На 13.08.2024 во 18.50 часот во СВР Охрид е пријавено дека од водите на Охридското езеро кај охридското село Пештани извадена е стара рачна бомба.Подоцна била безбедно подигната од стручно лице од Дирекцијата за заштита и спасување за натамошна постапка.
Охрид | пред 1 година
На 08.08.2024 во 14.00 часот во Охрид, полициски службеници од Одделението за недозволена трговија со дрога при СВР Охрид го лишиле од слобода М.Ч.(47) од Охрид.При претрес во неговиот дом, извршен по судска наредба, биле пронајдени и одземени семки од канабис, стебло од растението канабис, дигитална вага со остатоци од бела прашкаста материја и грендер со остатоци од марихуана.По целосно документирање на настанот, против него ќе биде поднесена соодветна пријава.
Македонија | пред 1 година
Денеска (04.08.2024) хеликоптерот Бел 412 од Одделот за воздухопловни единици на МВР и хеликоптерот Х215 од хеликоптерската единица на Српското министерство за внатрешни работи дејствуваа на пожарот кај с.Косел, охридско.Во 29 циклуси хеликоптерот Бел 412 исфрли над 43 тони вода , со што дел од краците на пожарот беа ставени под контрола.
Македонија | пред 1 година
Продолжениот викенд традиционално ќе го наполни Охрид. Колони возила се упатија кон туристичкиот центар на Македонија.Веќе има поплаки од возачи дека од патарина до патарина на патниот правец има и по пет километри колони.Гужвите почнаа од попладнево, а ги има и вечерва. Задржувањата се подолги особено на патарините при наплата.
Охрид | пред 1 година
Познатиот рапер Војаж кој наполни охридски клуб до последно место, морал да го прекине настапот. За ова соопшти самиот на социјалните мрежи. Тој посочува дека причината е интервенција на полицијата. Неточни се шпекулациите за било какви инциденти со убиства.„Поради претераната посетеност и безбедносната проценка на државните органи, Интервентната едниница реагираше и го прекина мојот настап и ме симна од сцена“, објави тој.Војаж и се заблагодари на публиката.„Охрид, бевте прекрасни, навистина ми е жал што настапот беше прекинат бидејќи енергијата беше неверојатна. Но не можеме против одлуките на државните органи. Јас се надевам дека наскоро ќе можеме да го надохнадиме ова, и да направиме поголем спектакл“, додаде тој.
Магазин | пред 1 година
Охрид е преполн за Илинден, а особено атрактивен поради бројните концерти. Но истовремено, охриѓани освен со гужвите, се справуваат и со таксистите.На страницата „Охриѓани“ е објавена снимка од која се гледа како жител не може да дојде до такси оти таксистите сакаат да возат странци за да им земат повеќе пари.„Бате ни го прати видеово, таксисти не го возеле од центар до кј црногорци за 500 денари зш била кратка релацијата“, велат од „Охриѓани“.
Охрид | пред 1 година
Во една недела, по вторпат е запалена депонијата кај Мауцхер, на самиот влез од Охрид. Ова се случува среде туристичка сезона, кога градот е преплавен со туристи.Со оглед дека времето не е со екстремно високи температури, предизвикувач на пожарот веројатно е човечки фактор.Противпожарната единица на Охрид од ноќеска го гасне пожарот, но сепак, чадот се гледа од сите делови на Охрид бидејќи надвиснува над градот.
Охрид | пред 1 година
На 06.07.2024 година во 21.40 часот, во СВР Охрид е пријавено дека, Е.Р.(32) од Скопје, при фотографирање до металната ограда на паркингот кај туристичкиот комплекс „Залив на коски“ во близина на охридското село Пештани, паднала и се здобила со тешки телесни повреди.Таа, со возило на Итната медицинска помош е пренесена во болницата „Св.Еразмо“ во Охрид каде, е задржана на понатамошно лекување.
Охрид | пред 1 година
Охридската Противпожарна служба имаше спасувачка акција. Турист паднал во амбис, а тое го извлекоа и пренесоа на безбедно.„Уште една успешна спасувачка акција на нашите пожарникари-спасители ! Интервентната екипа на Тппе Охрид изврши извлекување на повреден турист паднат во амбис ,во близина на х.Десарет.Повреденото лице е лоцирано и безбедно е транспортирано на пловен објект за понатамошно лекување“, велат од Противпожарната бригада.
Охрид | пред 1 година
Турист од Холандија бил каснат од отровна змија, но во болницата во Охрид немале серум па со санитетско возило бил транспортиран во болницата во Дебар каде му бил спасен животот. Директорот на дебарската болница вели дека многупати спасуваат животи на лица каснати од змија, често пати се работи и за жители од Албанија кои живеат блиску до границата, бидејќи нив болницата во Пешкопеја им е подалеку од дебарската болница.Во изминатите неколку дена во Општата болница со прширена дејност во Дебар, антивиперин, серум против змиски отров, добиле две лица странски државјани, со што се спасени нивните животи.„Во едниот случај станува збор за лице од соседните албански населени места, во чии амбуланти во моментот немало серум, а додадено на тоа поради фактот што нашата болница е поблиску од регионалната во Пешкопеја, потребната помош се дава побрзо и навреме. Доколку во период од 3 до 4 часа не се добие ваков серум настапува смрт“, вели за МИА, директорот Јетлумт Пашоли.
Македонија | пред 1 година
На 07.06.2024 година во 20.50 часот, во СВР Охрид е пријавено дека во водите на Охридското езеро во близина на месноста „Баден“ во близина на охридското село Љубаништа, удавен пронајден е Л.М.(54) од Неготино.
Охрид | пред 1 година
Претседателката Гордана Сиљановска Давкова денеска, во Охрид, ги врачи наградите за најдобро пласираните учесници на осмото издание на атлетскиот викенд „Охрид трчаТ“.Милјана Ристиќ од Македонија во женска и Дарио Ивановски од Македонија во машка конкуренција, се првопласирани на главната трка на 21 километар, а Мирослав Спасов од Бугарија го освои првото место на трката на 5 километри.Претседателката изрази задоволство од високиот потенцијал и посветеност на годинашните натпреварувачи, кои што несомнено ќе придонесат за нивните идни значајни маратонски подвизи. Особена благодарност упати и до организаторите на годинашниот Охрид трчаТ“, за успешно реализираниот атлетски викенд, со рекордни 2200 учесници од 31 земја.
Македонија | пред 1 година
Градоначалникот Кирил Пецаков денеска присутвуваше на пригодниот настан во Територијалната противпожарна единица во Охрид, по повод 20-ти мај, Денот на пожарникарите.Тој упати голема благодарност и честитки до пожарникарите за нивната пожртвуваност во извршување на работните задачи и потенцираше дека Локалната самоуправа во континуитет работи на подобрување на условите за работа на службата, набавка на дополнителна опрема и возила.Командирот на Територијалната противпожарна единица, Борко Јанкулоски истакна охридската противпожарна единица брои вкупно 39 пожарникари и е една од најекспедитивните, скоро најдобро опремена и подготвена во секое време да реагира на било каква интервенција.Од почетокот на оваа година до денес охридските пожарникари имале вкупно 202 интервенции од кои 152 пожари на објекти, отворен простор и пожари на сообраќајни средства.
ОО | пред 1 година
Општина Охрид и ЈП„Охридски Комуналец“ Охрид, се приклучуваат кон големата aкција за чистење „Генералка Викенд“ која ќе се одржи утре, на 17.05.2024 година (петок) со почеток во 9 часот.Оваа еколошка акција е во организација на компанијата „Мен енд маунтен“ со поддршка на „Пивара Скопје“, „Пакомак“ и „НУЛА отпад“.Според планираното, во Охрид ќе се чистат плажите од хотел „Метропол“ до камп „Елешец“, „Горица“, „Св.Стефан“ и село Пештани. Во акцијата ќе земат учество и „Шпаркасе Банка“ и „Kостал Македонија“ Дооел. Основните училишта од Охрид и градинката ќе учествуваат со чистење на своите дворни места.Целта на акцијата е подигнување на еколошката свест за одговорност кон животната средина и природата. Општина Охрид ги повикува сите заинтересирани граѓани да земат учество во акцијата.Оваа година во акцијата „Генералка Викенд“ ќе се чисти во сите општини и на околу 300 локации. Во акцијата се очекува да учестуваат повеќе од 16.000 волонтери, над 200 организации, граѓански, спортски и пензионерски здруженија и повеќе од 300 образовни институции.
ОО | пред 1 година
Ученици од 6-то до 9-то одделение од сите охридски основни училишта беа дел од работилниците кои се одржаа денеска во Големата сала на Општина Охрид, во рамки на општествено одговорната кампања „Крени глас против врсничко насилство“ поддржана од компанијата „Макпетрол“.Активнистите од оваа едукативна кампања се рализираат врз основа на Mеморандум за соработка, кој беше склучен помеѓу оваа компанија и Општина Охрид.Целта на работилниците e директно вклучување на младите во процесот на спречување на физичкото, вербалното, психичкото, социјалното и сајбер-насилството. Учениците имаа можност разговараат за другарството и соработката со своите врсници, но и за насилството и начините на кои може да се спречи појавата на конфликтите.Во рамки на кампањата ќе биде опфатен и наставниот кадар, кој преку конкретни насоки ќе треба да рализира дополнителни активности во самите училишта.
ОО | пред 1 година
На боксерски ринг поставен на отворено во близина на кејот на Охридското Езеро, вчеравечер во Охрид се одржа Финалето на Опен балкан купот во бокс и Меморијалниот боксерски турнир „Алексо Огненовски“.Организатор на овој спортски настан е охридскиот Боксерски клуб „Алексо Огненовски“ со поддршка на Боксерскиот сојуз на Србија и Општина Охрид.На свеченото отворање на натпреварот свое обраќање имаше градоначалникот, Кирил Пецаков.По вторпат присуствуваме на спортскиот настан, посветен на големиот спортски учител и педагог, родоначалникот на боксот во Охрид, незаборавниот Алексо Огненовски. Племенитата вештина во Охрид, ја донесе човекот кој беше и племенита и благородна душа. Нема охриѓанец, кој што барем малку се бавел со било кој спорт, а да не го знае името на “Алексо боксерот“, како што беше познат меѓу охриѓани, легендарниот спортски работник Алексо Огненовски.Упатувам искрени честитки до БК кој го носи неговото име, за вложениот напор за организација на ваков ревијален меѓународен натпревар, кој претставува уште една значајна манифестација во севкупната понуда на Охрид, рече градоначалникот Пецаков и упати покана до сите гости и учесници на настанот, да го искористат престојот во нашиот најголем туристички центар и да уживаат во природните и културните убавини.
ОО | пред 1 година
Вкупно 220 ученици од основните и средните училишта од Република Македонија се натпреваруваа на Државното првенство во атлетика, кое се одржа денеска во Охрид.На свеченото отворање на настанот, во името на Локалната самоуправа се обрати советникот во Советот на Општина Охрид, Горан Маркоски.Ни претставува голема чест и задоволство што Охрид е домаќин на овогодинешното издание на Државниот натпревар во атлетика, кој го организира Федерацијата на училишен спорт.Овој спортски настан им овозможува на младите атлетичари да ги презентираат своите способности, да се мотивираат и да се инспирираат за поголеми спортски успеси. Спортот, а особено атлетиката им помага на младите да изградат дисциплина, тимски дух и самодоверба, што се важни квалитети во секој аспект на нивниот живот.Особено сме горди што Охрид е пример за град кој дава значителна поддршка на спортот, а особено на атлетиката.Преку инвестирањето во спортската инфраструктура и организирањето на големи атлетски настани, им овозможуваме на атлетичарите достоинствени услови за спортски развој. Овој вид на поддршка не само што го зголемува интересот за спорт кај локалната заедница, туку и го зголемува престижот на градот како спортска дестинација.Атлетиката отсекогаш, заслужено го носи епитетот „Кралица на спортовите“, затоа што атлетичарите се вистински симбол на брзина, сила и издржливост. Во мое лично име и во името на Општина Охрид Ви посакувам да остварите високи резултати во сите дисциплини на овој натпревар и да покажете дека атлетиката може да застане на заслужен пиедестал во македонскиот спорт, истакна Маркоски во своето обраќање.Државниот натпревар во атлетика го организира Федерацијата на училиштен спорт, а Општина Охрид го отстапи користењето на стадионот “Билјанини Извори”.
ОО | пред 1 година
Презентирање на можностите кои ги нудат студиските програми, условите за студирање и воспоставување на соработка помеѓу сите чинители во локалната зедница, беше целта на денешниот Отворен ден на Универзитетот „Свети Климент Охридски“ кој се одржа на Факултетот за туризам и угостителство во Охрид.Мотото на овогодинешниот промотивен настан, кој се организира по трет пат беше „Повеќе од образование“. Во рамки на програмата беа предвидени две панел дискусии, а беше одржан и „Изложбен ден-ден на кариера“ на кој со свои штандови се претставија единиците на Универзитетот „Свети Климент Охридски“ и компании.Во името на Општина Охрид на една од панел дискусиите свое обраќање имаше заменик градоначалникот Перчо Божиновски.,,Образованието е најсветлата ѕвезда која ја осветлува патеката за истражување и откривање нови хоризонти, а образовните институции се седиште на мудроста, каде што професорите, учениците и студентите споделуваат знаење и искуства, кои се основа за развој и напредок на едно општество.Големо е задоволството да се биде дел од ваков прекрасен настан, кој има за цел да ги промовира студиските програми на нашиот престижен Универзитет „Свети Климент Охридски“. Почестени сме што токму Охрид и Факултетот за туризам и угостителство, оваа година се ваши домаќини и што ќе имаме можност одблиску да се запознаеме со повеќе детали околу можноста за уписи и начинот на студирање.Универзитетот „Свети Климент Охридски“ е еден од најпрестижните универзитети во нашата држава, со богата историја и има исклучително важна улога во развојот на образованието во Пелагонискиот и Југозападниот регион.Оваа високообразовна институција се гордее со голем избор на студиски програми на различни факултети, кои се приспособени според потребите на денешното време и современите предизвици на пазарот на труд. Покрај тоа што универзитетот обезбедува квалитетно образование, нуди и соодветни ресурси кои можат да гарантираат успешна кариера во соодветната област.По мотото „Повеќе од образование“, денешниот настан не само што го одбележува изборот на студентите за нивната идна кариера, туку го истакнува и значењето на високото образование во нашето општество.Преку панел дискусијата која е предвидена во денешната програма, ќе може да споделиме и да слушнеме различни идеи, мислења и предлози во насока на подобрување на условите за студирање и подобри можности за студентите.Истакнатиот светски филозоф Жан Жак Русо рекол „Учењето е светлината на умот, а образованието е огледало во кое што можеме да видиме рефлексија на светот“. На сите идни студенти им посакувам да бидат водени од оваа мисла, да ги остварат своите соништа, да изградат успешни кариери и да ги исполнат своите амбиции.Нека знаењата и искуствата од овој универзитет ве одведат на врвот на успехот, а нашата држава да биде горда на вашите имиња и постигнувања!Во мое лично име и во името на градоначалникот Кирил Пецаков ви посакувам успешен настан, со надеж дека Охрид повторно ќе биде домаќин на вакви важни случувања, кои се посветени на младите и образованието, истакна Божиновски.На панел дискусијата свои обраќања имаа Ректорот на универзитетот, Игор Неделковски, деканот на Факултетот за туризам и угостителство од Охрид, Проф. д-р Снежана Дичевска и деканот на Економскиот факултет од Прилеп, Проф. д-р Драгица Оџаклиеска.
ОО | пред 1 година
Поројните локални дождови имаше на повеќе места во државата. Регионалниот ЦУК Охрид, известува дека по добиени пријави на граѓани во ЦУК за поплавување на подруми и гаража на две куќи на ул. „Стив Наумов“, во Охрид,од страна на Општина Охрид е контактирано со ЈП „Нискоградба“ и ЈП „Колекторски систем“ дека колекторскиот систем не можел да ја прими во целост количината на вода која поради обилните врнежи од дожд, бидејќи во тој период на пороен дожд количината вода била голема. За кратко време состојбата е санирана.Потсетуваме за голема внимателност при појава на локалните нагли метео промени и особена внимателност при грмежите и молњите, односно при силните електрични празнења: да не се престојува на отворен простор и под осамени дрвја. И секако да потсетиме за внимателно возење, особено на патиштата низ котлините, речните долини и клисурите, каде што има можност од појава на помали одрони при вакви променливи метео услови. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.
Охрид | пред 1 година
Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе.Тоа било донесено со Брџа помош, но било неконтактибилно.Ова е втор смртен случај на бебе во Охрид за краток период. Во мај почина седуммесечно бебе од Вевчани во специјалната болница за ортопедија и трауматологија „Св.Еразмо“.
Охрид | пред 1 година
Фирмите на Мијалкови, земјиштето во Охрид на атрактивна локација со поглед на Охридско Езеро го купиле во 2011 година, а веќе во 2012 година добиле и одобрение за градење. Градоначалникот Кирил Пецаков нема преземено било какво дејствие во врска со предметната парцела.„Во 2007 година од страна на Општина Охрид е предложен план за вон населено место туристички локалитет Горица, кој од мнозинството советници е усвоен. Понатака во 2011 година врз основа на усвоениот план е организирано јавно наддавање од страна на Министерството за транспорт и врски, а по завршувањето на истото е склучен договор за оттуѓување на градежно земјиште со најповолниот понудувач.Понатака во 2012 година е издадено одобрение за градење на инвеститорот, а во 2013 година е склучен анекс од страна на Општина Охрид согласно измени во Законот за градежно земјиште со кој е предвидено плаќање договорна казна за непочитување на рокови. Исто така анекс на договор е направен и во 2020 година е направен уште еден анекс со ОпштинаОхрид согласно измени во Законот за градежно земјиште – уреденост на градежното земјште согласно УПВНМ.Од погоре наведеното може да се констатира дека целокупната постапка е започната и завршена многу оддамна пред моето доаѓање на позиција градоначалник, па оттука нејасно ми е зошто токму пред избори и зошто токму јас сум повикан за нешто што се случувало оддамна, иако на оваа тема многу пати се зборувало во минатото. Овие факти нека служат како одговор до сите медиуми и иницијативи кои што доставуваа барања за информации од јавен карактер“, вели Пецаков.
Свет | пред 1 година
„Единствено што знае СДС е за непотизам, партизација, кронизам, а Охрид е типичен пример за тоа. Наместо борба со корупцијата со СДС имаме протекционизам и клиентелизам“, велат од ВМРО-ДПМНЕ ОК Охрид и додаваат:„Проектот мрежа за партизација и кронизам се докажува во Охрид каде што главен вработувач е Миле Зечевиќ, генерален секретар на СДС, а главна на охридската филијала на СДС е неговата роднина, Кристина Крлеска-Деспотоска.Нека се одважат од СДС Охрид и да се појави во јавност Крлеска за оваа афера, а на да молчи и се крие од охриѓани кои чекаат одговор! Никогаш не било полошо, време е да ги поразиме, време е наместо хаосот да завладее ред“.
Охрид | пред 2 години
„Градежните активности за реконструкција на улицата „Гоце Делчев“ се одвиваат интензивно и по утврдена динамика. Во моментов ЈП „Нискоградба“ работи на изградба на атмосферската канализација во должина од 1200 метри. Веќе е завршен приклучокот на новата атмосферска мрежа по кракот на улица „Сатеска“ во населба Далјан“, вели Кирил Пецаков - Градоначалник на Општина Охрид.„Екипите на изведувачот АД „Илинден“ вршат партерно уредување и замена на бехатон елементите и рабниците по должината на улицата во населбите Далјан и Воска, а кабелските оператори ЕВН и Телеком работат на спуштање на својата мрежа под земја.Во рамки на проектот за реконструкција на оваа важна сообраќајница, предвидено е поставување на нов асфалт на коловозот како и ново јавно осветлување“, додава тој.
Охрид | пред 2 години
„Во рамки на кампањата „Ги запознаваме ретките болести“ денеска остварив средба со Гордана Лолеска, претседателка на здружението „Ретко е да си редок“. Разговаравме за поддршката која Општина Охрид, трета година по ред ја обезбедува за лицата со ретки болести во вид на редовни стипендии за ученици, студенти и магистранти“, вели Кирил Пецаков - градоначалник на Општина Охрид и додава:„Искрено се надевам дека секој нареден февруари, преку заедничка соработка ќе може да споделиме нови позитивни примери за реална помош низ животните предизвици, кои ги носи ретката болест.Општина Охрид и оваа година активно се вклучи и ја поддржа кампањата „Ги запознаваме ретките болести “ со осветлување на општинската зграда, неколку јавни објекти и споменици во боите на ретките болести“.
Охрид | пред 2 години
Во рамки на долгорочната платформа за општествена одговорност „Наша гордост. Наша одговорност“ на Пивара Скопје, поставени се пловни препреки на реката Сатеска и реката кај Даљан кои беа посочени како едни од најголемите загадувачи на Охридското Езеро.Средствата за овие препреки се обезбедени преку иницијативата за издвојување 1 денар од секое продадено стаклено шише со посебна етикета Скопско и Скопско Smooth. Освен пловните препреки обезбедени се и акции за чистење на крајбрежјето и дното на Охридското Езеро и активности за подигнување на еколошката свест кај граѓаните за заштита на животната средина.Градоначалникот Кирил Пецаков упати благодарност до Пивара Скопје и сите инволвирани во имплементацијата на овој проект кој е од големо значаење за заштита на Охридското Езеро.-Она што природата ни го дала како дар, а светот го препознава како светско природно наследство, обврзани сме да го заштитиме. Ме радува фактот што токму овој проект е дел од сите конкретни мерки и координирани активности кои се реализираат во насока на обезбедување на одржливо управување со сливот на Охридското Езеро, како и зачувување на овој уникатен природен басен.Реката Сатеска и реката кај Даљан се детектирани како едни од најголемите загадувачи на езерото со цврст отпад и затоа поставувањето на пловни препреки на овие две реки значително ќе придонесе за заштита на езерската вода. Секако од големо значење ќе бидат и сите акции за чистење на крајбрежјето и дното на езерото, активностите кои се фокусирани на подигнување на еколошката свесност кај граѓаните.Заштитата на животната средина е еден од најважните приоритети на Општина Охрид. Преземаме решителни чекори за обезбедување на поголема заштита на биолошката разновидност и континуирано работиме за унапредување на ресурсите со кои располагаме. Ова особено се однесува на третманот и одведувањето на отпадните води од крајбрежните населби и отстранување на сите критични точки. Токму поради тоа секогаш ќе бидеме подготвени да поддржиме и да бидеме вклучени во вакви проекти, кои се посветени на оваа проблематика и се во насока на зачувување на светското природно богатство кое го поседуваме.Се надевам дека овој проект на Пивара Скопје ќе биде еден убав пример и поттик за останатите големи компании кои може да се вклучат и да помогнат во делот на заштитата и промоцијата на Охридското Езеро, нашиот најскапоцен бисер и нашата најголема гордост, истакна градоначалникот Пецаков на денешната прес-конференција за промоција на активностите за заштита на езерото.Пловните препреки на реките што ги поставија стручните тимови на „Пакомак“ ќе функционираат како физичка бариера која не дозволува пловниот отпад да заврши во Охридското Езеро.Во изминатите неколку недели беа организирани акции за чистење на брегот на Охридското Езеро во Охрид, Струга и Дебрца и на трите локации беа собрани 200 кеси со отпад. Во акциите беа вклучени нуркачките клубови, волонтери, активисти и многу заинтересирани граѓани.
Охрид | пред 2 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
