OHRID

Јавна расправа за управување со природното и културно наследство

Денеска во Охрид  се одржа  Јавна расправа за Нацрт- Планот за управување со природното и културно наследство  и Нацрт- Извештајот за стратегиска оцена на животната средина за планот за управување со природното и културното наследство на Охридскиот регион 2019- 2028. На почетокот на настанот во полната сала во ЦК „Григор Прличев“ свое обраќање имаше градоначалникот на Охрид, Константин Георгиески-Дозволете да ја изразам мојата благодарност за организација на оваа Јавна расправа  токму тука во Охрид  затоа што Нацрт – Планот за управување со природното и културно наследство и Нацрт – Извештајот за стратегиска оцена на животната средина за планот за управување со природното и културно наследство за кои денес ќе дебатираме  се однесуваат  токму на Охридскиот регион за период од 2019 до 2028 година. Ние луѓето сме креатори на идеи нив ги преточуваме во проекти и  секогаш настојуваме доследно да се грижиме за своето минато, сегашност но и иднина. Древниот Охрид кој е бедем на македонскиот национален идентитет, научен и културен центар многу одамна е впишан на листата  на УНЕСКО како  Светско природно и културно наследство. Тоа значи дека многу одамна сме се обврзале да постигнеме највисок стандард на заштита на природното и културно наследство.Денешнава средба е во насока на  согледување на   состојбите, ресурсите и проблемите во Охридскиот регион во целина  со што битно ќе допринесеме во   дефинирање  на  целите, мерките и режимите за заштита.Охридскиот регион поседува исклучителна универзална вредност како комбинација од природни феномени со квалитетот и разновидноста на културното наследство – материјално и нематеријално.Двата документи кои денес се тема на јавна расправа ќе обезбедат  висок степен на заштита на исклучителната универзална вредност на регионот. Тие се  основа за донесување на развојни одлуки од сите засегнати страни со што се обезбедува рамнотежа меѓу заштитата на доброто и неговото искористување.Градот Охрид е еднa од најстарите човекови населби во Европа,  со исклучително природно наследство   и со  ретко архитектонско и уметничко достигнување.  Тој е ризница на нематеријални и  материјални, вредности инспирација на многу уметници и оддишка за многу  гости и туристи. Сите ние во рамки на своите надлежности,  да останеме доследни на постојаните  заложби и понатака безрезервно да се вложуваме со цел максимално да го заштитиме непроценливото природно и културно наследство на Охрид и неговиот регион – рече градоначалникот Георгиески.Пригодно обраќање имаше и  градоначалникот  на општина Дебрца, Зоран Ногачески по што  Државниот секретар во Министерството за животна средина и просторно планирање Ана Петровска  одржа презентација на Нацрт – Планот  за управување  со природното и културното наследство.   Зоран Павлов од Комисијата за управување со културното и природното наследство говореше за важноста  на Планот за заштита на културното наследство и мерките и активностите кои овој план ги предвидува за остварување на заштитата на културното наследство. Мартина Блинков од Градежниот институт на Македонија одржа презентација на Нацрт – Извештајот за стратегиска оцена н животната средина за планот за управување  со природното и културното наследство на Охридскиот регион 2019 – 2028г.Организатор на настанот е  Министерството за животна средина и просторно планирање  при Владата на РСМ.

Македонија | пред 6 години

Пилот проект „Ефикасно користење на новите технологии за чист атмосферски воздух- AIRTHINGS“

Одделението за заштита и влијание врз животната средина при општина Охрид која како пилот општина согласно проектните активности на ЕУ INTERREG Balkanmed Проектот AIRTHINGS „Ефикасно користење на новите технологии за чист атмосферски воздух“ заврши со поставувањето на   11 сензори на различни локации на јавни институции за следење на еколошки параметри, како и поставување/инсталирање на 15 филтри на оџаците на  домаќинства во населбата Кошишта  кои користат цврст енергенс за затоплување на своите домови.Од страна на Државниот Инспекторат за животна средина и Министерството за животна средина и просторно планирање беше обезбедена логистичка поддршка за реализација на техничкиот дел од проектот, а Општина Охрид беше  вклучена во изборот на домаќинства кај кои се  инсталирани филтрите.Проектот „Ефикасно користење на новите технологии за чист атмосферски воздух- AIRTHINGS“ ќе ги искористи новите технологии преку т.н интелигентни сензори за мерење на квалитетот на воздухот, обезбедувајќи нови, податоци во реално време преку мрежа за формирање на интернет поврзани градови (Во Македонија Охрид-пилот град), следење на квалитетот на воздухот, “облак” базиран на “Отворени податоци” систем со предвидлива анализа и напредна можност за учење кое овозможува навремени активности на јавните органи. Во комбинација со насоки и методологии за мониторинг на квалитетот на воздухот во градот, воспоставувањето на заедничка анализа на генерални политики за намалување на регионалните загадувачки супстанции и моделите за оценување на квалитетот на воздухот, проектот ефикасно ќе го адресира загадувањето на воздухот и ќе им овозможи носење на правовремени одлуки на јавните власти, граѓаните и бизнис заедницата.На 1.10.2019год. во Охрид беше одржан Европски ден на соработка кога официјално беше  промовиран овој проект.

Македонија | пред 6 години

Нема фотографија

Георгиевски: Правиме се за да го задржиме статусот во УНЕСКО

Се бориме за УНЕСКО и ќе се избориме. Тоа е голем предизвик со бројни болни мерки за решавање, но мора да го спроведеме, мора да го задржиме статусот на Охрид во УНЕСКО истакна охридскиот градоначалник Константин Георгиевски на трибината на СДСМ под мотото „На прав пат“.Тој пред насобраните граѓани на Охрид порача дека и покрај големите долгови кои на општината и ги остави претходната локална управа на ВМРО-ДПМНЕ од 1,6 милијарди денари, реконструирани се Кејот Македонија, булеварот Туристичка, улиците АСНОМ и Егејска и сменети се покривите на четири училишта во Охрид.Сега следува развитокот на градот нагласи Георгиевски, најавувајќи дека наскоро ќе започнат бројни проекти, од кои ја издвои целосната ренострукција на улицата Емин Абас, со изградба на водовод, фекална и атмосферска канализација, како и новиот влез во Охрид од страната на Битола.Поддршката што Охрид ја добива е огромна, го цениме тоа и повторно Охриѓани ќе докажат дека сме на прав пат и на 12 април ќе завериме уште една победа во Охрид, нагласи градоначалникот на Охрид Константин Георгиевски на трибината на СДСМ „На прав пат“ во Охрид.

Македонија | пред 6 години

75 години слободен Охрид

Во рамки на одбележувањето на 7-ми Ноември- Денот на ослободувањето на Охрид, градоначалникот, Константин Георгиевски  се обрати на Свечената академија што претпладнево се одржа во ОМУ „Методи Патче“.Во своето обраќање пред присутните градоначалникот Георгиески истакна:–  Денеска Охрид  празнува, чествува и се потсетува  на храброста и пожртвуваноста на  охриѓани  кои пред 75 години во борбата против фашистичкиот окупатор  ги вградија своите животи за слободен град. Историја забележала  многу датуми, но само 7- Ноември  е поврзан со  борбата за слобода  на   Охрид и охриѓани . Со пожртвуваност и храброст, умешност и мудрост  нашите сограѓани ја донеле толку посакуваната слобода  удирајќи ги темелите  на  современ град. Животот е часовник. Стрелките се движат напред. Секое завртување е показател  за  едно одминато и сегашно време, а просторот меѓу бројките е наша постојка на која застанувајќи за миг стануваме свесни дека  без минато иднина нема. Не заборавајќи го  делото на нашите предци,на крваво спечалената слобода го  градиме и развиваме Охрид, продолжувајќи   онаму каде што генерациите пред нас застанале. Секогаш неуморни и родољубиви во заедништво, солидарност и почит едни кон други го надградуваме и развиваме нашиот убав Охрид претворајќи го во  заеднички напреден и праведен дом, онака како што го сонувале и посакувале нашите борци. Од ослободувањето  до денес многу нешта се промениле  но не и напорите на темелите на правдата , исправното и доброто да го развиваме Охрид како значаен економски , туристички, културен и образовен центар. Продолжувајќи го  аманетот на нашите предци да ја сочуваме со животи платената слобода го градиме и разубавуваме Охрид. Чесно и посветено работиме на крупни  проекти за подобра иднина на сите граѓани. Конечно го решивме деценискиот проблем на градот, раздолжување на  општина  Охрид, работиме на реконструкција и изградба на колекторскиот систем. Градиме улици, патишта и тротоари. Ги подобруваме условите за образование на нашите деца.  Реконструираме  училишта, градиме нови спортски сали. Денеска во современ Охрид кој е идеален склоп на традиционалното и модерно време со понос и посебен пиетет се присетуваме на секој живот и секоја жртва дадена за слободата на Охрид кои се траен потсетник и патоказ за изградбата на уште поуреден и понапреден град. Нека ни е честит и вековит 7-ми Ноември, денот на ослободувањето на Охрид од фашистичкиот  окупатор  и неговите  сојузници- рече Георгиески.Свечената Академија  беше заокружена со културно-  уметничка програма.Денеска попладне со свечена приредба  во НУЦК „Григор Прличев“ ќе биде одбележан патрониот  празник на ЈОУДГ „Јасна Ристеска“’, а во ОМУ „Методи Патче“ учениците ќе го одржат Седмоноемврискиот концерт.

Македонија | пред 6 години

75 ружи за 75 години слободен Охрид

Во рамки на чествувањата посветени на 7-ми Ноември, Денот на ослободувањето на Охрид, градоначалникот Константин Георгиески положи свежо цвеќе пред спомен обележјата на борците  во Спомен паркот на револуцијата, а присуствуваше и на историскиот час за значењето на 7-ми Ноември.Делегации од општина Охрид, од Сојузот на борци  и останати претставници на политичкиот и јавниот живот од градов положија цвеќе и пред Спомен обележјето на Јасна Ристеска во с. Рамне каде се одржа панихида и културно- уметничка програма.Свежо цвеќе беше положено и пред спомен обележјата од НОБ кај Градски гробишта, Градски парк, Основен суд, двор на СОСУ „Св. Кирил и Методиј“.По завршување на свечените церемонии градоначалникот Константин Георгиески во својот кабинет  прими делегација од Сојузот на борци. Тој им посака добро здравје и им се заблагодари за  доприносот што тие го дале во досегашниот развој на Охрид.

Македонија | пред 6 години

Нови возила за ЈП „Охридски комуналец“ и ЈП „Нискоградба“

Преку грант на Светска банка, општина Охрид набави четири нови возила за потребите на јавните претпријатија „Охридски комуналец“ и „Нискоградба“. Преку овој проект се набавија едно специјално возило камион со инсталирана надградба кипер, едно специјално товарно возило камион со дупла кабина, една комбинирана машина ровокопач-утоварувач и една машина ровокопач, мини багер хидрауличен на гасеници. Возилата денес официјално беа предадени на јавните претпријатија.Вкупната сума за набавката на возилата изнесуваше 7.159.768 денари, од кои 807.082 денари беа учество на општина Охрид, а останатите се средства од Светска банка.

Македонија | пред 6 години

Конкурс за доделување повелба – патрон на градот “Св.Климент Охридски”

Врз основа на член 16 и 18 од Одлуката за доделување општински награди и признанија бр.07-3394/6 од 28.10.2011 година, градоначалникот на Општина Охрид распишува: КОНКУРС ЗА ДОДЕЛУВАЊЕ ОПШТИНСКА НАГРАДА – ПАТРОН НА ГРАДОТ “СВ.КЛИМЕНТ ОХРИДСКИ“ По повод 8-ми Декември–“Св.Климент Охридски”, градоначалникот на Општина Охрид распишува Конкурс за доделување на општинската награда – Патрон на градот “Св.Климент Охридски” за 2019 година.Наградата се доделува за животно дело, односно долгогодишни остварувања и врвни достигнувања во сите области од општествениот живот кои се од особено значење за Општина Охрид  и кои имаат голем придонес во нејзиниот развој, напредок и севкупна афирмација во Република Северна Македонија и светот.Право на учество на Конкурсот  имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања и придонес станува збор. Исто така, кон пријавата потребно е да се достави и најмалку една препорака од релевантна институција или истакнат поединец од областа за која се конкурура.Наградата “Патрон на градот “Св. Климент Охридски” се доделува на еден добитник само еднаш и истата не може да се дели меѓу повеќе добитници.Конкурсот трае 15 дена сметано од денот на објавувањето.Пријавите кои ќе бидат доставени по истекот на рокот нема да се разгледуваат.Пријавите да се достават на адреса: ул. “Димитар Влахов” бр.57, за градоначалник на Општина Охрид (со назнака: ЗА КОНКУРС ОПШТИНСКА НАГРАДА – ПАТРОН НА ГРАДОТ “СВ.КЛИМЕНТ ОХРИДСКИ”).

Македонија | пред 6 години

Конкурс за доделување повелба – патрон на градот “Св.Климент Охридски”

Врз основа на член 18 од Одлуката за доделување на општински награди и признинија бр.07-3394/6 од 28.10.2011 година, Комисијата за одбележување празници и манифестации и доделување награди и признанија, распишува КОНКУРС ЗА ДОДЕЛУВАЊЕ ПОВЕЛБА – ПАТРОН НА ГРАДОТ “СВ.КЛИМЕНТ ОХРИДСКИ” По повод 8-ми Декември – “Св.Климент Охридски”, Комисијата за одбележување празници и манифестации и доделување награди и признанија распишува Конкурс за доделување Повелба – Патрон на градот “Св.Климент Охридски” за 2019 година. Повелбите се доделуваат за остварувања и достигнувања во сите области од општествениот живот кои се од особено значење и имаат посебен придонес во равојот и севкупниот напредок и афирмација на Општина Охрид во Република Северна Македонија и во светот, во период од една година.Право на учество на Конкурсот имаат установи, трговски друштва, здруженија на граѓани и поединци.Во пријавата треба да се достави кратка биографија и образложение за какви остварувања се конкурира и најмалку барем една препорака од релевантна институција или истакнат поединец од областа во која се конкурира.Повелбата може да се додели максимум на пет добитници.Конкурсот трае 15 дена од денот на објавувањето.Пријавите коишто ќе бидат доставени по истекот на рокот нема да се разгледуваат.Пријавите да се достават во затворен плик на адреса: ул.”Димитар Влахов” бр.57, за Комисија за одбележување празници и манифестации и доделување награди и признанија (со назнака: ЗА КОНКУРСОТ ЗА ДОДЕЛУВАЊЕ ПОВЕЛБА – ПАТРОН НА ГРАДОТ “СВ.КЛИМЕНТ ОХРИДСКИ”.)

Македонија | пред 6 години

Награден ученички литературен конкурс за најдобра поетска творба

По повод 8-ми Декември – Св.Климент Охридски – Патрон на градот, Општина Охрид распишува: НАГРАДЕН УЧЕНИЧКИ ЛИТЕРАТУРЕН КОНКУРС ЗА НАЈДОБРА ПОЕТСКА ТВОРБА Темата на Конкурсот треба да  се однесува на Охрид и животот и дејноста на Свети Климент Охридски.По овој Конкурс, Општина Охрид ќе додели три први награди за најдобра поетска творба во три различни категории: I  За ученици од одделенска настава (од прво до петто одделение);II  За ученици од предметна настава(од шесто до деветто одделение);III За ученици во средно образование (од прва до четврта година). Износот на наградата за првата категорија е 2.000,оо денари;Износот на наградата за втората категорија е 3.000,оо денари;Износот на наградата за третата категорија е 4.000,оо денари. Изборот на најдобрите поетски творби ќе го направи тричлена жири – комисија, формирана од градоначалникот  на Општина Охрид.Право на учество на овој Конкурс имаат сите редовни ученици  од основните и средните училишта на подрачјето на Општина Охрид.Творбите, во три примероци, во затворен плик, под шифра, најдоцна до 30.11.2019 година, треба да се доставуваат  на следната адреса:Општина Охрид, – ул. ”Димитар Влахов“бр.57 (со назнака : За Конкурсот за наградени творби и со наведена категорија за која се конкурира).Творбите пристигнати по наведениот датум нема да се разгледуваат.Авторството се докажува со четвртиот примерок.Наградите ќе бидат врачени на една од свеченостите организирани по повод 8-ми Декември – Свети Климент Охридски – Патронот на Охрид. 

Македонија | пред 6 години

ОУ „Ванчо Николески“ го имплементира проектот „Чиста природа - долг живот“

Учесниците на партнерскиот проект „Чиста природа- долг живот“ кој го имплементира  ОУ „Ванчо Николески“ од с. Лескоец, денеска имаа средба со заменик- градоначалникот Ристо Николески. На средбата на која учествуваа претставници на партнерите од Велика Британија, Португалија, Романија и Турција, координаторката Елисабета Настоска, наставник по англиски јазик во ОУ „Ванчо Николески“ објасни дека се работи за проект кој ќе трае две години, а целта е со разни активности со земјите партнери да се разменат искуства од областа на заштитата на животната средина.Основното училиште „Ванчо Николески“ од с. Лескоец преку програмата „Еразмус“ доби два гранта од програмата Клучна акција 2- КА229  за  стратешки партнерства за училишна размена и образование. Во рамките на проектот се предвидени рсботилници, иновативни стратегии и нови методологии, преку кои ќе се подобрат професионалните вештини кај наставниците за поефикасно подигнување на јавната свест за заштитата на животната средина.

Македонија | пред 6 години

Нов идеен проект за студенчишкото блато

Со цел повторно оживување на Студенчишко блато, компанијата Тетрактис изработи Aрхитектонско-урбанистичка анализа во функција на ревитализација на Студенчишко блато, преку восооставување на одржлив економски модел. Предмет и цел на oвoј прoект претставува ревитализацијата на Студенчишкo блатo, овозможување на негово природно функционирање заедно со воспоставување на одржлив економски модел на содржини кои се насочени кон развој на локалитетот.Студенчишко Блато е едно од ретките природни блата на територијата на Р.Македонија кое е валоризирано како “споменик на природата”, но моментално е во незавидна состојба заради несоодветниот третман кое го трпи, поради лошата и несоодветна експлоатација која го попречува неговото природно функционирање.Во насока на остварување на идејата, ќе се одржи презентација на проектот за анимирање на културната и експертската  јавност на конструктивен дијалог.Презентацијата ќе се одржи на  7 ноември 2019 година, со почеток во 20 часот, во објектот  “Јавна соба”во Скопје.

Македонија | пред 6 години

Охрид успешно се промовира во Италија

По неодамна одржаните промотивни настани, промо турата „Охрид 2019“ и  “Ohrid Outdoor Festival”  градов  успешно се промовира како привлечна туристичка дестинација  за италијанските гости и туристи  не само во лето туку и во  есенскиот и зимскиот  период од годината.  На настаните учествуваа туроператори и новинари од Италија.Италијанските гости заедно со 150 љубители на планината и алтернативните видови спорт  во рамки на „Ohrid Outdoor Festival”     уживаа во возење велосипеди и искачување на врвот на  планината  Галичица од каде се гледаат двете езера Охридското и Преспанското. За учесниците на фестивалот беа презентирани и  вештините на Планинската спасителна служба при Црвен крст Охрид, која на регионот околу Охридското Езеро му дава дополнителна поткрепа во напорите за развој на авантуристичкиот туризам.Веднаш по завршување на охридските промотивни настани во најпознатите италијански списанија беа објавени промотивни  текстови за Охрид меѓу кои и  „Охридското Езеро е најстаро во Европа“ .фото: општина Охрид

Македонија | пред 6 години

ОЕМУЦ „Св.Наум Охридски “ доби нова училишна спортска сала

Нова училишна  спортска сала опремена по највисоки стандарди доби ОЕМУЦ „Св. Наум Охридски„ од Охрид. Проектот е на Министерството за образование и наука   и општина Охрид.Салата е комплетно опремена  со   кошеви, два помошни коша, ракометни голови, голови за мал фудбал, мрежа за одбојка и гимнастички реквизити.Во рамки на проектот изградени се две  канцеларии за наставници со засебни  санитарни јазли со туш кабини. Изградени се и  две простории за чување на спортските реквизити и  две соблекувални за ученици со санитарни јазли,  опремени со туш кабини.Изградбата и опремувањето на училишната спортска сала  во ОЕМУЦ „Св. Наум Охридски“ беа  завршени  за  неполна година.  Со реализирање на проектот битно се подобрија условите за спортување на учениците кои досега наставната програма по физичко образование ја реализираа во неадекватни услови во мала, помошна сала.Новоизградената и опремена  сала  е дел од Владиниот проект  за „Изградба и опремување на 145 училишни спортски сали“.фото: Општина Охрид

Македонија | пред 6 години

(ФОТО) Прво издание на „Ohrid Outdoor Festival“, убавините на Галичица ги видоа и туроператори и новинари од Италија

Голем број вљубеници во природата, активни планинари, велосипедисти и рекреативци денес имаа можност да уживаат во уникатните пејзажи и панорами на планината „Галичица“, Охридското и Преспанското Езеро, во рамки на првото издание на Ohrid Outdoor Festival, кое беше организирано од страна на Алпинистичкиот клуб „Патагонија“ и Општина Охрид.Прекрасното октомвриски сонце и ведрото небо, само ја надополнија целокупната атмосфера со силна позитивна енергија.Во рамки на планинарските тури учествуваа и туроператори и новинари од Италија, кои се дел од овогодинешната Промо тура „Охрид 2019“, која има за цел да придонесе за приближување на охридските туристички потенцијали на италијанскиот пазар.https://www.facebook.com/KonstantinGeorgieski7/posts/466519853953623

Македонија | пред 6 години

Што се изгласаа охридските советници на денешната седница на совет?

Советот на општина Охрид, на денешната седница ги усвои предложените одлуки за измени на програмите за поттикнување на развојот на туризмот на општина Охрид за 2019 година, за поддршка на локалниот економски развој, за заштита на животната средина и природата, за спорт и рекреација, за активностите на општина Охрид во областа на образованието, за детска заштита, за културни манифестации и творештво, за одржување на јавна чистота, за јавно осветлување, за измени на програмата за други комунални услуги, за изградба и реконструкција на локални патишта и улици, за изградба на  системи за водоснабдување, за изградба на сообраќајна сигнализација, за уредување на градежно земјиште, за изменување и дополнување на Буџетот на ЕЛС Охрид за  2019 година, за донесување на буџетскиот календар и одлуката за исплата на долгот на ОУ„Григор Прличев“ кон доверителот „Моби Петрол“ ДООЕЛ Охрид.На седницата беа прифатени и предложените одлуки за за  разрешување членови во училишните одбори на  ОУ „Св.Климент Охридски“ , ОУ „Ванчо Николески“ с.Лескоец, ОМУ „Методи Патче“, ОУ „Живко Чинго“ с.Велгошти, ОУ „Христо Узунов“ , ОУ „ Григор Прличев“ , ОУ „ Братство – Единство“ , ОУ „Кoчо Рацин“  и ОУ „Св.Наум Охридски“ с. Пештани.Советниците ги прифатија и предложените  иницијативи за експропријација на градежно земјиште- Кп.бр. 11916/1 и др. во КО Охрид 3 ,  Кп.бр. 5412 и др. во КО Охрид 4,  Кп.бр. 5238  и др. во КО Охрид 4, како и одлуката за обезбедување на надоместок за експропријација на недвижност.Беа прифатени и одлуките за подигање  спомен-обележје за бродската несреќа од 05.09.2009 година, формирање одбор  за подигање спомен – обележје и за утврдување локација за градба на спомен- обележје за  бродската несреќа од 05.09.2009 година.На денешната седница од дневниот ред беше повлечена точката за избор на командир на полициска станица од општа надлежност во Охрид, а беа усвоени новопредложените точки за финансиска поддршка на манифестациите „Гастромак“ и „Оhrid Outdoor Festival“.

Македонија | пред 6 години

Промо –тура „Охрид 2019“

Од утре до 28 октомври, Охрид ќе биде домаќин на  промо – тура „Охрид 2019“, што ја организира локалната самоуправа.Целта на активноста е приближување на туристичкиот потенцијал и понуда на Охрид  до граѓаните на Италија особено  на оние кои живеат во регионот на Милано.На  неколкудневното случување  се очекува присуство на 15 туроператори и 5 новинари од Италија со цел зголемена промоција на  градов на италијанскиот туристички пазар.Директната авио -линија  Охрид- Милано  дополнително ќе  допринесе  во  зголемување на бројот  на италијански туристи кај нас.

Македонија | пред 6 години

Георгиески: На овој ден се потсетуваме на истрајноста на нашите претци, но и одлучноста за слобода и независност

Градоначалникот на Охрид, Константин Георгиески упати честитка по повод 23-ти Октомври- Денот на македонската револуционерна борба.– Овој голем национален празник е потсетник за првата семакедонска организација и нејзината најголема цел да го обедини македонскиот народ и да ја исполни вековната желба за слободна татковина. На овој ден се потсетуваме на  истрајноста и пожртвуваноста на нашите претци, но и одлучноста и нескршливата волја за слобода и независност.  Македонската револуционерна организација   е  олицетворение на македонскиот непокор преку кој ќе се води бoрбата на сите генерации кои ќе следат до конечно остварување на најголемиот сон за слободна и независна држава.Посветено, одговорно и мудро продолжуваме да чекориме по патот на нашите револуционери , борци и херои градејќи  силна, просперитетна и модерна татковина  со унапредување на сите општествени сфери  и давање можност за подобар живот на сите граѓани. – стои во честитката на градоначалникот Георгиески по повод 23-Октомври-Денот на Македонската револуционерна борба.

Македонија | пред 6 години

(ФОТО) Георгиески направи обиколка на инфраструктурните зафати низ Охрид - еве што се работи и каде?

Градоначалникот на Охрид Константин Георгиески направи обиколка на повеќе локации каде се вршат градежни работи во општина Охрид. Станува збор за проекти кои се изведуваат во овој момент во Охрид и охридско за кои што општината од својот буџет има издвоено 50 милиони денари. Напоредно се работи на реконструкција на кровови во основните училишта во с. Елшани и Коњско, во училиштетето Христо Узунов во Охрид и Братство Единство Лескајца. За промена на покривната конструкција во ОУ „Христо Узунов“ издвоение се 4.109.512 денари, а за  промена на покривната конструкција на училишниот објект на ОУ „Братство Единство“ во населбата Лескајца во вредност од 3.239.482 денари.Во тек е санација на потпорен ѕид во непосредна близина на спомен куќата на Григор Прличев, инвестиција за која од буџетот на општина Охрид се наменети 1.500.000 денари. потоа  потпорен ѕид во с. Елшани, поради опасност од свлечиште кое може да ги поклопи куќите.Значајни проект кои треба да започнат на почетокот од следната година Георгиески ги посочи изградба на канализациона мрежа во Лескоец и Рача, кои ќе се санираат со тендер вреден 3 милиони денари.Овој период во почетна фаза е и реализацијата на проектот за реконструкција на плоштадот „Табана“, а интензивно се работи на проектот пешачка патека  од  Саат кулата во Стариот дел на Охрид до Горна Порта. Овој проект се реализира преку Југозападниот плански регион.Единствен проект кој не е започнат, а е со потпишан договор е пробивањето на улицата низ поранешната касарна. Според градоначалникот проблемот за реализација на овој проект се адмнинистративни пречки кои се отстрануваат.Градоначалникот на Охрид за следната 2020 година најави повеќе значајни инфраструктурни проекти за кои се предвидени или ќе се предвидат средства во општинскиот буџет. Георгиески најави комплетна реконструкција и обновување на влезот на Охрид од стана на Битола. Проектот како што кажа првиот човек на Охрид веќе бил изработен  и  истиот бил испратен до Агенцијата за патишта. За овој проект општината ќе ја изработи подземната инфраструктура, а државното јавно претпријатие асфалтирањето.Градоначалникот во проекти во најава за следната година ги напомена и реконструкција на булеварот „Македонски Просветители“, проект вреден 40 милиони денари.  Следната година ќе се реконструира и плоштадот кај стариот Чинар, рече првиот човек на Охрид.        

Македонија | пред 6 години

Георгиески: Во НП Галичица има 29 нелегално изградени објекти кои не може да се легализираат

Според извршената евиденција на општина Охрид на реонот на Галичица има околу 29 нелегално изградени објекти кои се наоѓаат во заштитен појас, во зоната од 50 метри од езерото и кои по никој основ не може да се легализираат, вели градоначалникот Константин Георгиески.Тој додава дека ќе се  направат контролни записници  според кои ќе се види дали сопствениците постапиле или не.-Ако не постапиле, ние ќе се водиме според нашите законски обврски и како општина ќе преземеме активности за отстранување, рече Георгиески.Инаку Охрид1 денеска објави снимка на која се гледа дека нешто се гради во реонот на Галичица, во близина на Трјпејчо поле, заштитено подрачје. Дали и овој објект е влезен во евиденцијата на локалната или станува збор за нова градба останува да видиме.

Македонија | пред 6 години

Охридските советници дадоа зелено светло за поделба на МЈП „ Проаква“ и склучување спогодба за присоединување кон ЈП „ Колекторски систем“

Советот на општина Охрид на денешната седница ги прифати предложените одлуки за давање согласност на одлуката за поделба на МЈП „ Проаква“ – Струга со раздвојување со основање и раздвојување со превземање (комбинирана поделба) ,за давање согласност  на одлуката за усвојување на планот за поделба на МЈП „ Проаква“- Струга и склучување на спогодба за присоединување кон ЈП „ Колекторски систем“ – Скопје преку комбинирана поделба-  раздвојување со основање и раздвојување со превземање и за поделба на МЈП „ Проаква“- Струга преку комбинирана поделба- со раздвојување со основање и раздвојување со превземање.

Македонија | пред 6 години

Георгиески: Советот на општина Охрид и советниците изгласаа историска одлука

Градоначалникот на Општина Охрид, Константин Георгиески денес на барање на новинарите даде изјава во врска со одлуките кои советниците на општина Охрид ги изгласаа на денешната 33-та седница.-Советот на општина Охрид и советниците денеска изгласаа историска одлука со која се финализира процесот на формирање на новото јавно претпријатие „Колекторски систем“ и поделбата на МЈП „Проаква“. Со тоа тие покажаа една исклучителна свест, љубов и грижа за нашиот град и сакам да им честитам што се дел од една значајна одлука за која во минатото имало неуспешни обиди да биде донесена. Советниците треба да се горди со тоа што се дел од еден ваков процес, кој што денес, за среќа на сите нас го финализираме. Формирањето на новото јавно претпријатие конечно значи инвестиција во иднината и една вистинска подадена рака од државата за нашиот град.Само оваа година, државата инвестирала 500 милиони денари за раздолжување на нашиот град и дополнително 800 милиони кои што ги презеде од долгот на МЈП „Проаква“. Значи добивме една милијарда и 300 милиони денари инвестиција во подобар живот и во подобра иднина за Охрид и охриѓани.Оваа наша одлука е многу важна и од еден друг аспект, а тоа е финализирање на процесот на раздолжување на општината. Во делбениот биланс кој денес го изгласаа советниците се предвидуваат 72 милиони денари, кои што беа како конто долг на општина Охрид спрема Министерството за финансии, по основ на кредитот кој што беше земен од Светска банка за колектор, да ги преземе новото јавно претпријатие „Колекторски систем“. Тој долг се брише од контото на општината и општина Охрид станува финансиски солвентна да добие позитивно мислење од Министерството за финансии, за да можеме на еден јавен повик да се задолжиме кај домашни или странски финансиски субјекти и да го завршиме конечно процесот на раздолжување на општината, кој што го започнавме. Долгот на општината во месец јануари годинава беше преку една милијарда и 600 милиони денари, а сега имаме реални 350 милиони денари долг.Посакувам и во иднина сите одлуки кои што се во интерес на нашиот град, Советот на општина Охрид да ги носи консензуално, истакна градоначалникот Георгиески. 

Македонија | пред 6 години

Полесен пристап за подобри општински услуги и граѓанска вклученост

Општина Охрид започна со имплементација на проектот „Полесен пристап за подобри општински услуги  и граѓанска вклученост“ како дел од активностите во рамки на втората компонента на проектот „Зајакнување на општинските совети” кој е финансиран од УНДП и Швајцарска амбасада во Република Северна Македонија, во износ од 50.000 швајцарски франци.Проектот предвидува реконструкција на влезните скали кои водат до големата општинска сала, поставување на хидраулична лифт платформа за лица со телесен инвалидитет, опремување на салата со посебни пултови за лица од ранливите категории и простор за инвалидски колички, со цел да се овозможи полесен пристап за подобри општински услуги. Салата исто така внатрешно ќе се уреди со ново осветлување, озвучување со цел да се овозможат соодветни услови за работа.Проектот „Полесен пристап за подобри општински услуги  и граѓанска вклученост“ беше избран за имплементација од страна на граѓаните на општина Охрид во рамки на четирите сесии на Форумот на заедници, кои беа организирани во декември минатата година. Форумот на заедници го сочинуваа седум работни групи, во кои имаше претставници на Советот на општина Охрид, општинската администрација, претставници на невладиниот и бизнис сектор, а главната тема на Форумот беше социјалната инклузија.фото: Општина Охрид

пред 6 години

Нови покриви за четири училишни објекти

Деновиве започнаа работни активности за промена на покривната конструкција на подрачниот училишен објекти на ОУ „Свети Наум Охридски“ во  селото Елшани и на покривната конструкција на училишниот објект на ОУ „Братство Единство“ во населбата Лескајца.Овие инвестиции се предвидени во рaмки на Годишната програма за образование за 2019 година. За објектот во Елшани, од општинскиот буџет се наменети 951.608 денари, а за училиштето во Лескајца 3.239.482 денари.Во текот на наредните денови се очекува да започнат и работни активности за промена на покривната конструкција на ОУ „Христо Узунов“ во вредност од 4.109.512 денари и промена на покривната конструкција во подрачниот училишен објекти на ОУ „Свети Наум Охридски“ во селото Коњско.фото: Општина Охрид

Македонија | пред 6 години

Меѓународен натпревар на угостителско - туристички училишта

Од 10 до 13 октомври учениците од ОУТУ „Ванчо Питошески“, заедно со своите ментори и директорот на училиштето беа дел од меѓународниот натпревар на угостителско- туристички училишта ГАТУС 2019.Натпреварот се одржа во Пореч, Хрватска каде учествуваа 170 учесници од 15 училишта.Учесниците, покрај натпреварувачкиот дел, разменуваа искуства, запознаваа примери на добра пракса и ја прошируваа меѓусебната соработка.ОУТУ „ Ванчо Питошески“ како единствен учесник од Република Северна Македонија се натпреваруваше во следните три дисциплини:Готварство со слаткарство (се натпреваруваа учениците: Кристијан Тошески, Марко Илиески и Стефан Аврамоски под менторство на Војо Ангелоски и освоија бронзен медал)Поставување свечена маса и подготвување коктел (се натпреваруваа учениците: Ана Марија Крстеска, Александар Камчевски и Џабир Далипоски под менторство на професор Зоран Наневски и освоија сребрен медал)Претставување на дестинација и изработка на туристички аранжман (се натпреваруваа учениците: Силвија Кацеминовска, Сара Џелили и Сабина Џелили под менторство на професор Елена Митреска и освоија сребрен медал)Домаќин на следниот меѓународен натпревар ГАТУС 2020 ќе биде ОУТУ „Ванчо Питошески“ .

Македонија | пред 6 години

Општина Охрид спроведе акција за отстранување на нелегално поставена урбана опрема

Општинските инспекциски служби заедно со екипи од ЈП „Охридски комуналец” и СВР Охрид, денес реализираа координирана акција за отстранување на нелегално поставената урбана опрема пред угостителските објекти во охридската чаршија.Акцијата беше спроведена врз основа на претходни инспекциски контроли, со кои биле утврдени локациите и угпостителките објекти каде биле поствени маси, столови и друга урбана опрема, без одобрение за поставување и надвор од Програмата за поставување на урбана опрема.Ваквите акции и контроли ќе продолжат и во текот на наредниот период.

Македонија | пред 6 години