МВР

Пешак тешко повреден откако бил удрен од автомобил во Визбегово

Педесет и четиригодишен пешак од Велес се здобил со тешки телесни повреди откако бил удрен од патничко возило во скопското село Визбегово, информираат од Министерството за внатрешни работи.Според полицијата, несреќата се случила на 9 јануари 2026 година околу 21:20 часот на улицата „4“ во Визбегово, кога патничко возило „опел“ со скопски регистарски ознаки, управувано од К.Р. (20) од Визбегово, удрило во пешакот Ц.Ц. (54) од Велес.Пешакот со тешки телесни повреди бил пренесен во Комплексот клиники „Мајка Тереза“ во Скопје, каде повредите му биле констатирани од лекарска екипа. На местото на настанот бил извршен увид од увидна екипа на СВР Скопје, а се преземаат мерки за целосно расчистување на случајот.

Скопје | пред 2 месеци

Возач на автобус физички нападнал 79-годишен патник во Бањани, кој со тешки повреди завршил во болница

Седумдесет и деветгодишен жител на скопското село Бањани се здобил со тешки телесни повреди откако бил физички нападнат од возач на автобус на јавен превоз, информираат од Министерството за внатрешни работи.Според пријавата, на 9 јануари 2026 година околу 08:30 часот во СВР Скопје било пријавено дека М.В. (79) од село Бањани бил нападнат од Г.Г., возач на автобус на линијата број 61, во кој оштетениот претходно се превезувал. По симнувањето од автобусот, меѓу двајцата настанала расправија, која ескалирала во физички напад.Како последица на нападот, М.В. се здобил со тешки телесни повреди, кои му биле констатирани во Градската општа болница „Свети Наум Охридски“ во Скопје.Од МВР информираат дека по целосно документирање на случајот ќе биде поднесен соодветен поднесок против сторителот.

Скопје | пред 2 месеци

Телефонска измама во Виница: Жена останала без над 12 илјади евра

Шеесет и седумгодишна жена од Виница пријавила дека била жртва на телефонска измама, при што ѝ биле одземени 12.400 евра, информираат од Министерството за внатрешни работи.Според пријавата поднесена на 9 јануари 2026 година во 15:00 часот во ОВР Виница, оштетената била телефонски контактирана од лице кое се претставило како лекар. Тој ѝ соопштил дека нејзината снаа наводно се здобила со тешка повреда на работното место и дека итно биле потребни пари за хируршка интервенција.Како што е пријавено, жената подигнала пари од банка и ги оставила на локацијата што ѝ била посочена од лицето, верувајќи дека помага во лекувањето. Подоцна сфатила дека станува збор за измама и случајот го пријавила во полиција.Од Министерството за внатрешни работи информираат дека се преземаат мерки и активности за целосно расчистување на случајот и за пронаоѓање на сторителот.

Македонија | пред 2 месеци

Пронајден починат 48-годишен маж во стан во Скопје

Починато лице е пронајдено во стан во централното градско подрачје на Скопје, информираат од Министерството за внатрешни работи. Случајот бил пријавен на 9 јануари 2026 година во 17:07 часот во СВР Скопје.Според официјалната информација, во стан на улицата „Рајко Жинзифов“ бил пронајден починат А.М. (48) од Скопје. На местото на настанот интервенирал лекар, кој констатирал смрт, при што не биле забележани видливи траги на насилство.По насоки на надлежен јавен обвинител, телото на починатиот е предадено на обдукција, со цел да се утврдат точните причини за смртта. Полицијата презема мерки за целосно расчистување на случајот.

Скопје | пред 2 месеци

18-годишник ја усмртил жената во Капиштец, па веднаш со татко му избегал од државата: автомобилот најден пред нивната куќа

СВР Скопје поднесе кривична пријава против четири лица во врска со тешката сообраќајна несреќа што се случи вчера околу 11:30 часот на улицата „Народен фронт“ во центарот на Скопје, во која животот го загуби 79-годишна жена.Според информациите од Министерството за внатрешни работи, патничко возило „фолксваген пасат“ со скопски регистарски ознаки, управувано од С.С. (18) од Скопје, удрило во пешакот Љ.Ј. (79), која од здобиените повреди починала во Ургентниот центар. По несреќата, возачот го напуштил местото на настанот без да ѝ укаже помош на повредената жена.По пријавата за несреќата, полициските службеници веднаш презеле интензивни мерки за пронаоѓање на возачот и возилото. Преку системот „Безбеден град“, камерите од околните објекти и изјави од сведоци, било утврдено дека станува збор за возило сопственост на Б.С. (45) од Скопје, управувано од неговиот син С.С. (18).Возилото било пронајдено пред домот на сопственикот, каде бил затекнат С.С. (69), кој бил приведен и со него бил извршен службен разговор. Дополнително било утврдено дека возачот С.С. (18) и неговиот татко Б.С. (45), со помош на Ш.П. (45) и А.Ј. (53) од Скопје, ја напуштиле државата во текот на истиот ден.Лицата Ш.П. и А.Ј. се лишени од слобода и против нив е поднесена кривична пријава за кривично дело „помагање на сторител по извршено кривично дело“, додека против 18-годишниот возач е поднесена кривична пријава за „тешки дела против безбедноста на луѓето и имотот во сообраќајот“, како и за „неукажување помош на лице повредено во сообраќајна незгода“.По возачот и неговиот татко е распишана потерница, а во рамки на истрагата се пронајдени и одземени двете возила – „фолксваген пасат“, со кое била удрена жената, и „мерцедес“, со кое осомничените ја напуштиле државата. За целиот случај е известен јавен обвинител, а истрагата продолжува.Трагедијата предизвика силни реакции во јавноста, особено поради фактот што сторителот го напуштил местото на несреќата и, со помош на други лица, се обидел да избегне одговорност за загубениот човечки живот.

Скопје | пред 2 месеци

Се собрале четири кавадарчани за да крадат ламинат од магацин, ама ги уапсија

Полициски службеници од Одделението за внатрешни работи Кавадарци, на 9 јануари 2026 година, во периодот од 16:00 до 19:35 часот, лишиле од слобода четири лица од Кавадарци, осомничени за сторено кривично дело кражба. Станува збор за Е.О. (32), И.С. (28), К.Ј. (26) и Ѓ.К. (26), кои, според полициските информации, одзеле ламинат од магацински простор во сопственост на правно лице од градот.Дел од одземениот материјал бил пронајден и вратен на сопственикот. По приведувањето, осомничените биле задржани во полициска станица, а за настанот бил известен надлежен јавен обвинител. По целосно документирање на случајот, против нив ќе биде поднесена соодветна кривична пријава, соопшти Министерството за внатрешни работи.

Македонија | пред 2 месеци

Почина жената што утрово беше прегазена на „Народен фронт“ во Скопје

Жената која денеска беше прегазена на улицата „Народен фронт“ во центарот на Скопје, починала попладнево во Ургентниот центар, каде што беше пренесена по сообраќајната несреќа, информираат здравствени извори.Според Министерството за внатрешни работи, станува збор за жена на возраст од околу 75 години, а возачот кој го удрил пешакот и го напуштил местото на настанот и е во бегство.На местото на несреќата напладне беа забележливи траги од крв и скршен ретровизор од возилото. Полициски екипи и понатаму вршат увид и преземаат мерки за целосно расчистување на случајот и пронаоѓање на сторителот.

Скопје | пред 2 месеци

Две жени се прегазени во Скопје и еден судар во Битола, три сообраќајни несреќи во еден ден

Во текот на 8. јануари 2026 година се случиле три сообраќајни несреќи во кои три лица се здобиле со тешки телесни повреди, информираат од МВР.Во 06:50 часот, во селото Петровец, патничко возило „шкода“ со скопски регистарски ознаки, управувано од 46-годишен жител на Петровец, удрило во 61-годишна жена од Скопје. Повредената била пренесена во Градската општа болница „Св. Наум Охридски“, каде што ѝ биле констатирани тешки телесни повреди.Во 12:00 часот, на крстосницата меѓу улиците „Московска“ и „Женевска“ во Скопје, патничко возило „цитроен“ со скопски регистарски ознаки, управувано од 54-годишен жител на Скопје, удрило во 74-годишна жена од Скопје. Таа со тешки телесни повреди била пренесена во Градската општа болница „Св. Наум Охридски“.Во 14:54 часот, на крстосницата од улиците „8 Септември“, „Крсте Нале“ и „Раштанска“ во Битола, се случила сообраќајна несреќа меѓу патничко возило „сеат ибица“, управувано од 19-годишен жител на Битола, и патничко возило „опел астра“, управувано од 46-годишна жена од селото Кукуречани. Жената се здобила со тешки телесни повреди и била пренесена во Клиничката болница Битола.За сите три сообраќајни несреќи бил извршен увид од надлежни полициски екипи.

Македонија | пред 2 месеци

Работник починал по пад од зграда во изградба во Дебар

На 08.01.2026 околу 11:35 часот во ОВР Дебар, од Итна медицинска помош е пријавено дека на пат кон болницата во Дебар починал С.К.(40) од Дебар. Според пријавеното, околу 11:15 часот тој паднал од зграда во изградба на ул.„Братство единство“ во Дебар, каде што работел, и на пат кон болницата починал. На местото излегле трудов инспектор и јавен обвинител, по чија наредба телото е дадено на обдукција. Увид на местото извршила екипа од ОВР Дебар, соопшти МВР.

Македонија | пред 2 месеци

Пријава за физички напад од партнерка во Центар

На 08.01.2026 во 00:00 часот во СВР Скопје, 36-годишен маж од Скопје пријави дека на 04.01.2026 во неговото патничко возило на подрачјето на Центар, бил физички нападнат од неговата 36-годишна партнерка И.В. од Скопје. Се преземаат мерки за расчистување на случајот, се вели во соопштението на МВР

Скопје | пред 2 месеци

Уапсен државјанин на Турција и гостиварец оти платиле нафта со 50 евра за кои постои сомнеж дека се фалсификувани

Две лица се лишени од слобода поради сомнение за сторено кривично дело „фалсификување пари“ на автопатот Гостивар–Тетово, кај селото Жеровјане, соопшти Министерството за внатрешни работи.Според информациите од МВР, на 6 јануари 2026 година околу 21:35 часот, полициски службеници од СВР Тетово ги привеле С.С. (31) од Гостивар и Ч.Ј.Б. (24) од Република Турција, по претходно пријавен настан поврзан со користење сомнителна банкнота.Имено, во 17:15 часот во Полициското одделение Жеровјане, А.Р. (22) од селото Жеровјане, вработен на бензинска пумпа во истото село, пријавил дека околу 15:40 часот две лица со патничко возило „цитроен“ со гостиварски регистарски таблички точеле гориво и му дале банкнота од 50 евра, за која се посомневал дека е фалсификувана.По преземените мерки, двете лица биле пронајдени и лишени од слобода, а во моментов се задржани во полициска станица. По целосно документирање на случајот, против нив ќе биде поднесен соодветен поднесок.

Македонија | пред 2 месеци

Тешка сообраќајна несреќа на булеварот „Србија“: Повредени три лица

Две лица се здобиле со тешки телесни повреди, а едно со телесни повреди во сообраќајна несреќа што синоќа се случила на булеварот „Србија“ во Скопје, соопшти Министерството за внатрешни работи.Според информациите од МВР, на 6 јануари 2026 година околу 21:50 часот во СВР Скопје било пријавено дека на булеварот „Србија“ се случила сообраќајна несреќа меѓу патничко возило „даихатсу“ со бугарски регистарски ознаки, управувано од Ј.Ч. (63) од Прилеп, со престој во Скопје, и трицикл марка „томос“, управуван од М.С. (18) од Скопје.Во несреќата, со тешки телесни повреди се здобиле возачот на трициклот М.С. и неговиот сопатник С.Р. (23), додека уште еден сопатник од трициклот, И.С. (19), се здобил со телесни повреди. Повредите биле констатирани во Градската општа болница „Свети Наум Охридски“ во Скопје.Увид на местото на несреќата извршила увидна екипа од СВР Скопје, а се работи на целосно расчистување на случајот.

Скопје | пред 2 месеци

Инцидент на Бит Пазар

Според информациите од МВР, на 6 јануари 2026 година во 14:45 часот во СВР Скопје, М.Г.Д. од Република Турција, со престој во Скопје, пријавил дека на 5 јануари 2026 година околу 17:50 часот на подрачјето на Бит Пазар бил пресретнат од лице со иницијали В.Ф. и уште едно лице.Како што е наведено во пријавата, В.Ф. започнал да удира по неговото возило, по што пријавителот подоцна повторно бил пресретнат од истото лице и уште едно друго лице. Во вториот случај, според пријавата, тие физички го нападнале и дополнително му го оштетиле возилото.Од Министерството за внатрешни работи соопштуваат дека се преземаат соодветни мерки и активности за целосно расчистување на случајот.

Македонија | пред 2 месеци

Неколку полицајци од сообраќајна со верско лице ги осветувале возилата, па заменик-министерот најавува казни за нив и тие кои виделе а не спречиле

Заменик-министерот за внатрешни работи Астрит Исени јавно реагираше по објавените фотографии од осветување на службени полициски возила и објекти во кругот на Министерството за внатрешни работи, оценувајќи дека станува збор за директно кршење на принципот на секуларна држава и на законите.Исени потенцира дека прскањето со света вода од страна на верско лице врз службени возила и објекти во рамки на паркингот на МВР не може да се третира како приватен верски чин, туку како недозволиво мешање на религијата со државните институции.Според него, настанот бил извршен од неколку припадници на една сообраќајна полициска единица, во соработка со верско лице, и не го претставува ниту официјалниот став, ниту институционалното дејствување на Министерството. Истовремено, случајот, како што наведува Исени, укажува на ниско ниво на професионална свест кај дел од полициските службеници.„Уставот на Република Северна Македонија, во член 19, јасно ја утврдува одвоеноста на верските заедници од државата. Законот за полиција бара целосна и безусловна неутралност“, посочува Исени.Тој нагласува дека МВР е државна институција која мора да им служи на сите граѓани еднакво, без оглед на нивната верска припадност, и дека службените простории и средства не се сопственост на ниту една верска заедница и не смеат да се користат за верски ритуали или активности.„Полицијата е во служба на сите граѓани и не смее да постапува со двојни стандарди“, наведува заменик-министерот.Исени најавува дека, согласно внатрешните правилници на МВР, на одговорност ќе бидат повикани сите лица кои го организирале или дозволиле овој чин, оние кои не го спречиле неговото извршување, како и тие што овозможиле влез на верско лице во објектите на Министерството за вршење верски активности.Според него, само преку доследна примена на законот и еднаквост пред него може да се врати довербата на граѓаните и на вработените во институцијата.„Почитувањето на верските убедувања е неопходно, но мешањето на религијата со безбедносните институции е неприфатливо и опасно за еднаквоста, институционалната неутралност и довербата на граѓаните“, порачува Исени.Тој ја завршува пораката со јасна порака: државата е секуларна, полицијата е на граѓаните, а законот е над секој верски симбол.

Македонија | пред 2 месеци

МВР отвори постапка по фотографиите со попот и осветувањето на полициските возила

Министерството за внатрешни работи соопшти дека Одделот за внатрешна контрола, криминалистички истраги и професионални стандарди презема соодветни мерки и активности за целосно утврдување на околностите поврзани со фотографиите на кои се гледа верски обред врз службени полициски возила во кругот на Министерството.„Во однос на објавените фотографии за кои прашувате, Министерството за внатрешни работи ве известува дека Одделот за внатрешна контрола, криминалистички истраги и професионални стандарди при МВР презема соодветни мерки и активности за целосно утврдување на околностите, по што јавноста ќе биде соодветно информирана“, наведуваат од МВР за „Скопје1“Фотографиите, кои во изминатите денови се проширија на социјалните мрежи, предизвикаа бурни реакции во јавноста. На нив се забележува свештеник како врши верски обред и осветување на службени возила во дворот на МВР, при што се присутни и полициски службеници.Дел од граѓаните го оправдуваат ваквиот чин, посочувајќи дека во православната традиција постои молитва за осветување на возила и дека станува збор за симболичен гест со цел заштита и безбедност. Наспроти тоа, друг дел од јавноста остро реагира, оценувајќи дека ваквата практика е спротивна на уставното начело на секуларност и дека државните институции мора да бидат верски неутрални.Новинарот Фуркан Салиу од „ПорталХ“ јавно реагираше, оценувајќи дека не станува збор за традиција, туку за сериозно прашање на уставност.„Полицијата во Македонија е мултиетничка, мултирелигиска и мора да им служи на сите еднакво. Таа не припаѓа на ниту една вера. Кога една вера добива официјален простор во полицијата, пораката до другите е јасна – оваа институција има доминантна вера. Ова не е симболика, туку институционализација на религијата и кршење на Уставот, кој ја дефинира државата како секуларна“, напиша Салиу.Дебатата повторно го отвори прашањето за границата меѓу верските обичаи и функционирањето на секуларните државни институции, како и за потребата од јасни правила и одговорност во јавниот простор. Слични реакции во јавноста имаше и пред една година, кога беше извршен верски обред во Собранието.Од МВР најавуваат дека по завршување на постапката за утврдување на фактите, јавноста ќе биде дополнително информирана.

Македонија | пред 2 месеци

(Фото) Среќа што немало пешак: возач излета со возилото во приватен двор во Волково

Автомобил излетал од коловозот, се искачил на тротоар и удрил во ограда на приватен имот во Волково, во близина на местото викано „Шкорпион“ во Ѓорче Петров. Инцидентот се случи во вечерва, а според сведоштво на очевидец, за среќа во моментот на несреќата на тротоарот немало пешаци ниту други возила.Од фотографиите и пораките што ги испрати очевидецот, може да се види дека дека невниманието на возачот можело да доведе до голема катастрофа. Повикана беше полиција која правеше увид, а возачот ќе биде тестиран за алкохол.„Излета на тротоар и удри кај комшијата во ограда. Лом им направи. Среќа што немаше возила и луѓе на тротоар. Овде е страшно да се живее веќе. Хаос“, стои во сведочењето за „Скопје1“.Жителите реагираат дека ваквите сообраќајни инциденти се зачестени и апелираат до институциите за зголемени контроли, особено во вечерните и ноќните часови, како и за подобра сообраќајна сигнализација и физички мерки за заштита на пешаците.Повеќе информации се очекуваат од МВР во текот на утрешниот ден.ПРЕТХОДНО во близина на истава локација:

Скопје | пред 2 месеци

По расправија во домот, 33-годишна жена пријавена за напад врз сопругот

Полициски службеници од СВР Скопје на 5 јануари 2026 година извршиле службен разговор со двајца сопружници од скопско, постапувајќи по претходна пријава за семејно насилство, соопшти Министерството за внатрешни работи.Според пријавата, 37-годишен маж пријавил дека на 1 јануари 2026 година, во семејниот дом во скопско, по претходна расправија бил физички нападнат од неговата 33-годишна сопруга.Од МВР информираат дека по целосно документирање на случајот ќе следува соодветна пријава, согласно законските прописи.

Скопје | пред 2 месеци

Украдени неколку парчиња оружје од „Паркови и зеленило“

Во СВР Скопје е пријавена тешка кражба во објект во сопственост на Јавното претпријатие „Паркови и зеленило“ во Скопје, соопшти Министерството за внатрешни работи.Според пријавата, на 5 јануари 2026 година околу 9 часот, од јавното претпријатие било пријавено дека во периодот од 2 до 5 јануари 2026 година, во барака на подрачјето на општина Карпош, со употреба на физичка сила и алат е извршена тешка кражба.При провалата, од сеф биле одземени неколку парчиња огнено оружје, кое било користено од Службата за обезбедување на јавното претпријатие.Од МВР информираат дека се преземаат мерки и активности за целосно расчистување на случајот и за пронаоѓање на сторителите.

Скопје | пред 2 месеци

Прегазен пешак во Гостивар, повредени тинејџери во Скопско – две тешки сообраќајни несреќи за еден ден

Во текот на 5 јануари се случиле две сериозни сообраќајни несреќи во кои три лица се здобиле со тешки телесни повреди, меѓу кои и малолетници.Во село Бојане, скопско, 47-годишен возач од тетовското село Рогле управувајќи возило „Ауди“ со италијански регистарски таблички изгубил контрола и удрил во бетонски ѕид. Во несреќата тешко бил повреден 17-годишен сопатник од Тетово, а 14-годишна сопатничка се здобила со телесни повреди. Повредените се пренесени во Клиничката болница во Тетово и на Клиниките „Мајка Тереза“ во Скопје. Извршен е увид од екипа на СВР Скопје.На регионалниот пат Гостивар – село Градец, во населба Млаки, возач на „Мерцедес“ од Врапчиште удрил во 69-годишен пешак од Гостивар, кој се здобил со тешки телесни повреди, констатирани во Медицинскиот центар во Гостивар. Извршен е увид од екипа на ОВР Гостивар.Полицијата работи на утврдување на причините за двете несреќи.

Македонија | пред 2 месеци

Денеска посебен сообраќаен режим во Скопје поради „Бадниковите поворки“

По повод големиот христијански празник Бадник на подрачјето на град Скопје денеска ќе се одржи „Бадникова манифестација“ во склоп на „Бадникови Поворки“ со траса на движење од пред општинската зграда на општина Кисела Вода, по ул.„Борис Трајковски“, лево по бул.„Македонија“, во продолжение по ул.„Св. Кирил и Методиј“ до пред Музеј на град Скопје, потоа на ул.„Македонија“ во продолжение се до плоштад „Македонија“ каде што ќе се одржува централната манифестација.Од тие причини Единицата за безбедност на патниот сообраќај при СВР Скопје ќе преземе мерки за пренасочување на сообраќајот како и мерки за посебен режим на сообраќај на сообраќајниците каде што ќе се движат Бадниковите Поворки и околу верските објекти.-Апелираме до сите учесници во сообраќајот да се почитуваат наредбите кои ќе ги даваат униформираните полициски службеници, велат од МВР.

Скопје | пред 2 месеци

Посебен режим на сообраќај утре во Скопје поради Бадниковите поворки

Утре, 6 јануари 2026 година, по повод големиот христијански празник Бадник, на подрачјето на град Скопје ќе се одржи „Бадникова манифестација“ во рамки на традиционалните „Бадникови поворки“.Според најавата, поворката ќе се движи по траса што започнува пред општинската зграда на Општина Кисела Вода, по улицата „Борис Трајковски“, потоа лево по булеварот „Македонија“, во продолжение по улицата „Св. Кирил и Методиј“ до Музејот на Град Скопје. Од таму, поворката ќе продолжи по улицата „Македонија“ сè до плоштадот „Македонија“, каде ќе се одржи централната манифестација.Поради настанот, Единицата за безбедност на патниот сообраќај при СВР Скопје ќе преземе мерки за пренасочување на сообраќајот и воведување посебен режим на сообраќај на улиците по кои ќе се движат Бадниковите поворки, како и во близина на верските објекти.Од СВР Скопје апелираат до сите учесници во сообраќајот да ги почитуваат наредбите и насоките што ќе ги даваат униформираните полициски службеници, со цел безбедно и непречено одвивање на манифестацијата.

Скопје | пред 2 месеци

Две лица уапсени во Кичево — осомничени за напад со нож!

На 04.01.2026 во 14:45 часот во Кичево, полициски службеници од ОВР Кичево ги лишија од слобода А.А.(45) и Ј.Д.(36), двајцата од Кичево. Тие се сомничат дека околу 13:30 часот во близина на с.Трапчин дол, кичевско, на место викано „Сеферов бунар“, по претходна расправија, со нож го нападнале и му нанеле убодни рани на Б.А.(38) од Кичево, кој по укажаната помош во болницата во Кичево, поради сериозноста на повредите е пренесен во Градската општа болница „8 Септември“ во Скопје.При претреси во нивните домови, извршени по судска наредба, полициските службеници од криминалистичката полиција пронајдоа ножеви, додека кај Ј.Д. се пронајдени шприц исполнет со течна кафеава материја и предмети со остатоци од бела прашкаста материја. Известен е јавен обвинител, а по целосно документирање на случајот, против нив ќе биде поднесена соодветна пријава.

Македонија | пред 2 месеци

Почина 83-годишен возач на мопед по сообраќајка кај Крива Паланка

На 04.01.2026 во 11:00 часот во ОВР Крива Паланка е пријавено дека на локалниот пат во с.Дурачка Река, кривопаланечко, кај место викано „Мушкаричина бавча“, 83-годишниот К.М. од с.Кошари, кривопаланечко, управувајќи мопед „томос“, изгубил контрола и паднал на коловозот. Во несреќата со тешки телесни повреди се здобил возачот, констатирани во Здравствен дом Крива Паланка, по што бил пренесен во Комплекс клиники „Мајка Тереза“ Скопје, каде што подоцна починал. По наредба на јавен обвинител, телото на починатиот е дадено на Судска медицина за обдукција, а увид извршила увидна екипа на ОВР Крива Паланка.

Македонија | пред 2 месеци

Возеле со 168 и 188 километри на час, а и пијани: МВР приведе шест возачи во Штип, Струмица и Охрид

Од Министерство за внатрешни работи информираат дека во текот на 4 и 5 јануари 2026 година полициските службеници лишиле од слобода повеќе лица поради управување возила под дејство на алкохол и поради екстремно пречекорување на дозволената брзина.На 5 јануари 2026 година, во 01:51 часот во Штип, полициски службеници од СВР Штип го лишиле од слобода С.З. (59) од Штип. При контрола во патниот сообраќај било сопрено патничко возило „мерцедес“ со штипски регистарски таблички, кое го управувал осомничениот. По преземените мерки било утврдено дека тој возел под дејство на алкохол, со 1,66 промили алкохол во крвта, по што бил веднаш исклучен од сообраќај и задржан во полициска станица.Ден претходно, на 4 јануари 2026 година во 04:20 часот во Струмица, полициски службеници од СВР Струмица го лишиле од слобода П.Т. (27) од селото Добрејци, струмичко. Тој управувал патничко возило „киа“, а при контролата било констатирано дека има 1,70 промили алкохол во крвта. И во овој случај возачот бил веднаш исклучен од сообраќај и задржан во полициска станица.Истиот ден, во 01:45 часот во Струмица, бил лишен од слобода и К.Р. (56) од селото Нова Маала, општина Василево. Тој управувал патничко возило „фиат“ со струмички регистарски ознаки и кај него биле измерени 1,61 промили алкохол во крвта.Полицијата привела и лица поради екстремно пречекорување на дозволената брзина. На 4 јануари 2026 година во 14:28 часот во Струмица бил лишен од слобода С.Б. (27) од Италија, кој управувал патничко возило „ренџ ровер“ со италијански регистарски ознаки со брзина од 124 километри на час во населено место каде дозволената брзина е 50 километри на час.Неколку часа претходно, во 13:13 часот на магистралниот пат А-4, на паркингот кај Дукатино, полициски службеници од ОВР Радовиш го лишиле од слобода В.М. (43) од селото Дабиле, струмичко. Тој управувал патничко возило „фолксваген артеон“ со италијански регистарски таблички со брзина од 168 километри на час на делница каде сообраќајниот знак ограничува брзина од 80 километри на час.На магистралниот пат Кичево–Охрид, кај селото Ново Село, на 4 јануари 2026 година во 16:20 часот, полициски службеници од СВР Охрид го лишиле од слобода Б.Л. (29) од селото Мешеишта, општина Дебарца, со престој во Германија. Тој управувал патничко возило „ауди“ со германски национални ознаки со брзина од 188 километри на час на делница каде максимално дозволената брзина е 100 километри на час.Од МВР соопштуваат дека по целосно документирање на настаните, против сите приведени лица ќе бидат поднесени пријави по член 297-а од Кривичниот законик за кривично дело „безобѕирно управување со моторно возило“.

Македонија | пред 2 месеци

Двајца кавадарчани приведени за кражба на клупа од јавен простор

Полициски службеници од Одделението за внатрешни работи Кавадарци синоќа лишиле од слобода две лица осомничени за кражба на општинска клупа од јавен простор во градот.Како што информира Министерството за внатрешни работи, на 3 јануари 2026 година околу 22 часот биле приведени Е.М. (23) и А.М. (26), двајцата од Кавадарци, по претходна пријава дека на улицата „Видое Смилевски Бато“ одзеле клупа во сопственост на Општина Кавадарци.По пријавата, полициските службеници извршиле преглед на патничко возило марка „форд“ со кавадаречки регистарски таблички, управувано од А.М., при што во возилото била пронајдена и одземена клупата.Двете лица биле спроведени во полициска станица, а одземениот предмет ќе биде вратен на сопственикот. По целосно документирање на настанот, против осомничените ќе биде поднесена соодветна пријава, соопшти МВР.

Македонија | пред 2 месеци