OHRID

Се уредува патеката од „Саат Кула“ до „Горна Порта“

Деновиве интензивно се одвиваат градежни активности од првата фаза на проектот за уредување на патеката што води од „Саат кула“ до „Горна Порта“ во стариот дел на градот.Проектот предвидува тампонирање, бетонирање и поплочување на постојната земјена патека, како и соодветно осветлување и хортикултурно уредување.Вкупната вредност на проектот е 3 милиони денари и истиот е финансиран од Центарот за развој на Југозападен плански регион. Градежните работи ги изведува ДООЕЛ „Тане 2007“ од Охрид.

Македонија | пред 6 години

Георгиески: Кај Горица не се работи за никакво сериозно уништување на зеленилото, туку се работи за стари дрвја кои претставуваат опасност

Врз основа на актуелните објави на социјалните мрежи и социјалните медиуми од страна на загржени граѓани, екологисти и активисти на невладината организација „Охрид СОС“ во врска со сечењето на дрвја во потегот на месноста „Горица“ сакам да ја информирам јавноста дека не се работи за никакво сериозно уништување на зеленилото и животната средина на посочениот потег, напиша на својот ФБ профил градоначалникот на Охрид Константин Георгиески. Во продолжение градоначалникот објасна:Одделението за заштита и влијание врз животната средина при Општина Охрид на 1-ви јули 2019 година има донесено Решение со кое го задолжува АД. за угостителство, трговија и турзам „Инекс- Горица“ во дворното место на хотелот „Инекс Горица“ на КП бр.5984/1 КО Охрид 4 да пресече четири кедари и три бора, обележани со буквата „С“ со црвена боја, врз основа на нивно барање доставено на 7-ми мај 2019 година.Се работи за стари дрвја за кои Комисијата за преземање на мерки и активности за отстранување на дрвја на подрачјето на Општина Охрид, утврдила дека се исушени и не постои можност за успешно санирање и ревитализирање на нивната состојба. Исто така утврдено е дека при неповолни временски услови истите дрвја претставуваат опасност по луѓето и метаријалните добра.Во согласност со „Законот за урбано зеленило“ како компензациски мерки на местото на пресечените стебла барателот треба да засади соодветни листопадни или зимзелени дрвја, кои треба да бидат постари од 6 години и нивниот збирен пречник да одговара со пречникот на пресечените дрвја.Сакам да потенцирам дека надлежните служби на општината постапуваат и во иднина ќе постапуваат во согласност со закони и правилници и дека ќе работат во интерес на сите граѓани!Упатувам апел до активистите на невладините организации, кои се загрижени за животната средина во иднина добро да ги проверат информациите пред да започнат да шират лаги и шепкулации поради лични интереси и публицитет. Наместо со лажни информации и непотребни критики, ги охрабруваме да започнат да спроведуваат конкретни еколошки активности или акции за пошумување, со кои навистина ќе покажат дека се грижат за животната средина!Ви благодарам! 

Македонија | пред 6 години

Светска готвачка елита на „Гастро мак “ во Охрид

Светски познати готвачи и шефови на кујни се дел од четвртото издание на Интернационалниот гастрономски натпревар – „Гастро Мак”, кој деновиве се одржува во Охрид.Во рамки на предвидената програма, вчеравечер, дел од кулинарските активности и презентации ги проследи Претседателот на Советот на Општина Охрид, Живка Ангелоска.-Ми претставува особена чест и задоволство во мое лично име и во името на охридската локална самоуправа да Ве поздравам и да ја искажам нашата благодарност што со организирањето на четвртото издание на Интернационалниот гастрономски натпревар „Гастро Мак”, овој празничен викенд, Охрид го претворивте во светски центар на кулинарството, каде што своите готвачки способности и потенцијали ги одмеруваат реномирани светски готвачи и шефови на кујни.  Нашиот туристички центар има широка понуда на угостителски објекти, кои од година во година започнуваат да ги следат новите трендови и започнуваат да се идентификуваат со уникатни специјалитети и сопствен печат во подготвувањето и сервирањето на храната. Сметам дека овој настан е од големо значење за современ развој на угостителството и за промоција на Охрид како туристички центар. Овој настан ќе придонесе за промоција на кулинарските потенцијали на овој регион, понудени на модерен начин во согласност со светските угостителски стандарди.Општина Охрид секогаш е  подготвена за поддршка на вакви настани, кои се во насока на промоција на Охрид како туристички центар и настани кои придонесуваат за збогатување на туристичката понуда надвор од шпицот на летната туристичка сезона, истакна Ангелоска во своето обраќање пред присутните.На овогодинешното издание на „Гастро Мак“ учествуваат над 300 учесници, над 90 лиценцирани судии од Светската асоцијација на здруженијата на шефови на кујни, гастрономски амбасадори и почесни гости од 30 светски земји. Овој континентален гастрономски настан е во организација на Националната асоцијација на готвачи и шефови на кујни од Рeпублика Северна Македонија поддржана од Министерството за култура и Општина Охрид.

Македонија | пред 6 години

Средба на градоначалникот Георгиески со словачкиот амбасадор Маркуш

Градоначалникот Константин Георгиески, денеска имаше протоколарна средба со амбасадорот на Република Словачка во Република Северна Македонја, Хенрик Маркуш и Проректорот за меѓународна соработка на Универзитетот „Константин Филозоф“ од Нитра, Проф. д-р Мартина Павликова.Словачката делегација ја сочинуваа и професори на Факултетот за социјална наука и здравство и Факултетот за Средноевропски студии во рамки на овој истакнат универзитет.На средбата беше оценето дека постојат отворени можности за продлабочување на соработката со општина Охрид во областа на образованието, културата и имплементацијата на европски проекти. Исто така беше разговарано и за можностите за студентска размена и стекнување на нови искуства во областа на високото образование.

Македонија | пред 6 години

Свежо цвеќе пред спомен обележјата од НОБ

Во рамки на одбележувањето на 11- Октомври, денот на  народното востание, градоачалникот Константин Георгиески и делегации на Општина Охрид положија свежо цвеќе пред спомен обележјата на борците од НОБ во Градскиот парк, Основениот суд во Охрид , СОСУ „Св. Кирил и Методиј“ и градските гробишта.Свежо цвеќе положија и претставници од ОО на Сојузот на борци од Охрид и Дебарца и претставници од политичкиот и јавниот живот во градов.

Македонија | пред 6 години

Честитка на градоначалникот Георгиески по повод 11 октомври

Градоначалникот на Охрид, Константин Георгиески упати честитка по повод 11 Октомври, денот на востанието на македонскиот народ.– 11 Октомври е темелник на вековните определби на македонскиот народ за слободна и самостојна држава. Прославувајќи го овој ден ние оддаваме почит на сите борци кои со својот живот  се вградиле во темелите на нашата татковина.  Благодарение на нивното големо дело,  храброст и пожртвуваност денеска живееме во демократска , независна и просперитетна држава. Наша должност е да ја сакаме, чуваме и унапредуваме  за да им ја предадеме на  поколенијата.  Со меѓусебна доверба и почитување на различностите  ја надградуваме нашава  земја  како  заеднички дом  за сите нас и успешно чекориме кон  вклучување во европското семејство. Слободата човечноста и правдата се вредностите кои не  движат и како поединци и како општество, само со  нив продолжуваме да градиме  демократска, просперитетна и европска држава – стои во честитката на градоначалникот Константин Георгиески по повод 11 Октомври,  денот на народноослободителното востание.

Македонија | пред 6 години

Започна чествувањето на 11 октомври – денот на народното востание

Со свечена седница, денес, започна чествувањето на 11 Октомври – Денот на Народното востание. На свеченоста свое пригодно обраќање имаше градоначалникот Константин Георгиески.– Почитувани дами и господа, борци и следбеници на идеалите на учесниците во Народноослободителната и антифашистичка војна, нека ни е честит и вековит 11 Октомври – Денот на востанието на македонскиот народ. Овој ден е симбол на Македонскиот непокор и слободарскиот дух. Во очи на големиот празник, денес одбележувме 78 години од четиригодишната народно – ослободителна борба на Македонскиот народ во Втората светска војна. Благодарение на пожртвуваноста на храбрите борци и на нивните идеали за слобода, денес, ние сме свои на своето. Наша определба и денес, е сигурно и недвосмислено да чекориме по заветот што ни го оставија, да продолжиме да се бориме за да ги одржиме темелите на слободна Република Северна Македонија. Почнувајќи од 1893 година, од македонската историја исполнета со крв и саможртва, стана пример кој го следеа сите понатамошни македонски востанија и револуции. Темел врз кој се надградувале Илинден 1903, 11 Октомври 1941, АСНОМ 1944 и 8 септември 1991 – денот на прогласување на независноста. Нашата борба денес, е борбата за обезбедување подобар животен стандард, подобра инфраструктура, подобри услови во образованието…, истакна градоначалникот Георгиески Свечената седница беше збогатена со културно уметничка програма. Чествувањата продолжуваат и утре со полагање на свежо цвеќе пред спомениците на борците од Народноослободителната војна.

Македонија | пред 6 години

Охрид домаќин на меѓународен турнир во шах

Синоќа во Охрид свечено беше отворен  меѓународниот Младински турнир во шах „ЛАСКЕР 2019“ на кој учествуваат шахисти од Албанија, Бугарија, Србија и Северна Македонија.Турнирот за отворен го прогласи советникот од Советот на Општина Охрид, Мишел Силјаноски.-Огромно е задоволството да се присуствува  на отворањето на  четвртиот меѓународен   Младински турнир во шах „ЛАСКЕР 2019“  на кој учествуваат млади шахисти од Албанија, Бугарија, Србија и Македонија.Велат дека умствените активности се „најдобра храна“ за психичкиот развој на младите, а токму шахот е спорт којшто го овозможува тоа.Поставување цели, идентификување алтернатива и последици се составен дел на играта.Преместувајќи ги фигурите кога играте шах морате да донесете одлуки и решите проблем. Морате да ги контролирате своите импулси и да поставите краткорочни и долгорочни цели  како би имале предност и  би биле победници  во игрaта.  А токму таква младина му е потребна на ова општество, младина која  поставува цели и донесува одлуки во насока на подобар и побрз општествен развој. Прогласувајќи го овој турнир во шах за отворен  им  посакувам успех во играта на сите учесници со желба да победи најдобриот и  најсреќниот  затоа што во фер игра сите се добри и квалитетни. Секако на учесниците од неколкуте Балкански земји им посакувам пријатен престој во Охрид со желба да ги доловат убавините на Охрид  кои  повторно ќе ги враќаат кај нас- истакна Силјаноски.Организатор на настанот е  Шаховскиот Клуб ЛАСКЕР со поддршка на Општина Охрид, Шаховската Федерација на Македонија и неколку компании од бизнис секторот.

Македонија | пред 6 години

Георгиески се сретна со учесниците на работилницата за лица на високи позиции, посветена на хибридните закани во Југоисточна Европа

Градоначалникот Константин Георгиески, денес, оствари средба со учесниците  и организатори на работилницата за лица на високи позиции, меѓу кои беа Емил Шипочки и Иван Хостинк од канцеларијата за врски на НАТО со Република Северна Македониа, проф. д-р Неџад Корајлиќ, декан на Факултетот за криминалистика, криминологија и сигурносни студии во Сараево, Босна и Херцеговина и проф. д-р Михајло Дојчиноски од воената академија „Генерал Михајло Апостолски“. Работилницата е посветена на хибридните закани во Југоисточна Европа.На средбата беа дискутирани темите кои се опфатени со работилницата кои се однесуваат на заканите што влијаат врз политичките, територијалните и економските аспекти на една земја, преку разни информации, дезинформации, неинформирањето и медиумите традиционалните и социјалните.Работилницата се одржува во Охрид, од 06-12 октомври како месец посветен на  борбата против сајбер – криминалот, а учество имаат земено 70 претставници од 20 држави.

Македонија | пред 6 години

ОЕМУЦ „Св. Наум Охридски“ се збратими со техничката школа од Ваљево

ОЕМУЦ „Свети Наум Охридски“ од Охрид и Техничката школа од Ваљево, Србија ја продлабочија меѓусебната соработка преку потпишување на повелба за збратимување.Повелбата беше потишана од страна на директорите Сашо Недески и Бранко Голоскоковиќ во рамки на свеченостите по повод патрониот празник на училиштето во Ваљево.

Македонија | пред 6 години

Нема фотографија

Конкурс за доделување стипендии

Врз основа на член 50, став 1 од Законот за локалната самоуправа („Службен весник на Република Македонија“ бр 5/02) Градоначалникот на општина Oхрид објавува: КОНКУРС за доделување  стипендии на ученици од општинските основни и средни училишта на подрачјето на Општина Охрид за учебната 2019/2020година КОНКУРС за доделување стипендии на редовни студенти  од Општина Охрид запишани на додипломски студии на државните универзитети во Република CМакедонија и на државни универзитети во други земји  за  академската 2019/2020 година 

Македонија | пред 6 години

Избрани најдобрите литературни и ликовни творби

Жири комисијата во Општина Охрид ги разгледа пристигнатите литературни и ликовни творби по објавениот конкурс „Есенските градини со златни бои грст плодови ставаат во дланките твои“ и ги избра најдобрите трудови.Од пристигнатите литературни творби награди освоија:Прва награда во висина од 7.000,00 денари  Софија Милевска , VIII одделение од ОУ „Григор Прличев “ ОхридВтора награда во висина од 5.000,00 денари, Симона Димитриеска VI оддение, од ОУ „Кочо Рацин“ , ОхридТрета награда во висина од 3.000,00 денари, Филип Гиноски, VI одделение, од ОУ „Христо Узунов “, ОхридОд пристигнатите ликовни творби награди освоија :Прва награда во висина од 7.000,00 денари  Лука Пуцоски, II одделение, од ОУ „Григор Прличев“,  ОхридВтора награда во висина од 5.000,00 денари Петар Илоски, V  одделение, од ОУ „Кочо Рацин“, ОхридТрета награда во висина од 3.000,00 денари Иван Теслоски , II одделение , од ОУ „Григор Прличев“ ОхридСе молат наградените ученици во придружба на родител да достават трансакциски сметки во Одделението за заштита и влијание врз животната средина при Општина Охрид , на ул. Димитар Влахов  бр.57, Охрид, секој работен ден од 7.30 до 15.30 часот.

Македонија | пред 6 години

Австралија поддржувач во исполнувањето на препораките од УНЕСКО

Градоначалникот на Охрид, Константин Георгиески, денес, одржа средба со делегација од австралиската амбасада предводена од заменик амбасадорот Лианг Зенг. Како дел одделегацијата на амбасадата беа и Билјана Бижиќ, координатор на програмата за директна помош и Зоран Костовски, почесен конзул.На средбата Георгиески и Зенг, разговараа за актуелната состојба со спроведувањето на препораките од УНЕСКО. Заменик амбасадорот изрази задоволство од сериозниот пристап наЛокалната самоуправа во спроведувањето на препораките и ја искажа својата лична поддршка и поддршката на неговата земја во понатамошната работа.Исто така, заменик амбасадорот повика на поголемо учество на повикот за доделување на грантови од страна на Австралиската амбасада. Дополнително градоначалникот Георгиески и заменик амбасадорот Зенг, разговараа и за унапредување на промоцијата на Охрид во Австралија со цел зголемување на бројот на туристи кои би го посетиле регионот.

Македонија | пред 6 години

Со европски методи ќе се проверува квалитетот на воздухот во Охрид - пред општина Охрид поставен првиот сензор

Во организација на општина Охрид. Делегацијата на Европската унија, Министерството за локална самоупрва и Државниот инспекторат за животна средина, денеска во Центарот за култура „Григор Прличев“ се одржа манифестацијата „ Европски ден за соработка“. Централниот дел на манифестацијата беше посветен на  Програмата „Интерег Балкан-Медитеран“ .-Општина Охрид контрибуира со своите ресурси во неколку европски проекти, посебно во рамките на оваа програма, а се надеваме дека и во иднина ќе продолжиме со нашите активности да дадеме силен придонес на промовирање на европските вредности, пред се во областите едукација на младата популација, културното и природното наследство и животната средина.Европскиот ден на соработката ги посочува достигнувањата постигнати преку територијалната соработка на илјадници луѓе секоја година. На овој начин се зголемува видливоста и се подигнува јавната свест за Интерег Ипа прекуграничната соработка, транснационалните и интернационалната соработка и нивните проекти.Иднината е кај најмладите и на сегашните и идните генерации треба да им обезбедиме здрава животна средина, а овој проект токму е фокусиран на следењето на квалитетот на воздухот во Охрид преку нови иновативни методи, а ќе биде и од особено значење за планирањето на идните активности и мерки во оваа област- рече заменик градоначалникот Ристо Николески.Пред зградата на општина Охрид е поставен првиот сензор за следење на еколошките параметри на воздухот, како дел од активностите на пилот проектот „ефикасно користење на новите технологии за чист атмосферски воздух–„AIRTHINGS“, кој е дел од програмата „ Интерег Балкан Медитеран“ на Европската унија.Проектот „„AIRTHINGS“ предвидува поставувањето на 11 сензори на различни локации на јавни институции за следење на еколошки параметри на подречјето на општина Охрид, како и поставување/инсталирање на 15 филтри за домаќинства кои користат цврст енергенс за затоплување на своите домови.-„ Интерег Балкан- Медитеран“ програмата е само дел од бројните фондови кои се поддржани од Европската унија, кои треба да се реализираат, бидејќи тие се знак за нивната поддршка на нашиот пат кон евроатланските интеграции- рече заменик- министерот за локална самоуправа Дејан Павлески. Претставникот на Државниот инспекторат Дарко Блинков, додаде дека постојано се зголемува бројот на трансграничните проекти и дека радува фактот што има многу проекти што се поврзани со заштитата на животната средина.На манифестацијата „ Европски ден за соработка“ учениците од училиштето „ Братство- Единство“ од различните етникуми кои беа дел од овој настан преку интерактивна игра сплотени испратија пораки на обединување на различните религии, народи и држави, промовирајќи ги европските вредности на соживот, почитување на културата и заштита на животната средина.Денот на европска соработка се одбележува секоја година во земјите што имплементираат програми за територијална соработка, финансирани од Европската унија, со цел да се афирмираат придобивките од соработката меѓу земјите и регионите и од реализацијата на голем број заеднички проекти. 

Македонија | пред 6 години

Во Париз птрезентиран првиот извештај за исполнување на препораките од УНЕСКО

Првиот извештај за напредок по однос на препораките од последната сесија на Комитетот на светско и природно наследство, државната делегација во која е и градоначалникот Константин Георгиески, го презентира денеска во седиштето на УНЕСКО од Париз, Франција. На средбата со Мечтил Рослер, директор на Центарот за светско културно наследство при УНЕСКО и Изабел Анатоле- Габриел, шеф на Одделот за Европа и Северна Америка, градоначалникот Константин Георгиески, информира за чекорите кои се преземени во однос на имплементацијата на препораките и обврските преземени на сесијата на Комитетот што се одржа во Баку. Беа презентирани преземањата во однос на препораките кои се под ингеренции на државните институции, микроменаџментот на локално ниво и чекорите преземени од страна на општина Охрид.Претставниците на УНЕСКО изразија поддршка и задоволство за посветеноста и прогресот што е направен за реализирање на препораките од сесијата на Комитетот во Баку, со надеж дека процесот ќе продолжи со истиот интензитет.На средбата беше најавено дека во месец ноември, претставници на УНЕСКО ќе дојдат, за на терен да ја скенираат состојбата и да се уверат за постигнатиот напредок.Во рамки на состаноците и официјалните средби со високи претставници на оваа меѓународна органзација, беа презентирани актуелните состојби, преземените активости и мерки на локално и централно ниво, за да се исполнат 19-те препораки од последната реактивна мисија на УНЕСКО од 2017 година.Во текот на изминатите три месеци, општина Охрид покажа значителен напредок во делот на исполнување на препораките. Покрај Акцискиот план за постапување кој беше донесен на почетокот на месец август, Советот на општина Охрид ја усвои и Одлуката за времен прекин на донесувањето и спроведувањето на урбанистички планови и постапки за утврдување правен статус на бесправно изградени објекти. Со оваа одлука веќе е исполнета препораката под реден број 6.Во однос на препораката под реден број 9, во месец јуни беше изготвен Регистар на бесправно изградени објекти, за кои во периодот од 2006-та година до мај 2019-та година, инспекциските служби имаат констатирано прекршувања на Законот за градење и имаат донесено некаков акт со кој се утврдува нелегална градба. Изработен е детелен попис на градбите, а во тек е изработка на оцена на влијание на бесправните градби врз културното и природното наследство.Во согласност со законските процедури, општина Охрид веќе ја започна акцијата за отстранување на бесправните градби, која се одвива по утврдена динамика. Во рамки на акцијата, ќе се отстрануваат објекти кај кои не постојат правни пречки и акцијата за уривање ќе ги опфати сите физички или правни лица кои имаат добиено Решение за отстранување на бесправно изграден објект/градба и истите не постапиле во согласност со издадените решенија од страна на градежните инспектори при Инспекторатот на општина Охрид. Во однос на превенцијата на понатамошни бесправни градби во Охрид, општината ги засили инспекциските контроли и го доекипираше општинскиот инспекторат, со уште двајца нови градежни инспектори.Во делот на препораката под реден број 18, во тек е изработка на Сообраќајна студија за Охрид, а веќе функцинира постојан режим на сообраќај со електронска евиденција на возилата во стариот дел на градот. Исто така значаен напредок има и во однос на препораката под реден бвој 19, врз основа на која се пристапи кон отстранување на неавтохтоните видови на растенија (палми) и рекламните паноа-билборди.

Македонија | пред 6 години

Делегација на општина Охрид во посета на Сафранболу

Делегација на општина Охрид заедно со фолклорни групи беше дел од овогодинешното издание на филмскиот фестивал „International golden saffron documentary film festival“ во Сафранболу, Турција. Фестивалот се одржува од 25 до 28 септември, а во негови рамки фолклорните друштва се претставуваат со нивни изведби.Охрид и Сафранболу се збратимени градови и негуваат добра меѓусебна соработка.

Македонија | пред 6 години

Во Охрид поставени девет постојки за паркирање на велосипеди, на неколку локации во градот

Во насока на градење здрави животни навики и во насока на редуцирање на автомобилскиот сообраќај пред се во централното градско подрачје ние како локална самоуправа поддржани од ГИЗ и ЗЕЛС реализиравме проект вреден околу 600.000 денари за поставување на д.Станува збор за проект кој е корисен и практичен за охриѓани, но за сите велосипедисти кои го посетуваат нашиот град.https://www.facebook.com/KonstantinGeorgieski7/posts/441153459823596

Македонија | пред 6 години

Охрид подготвен да руши дивоградби

При крај се подготовките за започнување на акцијата за уривање на дивоизградени објекти на подрачјето на општина Охрид,опфатени во регистарот  кој беше изготвен според препораките на УНЕСКО.Според динамичниот план паралелно ќе се рушат дивоградбите кој што се во тек и оние опфатени со регистарот на дивоизгредени објекти во охридското подрачје.На почетокот,ќе се отстрануваат објекти кај кои не постојат правни пречки. Акцентот, како што беше речено, ќе биде ставен на активните дивоградби и објектите во активната зона на НП „Галичица“ и крајбрежјетоНа средбата беше изразена согласност, активностите на Општина Охрид во справувањето со нелегално изградените објекти дека ќе бидат поддржани од надлежните државни институции , а се ќе се одвива со постојана меѓусебна координација.

Македонија | пред 6 години

(ФОТО) Голема акција за чистење на Охридското Езеро и крајбрежје, Езерото го чистеше и градоначалникот

Активностите за справување со цврст отпад се од суштинско значење  за заштита на  животната средина и градење поздрава иднина за сите нас. Ова беше истакнато  на почетокот    на  акцијата за чистење на  Охридското Езеро и крајбрежје,  поддржана од Делегацијата на Европската Унија во Република Северна Македонија,  како дел од акцијата „Чисто  како дома исто“.Градоначалникот, Константин Георгиевски  кој даде  директна поддршка и заедно со   нуркачите од  клубот за подводни дејности „Охрид“ нурна во езерските води од каде се вадеше отпад ,  непосредно пред почетокот на акцијата во изјава за  медиумите рече:– Во оваа прилика дозволете да ја упатам мојата благодарност до   организаторите  и до сите учесници на  денешната акција за чистење на Охридското Езеро и крајбрежје  затоа што преку неа се потврдуваат   стратешки определби на локалната власт  за чист Охрид кој не случајно заедно со езерото е под заштита на УНЕСКО како светско културно богатство и природна реткост. Управувањето со отпад е еден од најозбилните проблеми со кои се соочува денешниот Свет,  а  кои се однесуваат на зачувување на чистата  животна средина.  Ваквите акции  се чекор напред во напорите Управувањето со отпад во нашата земја да се прилагоди на  барањата на Европската Унија со цел да се воспостави систем на интегрално управување со отпад.  Станува збор за комплициран проблем кој бара добри организациски капацитети и соработка помеѓу бројни страни во приватниот и јавен сектор. Се надевам дека ваквите активности со кои во голема мера допринесуваме во заштита на животната средина ќе бидат пракса и во иднина затоа што само така ќе обезбедиме поздрава иднина за сите нас- посочи Георгиевски.Евро амбасадорот Самуел Жбогар и Даниела Нелепа од Македонската Асоцијација за  цврст отпад, укажаа на суштината на денешната акција за чистење на езерото и крајбрежјето и за слични активности кои се алка во низата која ќе не поврзе со европското семејство.Настанот е во организација  на Македонската Асоцијација за цврст отпад (МаСВА), поддржана од Делегацијата на ЕУ во земјава,Општина Охрид, ЈП „Охридски комуналец“и колективниот постапувач „Нула Отпад ДОО- Скопје. Во чистењето на Охридското езеро учествуваа нуркачи од Клубот за подводни дејности  од Охрид.Вечерва во црквата Св. Софија во Охрид  свечено ќе биде отворена конференцијата „Комуникација за управување со отпад“. На работниот дел што утре  ќе се одржува во Струга учество ќе земат претставници на меѓународни организации, интернационални експерти, на централната и локалните власти и специјализирани компании.На конференцијата ќе стане збор за унапредување на управувањето со отпадот во Македонија, можностите за имплементација на светските искуства во регионот и успешно реализираните мали грантови.

Македонија | пред 6 години

(ФОТО)Во Охрид се отстрануваат стари патоказни табли, билборди и автобуски постојки

Екипи на ЈП „Нискоградба“ по налог на Секторот  за комунален развој сообраќај и улици при општина Охрид започна акција за отстранување на нефункционални патоказни табли,  огради и други видови препреки на тротоарите на целата територија од градов.Со акцијата  е предвидено да се отстранат и  стари билборди, оние на кои им е изминат договорот склучен со општината или билборди поставени без дозвола. Наредениве денови ќе  се врши и замена на старите со нови автобуски постојки.

Македонија | пред 6 години

Работни средби со општините Охрид и Струга за спроведување на препораките на УНЕСКО

Денес, мешовита владина група предводена од министерот без ресор задолжен за дијаспора, Едмонд Адеми, одржа работни средби со општините Охрид и Струга за спроведување на препораките на УНЕСКО за заштита на природното и културното наследство во Охридскиот регион.На средбите со градоначалниците Константин Георгиевски и Рамиз Мерко и општинските служби се разгледуваа работните верзии на Планот за управување со природно и културно наследство и Стратешка оценка на животната средина, два клучни процеси за долгорочна заштита на светското наследство.За време на средбите се дебатираше околу критичните зони, режимите на заштита, како и временската рамка за усогласување на Планот и негово финално усвојување.Од страна на надворешните експерти кои ја изработуваат Стратешката оценка на животната средина беше порачано целите на Планот да бидат фокусирани кон контролирана урбанизација, зајакнување на управувачките капацитети на надлежните институции, заштита на природното и културното наследство, подигање на свеста и едукација, како и зголемена еколошка функционалност на крајбрежјето.На работните средби, покрај општините присуствуваа претставници од министерствата за култура и животна средина и просторно планирање, Управата за заштита на културното наследство, Завод и музеј Охрид, и Национален Парк Галичица. Во наредниот период, експертите од животна средина и култура продолжуваат со изработка на нацрт План за управување, за кој претстои и процес на јавни консултации.  

Македонија | пред 6 години

Европска недела на мобилност - Пешачи со нас!

Пешачи  со насWalk  with usEUROPEAN  MOBILITY  WEEK16   – 22  Септември  2019 год.Програма на Општина ОхридПонеделник 16.09.2019   10:00 – 11:30 ч.Порака од најмладите „ Рака за рака “ – прошетка на деца од предшколска возраст, при што ќе биде затворен за сообраќај дел од ул. „Македонски Просветители“  од пресек со ул. „ Партизанска“   до пресек со ул.„ Коста Абраш“; Вторник 17.09.2019     10:30 – 12:00 ч.Промоција на проектот кој е во соработка со ЗЕЛС и ГИЗ  „ Паркинзи за велосипеди“ – на девет локации во Охрид ќе бидат поставени паркинзи за велосипеди; Среда 18.09.2019   од  12:00 ч.Промоција на Планот за одржлива урбана мобилност ( ПОУМ на град Охрид ) – во просториите на Општина Охрид ; Четврток 19.09.2019    11:30 – 13:00Реализација на  проектот  „ Паркирај го автомобилот – прошетај со нас“ – пешачење низ централно градско подрачје; Петок 20.09.2019    11:00  – 12.00 ч.Реализација на проектот „ Исклучи го моторот  и вози велосипед“ – велосипедско дефиле  низ повеќе улици  во централното градско подрачје на Охрид; Сабота 21.09.2019 од 11:00 – 14:00 ч.„Промени се – паркирај правилно и прописно“  – централно градско подрачје, ќе бидат поделени флаери за подигање на свеста  кај возачите за опасностите   кои  може да бидат предизвикани од неправилно паркираните возила кои можат да ги доведат во опасност децата, лицата со хендикеп,  велосипедистите како и сите останати учесници во сообраќајот. Недела   22.09.2019 година Реализација на проектот „ Светски ден без автомобили“ – затворени улици за сообраќај низ централно градско подрачје на град Охрид.

Македонија | пред 6 години

Повторно се расчистуваше патот до с.Велестово

Во изминатиов период во 3 наврати се изврши расчистување на патот кој води до с.Велестово од расфлан комунален отпад, но повторно истата слика. Расфрлан отпад од најлонски ќеси и хартија на сите свиоци каде што застануваат граѓани и туристи и покрај тоа што се поставени информативни табли за забрана на фрлање на отпад.Денес повторно се расчистува истиот патен правец. Со оваа акција покрај расчисувањето сакаме да влијаеме на несовесните групи граѓани и поединци за подигнување на еколошката свест.

Македонија | пред 6 години

Се расчистува магистралниот пат Охрид-с.Подмоље

После успешно завршената акција за расчистување на магистралниот пат Охрид-Св.Наум, денес се пристапи кон расчистување на магистралниот пат Охрид-с.Подмоље. Акцијата започна во 5 часот при што се ангажирани 10 комунални работници.

Македонија | пред 6 години

Честитка од градоначалникот Георгиески по повод 8 ми септември

-Во мое лично име и во името на Општина Охрид упатувам најискрени честитки по повод Денот на независноста на Република Северна Македонија-8-ми Септември.Овој историски ден е симбол на одлучноста и непоколебливоста на нашиот народ да го оствари својот вековен стремеж и да изгради независна, суверена и стабилна држава. Пред точно 28 години, македонските граѓани покажаа исклучителна демократска зрелост и донесоа одлука со која сите се гордееме и која го трасираше патот за посветла иднина.Денес стоиме на чекор пред остварувањето на сонот, нашата татковина да стане рамноправна членка на НАТО и на Европската Унија, каде што рамо до рамо со светските сили ќе продолжиме да ја јакнеме демократијата и да создадеме услови за стабилен економски развој и квалитетен животен стандард. Мораме да продолжиме да бидеме сплотени и заеднички да работиме кон остварување на оваа цел, која ќе донесе просперитет за нас и нашите идни поколенија.Нека ни е честит и вековит денешниот празник, нека е вечна Република Северна Македонија!, се вели во празничната честитка на градоначалникот Константин Георгиески.

Македонија | пред 6 години