OHRID

Градоначалникот Георгиески со честитка по повод националниот ден на Власите, 23 мај

По повод Националниот ден на Власите, во мое лично име и во името на Општина Охрид упатувам срдечни честитки до припадниците на влашката заедница со искрени желби за добро здравје, меѓусебно почитување и благосостојба.Власите се нераскинлив дел од градењето на нашето општество и даваат вреден придонес во негувањето на меѓуетничкиот соживот и толеранција.Одбележувањето и почитувањето на овие празници е од исклучително значење за чување и унапредување на меѓусебните односи, како и за јакнење на заедничкиот стремеж за напредок и развој на сите полиња.Верувам дека и во иднина ќе продолжиме заедно да чекориме кон подобра иднина за нашиот град и нашата држава и да обезбедиме подобар живот за идните генерации, стои во ФБ објавата на Георгиески.

Македонија | пред 4 години

Георгиески: Со задоволство ја прифатив поканата од „Охрид трчат“да учествувам на традиционалната Панел дискусија, посветена на спортскиот туризам

На 6 ти јуни, Охрид по петти пат ќе биде домаќин на Спортската манифестација „Охрид трчат“.Со организаторите на овој спортски собир разговаравме за подготовките на овогодинешното издание како и за деталите на сите предвидени настани во рамки на програмата.Со задоволство ја прифатив поканата да учествувам на традиционалната Панел дискусија, посветена на спортскиот туризам на која ќе дискутираме за значењето на ваквите манифестации во насока на развој на туризмот, Напиша на својот ФБ профил градоначалникот на Охрид, Константин Геогиески. Извор: ФБ Константин Георгиески

Македонија | пред 4 години

Во Охрид свечено одбележување на солунските браќа Кирил и Методиј

Со полагање свежо цвеќе пред споменикот на Светите Кирил и Методиј, во понеделник 24 мај, ќе биде одбележан денот на овие двајца големи просветители. Потоа е предвидена културна програма во црквата Св.Софија, со почеток од 17 часот.Словенските просветители, браќата Кирил и Методиј се првите мисионери на христијанството помеѓу Словените од Голема Моравија и Панонија. Преку нивната работа тие влијаеле врз културниот развој на сите Словени, поради што ја добиле титулата Апостоли на Словените. Тие се заслужни за изумување на глаголицата, првата азбука искористена да се препише старословенскиот јазик. По нивната смрт, нивните ученици ја продолжуваат нивната работа и дејност помеѓу Словените. Двајцата браќа се почитувани во Источната православна црква како светци со титулата Еднакви со Апостолите. Во 1880, Папата Лав XIII ја вовел нивната слава во календарот на Римокатоличката црква. Во 1980, Јован Павле Втори ги прогласил за созаштитници на Европа, заедно со Бенедикт Нурсијски.Св. Кирил и Св. Методиј Солунски се родени браќа од Солун,од угледно и богато византиско семејство, татко Лав и мајка Марија. Постариот брат, Методиј, како офицер помина десет години меѓу македонските Словени. Потоа се оддалечи на гората Олимп и се предаде на монашки подвиг. Овде подоцна му се придружи и Кирил (Константин Филозоф). Кирил и Методиј, познати како солунските браќа просветители, имаат голема улога во словенската историја. Нивното дело ги описмени словенските народи. 

Македонија | пред 4 години

Фудбалските легенди од поранешна Југославија, гости на градоначалникот Георгиески

Чест ми е што денеска мои гости беа фудбалските легенди од поранешната Југославија, Бошко Ѓуроски, Станислав Караси, Јован Аќимовиќ и Милош Шестиќ.Во Охрид деновиве ќе престојуваат повеќе од 40 поранешни фудбалери, како и членови на управата од клубот „Црвена Ѕвезда“.Предвидено е во сабота на Градскиот плоштад во Охрид, точно на пладне гостите да остварат неколку часовно дружење со фановите, додека за 18 часот е закажан ревијален натпревар помеѓу ветераните на „Црвена Ѕвезда“ и ветераните на фудбалскиот клуб „Охрид“. Натпреварот ќе се одигра на фудбалскиот стадион „Билјанини извори“.Иницијатор на средбата е Здружението на фудбалски ветерани на ФК „Охрид“, каде членови се дваесеттина првотимци од сите генерации на клубот. Гостувањето се поклопува со јубилејот што го одбележува ФК „Охрид“ кој оваа година прославува стогодишнина од формирањето на 18-ти април 1921 година, напиа во својата ФБ објава градоначалникот.

Македонија | пред 4 години

(ФОТО) Општина во Охрид ќе урива дивоградби во Градиште, извршен вонреден инспекциски надзор во автокампот

Градежните инспектори од Одделението за инспекциски надзор при Општина Охрид на 19.05.2021 година извршија вонреден инспекциски надзор во автокампот „Градиште“ со увид на лице место согласно Законот за градење и Законот за инспекциски надзор. Извршен е комплетен надзор на 15 автокамп приколки, при што се затекнати бетонски подлоги, метални настрешници, целосно затворање на автокамп приколките со лим, дрво, алукобонд и водоотпорни гипс картон плочи. Затекнати се недозволени дрвени и метални конструкции и времени објекти. На одредени локации се затекнати и приклучоци за водоводна мрежа, канализациона мрежа и електрична енергија, се велат од Општина Охрид.Во дописот од локалната самоуправа додаваат:Изготвен е записник и фотодокументација за надзорот, при што е констатирано дека субјектот кој стопанисува со автокампот „Градиште“ не поседува одобрение за поставување на времени објекти, решение за изведба на платформи изведени од дрвена и метална конструкција и решение за изведба настрешници кои се поставени над автокамп приколките.Констатираната моментална состојба е надвор од сите одобрени проекти и законски прописи. Врз основа на тоа, Одделението за инспекциски надзор донесе Решение за отстранување на времените објекти, платформите, настрешниците, армиранобетонските плочи, плочите од бекатон плочки, според член 134 и член 135 став(1) алинеа 3 од Законот за градење Сл.Весник на РСМ( од бр.130/09 до 279/20).Општина Охрид и во текот на наредниот период ќе продолжи со спроведување на инспекциски контроли во автокампот „Градиште“ како и на останатите автокампови на крајбрежјето на Охридското Езеро, кои се наоѓаат на локации кои се на територија на општината.фото: Општина Охрид

Македонија | пред 4 години

Георгиески: Под слоганот “Градиме иднина” започнуваме со презентација на проектите од страна на локалната самоуправа

Две години посветено и одговорно работиме за обезбедување на подобри услови за развој на Охрид.👉Вашата доверба и поддршка е основниот мотив да продолжиме понатаму со реализација на исклучително важни проекти со кои ја подобруваме урбаната слика во градот и креираме можности за напредок на сите полиња.✅Иако тековно и редовно Ве информираме за сите детали од нашата работа, врз основа на принципите на транспарентност и отчетност од денес под слоганот “Градиме иднина” започнуваме со презентација на проектите и активностите кои како локална самоуправа ги имаме реализирано во текот на изминатата година (од април 2020 година до април 2021 година).✅Во финалниот дел од презентацијата на срботеното ќе биде објавена и соодветна публикација која ќе биде достапна во печатено и електронско издание, стои во ФБ објавата на градоначалникот Георгиески.

Македонија | пред 4 години

Честитка на градоначалникот Георгиески по повод 20 мај- Денот на пожарникарите

Во мое лично име и во името на Општина Охрид упатувам најискрени честитки по повод 20. Мај – Денот на пожарникарите.Вашата професионалност, хуманост и пожартвуваност е од исклучително значење за обезбедување на заштита и сигурност во општествената заедница. Со вашето делување во кризни и опасни ситуации заради штитење на граѓаните, имотот и општото добро, ги изложувате на ризик сопствените животи. Затоа оваа благородна професија е достојна за голема почит и вреднување.Како Локална самоуправа континиурано сме посветени на обезбедување на подобри услови за работа и зголемување на капацитетот на Охридската противпожарна единица. Во текот на изминатиот период инвестирани се значителни средства за набавка на нова опрема за пожарникарите и ваквите активности ќе продолжат и во иднина, напиша во својата ФБ објава градоначалникот Георгиески.

Македонија | пред 4 години

Нема фотографија

Пререгистрација на постоечките картички за движење на возила во стариот дел на Охрид

Врз основа на утврдениот режим на сообраќај за стариот дел од град Охрид и Правилникот за издавање на картички за движење на моторни возила во стариот дел на град Охрид, а со цел граѓаните на овој дел од градот непречено да се движат – Секторот за комунални дејности, сообраќај и улици ги известува граѓаните од стариот дел од градот дека ќе се отпочне со пререгистрација на постоечките картички кои ги исполнуваат условите согласно Правилникот.За навремена и ефикасна пререгистрација на постоечките картички, а со цел непречено движење во овој дел од градот се известуваат сите жители кои веќе поседуваат картички да се пријават во Општина Охрид и при тоа со себе да ја носат подолунаведената документација и тоа:За постојани  жители на стар дел од град ОхридКопија од лична карта и на нивно име и адреса да има регистрирано моторно возило со важечка регистрација (се докажува со копија од сообраќајна дозвола).Правни лицаЌе можат да добијат картичка за движење на возилата кои се регистрирани на иста адреса, на која адреса е и седиштето на правното лице , а кое е во стариот дел од град Охрид  (како доказ се приложува копија од сообраќајна дозвола и тековна состојба од Централен Регистар – не постара од 60 дена);Жители  кои немаат постојана адреса во стариот дел од градотКои во сопственост имаат станбен објект во овој дел ќе им биде издадена само една картичка за моторно возило регистрирано на нивно лично име (како доказ приложуваат имотен лист од објектот, копија од лична карта и копија од сообраќајна дозвола од сопственото возило).СтаноиздавачиСите станоиздавачи кои во склоп на својата КП поседуваат уреден простор за паркирање со повеќе паркинг места и кои до објектот имаат непречен пристапен пат ќе добијат онолку картички  колку што имаат обезбедено паркинг места (како доказ приложуваат  важечко Решение за категоризација издадено од Општина Охрид и потврда од Комисијата дека во склоп на објектот има паркинг места).ТуристиКои имаат резервирано сместување преку BOOKING со формуларот ќе може да влезат во Стариот дел од градот за сместување и во временски интервал  од 1 час возилото треба да излезе.Сите баратели кои ги исполнуваат наведените услови ќе може да извршат пререгистрација на картичките секој работен ден од 21.05.2021 до 04.06.2021 година во временскиот период од 10:00 до 14:00 часот, на посебен шалтер кој ќе биде поставен пред влезот на зграда од Општина Охрид.Покрај горенаведените документи, барателите со себе треба да ја носат и старата картичка за движење на моторни возила во стариот дел на град Охрид.На сите иматели на картички кои не ги исполнуваат условите од Правилникот, картичките ќе им бидат поништени.ПРАВИЛНИК ЗА ИЗДАВАЊЕ НА КАРТИЧКИ ЗА ДВИЖЕЊЕ НА МОТОРНИ ВОЗИЛА ВО СТАРИОТ ДЕЛ НА ГРАД ОХРИД    

Македонија | пред 4 години

Општина Охрид: Да се отстранат хаварисаните возила од јавните површини

Надлежните служби на општина Охрид упатуваат апел до сите охриѓани кои имаат хаварисани возила паркирани на јавните површини истите да ги отстранат во најкраток временски период. Во спротивно тие ќе бидат отстранети со пајак служба , на трошок на сопствениците.Воедно се упатува апел до сите охриѓани да испраќаат фотографии од хаварисани возила оставени на јавни површини на адреса inspektorat@ohrid.gov.mk со цел истите да бидат отстранети од комуналните служби при општина Охрид.

Македонија | пред 4 години

(ФОТО) Типизирани куќарки се поставуваат и на пешачката патека после мостот

Типизирани куќарки брендирани со логото на Општина Охрид покрај на Кејот се поставуваат и на пешачката патека од мостот према некогашен Парк.  Нема повеќе продавање прехранбени производи и книги на колички или ѕидчиња. За оваа намена се предвидени токму оваа куќарки.Куќарките што прв пат беа употребени за потребите на Новогодишниот базар на Градскиот плоштад ќе бидат целосно поврзани на електричната и водоводната мрежа за да обезбедат услови за безбедно работење.Според најавите од Општина Охрид, се работи за обид да се воспостави ред во услужните дејности, односно да се спречи продавањето храна на туристите од привремена урбана опрема што не исполнува минимални безбедносни услови.Право на продавање прехранбени производи на шеталиштето во градот  и на пешачката патека после мостот ќе биде дозволено само за оние угостители и трговци што ќе закупат од привремените објекти поставени за таа намена, додека „дивите” продавачи ќе бидат отстранети.

Актуелно | пред 4 години

(ФОТО) Нема повеќе „подзастанување“ пред Охридската капетанија, поставена нова сигнализација и топки

Како што најави градоначалникот Константин Георгиевски, „во очи“ на туристичката сезона се решаваат проблемите на Охрид.  Еден од нив е паркирањето на централното градско подрачје, поготово во Стариот дел на Охрид.Нема повеќе паркирање автомобил под изговор „на кратко сум“, па да се остане неколку часови. сообраќајниците во центарот не се место за паркирање, туку официјалните обележани паркинг локации.Ваков проблем мината година имаше сообраќајницата пред Охридската капетанија, пред рампата за излез или влез на жителите од Стариот дел на градот. Токму поради тоа од синоќа на овој потег е поставена нова сигнализација и топки. На овој потег нема повеќе паркирање на автомобили.Инаку жителите од стариот дел на Охрид за свои потреби имаат паркинзи, проблемот настанува во летната сезона, со гостите кои се сместени во Варош или Месокастро. За нив во моментов локалната го има предвидено паркингот пред Горна Порта, но гостите или „досетливите домаќини“ своите картички за поминување преку рампите им ги дава на гостите, па на овој начин улиците низ стариот дел на градот се претвораат во паркиралишта.Градоначалникот неодамна истакна дека овој периот често се дискутира за овој проблем, па се изнаоѓаат начини да се реши и овој проблем.Кога сме кај проблемот со паркирањето во централното градско подрачје, се чини дека конечно ќе биде решен со долго најавуваната катна гаража. Георгиески како конечно да ги помести реботите од мртва точка со овој проект. Градоначалникот неодамна за Охрид 1 истакна дека  проектот за катната гаража во Охрид е готов.„Се чека одобрение и ќе се спроведе постапка за јавно-приватно партнерство за да се почне реализацијата“.Ако се тече според планот и ако овој проект го добие одобрението од управата за заштита на културно наследство, реализацијата на овој проект треба да почне од на есен.   

Македонија | пред 4 години

Георгиески: Во моментов работиме на расчистување на плажите од потегот од хотелот „Метропол“ до селото Пештани

Со отстранувањето на бесправно изградените објекти на плажите овозможуваме нивно слободно користење без нелегално наплаќање на влез и лежалки. Лежалки ќе може да бидат поставени пред хотелските комплекси но влезот на плажите ќе биде слободен за сите посетители. Во моментов работиме на расчистување на потегот од хотелот „Метропол“ до селото Пештани, напиша на својот ФБ профил градоначалникот на Охрид, Константин Георгиески.Градоначалникот во објавата додава:‼️Апелирам, стопанствениците на објектите на плажите во опфат на ГУП-от да постапат по решенијата за отстранување од 2017 година и самостојно да ги отстранат објектите. Општина Охрид не отстапува од намерата да ги спроведе законите. Узурпацијата на државното земјиште и бесправното користење на овие објекти како вршење на дејност преку која стопанствениците се стекнуваат со профит претставува кривично дело.Општина Охрид и во следниот период продолжува со отстранување на бесправните објекти. Предмет на постапување ќе бидат бесправните објекти од траен или времен карактер покрај крајбрежјето во опфат на ГУП-от. извор: ФБ Константин Георгиески

Македонија | пред 4 години

Општина Охрид: Упатуваме апел до јавноста, до родителите, раководниот и наставниот кадар да постапуваат достоинствено и да не ги злоупотребуваат темите за мултиетнички соживот во негативна конотација

Во врска со наводите изнесени во јавноста дека има етничка селекција на ученици при уписите на првачиња во ООУ „Братство Единство“ и останатите основни училишта на територијата на општината, општина Охрид ја информира јавноста дека врз основа на член 63 од Законот за основно образование („Сл.весник на РСМ “ 161/19), член 36 од Законот за локална самоуправа(„Сл.весник на РМ“ бр.5/02) и член 18 од Статутот на општина Охрид („Сл.гласник на 8/07, 01/08, 10/10, 05/11, 09/14, 14/14 и 10/19), Советот на општина Охрид на седницата одржана на 29.05.2020 година има донесено одлука за утврдување на реоните од кои се запишуваат учениците во основните училишта во општина Охрид, се вели во соопштението од Одделение за односи со јавност при Општина Охрид.Во продолжение на истото од Општина Охрид додаваат:Оваа одлука беше донесена врз основа на воочените недостатоци во делот на опфатот на реонот од училиштата и улиците во Одлуката за мрежата на основните училишта во општина Охрид од 11.05.1990 година (Службен гласник под бр.3 бр. 08 – 5953 донесена од Собранието на општина Охрид). Со новодонесената одлука за реонизација се направи соодветна измена и дополнување со што се овозможи упис на ученици во прво одделение во основните училишта на територијата на општина Охрид, согласно закон.Училишната мрежа на основното образование на подрачјето на општина Охрид ја сочинуваат 8 општински основни училишта во кои наставата се изведува на Македонски јазик. Припадниците на заедниците кои следат настава на Албански и Турски јазик, се запишуваат во училиштето ООУ „Братство Единство“, освен оние ученици кои сами ќе изразат желба да одат во друго училиште.Ова основно училиште отсекогаш било вистински пример за соживот, меѓусебно почитување и толеранција и повеќе од седум децении функционира врз принципите на мултикултурализмот како основна вредност за заедништвото во едно општество. Ова го потврдуваат генерациите успешни и реализирани ученици од сите етнички заедници, голем број признанија и награди, како и успешната имплементација на меѓународни проекти за интеграција во образованието.Упатуваме апел до јавноста, до родителите, раководниот и наставниот кадар да постапуваат достоинствено и да не ги злоупотребуваат темите за мултиетнички соживот во негативна конотација, преку која се создава погрешна слика и се остава лош впечаток за мултиетничкото живеење во нашиот град.Исто така, упатуваме апел до родителите да ја почитуваат одлуката за реонизација на основни училишта во Охрид, да ги запишуваат учениците во ренското училиште и без објективни причини да не бараат потврди за промена на реонското училиште. 

Македонија | пред 4 години

(ВИДЕО) Охридските плажи исчистени, еве како ќе изгледаат оваа сезона

Охридските плажи подготвени за туристичката сезона. Тие се расчистени од градежниот шут кој остана по уривањето на дивоградбите. Песок, вода и слободен простор – вака ќе изгледаат плажите, откако локалната вложи напори да ги врати во првобитна состојба. Нема повеќе наплаќање лежалки и кавга доколку сакате да поставите пешкир на песок и да уживате во природата, а да не пиете ништо.Расчистени се дел од плажите, но има уште. Градоначалникот наодамна најави дека ќе продолжат со расчистување на крајбрежјето, а веднаш после тоа акцијата ќе продолжи и во урбаната зона на Охрид и Стариот дел на градот.„Имаме објекти останати на плажите, тие оваа сезона нема да функционираат, сите ќе бидат отстранети. Предвидени се дополнителни 3 милиони денари за уредување на плажите. Ќе се ангажираа од ЈП Охридски комуналец дополнителни работници кои ќе се ангажирани само за одржување на плажите. Мислам дека оваа сезона конечно ќе воведеме ред во функционирањето на плажите. Во минатото имаше случаи каде се поставувани лежалки, препреки за да се наплаќа паркинг при паркирањето во близина на плажите. Тоа оваа година ќе го завршиме. Сите плажи од Метропол спрема Пештани, ќе бидат отстранети по велигденските празници. Додека плажите во опфат на ДУП-от, ќе мора да се отстранат. Во иднина, во однос на стопанисувањето, се прави урбанистички план. Ќе биде согласно сите критериуми. Општината ќе распишува изнајмување на тој простор, но треба да сфатиме дека тоа ќе бидат плажи, а не објекти од траен или времен карактер“, истакна неодамна Георгиески.Инаку акцијата за отстранување на дивоградбите од Охридските плажи започна минатата година. Се отстрануваа според список со плажи ( објекти ) кои треба да се отстранат од брегот на езерото и тоа по редослед според тоа која плажа најдолго работела без договор со државата.Охрид со децении беше претворен во своевидно „елдорадо“ за урбанистите во Локалната, градежните компании како и угостители кои со години без никаков договор на брегот на Охридско Езеро во владение самоволно имаа запоседнато илјадници метри квадратни државно земјиште на кои изградиле угостителски објекти или поставиле времена опрема, а ваквите прилики и неприлики го доведоа градот пред бришење од списокот на УНЕСКО.Акцијата доби засилено темпо откако УНЕСКО препорача да се врати првобитниот изглед на градот.Зад општина Охрид во спроведување на оваа акција застана и Владата. Премиерот Заев ја реафирмираше определбата на Владата, во координација со локалните самоуправи на трите општини да се усогласат напорите за спроведување на Планот за управување со културното и природното наследство во Охридскиот Регион со плановите за развој на општините, водејќи грижа на сите вклучени во процесот дека примарна важност имаат заштитата на културните и природните вредности на Охридското Езеро и на крајбрежјето опфатени со Конвенцијата на УНЕСКО за заштита на природното и културното наследство.

Македонија | пред 4 години

Георгиески за ТВ 24: Мора да се работи на превенцијата на бесправната градба

Константин Георгиески градоначалникот на Охрид во емисијата 24 анализа во однос на диовоградбите во Охрид, рече дека со овој закон е предвидено целокупниот регион кој е заштитен од УНЕСКО да се изземени од законт за легализација.„Има тука различен момент за граѓаните кои живеат на заштитените подрачја. На територијата на Охрид имаме јасна слика на сите беправно изградени објекти. Точната бројка се шпекулира за околу 20 000 градби, но тоа не е така, бидејќи во општината имаа 16 000 предмети за легализација, како резултат на незапишани права во минатото. Имаме и добар дел на објети кои се класични дивоградби. И сега имаме две опции, или рушење или легализација, Проблемот не е во законот за легализација, туку што ние не работиме на превенција. И сега да донесеме закон за легализација, што после носењето на тој закон да не ни се појават пак дивоградби? Мора да се работи на превенцијата на бесправната градба.“ - вели Георгиески.извор: ТВ24.мк

Македонија | пред 4 години

Проектот „Обуки за напредни технологии во автомобилската индустрија“ кој ОЕМУЦ ќе го имплементира во соработка со „Костал“ со поддршка на Амбасадата на Швајцарија

Проектот „Обуки за напредни технологии во автомобилската индустрија“ кој ОЕМУЦ „Свети Наум Охридски“ ќе го имплементира во соработка со компанијата „Костал“ и со поддршка на Амбасадата на Швајцарија во Република Северна Македонија е од исклучително значење за создавање на подобри услови за практична настава во техничките струки, но и за креирање на квалификуван кадар кој ќе може да одговори на потребите за стручна работна сила на компаниите, напиша на својот ФБ профил градоначалникот на Охрид, Константин Георгиески.Општина Охрид секогаш е подготвена да даде поддршка на вакви иницијативи и да стимулира ваков вид на соработка.Особено сум горд што преку голема посветеност на локалната самоуправа и раководството на училиштето, успеавме ОЕМУЦ „Свети Наум Охридски“ да го претвориме во репрезентативно училиште со значително подобрени услови за настава, се со цел да се зголеми бројот на ученици кои ќе се одлучат за стручно образование.извор: ФБ Константин Георгиески

Македонија | пред 4 години

Јавен повик за субвенционирање на граѓаните на Охрид за купување велосипеди во 2021

Опис на јавниот повик1.1. Општина Охрид, со цел да ги стимулира жителите на општина Охрид за користење на велосипеди, на граѓаните кои купиле или ќе купат нов велосипед.https://ohrid.gov.mk/wp-content/uploads/2017/08/%D0%88%D0%90%D0%92%D0%95%D0%9D-%D0%9F%D0%9E%D0%92%D0%98%D0%9A-%D0%97%D0%90-%D0%A1%D0%A3%D0%91%D0%92%D0%95%D0%9D%D0%A6%D0%98%D0%9E%D0%9D%D0%98%D0%A0%D0%90%D0%8A%D0%95-%D0%97%D0%90-%D0%9A%D0%A3%D0%9F%D0%A3%D0%92%D0%90%D0%8A%D0%95-%D0%92%D0%95%D0%9B%D0%9E%D0%A1%D0%98%D0%9F%D0%95%D0%94%D0%98-%D0%92%D0%9E-2021-%D0%93%D0%9E%D0%94%D0%98%D0%9D%D0%90.pdfПовеќе на ohrid.gov.mk

Македонија | пред 4 години

Објавен повикот за субвенции на велосипеди за граѓаните на подрачјето на Општина Охрид

Од денеска е објавен повикот за субвенции на велосипеди за граѓаните на подрачјето на Општина Охрид. Субвенциите се однесуваат на купени велосипеди од 1.01.2021 година и истите опфаќаат покривање на:70% од вредноста на велосипедот, но не повеќе од 8.500,00 денари по лице, со вклучен персонален данок на доход, за невработените лица, лицата кои имаат право на социјална парична помош или лицата кои се приматели на постојанасоцијална помош. 50% од вредноста на велосипедот, но не повеќе од 6.000,00 денари по лице, со вклучен персонален данок на доход, за лица кои се во работен однос и чии месечни нето приходи не ја надминуваат просечната месечна исплатена нето плата за месец февруари 2021 г, во износ од 27.948,00 мкд.Јавниот повик трае 5 работни дена од денот на објавување на официјалната веб страна на општина Охрид. Прочитајте повеќе: https://ohrid.gov.mk/%d1%98%d0%b0%d0%b2%d0%b5%d0%bd-%d0…/

Македонија | пред 4 години

(ФОТО) Започна поставувањето на типизирани куќарки брендирани со логото на Општина Охрид - нема да има повеќе шаренило

Охрид се подготвува за летната сезона. На градскиот Кеј повеќе нема да има шеренило од разноразни колички и објекти на кои ќе се продава храна.Како што најави Градоначалникот Константин Георгиески од рано утрово започна поставувањето на типизирани куќарки брендирани со логото на Општина Охрид, за оваа намена.„Нема да има шаренило како досаега од разноразни објекти кои се поставуваат на Кејот и служат за приготвување на храна во несоодветни услови. Постојано сме во координација со агенцијата за храна. Овие типизирани куќарки сите ќе имаат топла вода. Занеме дека досега храната на Кејот се подготвуваше во супстандардни услови. Охрид тоа не го заслужува“, вели градоначалникот.Инаку типизираните куќарки за прв пат беа поставени за Нова Година.Како и тогаш така и за летната сезона, ќе биде дозволено изнајмување само на овие куќарки.„Само тие ќе добијат дозвола ќе работат, сите останати ќе бидат отстранети“, вели Георгиески. 

Македонија | пред 4 години

(ВИДЕО) Општина Охрид додели 412 ученички и студентски стипендии

Еден од најважните услови за развој на индустријата, бизнисот и туристичкиот сектор е квалификуваниот кадар. , вели градоначалникот на Охрид, Константин Георгиески.Градоначалникот додава:Оттука и потребата учениците уште во текот на образованието да стекнуваат практична настава во компаниите. Дуалното образование го нуди токму ова, практична настава во реални услови и стекнување квалификации за побрзо вработување.Општина Охрид ги поддржува сите реформи за унапредување на наставниот процес во средните стручни училишта кои имаат за цел да придонесат за подобра иднина на младите.Во таа насока оваа година доделивме 412 ученички и студентски стипендии.извор: ФБ Константин Георгиески

Македонија | пред 4 години

Градоначалникот Георгиески и министерката Царовска ги посетија промотивните настани на Охридските средни стручни училишта

Градоначалникот Константин Георгиески и министерката за образование и наука Мила Царовска денеска беа во посета на промотивните настани на ДУТУ “Ванчо Питошески” и ОЕМУЦ ” Свети Наум Охридски” кои се организираат за идните средношколци и ги запознаваат со придобивките од стручното образование.Градоначалникот истакна дека Општина Охрид е подготвена да ги поддржи сите реформи на Министерството за образование и наука, кои се во насока на унапредување на наставниот процес во средните стручни училишта и кои  придонесуваат за подобра иднина на младите. – Ја поддржуваме кампањата на “Учи паметно, работи стручно” и процесот за унапредување на средното стручно образование, со цел истото да ја оствари својата примарна функција, а тоа е креирање на стручен кадар кој ќе одговара на потребите на пазарот на труд. Многу е важно образовните профили во стручните училишта да бидат усогласени со потребите на компаниите и бизнис секторот. Квалификуваниот стручен кадар е еден од најважните предуслови за развој на индустријата, бизнисот и туристичкиот сектор. Во Охрид веќе успешно функционира системот на дуално образование, како еден вид јавно-приватно партнерство помеѓу стручните училишта и компаниите. Преку овој систем на образование учениците се стекнуваат со потребната пракса, а компаниите со обучен кадар, кој е подготвен веднаш да одговори на работните задачи од соодветната струка, истакна градоначалникот Георгиески. Тој потенцираше дека во рамки на своите надлежности Општина Охрид континуирано инвестира во подобрувањето на условите за учениците во средните училишта. За таа цел во текот на изминатиот период беа реализирани значајни реконструктивни зафати во сите училишни објекти, а вакви активности се планирани и во иднина.

Македонија | пред 4 години

Градоначалникот Георгиески оствари работна средба со министерката Царовска

Креирањето на квалификуван стручен кадар кој ќе одговара на потребите на пазарот на труд е еден од најважните предуслови за развој на индустријата, бизнисот и туристичкиот сектор во Охрид.Како дел од кампањата “Учи паметно, работи стручно” заедно со министерката за образование и наука Мила Царовска денеска имавме можност да бидеме дел од промотивните активности на ДУТУ“Ванчо Питошески” и ОЕМУЦ “Свети Наум Охридски”, наменети за учениците од деветтите одделенија и нивните родители, на кои се презентираат струките и образовните профили за учебната 2021-2022 година.Во Охрид веќе успешно функционира системот на дуално образование, како еден вид јавно-приватно партнерство помеѓу стручните училишта и компаниите. Преку овој систем на образование учениците се стекнуваат со потребната пракса, а компаниите со обучен кадар, кој е подготвен веднаш да одговори на работните задачи од соодветната струка.Општина Охрид е подготвена да ги поддржи сите реформи за унапредување на наставниот процес во средните стручни училишта кои имаат за цел да придонесат за подобра иднина на младите, напиша во ФБ објавата градоначалникот Георгиески.

Македонија | пред 4 години

Одлука за избор на кандидат по интерен оглас

Врз основа на член 52 точка (1) од Законот за административни службеници (“Сл. весник на РМ“ бр. 27/2014, 199/2014, 48/2015, 154/2015, 5/2016, 142/2016 и 11/2018), секретарот на Општина Охрид донесе: О Д Л У К Аза избор на кандидат по интерен оглас зa унапредувањеадминистративен службеник Кандидатот БИЉАНА ИВАНОСКА БАЛОСКА се избира за работното место  УПР0101В01000 Советник – внатрешен ревизор во Одделение за ревизија.Оваа одлука ќе се достави до избраниот кандидат и ќе се објави на веб страната на Општината.О б р а з л о ж е н и еОпштина Охрид на својата веб страната и веб страната на Агенцијата за администрација на ден 26.04.2021 година објави интерен оглас број 2/2021 за унапредување  на еден административен службеник за работното место УПР0101В01000 Советник – внатерешен ревизор во Одделение за ревизија.Комисијата за селекција на ден 11.05.2021 година спроведе административна селекција за интерен оглас (записник бр. 04-4711/1) и интервју за унапредување на административен службеник (записник бр. 04-4711/2).Врз основа на резултатите од спроведените фази за унапредување, Комисијата за селекција изготви финална ранг-листа и предлог за избор на кандидатот Биљана Иваноска Балоска на работното место УПР0101В01000 Советник- внатрешен ревизор во Одделение за ревизија.Врз основа на горенаведеното се одлучи како во диспозитивот на оваа одлука. Поука за правно средство: Против оваа Одлука може да се изјави жалба до Агенцијата за администрација во рок од 8 дена од денот на нејзиното објавување на веб-страната на Општината.Врз основа на член 52 точка (1) од Законот за административни службеници (“Сл. весник на РМ“ бр. 27/2014, 199/2014, 48/2015, 154/2015, 5/2016, 142/2016 и 11/2018), секретарот на Општина Охрид донесе:О Д Л У К Аза избор на кандидат по интерен оглас зa унапредувањеадминистративен службеникКандидатот САШО ЈОВАНОСКИ се избира за работното место УПР0101В01000 Советник за развој на планови и програми за управување со отпад, во Одделение за управување со отпад и регионални депонии, Сектор за заштита на животна средина и управување со отпад.Оваа одлука ќе се достави до избраниот кандидат и ќе се објави на веб страната на Општината.О б р а з л о ж е н и еОпштина Охрид на својата веб страната и веб страната на Агенцијата за администрација на ден 26.04.2021 година објави интерен оглас број 2/2021 за унапредување  на еден административен службеник за работното место УПР0101В01000 Раководител на одделение за сообраќај и улици, Сектор за комунални дејности, сообраќај и улици.Комисијата за селекција на ден 11.05.2021 година спроведе административна селекција за интерен оглас (записник бр. 04-4711/1) и интервју за унапредување на административен службеник (записник бр. 04-4711/2).Врз основа на резултатите од спроведените фази за унапредување, Комисијата за селекција изготви финална ранг-листа и предлог за избор на кандидатот Сашо Јованоски советник за развој на планови и програми за управување со отпад, во Одделение за управување со отпад и регионални депонии, Сектор за заштита на животна средина и управување со отпад.Врз основа на горенаведеното се одлучи како во диспозитивот на оваа одлука. Поука за правно средство: Против оваа Одлука може да се изјави жалба до Агенцијата за администрација во рок од 8 дена од денот на нејзиното објавување на веб-страната на Општината.Врз основа на член 52 точка (1) од Законот за административни службеници (“Сл. весник на РМ“ бр. 27/2014, 199/2014, 48/2015, 154/2015, 5/2016, 142/2016 и 11/2018), секретарот на Општина Охрид донесе:О Д Л У К Аза избор на кандидат по интерен оглас зa унапредувањеадминистративен службеник Кандидатот ЃОРЃИЈА НЕЛОСКИ се избира за работното место УПР0101Г01000 Самостоен референт – Архивар во Одделение за правни работи, Сектор за правни работи.Оваа одлука ќе се достави до избраниот кандидат и ќе се објави на веб страната на Општината.О б р а з л о ж е н и еОпштина Охрид на својата веб страната и веб страната на Агенцијата за администрација на ден 26.04.2021 година објави интерен оглас број 2/2021 за унапредување  на еден административен службеник за работното место УПР0101Г01000 Самостоен референт- Архивар во Одделение за правни работи, Сектор за правни работи.Комисијата за селекција на ден 11.05.2021 година спроведе административна селекција за интерен оглас (записник бр. 04-4711/1) и интервју за унапредување на административен службеник (записник бр. 04-4711/2).Врз основа на резултатите од спроведените фази за унапредување, Комисијата за селекција изготви финална ранг-листа и предлог за избор на кандидатот Ѓорѓија Нелоски на работното место УПР0101Г01000 Самостоен референ- Архивар во Одделение  за правни работи, Сектор за правни работи.Врз основа на горенаведеното се одлучи како во диспозитивот на оваа одлука. Поука за правно средство: Против оваа Одлука може да се изјави жалба до Агенцијата за администрација во рок од 8 дена од денот на нејзиното објавување на веб-страната на Општината.Врз основа на член 52 точка (1) од Законот за административни службеници (“Сл. весник на РМ“ бр. 27/2014, 199/2014, 48/2015, 154/2015, 5/2016, 142/2016 и 11/2018), секретарот на Општина Охрид донесе: О Д Л У К Аза избор на кандидат по интерен оглас зa унапредувањеадминистративен службеник Кандидатот НАУМ ВЕРОВСКИ се избира за работното место УПР0101В02000 Виш соработник- Проценувач на недвижен имот во Одделение за даноци, Сектор за даноци и комунални такси.Оваа одлука ќе се достави до избраниот кандидат и ќе се објави на веб страната на Општината.О б р а з л о ж е н и еОпштина Охрид на својата веб страната и веб страната на Агенцијата за администрација на ден 26.04.2021 година објави интерен оглас број 2/2021 за унапредување  на еден административен службеник за работното место УПР0101В02000 Виш соработник – Проценувач на недвижен имот во Одделение за даноци, Сектор за даноци и комунални такси.Комисијата за селекција на ден 11.05.2021 година спроведе административна селекција за интерен оглас (записник бр. 04-4711/1) и интервју за унапредување на административен службеник (записник бр. 04-4711/2).Врз основа на резултатите од спроведените фази за унапредување, Комисијата за селекција изготви финална ранг-листа и предлог за избор на кандидатот Наум Веровски на работното место УПР0101В02000 Виш соработник- проценувач на недвижен имот во Одделение за даноци, Сектор за даноци и комунални такси.Врз основа на горенаведеното се одлучи како во диспозитивот на оваа одлука. Поука за правно средство: Против оваа Одлука може да се изјави жалба до Агенцијата за администрација во рок од 8 дена од денот на нејзиното објавување на веб-страната на Општината.

Македонија | пред 4 години

Честитка од градоначалникот Георгиески за Рамазан Бајрам

Градоначалникот на Охрид Константин Георгиески упати честитка по повод големиот муслимански празник   Рамазан Бајрам.– На сите граѓани од исламска вероисповед и  на раководството на Исламската верска заедница   им  го честитам големиот празник Рамазан Бајрам  кој се одбележува по светиот месец на постот со желба  да го минат  во добро здравје,  радост, љубов  и хармонија во семејството.Во ова време кога човештвото се соочува со големата борба против пандемијата предизвикана од  корона вирусот  посакувам да покажете трпение и празничните денови да ги минете со почитување на пропишаните протоколи и мерки за заштита.Нека овие денови  кај секој човек ги потврдат вредностите на толеранцијата,  слогата, и духовниот напредок и сите заедно да имаме спокоен и среќен живот.Нека биде благословен и честит празникот Рамазан Бајрам – стои во честитката на градоначалникот Георгиески. 

Македонија | пред 4 години

(ФОТО) Продолжува отстранувањето на бесправно изградени објекти во Охридскиот регион, со приоритет на крајбрежјето

Владата на Република Северна Македонија на 69-та седница, го задолжи Јавното Претпријатие за одржување и заштита на магистралните и регионалните патишта "Македонија пат", во соработка и координација со општина Охрид да и стави на располагање соодветна механизација согласно Мерката да продолжи и да се интензивира отстранувањето на бесправно изградени објекти во Охридскиот регион, со приоритет на крајбрежјето и на објектите нотирани од страна на НП Галичица, напиша на својот ФБ профил, градоначалникот на Охрид, Константин Георгиески.Упатувам јавна благодарност до Владата за поддршката на активностите за отстранување на бесправните градби. Убеден сум дека само преку заедничко делување и на локалната и централната власт ќе може да ја оствариме нашата заедничка цел, а тоа е зачувување на Светското природно и културно наследство на Охридскиот регион.извор: ФБ Константин Георгиески

Македонија | пред 4 години