стевчо Јакимовски и Арбен Таравари не доставиле целосна документација при кандидирањето за претседтел, констатираше Државната изборна комисија која ги официјализираше кандидатите. На ливчето за гласање ќе се најдат седум имиња. Стево Пендаровски, Гордана Силјановска, Арбен Таравари, Бујар Османи, Стевчо Јакимовски, Билјана Ванковска и Максим Димитриевски влегуваат во трката. Сепак, Јакимовски и Таравари мора да соберат документација за два дена и да ја достават, за да се биде регуларно.„Констатирам дека списокот на овластени претставници на подносители на листите за кандидати за претседател на РМ, листите се потврдени едногласно. За кандидатот Стевчо Јакимовски и Арбен Таравари, треба во рок од 48 часа да достават единствен даночен број и трансакциска сметка“, рече Александар Даштевски – претседател на ДИК.Прв круг за претседателските избори ќе се одржи на 24 април.

Македонија | пред 2 години

Нема фотографија

Средба Џафери - Даштевски: Фер избори по европски вредности и придонес во напредокот кон ЕУ

Денес, на покана на претседателот на Владата на Република Северна Македонија, Талат Џафери, се оствари средба со претседателот на Државната изборна комисија, Александар Даштевски и членовите на Комисијата, затоа што обезбедувањето на фер и демократски избори е мандат на оваа Влада, но и обврска на Државната изборна комисија.Во својот вовед, премиерот Џафери истакна дека, обезбедувањето на изборите не значи само обезбедување од аспект на законската регулатива и минимум стандарди, туку и взаемна проактивност за да може да се предвидат потенцијални кризи и да се предложат сценарија и решенија кои ќе бидат водилка за решавањето на тие кризи. Ова секако е важно, затоа што меѓу другите обврски, двете институции заедно имаат и обврска да ја штитат и репутацијата на институциите и да ја зацврстат довербата на граѓаните во самиот изборен процес. А тоа ќе се постигне само ако низ дела се потврди дека навистина се преземени сите потребни мерки за нивно заштитување и овозможување за остварување на своето право.Претседателот на Државната изборна комисија, Даштевски, го поздрави предлогот на премиерот Џафери за координација, затоа што ДИК како надлежно тело за успешно спроведување на изборите, и при тоа независно, непристрасно, одговорно и професионално во своето работење, има потреба од поддршка и од другите институции.На состанокот се разменија информации околу потребните подготовки за спроведување на претстојните избори. Од двете страни беше нагласена законската надлежност, но и политичката волја, за слободни, фер и демократски изборни процеси на претседателските и на парламентарните избори на 24 април и на 8 мај, на коишто, како и во неколкуте претходни изборни циклуси, граѓаните слободно ќе го направат својот избор.Премиерот Џафери потенцираше дека Владата што ја предводи работи согласно законските прописи за предизборието и дека е одлучно определен надлежните институции да организираат и спроведат фер избори, според најдобрите европски пракси и стандарди.Заедничка констатација на средбата беше дека, Република Северна Македонија е на европскиот пат, практикува европски вредности и потребен е силен фокус од сите политички субјекти и наратив на меѓусебно почитување, за фер и демократски избори што ќе придонесат во напредокот кон Европската Унија.

Македонија | пред 2 години

Нема фотографија

Кандидатурата на Силјановска Давкова беше поткрепена само со триесеттина потписи на пратеници од редовите на ВМРО-ДПМНЕ, тврди Пендаровски

„Гордана Силјановска Давкова од ВМРО-ДПМНЕ е единствениот кандидат за претседател на државата, кој наместо потребните граѓански потписи до Државната изборна комисија со својата кандидатура достави потписи од пратеници“, велат од тимот на кандидатот Стево Пендаровски и додаваат:Пред само две недели ВМРО-ДПМНЕ се фалеше дека за Гордана Силјановска Давкова се потпишале најмногу граѓани, се споменуваа бројки од 20.000, 25.000 потписи па и повеќе.Но на крајот, кандидатурата на Силјановска Давкова беше поткрепена само со триесеттина потписи на пратеници од редовите на ВМРО-ДПМНЕ.Зошто Давкова и Силјановска се одлучија за ваков потег? Дали на денот на собирање на потписите излажаа за вкупниот број на собрани потписи? Дали на списоците можеби имало преклопување на одреден број потписи, едните депонирани во нотарски канцеларии а другите во подрачни одделенија на ДИК? На крајот, дали конечниот број на потписи не само што не е драстично поголем, туку и е помал од бројот на собрани потписи од страна на Стево Пендаровски?Одговор за ова треба да дадат Гордана Силјановска Давкова и ВМРО- ДПМНЕ.Доставувањето на пратеничките потписи покажа две работи: Првата е дека Силјановска Давкова не е натпартиски кандидат, туку единствено кандидат на ВМРО-ДПМНЕ и второ, дека Давкова и ВМРО-ДПМНЕ излажаа десетици илјадници граѓани кои со часови чекаа да се потпишат, а нивните потписи наместо за поддршка на кандидатурата, отидоа во ѓубре.

Македонија | пред 2 години

Меџити да тера машки, а ДУИ преговара со сите други партии за коалицирање

ДУИ преговара со повеќе партии за коалицирање за време на парламентарните избори, посочува лидерот Али Ахмети. Прашан, дали би го примиле Изет Меџити ако реши да им се приклони одново, Ахмети му порача да продолжи понатаму.„Јас би му рекол на Меџити да тера машки“, рече Ахмети.Окрупнувањето на ДУИ е планирано да биде со помалите политички партии од другите етникуми.„Разговараме со повеќе партии. Зборуваме со сите, и со Алијанса и со господинот Тачи, со Аријанит Хоџа, со Бошњачката партија, турската партија, за да се приклучат на овој фронт“, додаде Ахмети.

Македонија | пред 2 години

Ковачевски: Нема откажување од иднината, од надежта, од подобро утре, од европска Македонија

Јасна е и силна пораката денеска. Тука од Битола, јасно и гласно кажуваме дека одиме напред, дека нема откажување од иднината. Нема откажување од надежта, од визијата, од желбата за подобро утре, од европска Македонија - истакна претседателот на СДСМ Димитар Ковачевски на отворањето на промотивниот штаб на СДСМ во Битола.-Направивме и грешки, но една работа ја направивме апсолутно правилно, патриотски и државнички: ја поставивме визијата за европска иднина на нашата земја и одиме до крај со неа. Влеговме во НАТО и започнавме преговори со ЕУ после 17 години чекање. Но, бидете сигурни дека нема лесни решенија за системските проблеми во нашата земја. Затоа на државата и на граѓаните им е е потребна Европската Унија! На сите нам ни е потребна Европската Унија - посочи Ковачевски-Нам не нѝ треба европскиот сон. Не! Нам нѝ е потребен европскиот стандард, европските вредности и европскиот живот, сега, а не во некоја далечна иднина или никогаш. Нам ни требаат правилата и надзорот на ЕУ можеме да ги подобриме здравството, образованието и правосудниот систем.- рече Ковачевски-Затоа ќе ви кажам дека ние, учиме од грешките, и имаме план како да изградиме функционален систем по правилата на Европската Унија. СДСМ е единствената партија која ја постави и која работи да се исполни визијата за европска иднина на нашата земја. И со таа визија одиме до крај! Нема откажување од европската иднина на Македонија!-Овие избори се клучни за иднината на нашата држава и на нашите деца и внуци. И овој пат тоа е навистина така. Од овие избори зависи дали ќе останеме вистинскиот пат кој води кон просперитетна, развиена и европска Македонија или ќе дозволиме Мицкоски и ДПМНЕ да нè заглават во калта на безнадежноста и безизлезноста. - беше дециден Ковачевски-Затоа, тука од Битола, ве повикувам на претстојните избори да ги поддржите СДСМ и Стево Пендаровски. Стево Пендаровски е победничкиот кандидат кој ги споделува прогресивните вредности, со јасна визија за европска иднина на државата. Во досегашниот мандат тој покажа што значи да се биде вистински претседател за сите граѓани. - рече Ковачевски на отворањето на промотивниот штаб во Битола.

Македонија | пред 2 години

ВРЕДИ: Стравот на ОБСЕ за изборни нерегуларности во Северна Македонија се вика Бујар Османи

“Како што веќе јавноста е информирана, канцеларијата на ОБСЕ-ОДИХР, поради стравот од изборни нерегуларности на наредните претседателски и парламентарни избори во Северна Македонија, одлучи овој изборен процес да го надгледува со 24 долготрајни и 300 краткотрајни набљудувачи. Напоменуваме дека за една земја членка на НАТО ваквото присуство на ОБСЕ-ОДИХР на изборите е знак дека оваа земја има реален потенцијал за нерегуларности во изборниот процес, факт кој зборува многу лошо за демократските стандарди на Северна Македонија. Само за споредба, ваква квалификација за изборниот процес немало од 90-тите години на минатиот век”, велат од ВРЕДИ и додаваат:Ова е причината да поставиме прашање која била улогата на Бујар Османи во претседавњето со ОБСЕ и какви извештаи и информации има дадено за ОБСЕ да ја оценува Северна Македонија како земја со кревка демократија? За жал, насто тој да се чувствува одговорен за оваа ситуација, тој го прави спротивното – се жали на ваквиот извештај на ОБСЕ-ОДИХР заборавајќи притоа дека тој е министер за надворешни работи и беше претседавач на OБСЕ во минатата година. Ако оваа ситуација е за плачење, тогаш виновникот е токму Бујар Османи. Затоа што тој беше актерот кој директно влијаеше на овој пристап што ОБСЕ го има кон земјата.Затоа, Бујар османи е должен да објасни зошто е ваквата оценка на ОБСЕ, и, второ – исто така многу важно – врз основа на какви анализи и аргументи Бујар Османи во 2023 година оценил дека изборите во Северна Македонија можат да предизвикат дестабилизација? Кој му ги дал овие информации и зошто тој не ги споделил на транспарентен начин со јавноста досега? Ова неминовно го наметнува прашањето дали ДУИ спрема терен за да предизвика постизборна политичка криза, за да може техничката влада на Талат Џафери да си го продолжи својот технички живот?Во меѓувреме, најбитното прашање е зошто толку многу се плаши од резултатон на изборите и прави се за да не го прифати поразот?Како и да е, 8 мај е блиску и се ова ќе се разјасни веднаш после објавувањето на изборниот резултат. Овој пат ВРЕДИ да чекаме.

Македонија | пред 2 години

„Бектеши му спрема свилен гајтан на Ахмети“ - ВМРО прифаќа оние што ќе изгубат на изборите да се повлечат од политика

Одлично, прифаќаме, одговорија од ВМРО-ДПМНЕ на предлогот што денеска го даде министерот за економија Крешник Бектеши од ДУИ, кој ги повика сите политички партии да се договорат оние што ќе изгубат на претстојните избори да се повлечат од политиката.Потпретседателот на ВМРО-ДПМНЕ, Александар Николоски, вели дека со овој предлог на Бектеши се подготвува терен лидерот на интегративците да се повлече од политиката.-Тоа значи дека Крешник му спрема свилен гајтан на Али Ахмети. Можеби Бектеши е кандидат за лидер на ДУИ, имајќи предвид дека ДУИ ќе ги загуби изборите и дека нема да биде во состав на новата влада. Добро е да се знае дека Бектеши има лидерски амбиции. Ако е така, тогаш раководството на ДУИ ќе остане во Кичево, нели и тој е по потекло од Кичево – рече тој.

Македонија | пред 2 години

За пратеник од дијаспората треба најмалку 5355 иселени гласачи да се регистрираат и гласаат

За избор на пратеник од седмата изборна треба да има најмалку 5355 гласачи кои ќе се регистрираат за гласање и исто толку треба да гласаат. Само вака, иселениците ќе ја добијат можноста да избираат пратеник од дијаспората.„За да биде отворено гласачко место во конзуларна канцеларија во странство, треба да бидат пријавени најмалку 10 гласачи. За да биде избран пратеник од седма изборна единица, треба да освои гласови колку што најмалку гласови имал пратеник од државата на последните избори - тоа значи дека треба има најмалку 5355 гласачи треба да има вкупно регистрирани во сите дипломатски канцеларии во странство, за да има организирање на вакви гласови“, рече портпаролката на ДИК, Љупка Гугутчевска.

Македонија | пред 2 години

Нема фотографија

Бектеши: Кој ќе изгуби да си замине од политиката, далеку сме од коалиција со СДСМ

СДСМ И ДУИ се далеку од договор за заеднички настап на парламентарните избори. Актуелниот министер за економија, Крешник Бектеши утрово делуваше прилично самоуверен дека неговата партија ќе ги добие изборите.Прво рече дека Османи е речиси влезен во вториот круг, а потоа во име на Ахмети упати и понуда до сите партии, да се договорат, оние лидери кои ќе ги загубат изборите да се повлечат од политиката.„Еве повикувам да направиме договор тој што ќе загуби да не се занимава повеќе со политика, еве ние фрламе ракавица, ова важи и за ВМРО-ДПМНЕ. Нека повелат јавно да потпишеме тој што ќе изгуби ибори, нека не се занимава со политика. Сите лидери загубиле избори повеќе пати, само господинот Ахмети никогаш не изгубил избори и нема ни да изгуби“, рече Бектеши.

Македонија | пред 2 години

Нема фотографија

Јавна „тајна“ се носителите на листи од СДСМ: Ковачевски не ги открива, но извори ги откриваат дел од имињата

Во тајност се држат носителите на листи од СДСМ и кандидатите за пратеници. Претседателот на партијата, Димитар Ковачевски, кажа дека станува збор за познати кадри кои извршувале високи функции, но не и кои се тие.„Носители ќе бидат партиски членови кои и во минатото извршувале високи функции во државата, а истото го мислам и за кандидатите за пратеници. Ќе имаме конгрес на почетокот од последната недела во месец март“, рече Ковачевски.Според информации на „Скопје1“, во изборната единица еден, носител ќе биде партискиот лидер Димитар Ковачевски. Тоа тој го потврди и во неколку наврати. Според досегашната пракса, ќе има и втор носител на листа, а тоа најверојатно ќе биде лидерката на ЛДП, Моника Зајкова.Во втората изборна единица, предводници ќе бидат Фатмир Битиќи и Сања Лукаревска. А пак, Оливер Спасовски кој во минатото беше носител во двојката, сега се сели во третата изборна единица, заедно со Љупчо Николовски.Четворката е резервирана за Венко Филипче, додека петтата изборна единица ќе биде предводена од Јован Митревски и Бисера Костадиновска-Стојческа.Шестата изборна единица е неизвесна. Таму се споменуваат повеќе имиња за носители на листа, како Славјанка Петровска и Миле Зечевиќ. Партијата, нема одлучено кој ќе биде.На уште едно добитно место се надева ЛДП, но и НСДП. Тука битката е помеѓу досегашните Соња Мираковска и Горан Мисовски, но аспирации има и партискиот секретар Мики Милковски.

Македонија | пред 2 години

(Видео) Објавен прв изборен спот за Стево, се претставува како гласен критичар на неправдите и политичар кој бара одговорност

Чесен и совесен, политичар кој бара одговорнсот - вака во предизборниот спот кој трае шест минути се претставува Стево Пендаровски, кандидат на СДСМ за претседател, кој сака втор мандат.„Чесен и совесен во работењето. Гласен критичар на неправдите, застапник за транспарентност и професионалност. Пендаровски беше и остана отворен за јавноста. Претседател кој успешно ја претставува државата надвор. Како еден од предводниците на нашата европска интеграција, ќе продолжи да работи за членство на државата во ЕУ. Стево е претседател кој обединува, кој почитува. Претседател за сите нас – Стево Пендаровски!“, стои во описот на видеото.

Македонија | пред 2 години

Ванковска: Ако Канада има само државно здравство зошто да нема и Македонија

“Јас сум за воспоставување целосно на јавен/државен систем на здравствена заштита. Ако една Канада има само државно здравство, тогаш по што е Македонија толку покапиталистичка и полиберална? Кое е фајдето за човекот? Уништувањето на јавното здравство има катастрофални последици и за поединците и за општеството: сега сме поделени на тие што имаат пари да си обезбедат поквалитетна здравствена заштита, и тие што мораат да одат во руинирани државни објекти. Да не зборувам за „миграцијата“ на здравствениот кадар за повисоки плати кон приватното здравство, па и во насока на напуштање на земјата (главно заминување во Германија или Хрватска)', вели кандидатот за претседател на Левица - проф. Билјана Ванковска и додава:Само јавното здравство се заснова на принципите на солидарност и хуманост, односно еднаквост на човечкиот живот и здравје. Сите издвојуваме за здравствениот фонд, а добиваат тие на кои заштитата им е нужна, поради хронични или акутни заболувања, повреди, попреченост.Конечно, се надевам дека како општество ќе имаме сили СИСТЕМСКИ да го решиме проблемот со урнисаното здравство, да обезбедиме достоинствена положба на медицинските лица и установи (условите во кои работат се очајна приказна сама по себе), но и на пациентите – кои и да се, кога и да им треба помош од заедницата и од струката.

Македонија | пред 2 години

Нема фотографија

Уште пет телевизии и три портали добија право на политичко рекламирање, на изборите ќе се гласа и со истечени документи

Државната изборна комисија на денешната 86 -та седница, направи измена и дополнување на Регистрите на радиодифузери, печатени медиуми и електронски медиуми (интернет портали) за избори за претседател на државата и избори за пратеници во Собранието на Република Северна Македонија.Согласно чл.75 ѓ ст.11 од Изборниот закон, а врз основа на поднесени барања за упис и доставени корегирани ценовници кои радиодифузерите беа должни да ги достават во рок од 72 часа од моментот на приемот на известувањето, а истите беа навремено уредно доставени, Државната изборна комисија донесе одлука во Регистарот на радиодифузери, печатени медиуми и електронски медиуми(интернет портали) за избор на претседател на Република Северна Македонија и за избор на пратеници во Собранието на Република Северна Македонија да се впишат следните радиодифузери:ТЕЛЕВИЗИЈА ТВ КАНАЛ ВИСТЕЛЕВИЗИЈА 3 СКОПЈЕРАДИО 99 СКОПЈЕРАДИО ЗОНА М1РАДИО КАВАДАРЦИДржавната изборна комисија, согласно чл.75 ѓ ст. 7 од Изборниот закон, а врз основа на поднесени барања за упис и доставени ценовници, кои поради технички грешки беа испуштени да бидат впишани или беа погрешно напишани во Регистарот на радиодифузери, печатени медиуми и електронски медиуми(интернет портали) за избор за претседател на Република Северна Македонија и избор на пратеници во Собранието на Република Северна Македонија, ги впишува односно корегира следните електронски медиуми ( интернет портали):www. timebalkan.comwww. infozona.mkwww. skopjeinfo.mkНа седницата, Државната изборна комисија ја извести јавноста дека согласно измените на изборниот законик, во избирачкиот список се запишуваат сите граѓани со наполнети 18 години живот заклучно со денот на изборите, според актот за распишување на изборите, кои имаат живеалиште на територијата на Република Македонија. Податоците до Државната изборна комисија се доставуваат од страна на Министерството за внатрешни работи.Согласно преодната одредба од измените на изборниот законик која ќе се применува само за изборите во 2024 година, избирачите ќе може да гласаат со лична карта или со патна исправа чија што важност истекла во периодот од 9 месеци до денот на одржување на изборите.На претседателските избори ќе може да гласаат граѓаните на кои по било кој основ им истекле личните документи од 24.07.2023 година до денот на изборите односно до 24.04.2024 година.На парламентарните избори ќе може да гласаат граѓаните на кои по било кој основ им истекле личните документи од 08.08.2023 година до денот на изборите на 08.05.2024 година.Државната изборна комисија на денешната седница одлучи да се направи измена на Упатството со Методологија за примена на член 21 став (2), (3) и (4) од Изборниот законик за избор на претседател, членови и нивни заменици во општинските изборни комисии и Изборната комисија на Град Скопје, врз основа на пресудата на Вишиот управен суд со која во општините во кои живеат најмалку 20% од граѓаните припадници на другите заедници каде се одразува принципот на соодветна и правична застапеност на сите заедници, изборот ќе се врши по национална припадност според Пописот на населението од 2021 година, притоа земајќи го предвид резидентното население.

Македонија | пред 2 години

Коалиција “ВЛЕН„: Дали ДУИ е подготвен да предизвика политичка криза за да не го признае извесниот пораз?

,,Серија симптоматични потези на раководството на ДУИ заедно со Извештајот на ОДИХР за потенцијалните ризици за изборите, кој ќе биде тема во Австрија на средбата на Габриел Ескобар со ОБСЕ, ни дава за право основано да се сомневаме во намерите на очајните губитници, кои на 08 мај ќе треба после 20 години да се префрлат во опозиција. Еве ја хронологијата на крајно симптоматичните нивни ставови.Прво, Али Ахмети во февруари во Косово изјави дека сега не е време за Претседател Албанец.Второ, Артан Груби кога ДУИ стана свесен дека не може да најдат начин да спречат ВЛЕН да има претседателски кандидат, објави на фејсбук “Само Али Ахмети” , алудирајќи дека тој ќе биде нивен претседателски кандидат.Трето, кога Арбен Таравари објави дека станува претседателски кандидат на ВЛЕН, Али Ахмети се исплаши дека ќе биде поразен и одлучи да го жртвува Бујар Османи, со идејата за уставни измени за промена на изборот на претседател и воведување нова функција заменик претседател, како услов на ДУИ за било каква коалиција со Македонските партии.Потоа, на промоцијата на Бујар Османи на Кале, Али Ахмети излезе со четврта “пишман аџија” теза, односно го промовираше слоганот “Дојде време за првиот претседател Албанец”. Никогаш порано ДУИ не изгледал позбунето и поисплашено. Тргнувајќи од онаа народната “очајникот се фаќа за сламка”, земајќи го предвид Извештајот на ОДИХР кој прогнозира можна нестабилност и небезбедни избори, имаме основано право да се сомневаме дека ДУИ е подготвен да предизвика политичка криза за да не го признае извесниот пораз кој следи.Не смееме да занемариме дека претседателскиот кандидат на ДУИ до вчера беше Претседавач на ОБСЕ и имал или морал да има увид и да учествува во изготвување на овој Извештај. ДУИ нема право да зборува за Прв претседател Албанец бидејќи наместо да го подржи Арбен Таравари одлучи да се обиде да ја саботира можноста тоа да се случи сега, веднаш во 2024. Никој не може да застане на патот на промените кои ги посакува Албанскиот народ и тие ќе се случат.ВЛЕН ќе формира Влада, победата е сигурна. Апелот до граѓаните е масовно да гласаат и да изберат 20 пратеници на ВЛЕН за да го направиме тоа што ДУИ не успеа да го направи за 20 години владеење. Ние ќе бидеме клучен фактор за исполнување на полноправно членство во ЕУ и гарантор за стратешкиот колосек на државата. А за сите корупциски скандали на дел од раководството на ДУИ следи одговорност", велат од ВЛЕН.

Македонија | пред 2 години

Нема фотографија

Проверете дали ве има во Избирачкиот список, увидот истекува на 18 Март

Интензивно течат подготовките за претседателските и за парламентарните избори. Граѓаните кои сакаат да го остварат своето избирачко право до 18 март, според Роковникот на ДИК можат да направат увид во Изборачкиот список.Подготовките за претседателските, но и за парламентарните избори се интензивни од страна на учесниците на изборите, но и од страна на Државната изборна комисија (ДИК). На 18 март завршува увидот во Избирачкиот список и за претседателските и за парламентарните избори, а тогаш завршува и рокот за гласање во дијаспората. Листите на кандидати за претседател на Република Северна Македонија, овластените претставници на предлагачите ги доставуваат до ДИК најдоцна на 19 март, до 24:00 часот.Вкупно 3.994 лица, заклучно со 11 Март направиле проверка во Избирачкиот список во подрачните единици и канцеларии, шест лица барале промена на податоците, девет лица барале запишување на своите податоци во Избирачкиот список, а пет бришење.Проверката граѓаните ја прават и електронски преку веб страната на ДИК, но исто така можат да поднесат и барања.Според роковите, листите за кандидати за претседател, овластените претставници на предлагачите ги доставуваат до ДИК најдоцна на 19 март, до 24:00 часот.Листите на кандидати за претседател на Република Северна Македонија, овластените претставници на предлагачите ги доставуваат до ДИК најдоцна на 19 март, до 24:00 часот.За МИА од ДИК информираат дека дека заклучно со 11 март, вкупно 3.994 лица направиле проверка во Избирачкиот список во подрачните единици и канцеларии, шест лица барале промена на податоците, девет лица барале запишување на своите податоци во Избирачкиот список, а пет бришење.

Македонија | пред 2 години

Дискриминирани се граѓаните кои ќе наполнат 18 години меѓу два изборни круга и тие кои се на лекување, оти не можат да гласаат, алармираат од Комисијата

Комисијата за спречување и заштита од дискриминација бара граѓаните кои ќе наполнат 18 години меѓу два изборни гкруга на претседателските избори, да можат да гласаат. Тие одново повторија дека уште на 9 август 2021 година, утврдиле директна дискриминација од страна на ДИК и индикрена која произлегува од одредбите на Изборниот законик.„Овие лица заради одредбите од изборниот законик не можеле да бидат запишани во избирачкиот список меѓу двата изборни круга, а со тоа биле спречени да го остварат уставно загарантираното право на глас. Воедно, Комисијата на 13 септември 2021 година утврди директна повеќекратна дискриминација по основ на личен став, здравствена состојба, возраст во областа на остварувањето на избирачкото право на граѓаните кои за време на изборите се сместени во здравствени установи“ посочија од Комисијата.Тие посочуваат дека иако во тековниов период Изборниот законик беше изменет за исполнување на препораките на Комисијата, до денеска, не се информирани дека се направени и препорачаните измени.

Македонија | пред 2 години

Нема фотографија

Петрушевски: Претседателот Мицкоски направи идеален избор

Она што морам да го истакнам е дека по вчерашните реакции на јавноста, на луѓето со кои што комуницирам е дека претседателот Мицкоски има направено идеален избор на носителите на листи. Тоа секако и народот ќе го каже и на избори, но она што како реакција го слушам и гледам преку социјалните мрежи и во комуникација со граѓаните не слушнавме некаква негативна реакција за било кој од кандидатите, Бране Петрушевски, пратеник во своето гостување на радио Лидер.Тој во врска со носителите на листи говореше и за носителот на изборната единица 2, Владо Мисајловски за кој рече дека Мисајловски е човек со интегритет, со чесност, енергија за дејствување.Во мојата изборна единица 2, Владо Мисајловски е потпретседател на партија и човек со кој соработувам од младинските години, човек со интегритет, со чесност што е најбитно во оваа лошо време/невреме, мотиватор, човек кој секогаш има енергија за дејствување и мислам дека еве вака нескромно да кажам дека најголемото изненадување очекуваме да го направиме во изборната единица 2, позитивно се разбира за ВМРО-ДПМНЕ, кажа Петрушевски.Пратеникот Петрушевски се осврна и на тоа што двајца премиери досега се од СДС, Димитар Ковачевски и Оливер Спасовски и укажа дека од нив граѓаните на Куманово не виделе никаков бенефит.Реално доколку ги прашате кумановци што добро виделе од тоа што двајца кумановци биле премиери, ќе ви кажат ништо, нема нешто бомбастично што се случило во Куманово или не знам да привлекле некаква инвестиција, некаков сериозен капитален инфраструктурен проект или да бил решен некаков проблем на Куманово. Така што бенефитот од ова што кумановци биле премиери го имале само они лично, пред се тука мислам на нивните лични сметки и на нивното лично богатење, порача Петрушевски.

Македонија | пред 2 години

(Фото) Случајно се сретнаа Силјановска и Пендаровски

Додека партиите кои ги предлагаат „војуваат“ и обвинуваат, двајцата претседателски кандидати, Гордана Силјановска-Давкова и Стево Пендаровски со почит се однесуваат еден кон друг.Тие денеска се сретнаа на Комеморативната вечер во спомен на македонските Евреи кои на 11 март 1943 година биле депортирани во Треблинка. Се ракуваа и заедно присуствуваа на настанот на кој Пендаровски имаше обраќање. Силјановска беше во придружба на пратеничката Рашела Мизрахи. Фотографијата ја сподели Пендаровски.И ова не е првпат Силјановска-Давкова и Пендаровски да се однесуваат со почит еден кон друг, без разлика на секојдневните соопштенија од СДСМ и ВМРО-ДПМНЕ кои упатуваат обвинувања за двајцата кандидати. На годишнината од загинувањето на поранешниот претседател Борис Трајковски, кога му се оддаваше почит, двајцата кандидати исто така се сретнаа и ракуваа.

Македонија | пред 2 години

Нема фотографија

Подмолно, без консултации најголемите политички партии ги исфрлија од изборна трка независните кандидати, реагираат од НВО

Собранието со 84 гласа за, ниту еден против и двајца воздржани усвои измени на Изборниот законик, со кои се зголемуваат квотите на граѓанските потписи за учество на независните кандидати на избори. Место илјада потписи од регистрираните гласачи во една изборна единица, независните кандидати и независните листи сега ќе мора да соберат најмалку еден процент потписи од вкупниот број избирачи во нивната изборна единица. На ова реагираат од НВО и независните кандидати за кои сега ќе биде проблем учеството на избори.Еве ја нивната реакција: На подмолен начин, без консултации и јавна расправа, по скратена постапка и спротивно на препораките на ОБСЕ/ОДИХР, најголемите политички партии под изговор дека им помагаат на граѓаните без валидни документи, донесоа дополнителни скриени измени на Изборниот законик со што практично ги исфрлија од игра независните кандидати и ги спречија да учествуваат на сите следни избори на локално и на национално ниво.Поднесени од пратениците на ВМРО - ДПМНЕ, СДСМ и ДУИ и со премолчана поддршка од сите останати, измените го зголемуваат прагот на потребните потписи за учество на изборите, од досегашните 1.000 потписи, на 1% отсто од запишаните избирачи. Ваква измена истиот овој парламентарен состав се обиде да спроведе и пред локалните избори во 2021 година со цел отстранување на голем дел од новите независни кандидати, но обидот беше блокиран од голем број на амандмани. За потсетување, на локалните избори 2021 година независни кандидати добија место во дури 33 општини или 41% од сите општини во Македонија и Градот Скопје. Преведено во бројки на национално ниво ако ја земеме за пример Изборната единица (ИЕ) 1, наместо досега потребните 1.000 потписи, со усвоените измени на независните ќе им требаат 3.372 потписа за да поднесат независна листа.Според бројките на запишани избирачи, за ИЕ 2 на независните ќе им бидат потребни 2.408 потписи, за ИЕ 3 - 3.005, за ИЕ 4 - 2.945, за ИЕ 5 - 3.395 и за ИЕ 6 - 2.486 потписи.Просекот на граѓани кои излегле на гласање на последните парламентарни избори во 2020 г. во ниту една ИЕ не надминува 60% од гласачите на избирачкиот список. За споредба, во ИЕ 1 се запишани 337.214 гласачи, од кои гласале 169.773 или 50%.Овие измени ги истиснуваат независните и од учество на локалните избори идната година. За независна листа на кандидати за членови на совет, односно листа на кандидат за градоначалник на Град Скопје, ќе бидат потребни 4,674 потписи. Нс последните локални избори во 2021 година, во град Скопје запишани избирачи биле 467.373, од кои гласале 229.531. Ако ги земеме изборните резултати каде што еден советник од независната листа бил избран со 4.611 гласа, произлегува дека повеќе потписи ќе бидат потребни за учество отколку за добиено советничко место на избори. За независна листа на кандидати за членови на совет, односно листа на кандидат за градоначалник на Град Скопје, ќе бидат потребни 4.674 потписи.Уште еден илустративен пример за дискриминаторската политика кон независните е фактот што за регистрација на политичка партија се потребни 1.000 потписи. Таа одредба не е променета. Начинот на отежнато собирање на потписите преку канцелариите на ДИК е дополнителен проблем за кој независните и досега реагираа. Таа отежнувачка околност останува и со новите измени. Меѓународните норми и препораки велат дека не смее да има порестриктивни барања за независните кандидати од тие за партиите. За споредба со земјите во чие друштво сакаме да бидеме:● Австрија и Белгија имаат барање од 200-500 потписи, зависно од регионот;● Британија - 10 потписи;● Финска - 10 потписи или три и пет во помали општини;● Германија - 200 потписи;● Данска помеѓу 150 и 200;● Ирска 15 потписи за општини и 60 за парламентарни избори;● Кипар и Малта - четири потписи;● Грција - 12 потписи;● Во Естонија и Франција нема барања за потписи.Кај нас потребата од демократија и плурализам е огромна, како резултат на незадоволството од делувањето на постоечките партии. Независните и досега се соочуваа со дискриминаторски методи преточени во законски одредби или наследени пракси од институциите. Како илустрација, пристапот до избирачкиот список не им беше овозможен на независните кандидати, редниот број на гласачкото ливче за нив иако се извлекуваше со жрепка, секогаш нивното место беше по 80-тото. Партиите што доминираат на политичката сцена од одамна наликуваат на трговски друштва што на изборите не гледаат како на прилика за победа на мерки и политики кон унапредување на животот на граѓаните, туку како на прилика за заграбување на што поголем дел од ресурсите на Македонија за партиски цели. Со последните измени, политичките партии само ја зацврстуваат својата монополска позиција и оневозможуваат влез на независни листи. На ваков начин во Македонија не само што нема простор за т.н. трета опција, туку теренот е скроен да нема никаква алтернативна опција. Иако навидум лути непријатели, партиите и од власта и од опозицијата се во совршено хармонични односи и веднаш наоѓаат заеднички јазик кога треба да го одбранат нивниот „терен“ на влијание.Како група на независни активисти и членови на совети низ Македонија, бараме веднаш да се отстранат апсурдните услови за собирање потписи на независните кандидати на избори, и да: Се постави услов од најмногу 50 собрани потписи за независни кандидати Се дозволи собирање потписи на терен и надвор од канцелариите на ДИК Се зголеми периодот на собирање потписи на 30 дена Се дозволи името на советничките независни листи да биде во целост наведено на избирачкото ливче Се дозволи пристап и на независните до избирачкиот список Овие измени да се направат веднаш, по скратена постапка, како што минатата недела беа направени измените за блокирање на независните кандидати, се вели во реакцијата потпишана од:Независни За Карпош - ЗаЗаштита На Карпош - СкопјеЗелен Хуман Град - СкопјеШанса за Центар - Центар - СкопјеПодобро за Тетово - Më mirë përTetovën - ТетовоПонаку - БитолаЗелените Од Гази Баба - СкопјеСТИГА Е - СтрумицаСТИГА Е - Фронт против рудникот и загадувачите на животната средина - Босилово, Ново Село.

Македонија | пред 2 години

(Фото) Филипче излезе од сенка во пресрет на изборите

Докторот Венко Филипче по паузата откако го тргнаа од министерската функција, пак се врати на политиката. Излегува на терен, се среќава со граѓани, држи говори и објаснува зошто треба да се гласа за СДСМ на претстојните избори. Пред неколку денови, тој беше во Радовиш, каде се отвораа општински штабови. Речиси и да нема објавена фотографија без него на неа.„Партиските простории се тесни за да ја соберат реката од народ на отварањето на штаб на СДСМ во втора месна!!! Ова е само мала најава за двојната победа на СДСМ!!! Гостин: д-р Венко Филипче“, стои во објавата.Иако не е официјално објавен како носител на листа, се потврдуваат неофицијалните информации дека тој ќе биде носител на СДСМ во Изборната единица 4. Филипче важи за близок чоек до експремиерот Зоран Заев, а од политиката излегоа речиси истовремено. Филипче е познат и ценет доктор, додека како министер беше ептен фален, па ептен критикуван поради постапките кои ги имаше.

Македонија | пред 2 години

Вила Водно остана само желба за осуммина кои сакаа да се тркаат на претседателските избори, а не собраа ниту 10.000 потписи

Од 15 претенденти, само седум влегуваат во претседателската трка. Другите, не успеаја да ги соберат потребните 10.000 потписи кои ќе им помогнеа да застанат на стартната линија да се обидат да се „качат“ до Вила Водно. Дел од тие кои не успеаја да ги убедат граѓаните да се потпишат за нив, во изминатите денови убедуваа дека се сигурни дека ќе ја добијат поддршката.Па така, желбата за кандидат нема да му се исполни на Вело Марковски кој прв најави дека ќе поднесе кандидатура. Тој има само 1634 потписи, далеку од доволното за да може да подготвува и кампања. Без ниту еден потпис е Томе Николоски, едно од лицата за кои најголем дел од јавноста не знае буквално ништо. Последни влегоа и брзо излегоа од игра - Гоце Ристов и Драган Николовски кои имаат по шест потиси.Најинтересен за јавноста беше Господин Поповски од Вевчани. Него го поддржаа 145 граѓани со потпис, а со нив, не може да продолжи кон Вила Водно каде е претседателската резиденција. Дома си останува и Ѓорѓи Манасков, за него, играта завршува. Истото важи и за Мерсиха Смаиловиќ од Бошњачката партија.Иако беше убедена дека ќе ја добие поддршката која и е потребна, Зорица Цветковска не влезе во трката за претседател. Таа беше децидна дека граѓаните ќе застанат зад нејзе, а е предлог на „Десна“, партија на Љупчо Палевски-Палчо кој е осомничен за убиствата на Вања Ѓорчевска и Панче Жежовски.Седумте кандидати кои ќе имаат кампања и се претседателски кандидати се Гордана Силјановска-Давкова од ВМРО-ДПМНЕ која собра и најмногу поддршка, Стево Пендаровски од СДСМ кој бара втор мандат, Арбен Таравари како претставник на албанската опозиција, Стевчо Јакимовски од ГРОМ, Максим Димитриевски од ЗНАМ, Бујар Османи од ДУИ, Билјана Ванковска од Левица.

Македонија | пред 2 години

Изборниот законик велат не смеел да се менува пред избори, освен кога тоа им одговара на партиите на власт, коментира Најчевска

Професорката Мирјана Најчевска ги искритикува парламентарните партии што гласале за измена на Изборниот законик. Според неа, не смеел да се менува пред избори.„Изборниот законик велат не смеел да се менува пред избори, освен кога тоа им одговара на партиите на власт. Па така Изборниот законик е променет по распишување на изборите, по скратена постапка. Променети се 38 члена, меѓу кои за зголемување на бројот на граѓани кои може да предложат советник или градоначалник, одредби кои се однесуваат на финансирањето на изборите и претставувањето во медиумите и надвор од нив. И не е точно дека промените се оние кои ги барал ОБСЕ/ОДИХР. А изборното ветување на СДСМ за ЕДНА ИЗБОРНА ЕДИНИЦА И ОТВОРЕНИ ЛИСТИ не може да биде испочитувано затоа што 7 години е краток период да се усогласат ставовите, и затоа треба да добијат уште толку. Се разбира ВМРО-ДПМНЕ не ни ветуваат вакво нешто. ДУИ не ја рачунам. Тоа не е партија туку мафија“, вели Најчевска.Собранието на 147 седница по скратена постапка ги донесе законите за дополнување и измени на Изборниот законик, откако претходно беа разгледани на матичните комисии и Законодавно-правната комисија каде што не биле усвоени амандмани и немаше дополнителни предлози за расправа.

Коментари | пред 2 години