МВР

Тројца уапсени во Скопје, двајца од нив во Чаир

На 31.05.2024 во 19.20 часот на подрачјето на Чаир, полициски службеници од Единицата за недозволена при СВР Скопје ги лишиле од слобода С.Б.(21) и М.В.(22), двајцата од скопско, поради тоа што кај нив била пронајден и одземен кокаин.На 31.05.2024 во 18.50 часот на подрачјето на општина Аеродром, полициски службеници од Единицата за недозволена при СВР Скопје го лишиле од слобода В.Г.(45) од Скопје, поради тоа што кај него бил пронајден и одземен кокаин.По целосно документирање на случајот ќе следува соодветен поднесок.

Македонија | пред 1 година

Нема фотографија

Пронајдена дрога кај тројца малолетници од Велес

На 30.05.2024 во 22.20 часот на место викано „Прилепски пат“ во Велес, полициски службеници од СВР Велес лишиле од слобода тројца малолетници од Велес.Тие биле затекнати во патничко возило и откако ги забележале полициските службеници од возилото фрлиле марихуана која била пронајдена до возилото и одземена.Малолетниците биле приведени во полициска станица, известен бил јавен обвинител и Центарот за социјални работи и по документирање на настанот против нив ќе биде поднесен соодветен поднесок.

Македонија | пред 1 година

Нема фотографија

При пад мотоциклист се здобил со тешки повреди, однесен во болница

На 30.05.2024 во 18.42 часот во ОВР Дебар, од Општата болница Дебар било пријавено дека кај нив со тешки телесни повреди бил донесен Б.С. од Дебар.Според пријавеното, тој се здобил со повредите при пад од мотоцикл кој го управувал на ул.„Џавид Уштеленца“ во Дебар.Извршен бил увид од увидна екипа од ОВР Дебар.

Македонија | пред 1 година

Несреќа на автопатот Гостивар-Тетово: Возило излетало од патот, возачот со тешки повреди

На 30.05.2024 во 23.40 часот во СВР Тетово било пријавено дека на автопатот Гостивар-Тетово, кај клучка Камењане, патничко возило „хјундаи генезис“ со скопски регистарски ознаки, управувано од У.Р.(34) од Скопје, излетало од патот.Во несреќата со тешки телесни повреди се здобил возачот, констатирани во Клиничка болница Тетово.Увид на местото извршила екипа од СВР Тетово.

Македонија | пред 1 година

МВР: Згрижувач пријавил обљуба на малолетничка во Скопје

На 29.05.2024 во 14.10 часот во СВР Скопје, М.Г., во присуство на социјален работник, пријавила дека на 17.05.2024 во скопско село, Г.М. извршил обљуба врз малолетничка на која таа ѝ е законски згрижувач.Според пријавеното, тој упатувал и закани кон малолетничката и кон М.Г..Се преземаат мерки за расчистување на случајот.

Македонија | пред 1 година

Нема фотографија

100 сообраќајни санкции во Скопје

Секторот за внатрешни работи Скопје во текот на вчерашниот ден (30.05.2024) продолжи со контролите во областа на сообраќајот.На територија на град Скопје изречени се вкупно 100 мерки, меѓу кои за возење без возачка дозвола 14 санкции, десет санкции за користење мобилен телефон при возење, осум мерки за технички неисправни и нерегистрирани возила...Сообраќајните контроли продолжуваат и во наредните денови.Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 1 година

Крвав инцидент во Скопје: малолетник е со тешки повреди, натепан од врсници во училиште

На 29.05.2024 во СВР Скопје, од Градската општа болница „Св.Наум Охридски“ - Скопје било пријавено дека кај нив со тешки телесни повреди бил донесен малолтеник од с.Чифлик, скопско.По преземени мерки било констатирано дека околу 12.30 часот пред основно училиште во с.Чифлик, а по претходна расправија на социјална мрежа, малолетникот бил физички нападнат од неколку малолетници, кои употребиле и тврд предмет.За настанот бил известен јавен обвинител и се преземаат мерки за негово расчистување.

Скопје | пред 1 година

Скопјанец натепан од девојка му, во Аеродром жена натепана од поранешниот дечко

На 29.05.2024 во 11.00 часот во СВР Скопје, 45-годишен маж од Скопје пријавил дека на 27.05.2024 околу 19.10 часот во канцеларија на подрачјето на Центар бил физички нападнат од неговата партнерка М.С.(45) од Скопје. Се преземаат мерки за расчистување на случајот.На 29.05.2024 во 21.16 часот во СВР Скопје, 26-годишна жена пријавила дека на 25.05.2024 околу 01.30 часот во нејзиниот дом на подрачјето на општина Аеродром била физички нападната од нејзиниот поранешен партнер П.Р.(38) од Скопје. Се преземаат мерки за расчистување на случајот.

Скопје | пред 1 година

Киднапирање во Скопје: го ставиле во возило и го однеле под мостот „Беласица“

СВР Скопје поднесе кривична пријава против Т.Ч.(35) од Прилеп, поради постоење основи на сомнение за сторено кривично дело „противправно лишување од слобода“.Пријавениот, заедно со А.Т. и К.К., со употреба на сила го внеле К.Б. во патничко возило, по што А.Т. со остар предмет му нанел повреди, а потоа на мостот „Беласица“ физички го нападнале и му одзеле пари.

Скопје | пред 1 година

Скопјани се испотепале во ресторан во Градски парк

Денеска (30.05.2024) во 02.50 часот во СВР Скопје било пријавено дека во угостителски објект во Градскиот парк во Скопје бил нарушен јавниот ред и мир со физичка пресметка помеѓу С.Н.(19) од една страна и еден малолетник од друга страна, двајцата од Скопје.По целосно документирање на случајот ќе следува соодветен поднесок.

Скопје | пред 1 година

Спречен шверц на поголема количина производи за широка потрошувачка

На 29.05.2024 во 08.00 часот кај место викано „Тракаљачко маало“ во атар на село Танушевци, скопско, полициски службеници од Одделението за прекуграничен криминал и миграции Скопје и од Полициската станица за граничен надзор Танушевци при Регионалниот центар за гранични работи Север, по претходно добиени сознанија и во соработка со косовската гранична полиција, спречија криумчарење на производи за широка потрошувачка од Косово кон Република Северна Македонија.Имено, полициските службеници затекнале две товарни возила, по што возачите го напуштиле местото. При преглед на товарното возило „фолксваген“ со шведски национални ознаки била пронајдена поголема количина производи за широка потрошувачка, додека за товарното возило „мерцедес“ без регистарски ознаки било констатирано дека е празно.Увид на местото извршила екипа од СВР Скопје, за настанот бил известен јавен обвинител, а производите биле однесени во Полициската станица за граничен надзор Танушевци за понатамошна постапка.

Македонија | пред 1 година

Велосипедист удрил малолетничка, па избегал од местото

На 29.05.2024 во 20.15 часот во СВР Скопје било пријавено дека на ул.„Серава“ во Скопје, велосипедист удрил во пешак-малолетничка, по што го напуштил местото.Во несреќата со тешки телесни повреди се здобила малолетничката, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.

Скопје | пред 1 година

20-годишник прегазил малолетен велосипедист од Скопје

На 29.05.2024 во 15.45 часот во СВР Скопје било пријавено дека на бул.„АСНОМ“ во Скопје, патничко возило „тојота“ со скопски регистарски ознаки, управувано од С.М.(20) од Скопје, удрило во велосипед управуван од малолетник од Скопје.Во несреќата со тешки телесни повреди се здобил малолетникот, а со телесни повреди се здобил и малолетен сопатник од велосипедот, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.

Скопје | пред 1 година

Приведено лице од валандовско: Предизвикал пожар пред туѓа куќа, па избегал

На 29.05.2024 во 11.30 часот во село Удово, валандовско, полициски службеници од Полициската станица Валандово го лишиле од слобода К.Ш.(23) од с.Удово, поради постоење основи на сомнение за сторено кривично дело „предизвикување општа опасност“, по член 288 од Кривичниот законик.Имено, тој се сомничи дека околу 08.30 часот со запалива течност предизвикал пожар пред влезната врата од куќата на П.Л., а откако бил забележан од сопствениците со спреј испрскал еден од нив и го напуштил местото.Пожарот бил изгаснат, а повредени лица нема.За настанот бил запознаен јавен обвинител од Основното јавно обвинителство Гевгелија и по негово документирање против лицето ќе биде поднесена соодветна пријава.

Македонија | пред 1 година

Приведени две лица, украле возило од паркинг

На 29.05.2024 во напуштен објект на ул.„Илија Николовски Луј“ во Старата касарна, полициски службеници од СВР Битола ги лишиле од слобода К.Д.(18) од Кавадарци и Џ.М.(40) од Битола.Кај нив било пронајдено патничко возило „опел астра“ со ресенски регистарски ознаки, за кое А.Р.(24) од Ресен истиот ден пријавил дека му било одземено во близина на паркингот кај спортската сала во Битола.Возилото било вратено на сопственикот, а по целосно документирање на случајот против лицата ќе биде поднесена соодветна пријава.

Македонија | пред 1 година

Приведен криминалец, осуден на 10 години затвор

На 29.05.2024 во 23.30 часот, полициски службеници од ОВР Гостивар го привеле М.М.(42) од гостиварско Дебреше. Тој бил осуден на 10 години казна затвор за сторени повеќе кривични дела „тешка кражба“ и „кражба“, а бил баран по централна потерница врз основа на судска наредба поради бегство од Казнено – поправната установа Затвор Идризово за доиздржување на шест години од казната.При приведувањето кај него биле пронајдени и одземени предмети кои потекнуваат од кривично дело. Тој е задржан во полициска станица и по документирање на случајот ќе биде спроведен во Казнено – поправната установа Затвор Идризово за доиздржување на казната.

Македонија | пред 1 година

Нема фотографија

114 сообраќајни санкции во Скопје

Секторот за внатрешни работи Скопје во текот на вчерашниот ден (29.05.2024) продолжи со контролите во областа на сообраќајот.На територија на град Скопје изречени се вкупно 114 мерки, меѓу кои за возење без возачка дозвола 10 санкции, десет санкции за користење мобилен телефон при возење, четири санкции за некористење на сигурносен појас, седум мерки за минување на затворен сигнал - црвено светло...Сообраќајните контроли продолжуваат и во наредните денови.Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Скопје | пред 1 година

Крвава тепачка во Дебар, завршила со прободување со нож

Надворешната канцеларија за криминалистички работи Дебар поднесе кривична пријава против Ј.Д.(32) од Дебар, поради постоење основи на сомнение за сторено кривично дело „загрозување со опасно орудие при тепачка или караница“. На 20.05.2024 во угостителски објект, по претходна расправија, пријавениот со нож го повредил М.Д. (24).

Македонија | пред 1 година

Се трага по 15-годишно девојче од Скопје

На 28.05.2024 во 16.00 часот во Полициската станица Центар, од Јавна установа за згрижување деца било пријавено дека од установата се оддалечила нивната штитеничка Ѓ.А.(15), која и претходно повеќе пати се оддалечувала и била враќана назад.Се преземаат мерки за пронаоѓање на лицето.

Скопје | пред 1 година

Ограбена обложувалница во Бутел

На 28.05.2024 во 22.10 часот во СВР Скопје било пријавено дека во спортска обложувалница на подрачјето на општина Бутел, едно лице со закана кон вработена одзело пари од дневниот промет.Се преземаат мерки за расчистување на случајот.

Скопје | пред 1 година

Пожар во касарната во Ѓорче Петров

Денеска (29.05.2024) во 03.25 часот во СВР Скопје било пријавено дека во кругот на Касарната Ѓорче Петров настанал пожар во еден објект.Повредени лица нема, а пожарот бил изгаснат од екипа на Бригадата за противпожарна заштита Скопје.Извршен бил увид од увидна екипа од СВР Скопје.

Македонија | пред 1 година

Фатен телефонски измамник од Битола: Земал 398.000 денари претставувајќи се како лажен инспектор

СВР Битола поднесе кривична пријава против З.М. (37) од Битола, поради постоење основи на сомнение за сторено кривично дело „измама“.На 15.05.2024, пријавениот ѝ се јавил на 76 – годишна жена, ѝ се претставил како инспектор во полиција во Охрид, при што ја известил дека нејзината внука направила сообраќајна несреќа во Охрид во која прегазила дете мигрант, чии родители барале пари.Истиот ден, кај оштетената дошло друго лице на кое таа му дала 398.000 денари.

Македонија | пред 1 година

На скопјанка и се запали автомобилот пред полициската станица Пролет

На 28.05.2024 во 16.25 часот во СВР Скопје, С.А.(29) од Скопје пријавила дека пред полициски објект на подрачјето на Центар, додека го управувала нејзиното патничко возило „цитроен“ со скопски регистарски ознаки, настанал пожар.Пожарот бил изгаснат со интервенција на полициски службеник со противпожарен апарат, а потоа и од Бригадата со противпожарна заштита Скопје.Повредени лица нема, а полициски службеници од СВР Скопје излегле на местото на настанот.

Скопје | пред 1 година

Скопјанец пријавил дека го тепале сопругата и малолетната ќерка

На 28.05.2024 во 10.05 часот во СВР Скопје, 44-годишен маж од Скопје пријавил дека во семејниот дом на подрачјето на општина Аеродром, поради нарушени односи, бил физички нападнат од неговата сопруга Ј.Р.(49) од Скопје и од нивната малолетна ќерка, кои оштетиле и дел од покуќнината.Се преземаат мерки за расчистување на случајот.

Скопје | пред 1 година

Загина 68-годишна жена: Ја прегазил малолетен мотоциклист

На 28.05.2024 во ОВР Прилеп било пријавено дека на ул.„Тризла“ во Прилеп, мотоцикл „хамачи” без регистарски ознаки, управуван од малолетник од Прилеп, удрил во пешакот Г.М.(68) од Прилеп.Во несреќата со тешки телесни повреди се здобила Г.М. и била пренесена во Градската болница Прилеп каде што подоцна починала, а со телесни повреди се здобил мотоциклистот.Извршен бил увид од увидна екипа од ОВР Прилеп.

Македонија | пред 1 година