OHRID

Пријавување на капачите за „Водици“ 2020

Пријавувањето на капачите кои ќе го бараат чесниот крст во осветените води на Охридското Езеро за празникот Богојавление Водици во Охрид, ќе започне утре на 16-ти јануари (четврток) во 12 часот.Сите заинтересирани граѓани, ќе може да се пријават во црквите „Свети Никола Геракомија“, „Успение на Пресвета Богородица – Каменско“ и „Свети Великомаченик Георги“. Евиденирањето на пријавените капачи ќе се врши заклучно со 18-ти јануари (сабота) до 17 часот.Пријавените капачи ќе можат да ги извршат потребните медицински прегледи во поставените шатори на охридскиот Црвен крст на 18-ти јануари (сабота) од 19 часот и во утринските часови на 19-ти јануари (недала), на денот на манифестацијата.фото: Општина Охрид

Македонија | пред 6 години

(ФОТО) Доделени наградите за најубаво украсени новогодишни дворови

Секретарот на Општина Охрид Игор Бежоски, денес ги додели наградите за најубаво украсени новогодишни дворови. По пристигнатите апликации, комисијата ги одбра трите најубаво украсени дворови. Првото место им припадна на Иванка и Бруно Гигер, второто место го освои Јована Бандилоска Јованоска, а третото место е на Клаудија Арсенова и  годинава за првпат беше доделено за најубаво украсен балкон.Прво местоВторо местоТрето место 

Македонија | пред 6 години

И општина Охрид со апел да не се палат огнови на отворено

Со цел да се превенира загадувањето на воздухот и зголемената концентрација на ПМ честичките во амбиенталниот воздух, Општина Охрид апелира до граѓаните да се воздржат од палењето на традиционалните василичарски огнови на отворено.Општина Охрид во рамки на Програмата за заштита на животната средина и природата за 2020 година презема мерки против загадувањето на амбиентниот воздух и има предвидено Проект за подобрување на квалитетот на амбиентниот воздух со субвенционирање на граѓаните при купување на модерен систем за затоплување-  инвертер клими.Исто така Општина Охрид е дел од Пилот проектот „Ефикасно користење на новите технологии за чист атмосферски воздух– AIRTHINGS“, кој е дел од Програмата „Интерег Балкан-Медитеран“ на Европската Унија. Во рамки на проектот, поставени се 11 сензори на различни локации на јавни институции за следење на еколошките параметри на подречјето на општината. Во моментов се следат пет еколошки параметри и три метеоролошки параметри.Со цел да се превенира загадувањето на воздухот и зголемената концентрација на ПМ честичките во амбиенталниот воздух, Општина Охрид апелира до граѓаните да се воздржат од палењето на традиционалните василичарски огнови на отворено.Општина Охрид во рамки на Програмата за заштита на животната средина и природата за 2020 година презема мерки против загадувањето на амбиентниот воздух и има предвидено Проект за подобрување на квалитетот на амбиентниот воздух со субвенционирање на граѓаните при купување на модерен систем за затоплување-  инвертер клими.Исто така Општина Охрид е дел од Пилот проектот „Ефикасно користење на новите технологии за чист атмосферски воздух– AIRTHINGS“, кој е дел од Програмата „Интерег Балкан-Медитеран“ на Европската Унија. Во рамки на проектот, поставени се 11 сензори на различни локации на јавни институции за следење на еколошките параметри на подречјето на општината. Во моментов се следат пет еколошки параметри и три метеоролошки параметри.фото: Архива

Македонија | пред 6 години

Изработена техничка документација за реконструкција на три Охридски улици

Во рамки на Проектот за подобрување на општинските услуги (МСИП), финансиран со заем од Меѓународната банка за обнова и развој-Светска банка, Општина Охрид доби изработена комплетна техничка документација за реконструкција на улиците „Гоце Делчев“, „Ѓорче Петров“ и „Кленоец“.Официјалните записници за примопредавање на техничката документација беа потпишани денеска на пригодна свеченост која се одржа во Министерството за финансии во Скопје, во присуство на Министерката за финансии Нина Ангеловска и директорот на Канцеларијата на Светска банка во земјава, Марко Мантованели.На настанот присуствуваа Секретарот на Општина Охрид, Игор Бежоски и Раководителот на Секторот за комунални дејности, сообраќај и улици, Томе Нанески.Во рамки на Проектот за подобрување на општински услуги (МСИП) што се имплементира преку посебна проектна единица на Министерството за финансии, обезбедени се грант средства од 1,1 милион евра како техничка помош за општините во Република Северна Македонија.фото: Општина Охрид

Македонија | пред 6 години

Охрид се подготвува за големиот христијански празник „Богојавление - Водици“

Охрид подготвен за најмасовната верска манифестација што се одржува во градот, за „Богојавление – Водици“.Градоначалникот Константин Георгиески на денешната прес-конференција истакна дека во духот на православието и традицијата, со Божја помош Охрид и оваа година ќе биде центарот на одбележувањето на големиот празник Водици.-Оваа манифестација е од исклучително значење за нашиот град и вистинска радост за охриѓани, за нашите гости и за целиот православен свет, па затоа и годинава максимално сме посветени на целокупните подготовки и внимателно ги планираме сите детали. Дополнителна причина за посветен ангажман и беспрекорна организација е и тоа што годинава одбележуваме јубилеј- 30 години од првата масовна организација на овој празник на охридското градско пристаниште. Оваа можност ја користам да искажам голема благодарност до сите охриѓани кои се вклучени во планирањето и организацијата на овие празнични денови. Упатувам благодарност до Дебарско-кичевската епархија, сите институции и поединци кои даваат свој придонес и годинава да имаме еден величествен ден и еден народен собир кој ќе биде достен на значењето и вредностите на овој голем празник, истакна градоначалникот Константин Георгиески, на денешната прес конференција, на која беа изнесени детали за чествувањето на празникот и целокупната организација.Георгиески потенцираше дека и годинава организацијата ќе биде составен од два дела, првиот - верскиот , кој е согласно православните начела го спроведува Дебарско-кичевската епархија, додека вториот граѓанскиот го координира Општина Охрид, а се однесува на целокушната организација на настанот со пропратната програма.– Со оглед на тоа што празникот е во викенд, очекуваме голем број гости од земјата и странство, со исполнетост на сместувачките капацитети. Со цел да ги поддржат Богојавленските чествувања и да придонесат за поголем број гости, охридските хотели и годинава нудат сместување по симболична цена од 15 евра на ден во периодот од 16 до 20 јануари, рече Георгиески.На Водопос 18 јануари или ден пред „Богојавление“,  Општина Охрид организира голем концерт на балканската музичка ѕвезда Петар Грашо, во 20 часот на Градскиот плоштад.Како и секој година така и оваа празнувањето продолжува на 20 јануари на празникот Свети Јован Крстител или „Денот на рибарите“,   кога на Сараиште се се капат рибарите, а на кејот се приготвува рибна чорба во голем казан, што бесплатно ќе се послужува на гостите.На овој ден задолжен за забавата на гостите на плоштадот ќе биде македонската фолк-ѕвезда Миле Кузманоски.во сите парохиски цркви на 19 јануари од 7 часот ќе се служат утрински богослужби, додека централната архиерејска литургија ќе се одржува во „Света Богородица – Каменско“ од 8:45 часот. Од 9:45 часот литијата ќе се упати кон Градското пристаниште, каде во 10 часот ќе се изврши Големиот богојавленски водосвет и ќе биде положен чесниот и животворен крст во осветените води на Охриското Езеро. Пријавувањето на сите верници што планираат да влезат во езерските води ќе се врши во сите цркви на епархијата од 16 јануари, а за сите нив се обезбедени пригодни флаери со информации, како и маици.Во подготовка на теренот каде ќе се осветува Езерото се вклучени сите. Имено екипи на Јавните претпијатија ќе го исчистат кејот, а нуркачите од Клубот за подводни активности „Амфора“ ќе го исчистат дното на Езерото.За безбедноста на капачите кои ќе скокаат по Светиот крст ќе се грижат четири екипи спасители на вода со два чамца, три нуркачки екипи и осум медицински екипи распоредни долж брегот и на Градското пристаниште.Во однос на техничката подготовка и логистика во текот на организацијата на двата празнични денови предвидени се низа активности за чистење и уредување на пристаништето и крајбрежниот дел на Охридското Езеро, соодветно украсување на градот и активности кои се поврзани со безбедноста на капачите и посетителите.фото: Архива

Македонија | пред 6 години

(ФОТО) Охридските коледари го најавија христовото раѓање

Со свеќи во рацете , кандилца и ѕвезди  околу 700 дечиња беа дел од денешната  Бадникова поворка што  седма година по ред се одржува  во Охрид. Пеејќи ја  коледарската песна  „Вечниот Бог“  низ охридските улици и чаршијата, младите охриѓанчиња кои ги симболизираа ангелите  го најавија христовото раѓање.На плоштадот „Св. Климент Охридски“  кај божиќната пештера што е подарок од Бигорскиот манастир, Св. Јован Крстител, коледарчињата ги пречека градоначалникот Константин Георгиески кој ги дарува со божиќни пакетчиња.– Возвишено е чувството, да се биде дел од оваа културно – верска манифестација во која учествуваат нашите најмили –  дечињата, кои со  старохристијанската коледарска песна го најавуваат христовото раѓање. Возобновувањето на оваа традиција е секако за поздравување затоа што преку неа најмладите се запознаваат подлабоко со суштината на нашата вера,  со значењето на христовото раѓање.  Секогаш мора да си ги познаваме своите корени, своите традиции за да градиме успешна и посветла иднина за сите нас.  Во оваа прилика им го честитам големиот христијански празник Божиќ на сите православни христијани, со надеж дека ќе  го минат во добро  здравје, со ведра мисла и спокој,  опкружени со љубовта на своите најблиски- рече градоначалникот Георгиески.Градоначалникот Георгиески присуствуваше и на бадниковата поворка што втора година по ред се одржува во Селото Велгошти.Бадниковата поворка е една од најмасовните културно-  верски манифестации што се организираат по повод големиот христијански празник Божиќ.Организатор на настанот е Здружението за грижа и воспитување деца од Охрид и е поддржан од  општина Охрид.фото: Општина Охрид

Македонија | пред 6 години

И годинава во Охрид, ден пред Божик традиционална Бадникова поворка

Традиционално и годинава во Охрид, на празникот Бадник, ден пред големиот христијански празник Божиќ  ќе се одржи Бадниковата поворка со која се најавува христовото раѓање.Во понеделник во 11 часот од црквата „Св. Георги“ во „Горна Влашка Мала“ над  700 деца ќе ја започнат Бадниковата поворка. Пеејќи ја возобновената старо христијанска песна „Вечниот Бог“ тие ќе се движат по улиците  „Јане Сандански“  и  „Туристичка“  и низ  охридската чаршија . Околу пладне на градскиот плоштад „Св. Климент Охридски“ кај божиќната пештера, децата  ќе ги пречека градоначалникот Константин Георгиевски  кој ќе ги дарува со божиќни пакетчиња.Бадниковата поворка во Охрид која се одржува седма година по ред е во организација на Здружението за грижа и воспитување деца од Охрид и е  поддржана од локалната самоуправа.Втора година по ред Бадникова поворка  ќе се одржи и во село Велгошти. Дечињата во  10 часот ќе тргнат од црквата Св. Димитрија, а околу 11:15 часот ќе стигнат во црквата Мал Св. Климент каде ќе ги пречека градоначалникот Георгиески кој ќе ги дарува со божиќни пакетчиња. Во рамки на прославите со кои се најавува христовото раѓање е предвидена културно уметничка програма  со божиќни песни.фото: Архива

Македонија | пред 6 години

Општина Охрид изработи интегриран катастар на загадувачи на животната средина

Согласно Законот за животна средина, Општина Охрид изработи „Интегриран Катастар на загадувачи на животната средина“ со кој ce опфатени: воздух, вода, почва и отпад. Информацијата за изработката на овој стратешки документ, беше усвоена од страна на Советот на Oпштина Охрид на 37-та седница.Изработката на Интерираниот Катастар на загадувачи е со цел да се добие основна квалитативна и квантитативна база на податоци за состојбата со емиторите и емисијата на загадувачките супстанции во воздухот, водата, почвата, генерираниот отпад и постапувањето со него, заради следење на трендовите на основните индикатори за квалитетот на животната средина во Општина Охрид, како и заради контрола на успешноста на преземените мерки врз основа на соодветни одлуки и решенија на локално ниво.Базата на податоци и нивото на нивната обработка дава можност овој Катастар да биде динамичен стратешки документ и како таков, заедно со законската регулатива во оваа област да биде инструмент на државната и локалната власт за одржливо управување со квалитетот на животната средина.За изработката на Интерираниот Катастар на загадувачи беше задолжена фирмата „Технолаб“ од Скопје.фото: Општина Охрид

Македонија | пред 6 години

(ФОТО) Градоначалникот Георгиески го посети првото новороденче за 2020 година

Градоначалникот Константин Георгиески, денеска на Гинеколошкото одделение при Општата Болница во Охрид го посети првото новородено бебе во Новата 2020 година.Тој упати честитки до мајката, Нита Кркути од Дебар за новородениот син и во име на општината на бебето му подари вредносен чек од 10.000 денари и пригодни подароци.-На малиот јунак кој е првото новороденче во Охрид, му посакувам пред се многу здравје, да порасне во многу среќен и успешен човек. Во мое лично име и во името на Општина Охрид, упатувам и искрени честитки до среќното семејство на новороденчето. Посакувам ова бебенце да донесе нова надеж и верба за подобра и поуспешна година. Ние како локална власт постојано работиме на секое поле да ги подобриме условите за живеење во градот, со цел младите да не се иселуваат и да имаат желба да ги изградат своите семејства во своето родно место. Само на тој начин ќе се создадат услови за зголемување на наталитетот што е една значајна основа за иднината на еден град, изјави градоначалникот Георгиески.Новороденото бебе е тешко 3,6 килограми и долго 54 сантиметар. Породувањето било спонтано, а лекарскиот тим го водела д-р Мимоза Влаши Хиса, гинеколог-акушер, заедно со д-р Зорица Стрезоска, неонатолог. Новороденчето и мајката се во одлична здравствена состојба.фото: Општина Охрид

Македонија | пред 6 години

(ФОТО) Градоначалникот Георгиески Новата година ја дочека на Градскиот плоштад во Охрид

Градоначалникот Константин Георгиески,  Новата 2020  Година ја дочека на градскиот плоштад „Св. Климент Охридски “ во Охрид меѓу своите сограѓани и гостите од земјава и странство. Тој им посака добро здравје, среќа и бериќет во Новата Година.-Драги охриѓани,  драги гости од земјава и странство кои вечерва сте тука со нас на плоштадот во Охрид, Ви посакувам пријатни и незаборавни мигови во ноќва кога ја испраќаме старата и дочекуваме Новата 2020 Година. Секој почеток буди надеж и верба за подобро утро и посветла иднина. Токму така и ние ја испраќаме старата година оставајќи се лошо во неа со надеж дека ќе имаме поздрава, посреќна и побериќетна година во која ќе бидеме и помудри и поуспешни на секој план.Како одговорна локална власт во претстојната година продолжуваме со реализација на започнатите и отпочнување на нови проекти кои се за доброто на Охрид  и охриѓани. Посветено  и неуморно продолжуваме да го градиме Охрид  како пријатен дом за сите охриѓани  и посакувано место за одмор на туристите и гостите од земјава и странство. Посакувам оваа ноќ да ја минете незаборавно како и да ги проследите содржините кои се дел од  новогодишната програма што општината ја организира до 20-ти јануари. Доброто здравје, ведрата мисла, спокојниот сон  и љубовта од саканите нека бидат само дел од убавите нешта кои ќе ви се слуичат во 2020 Година- рече градоначалникот Георгиески.За забавата на плоштадот во Охрид се погрижија естрадните уметници, Ефто Пупиноски, Ѓоко Танески и групата „Камелеон“.

Македонија | пред 6 години

(ВИДЕО) Георгиески во Новогодишното обраќање: Охрид да прерасне во урбан, туристички центар кој ќе понуди подобри услови за живот

Новогодишно обраќање на градоначалникот на општина Охрид Константин Георгиески. Во дел од обраќањето градоначалникот рече:„ Изминатите 12 месеци беа исполнети со многу тажни моменти, низа предизвици и храбри чекори. Со јасна визија план и голема упорност успеавме да оствариме многу зацртани цели  на кои можеме да бидеме особено горди. Еден од најважните приоритети на кои посветено работевме беше враќањето на финансиската стабилност на општината. Го започнавме историскиот процес за раздолжување на општината и нејзина финансиска консолидација. По две децении конечно ќе имаме одблокирана сметка. Исклучително важен процес беше и формирањето на новото Јавно Претпријатие колекторски систем кое почна да функционира и ги превзеде обврските за одржување и обновување на колекрскиот систем. Со ова конечно  ги решаваме децениските проблеми со загадувањето на Охридското Езеро и целокупната животна средина. Огромна енергија потрошивме на исполнување на препораките на УНЕСКО. Како локална власт направивме големи чекори во рамки на заложбите на зачувување на статусот на светско, природно и културно наследство кој го поседува овој регион. Заедно со вашата поддршка и идеи со духот на заедништво и соработка ќе продолжиме да работиме за доброто на нашиот град со една заедничка цел  - Охрид да прерасне во урбан, туристички центар кој ќе понуди подобри услови за живот за нас и за идните генерации. Најискрени желби за мир, добро здравје и големи успеси. Ви посакувам Новата Година да ви донесе исполнување на сите ваши соништа, се вели во дел од честитката на градоначалникот Константин Георгиески.видео: Општина Охрид

Македонија | пред 6 години

Почнаа подготовките за чествувањето на „Богојавление -Водици“ во Охрид

Со одржувањето на првата средба на Организациониот одбор, што го формира градоначалникот Константин Георгиески, денеска започнаа подготовките за чествувањето на „ Богојавление- Водици“ и Денот на рибарите.На работниот состанок на одборот беа договорени обврските на сите субјекти вклучени во организацијата на овие традиционални манифестации и постојана меѓусебна комуникација за реализацијата на договореното.фото: Општина Охрид

Македонија | пред 6 години

(ФОТО) Општина Охрид доби противпожарно возило како донација од Германија

Општина Охрид доби специјално товарно противпожарно возило како донација од членовите на социјалдемократскиот општински совет на Тутлинген-Меринген, Германија.Се работи за современо возило од марката „Ивеко-Магирус“, опремено со целокупната потребна опрема за гаснење на пожари.Возилото значително ќе придонесе за зголемување на капацитетот на Охридската противпожарна единица. 

Македонија | пред 6 години

Стартуваа податоците за следење на квалитетот на амбиенталниот воздух во Охрид

На 27-ми декември 2019 година стратуваа податоците од ЕУ ПРОЕКТОТ AIRTHINGS за следење на квалитетот на амбиентниот воздух во Охрид. Поставени се 11 станични сензори, а три станични сензори комуникациски ќе се релогираат по нова година (на локациите во ОУ „Св.Климент Охридски“, Спортска сала„ Атина Бојаџи“ и ОУ „Христо Узунов“). Во Охрид се следат 5 еколошки параметри и три метеоролошки параметри.На платформата веќе се пуштени и 22 станични сензори во Софија, а до март 2020 година ќе бидат пуштени и станичните сензори во Солун, Никозија и Тирана.Податоците служат за потреби на проектните активности и истите не може да се превземаат ниту толкуваат за времетраењето на проектот без дозвола на Државен инспекторат за животна средина и Општина Охрид. Оваа платформа не е дел од Државната Мониторинг Мрежа на МЖСПП ниту дел од било која друга мрежа, истата е самостојна и креирана во рамки на ЕУ ПРОЕКТOT AIRTHINGS.Интернет страница на проектот е https:// airthings-project.com/ Со лев клик на мапата на Охрид се гледаат податоците за амбиентниот воздухВо прилог е и линкот со гранични вредности на емисиии во амбиенталниот воздух.air.moepp.gov.mk/?page_id=118фото:Општина Охрид

Македонија | пред 6 години

Изградба на атмосферска канализација на „15-ти Корпус“ во Охрид

Започна изградбата на атмосферска канализација на улица „15-ти Корпус“ на потегот од Здружение на возачи до влезот на село Лескоец.За  градежните активности од кружниот тек кај Здружение на возачи до мостот кај некогашната фабрика „Езерка“ се ангажирани екипи на ЈП „Нискоградба“, а за останатиот дел од улицата ќе биде распишан тендер по новогодишните празници .Наредниов период , Општина Охрид и ЈП „Државни патишта“ ќе започнат со целосна реконструкција на улицата. Локалната самоуправа покрај изградбата на атмосферска канализација ќе биде задолжена  и за изградба и уредување на пешачките и велосипедските патеки. ЈП „Државни патишта“ ќе  биде задолжено  за реконструкција на  улицата.

Македонија | пред 6 години

Охрид претставен на туристички саем во Призрен

Деновиве, Охрид беше претставен на туристичкиот саем во Призрен, Република Косово. Делегацијата на општина Охрид, во чиј состав беа и туристичките работници од градот, зеде учество на панел дискусијата која се организира во рамки на саемот.Штандот на Охрид, побуди голем интерес кај присутните, а меѓу посетителите беше и градоначалникот на Призрен, Митахер Хаскука.На завршната церемонија на туристичкиот саем, од страна на Призрен на општина Охрид и беше доделена благодарница.

Македонија | пред 6 години

(ФОТО) Ученички активности по повод престојните празници

Учениците од ОУТУ ,,Ванчо Питошески”, Охрид го посетија Здружението на пензионери од Охрид и Дебрца и на пензионерите им приредија пријатно изненадување по повод новогодишните и божиќните празници.Со својот личен труд, ангажман и знаење стекнати во практичната настава ги израдуваа припадниците на третата доба, со скромни подароци- храна приготвена во кабинетот на училиштето. Меѓу другото, на пензионерите им ги честитаа претстојнит празници и им посакаа долг пензионерски живот и успешна работа на Здружението.Во рамките на празничните активности учениците од ова училиште им организираа срдечен пречек на дечињата од игротеката ,,Смајли” при што им приредија слатки изненадувања подготвени во кабинетите. Дечињата ги посетија кабинетите по послужување и готварство, како и ресторантот и се запознаа со убавините на професијата готвач и келнер. Задоволството од посетата беше обострано и на дечињата од игротеката ,,Смајли” и на учениците кои им го приредија ова слатко задоволство.

Македонија | пред 6 години

(ФОТО) Новогодишни средби со социјално загрозени семејства

Градоначалникот на Охрид, Константин Георгиески присуствуваше на новогодишниот ручек што општина Охрид   го организира за 150 социјално најзагрозени лица,а во соработка со Црвен Крст и Средното угостителско училиште „Ванчо Питошески“.  Градоначалникот  на присутните им посака добро здравје, среќа и бериќет во Новата  Година.– Чест ми е што денеска имам можност со вас да  споделам заеднички оброк и да ве запознаам одблиску. Радоста која денес ја гледам во очите на секое ваше дете, посакувам да остане забележана во текот на целата наредна година.  Сите вие сте значен сегмент  од нашето општество,  а ние сме  секогаш тука да креираме можности за подобар живот и надминување на социјалните разлики меѓу сите граѓани. Тековно општина  Охрид реализира активности кои се дел од програмата за социјална заштита, а се за подобро утро на сите Вас.  Согласно своите ингеренции  општината редовно се вклучува во одбележување на   Неделата  на солидарност во месец април и Неделата  на борба против гладта  во месец октомври.Сите под ова небо сме едно исто- сите сме ЛУЃЕ.  Затоа да се сакаме , да се дружиме и да си помагаме меѓусебно. Сите заедно да влеземе во една посреќна, поуспешна и побериќетна година со желба  за  најдобро здравје на сите нас- рече градоначалникот Георгиески.Најмладите на настанот ги израдува Дедо Мраз кој им подари новогодишни пакетчиња, а  се одржа и културно забавна програма.

Македонија | пред 6 години

Георгиески: Мир и разбирање, на сите наши сограѓани од католичка вероисповест - Честит Божиќ

Божиќа честитка за верниците од католичка вероисповед од градоначалникот Константин Георгиески. Во честитката се вели:Во духот на христијанските пораки за благосостојба, мир и разбирање, на сите наши сограѓани од католичка вероисповест им го честитам големиот христијански празник Раѓање Христово-Божиќ.Посакувам овие празнични мигови да Ви донесат многу здравје и неизмерна радост и да ги исполнат Вашите домови со убавина и спокој. Големината и значењето на овој празник нека бидат инспирација за меѓусебно помагање и нека бидат мотив за негување на хуманите вредности.Вербата во бога и неговата чудотворна моќ нека не исполнат со желба, надеж и сила да го избереме вистинскиот пат и заеднички да создадеме услови за подобра иднина и поубав живот.Да продолжиме да бидеме сплотени и постојано да ја споделуваме божјата милост и љубов. Нека е за многу години големиот празник!https://www.facebook.com/KonstantinGeorgieski7/photos/a.351826178756325/508312336441041/?type=3&theater

Македонија | пред 6 години

(ФОТО) Дедо Мраз во Охрид пристигна со авион и ги израдува најмладите

Околу 300 дечиња од предшколската голема група од ЈОУДГ „Јасна Ристеска“ денеска добија новогодишни пакетчиња од Дедо Мраз, кој слета со авион на охридскиот аеродром „Свети Апостол Павле“.Овој настан, кој беше вистинско доживување за најмладите е во организација на Општина Охрид во соработка со ТАВ-Македонија, како дел од празничната програма во пресрет на новогодишните и божиќните празници.фото:Општина Охрид

Македонија | пред 6 години

Нови прозорци за ОУ „Григор Прличев“, Охрид

Во рамки на активностите за подобрување на условите за следење настава, деновиве во новиот објект на  ОУ “Григор Прличев“  е променета старата со нова висококвалитетна дограма.Нови прозорци се поставени  во  седум училници, пет  кабинети и две стојалишта на   првиот кат  и во холовите на приземјето.Во месец јануари 2020 година  општина Охрид започнува постапка  за реконструкција на сите санитарни јазли во сите училишта , а ќе се продолжи и со промена  на старите  азбесни кровови на сите училишта на територијата на општина Охрид.

Македонија | пред 6 години

Честитка на градоначалникот Георгиески по повод денот на наставата на турски јазик

По повод одбележувањето на Денот на наставата на турски јазик – 21 декември, Градоначалникот на Охрид Константин Георгиески упати честитка до припадниците на турската заедница во Охрид и Република Северна Македонија.–Упатувам искрени честитки до сите наши сограѓани од турска националност, кои денес прославуваат 75 години од денот кога официјално го добиле своето право да говорат, да се образуваат и да творат на сопствениот мајчин јазик.Турската заедница е нераскинлив дел од севкупниот општествен, економски и социјален напредок и важно парче од мултикултурниот мозаик на нашиот Охрид. Негувањето на различните јазици, култури и религии, носи силна поврзаност, ги зацврстува нашите меѓусебни односи и ја јакне меѓусебната почит.И во иднина во духот на заедништвото ќе продолжиме посветено да работиме за остварување на нашите заеднички цели и да обезбедиме подобри услови за живот во нашиот град и нашата заедничка татковина, стои во честитката на Георгиески.

Македонија | пред 6 години

(ФОТО и ВИДЕО) Охрид доби современ затворен зелен пазар

Свечено пуштена во употреба новата деловна и административна трговска зграда во која ќе работи и затворениот зелен пазар во Охрид. На свеченоста присуствуваше претседателот на владата, Зоран Заев и бројни гости. Објектот е изграден преку формирање на јавно приватно партнерство меѓу општина Охрид и АД Илинден Струга.Во своето обраќање пред присутните премиерот истакна: „Чувствувам голема радост што сме овде во Охрид за новиот објект на Зелениот пазар кој одговара на потребите на пазарџиите со капацитет за 190 нови тезги утврдени по современи ХАСАП стандарди.Новиот Затворен зелен пазар во Охрид ги исполнува сите стандарди за трговија, со што значително се подобруваат условите за работа на пазарџиите, но и за сите граѓани кои отсега ќе може да пазаруваат во подобри услови.Репрезентативниот објект на новата административно – трговска зграда кој денес го пуштивме во употреба е со површина од 6 779 м2. Во подземјето е сместен јавен паркинг од 2 433 м2 и техничките одделенија, на приземјето се наоѓа Зелениот пазар кој располага со 190 нови тезги уредени по современи хасап стандарди.Секогаш заедно, како досега така и во иднина продолжуваме да го разубавуваме Охрид со нови проекти за доброто на сите сограѓани согласно со стратешките определби за развој и унапредување на Локалната самоуправа, вели градоначалникот на Охрид Константин Георгиески.Свое обраќање пред гостите имаше и директорката на ЈП Градски Пазар кристина Крлеска Деспотоска. Таа меѓу другото истакна:  Често пати се поставува прашањето , дали во услови на глобалните текови на пазарните економии може да доведе до намалување на функцијата на пазарите и дали големите трговски центри се своевидна алтернатива? Тука јасно ќе кажене дека не постои алтернатива за тоа што постоело со векови. Потребна е само навремена трансформација на начинот на нивно функционирање кое подразбира адекватни инфраструктурни решенија, кадровски усовршувања и имплементација на меѓународни и домашни препораки.

Македонија | пред 6 години

(ВИДЕО) Заев: Обезбедивме средства и начин за отпочнување на санацијата на колекторскиот систем во Охрид

Претседателот на Владата на Република Северна Македонија, Зоран Заев денеска заедно со министерот без ресор, задолжен за дијаспора,Едмонд Адеми извршија обиколка и увид на отпочнувањето на санацијата на колекторскиот систем за Охридско Езеро.На настанот беа присутни и  директори на јавни претпријатија, директорот на ЈП Колекторски систем Владимир Алексијоски и претставници на компаниите „Инд Еко“ и „Еко Тим“.„Денеска, после неполна година подготовки и барање најдобри решенија и финансиски средства за реализација, започнуваат работите на чистење и реконструкција на колекторскиот систем во охридско-струшкиот регион од наслагите и корењата од дрвјата и санација на цевководот на колекторот. Дополнително ќе се поправат или ќе бидат заменети сите редуктори на сите 18 препумпни станици, ќе се санира целиот систем за прочистување на отпадните води во пречистителната станица и ќе се изврши комплетно чистење на атмосферската и канализационата мрежа во должина од околу 300 километри во Охрид и Струга“, рече премиерот Заев во врска со санацијата на колекторскиот систем во охридско-струшкиот регион, за кој се обезбедени   4,2 милиони евра од Буџетот.Премиерот Заев истакна дека овој значаен и сериозен зафат се презема поради  несеопфатната реализација и негрижата за одржувањето на системот за прочистување на отпадните води создадоа сериозни еколошки штети и закани за Охридското Езеро и за природните убавини и реткости во неговото опкружување, иако како што подвлече сознанијата за последиците биле познати изминатите години.„Во наредните 5 месеци, ќе го поправиме тоа што со години беше запуштено од негрижа и недејствување. Охридското езеро и заштитеното подрачје опфатено со УНЕСКО се наша гордост, но и грижа на сите нас, и затоа следува комплетна санација на колекторскиот систем. Нашата намера е да покажеме дека знаеме и дека се грижиме за нашите скапоцености, и тоа оваа Влада ќе го докаже“, подвлече претседателот на Владата.„Во моментов имам две сосема спротивни чувства. Од една страна чувствувам огромна гордост што Владата чиј дел сум и јас одвои средства за целосна санација на колекторскиот систем, средства кои ќе ја вратат бистрината на ова прекрасно езеро и ќе го заштитат од понатамошно загадување, ќе овозможат многу подобро зачувување на живиот свет во езерото. Нашата земја има ограничени ресурси, но секогаш мора да има доволно за заштита на нашите национални богатства, било да се природни или културни богатства“, истакна министерот Адеми.Директорот на ЈП „Колекторски систем“,  Владимир Алексијоски во своето обраќање изрази јавна благодарност и почит на покојниот градоначалник проф. д-р Јован Стојаноски заради, како што нагласи  неговите заложби, замисла, желба и посветеност за остварувањето заедничката цел, грижата за Охридското Езеро да биде во сигурните раце на државата. Тој на денешниот настан изрази и благодарност до Владата за покажувањето разбирање и интерес за решавањето на проблемот со Колекторскиот систем сместувајќи го во најважните приоритети, и им додели благодарници на премиерот Заев,  генералниот секретар на Владата, Драги Рашкоски, советникот на премиерот, Дејан Николоски и адвокатот Христина Стојановиќ.Претставниците на компанијата „Еко Тим“ ДОО Скопје ги образложија техничките податоци и постапки околу процесот на санација на колекторскиотсистемзаОхридскоЕзеро.фото и видео : Влада

Македонија | пред 6 години

(ФОТО) Георгиески оствари средба со Литлџон од Американската амбадаса

Денес, градоначалникот Константин Георгиески оствари средба со заменик шефот на мисијата од Американската амбасада, Џенифер Литлџон. На средбата се разговараше за тековните проекти кои ги реализира општина Охрид. Соговорниците разговараа и за препораките од УНЕСКО, за кои градоначалникот Георгиески истакна дека најголем дел се завршени, а другите активно се спроведуваат. Беше разговарано и за долгот на општината и странските инвестиции во градот. Шефот на мисијата, Литлџон, ја истакна својата поддршка за реализацијата на предвидените проекти и својата подготвеност за давање идеи кои ќе придонесат полесно спроведување на проектите.фото: Општина Охрид

Македонија | пред 6 години