ПУЛС

Потресно обраќање на сопругата на загинатиот Андреј од „ДНК“: Лажни објави се дека пиротехниката е донесена од бендот!

Наталија Ѓоргиеска, сопруга на загинатиот Андреј Ѓоргиески се обрати до јавноста:„Во овој момент, кој е најтежок за нас, медиумите и државните институции, ме предизвикувате за прв пат да се обратам до македонската јавност. Во текот на вчерашниот ден, по потрага на својот сопруг Андреја Ѓорѓиески, да го најдам во некоја од болниците, на домашна адреса не посетила криминалистичката служба која без објаснување го барала мојот сопруг, во присуство на нашето дете.Истата служба ме побара телефонски во неколку наврати со НАЈНЕХУМАН однос да дадам информација каде е мојот сопруг со цел да даде изјава за настанот, за што истото прашање го упатив кон нив. Од медиумите, кои пренесуваат ЛАЖНИ информации, дознале дека сопругот е на домашно лекување, додека тој лежи во болницата во Кочани, мртов.Ги замолувам сите јавни медиуми да не шират дезинформации на социјалните мрежи. Ги замолувам и јавните органи да си извршат детален увид за целиот трагичен настан. Во овој тежок момент за сите нас, ЈАВНО ги замолувам институциите и медиумите да ја почитуваат пред се, нашата приватност. Лажни објави дека мојот сопруг е на домашно лекување и дека пиротехниката е донесена од страна на бендот, ве молам, НЕ ШТИТЕТЕ НЕКОЈ КОЈ ТРЕБА ДА Е ПОЗАДИ РЕШЕТКИ! Како сопруга и мајка на малолетно дете, покажете малку сочувство, а така и за поблиското семејство и пријателите...

Македонија | пред 1 година

(Видео) Сведоштво: Малолетник излегол од дискотеката оти дошла полицијата, па за 10 минути се случил хаосот

Полициски службеници упаднале во дискотеката „Пулс“ во Кочани само петнаесетина минути пред да избувне пожарот во кој загинаа најмалку 59 лица, а повеќе од 150 се тешко повредени. Ивица Вучков, чиј малолетен син кобната ноќ бил во кочанската дискотека, за српски Информер изјави дека полицијата извршила рација само петнаесет минути пред да избувне пожарот.– Син ми беше со другари. Тој бил близу вратата и кога видел дека полицијата влегла он излегол. Тоа беше околу 2:30 – вели Ивица и додава:– Таму беше со другарите и сакаше да се врати бидејќи девојка му остана внатре, но го видел девојчето и останал надвор. За 10 минути било хаос, стопено се. Внатре било хорор, паѓал таванот, се топело.. Има видеа од тие што биле внатре, како гасат, како одат едни врз други. Имало еден излез, сите прозори блокирани, топилница било внатре. $bp("TargetVideo_42204334", {"id":"34926","width":"650","height":"366","video":"2042080","autoplay":0,"shared":true});

Македонија | пред 1 година

(Видео) Ова се сите лица кои се уапсени досега по трагедијата во Кочани каде 59 лица загинаа

Министерот за внатрешни работи, на прес-конференција наброја кој се е приведен по пожарот во дискотеката „Пулс“ во Кочани, каде 59 лица го загубија животот.

Македонија | пред 1 година

„Заедно седеа во клупа, заедно заминаа кај ангелите“ – наставничката Елена се прости од Никола и Матеј кои загинаа во пожарот

Наставничката Елена Накова со емотивна објава на Фејсбук се прости од нејзините ученици Никола и Матеј, кои вчера загинаа во пожарот во дискотеката во Кочани.„Драги деца, не можам да поверувам на сопстветните очи и уши дека повеќе ве нема, не можам да го заборавам моментот кога бевте IX В одделение, кога бев ваша наставничка, моментот кога седевте во иста клупа.Николче, мило дете со твојата мила насмевка и посветеност секогаш ме воодушевуваше, од вчера ми звони во ушите твојата рецитација на песната „Која ја љубев Дениција“, која ја вежбавме за една училишна активност. Ах ах ах , Матејче уште во понеделник па последователно секој ден на излегување од училница ме испраќаше со зборовите „Убав виќен наставничќе“ иако видендот беше далеку.Еее токму овој викенд беше најлошиот викен за мене бидејки ја слушнав кобната случка и уште покобното сознаение дека многу млади деца и нечии мили деца нема да бидат веќе со нас! Патувајте мирно кон ангелите, нека Господ Бог ве приме во царството небесно и да продолжите да ја ширите позитивната енергија кај ангелите“, напиша Накова.

Македонија | пред 1 година

Градоначалникот на Кочани поднесе оставка: Ако имам одговорност, нека ме гонат

„Во овие најтешки мигови за нашата земја и за мене лично, сакам да соопштам дека поднесувам неотповиклива оставка од функцијата градоначалник на Кочани“, напиша градоначалникот на Кочани, Љупчо Папазов и додаде:Оваа загуба е огромна!Не постојат зборови што можат да ја опишат болката што ја чувствуваме сите. Тие деца беа наши деца. Ги познавав повеќето од нив, ги познавав и нивните семејства, а со дел од нив и семејни пријатели.Шокот и скршеноста што ги чувствувам ќе траат целиот мој живот. Оваа трагедија ги остави Кочани и Македонија во црнина, а празнината што остана е непреболна.Барам од сите надлежни институции да ја испитаат одговорноста на сите инволвирани! Непостапувањето е исто така одговорност. Мора да се истражат сите детали, да се најдат сите пропусти, а сите лица што придонеле кон оваа трагедија мора да одговараат. Јас се ставам целосно на располагање на институциите. Иако според закон немав директни надлежности во овој случај, подготвен сум да одговорам на сите прашања за се', како и за моите лични постапки.Нема зборови што можат да ја опишат мојата болка! Но, во овие моменти, мора да покажеме доблест, да манифестираме црлосна одговорност и да покажеме разлика во начинот на постапување. Со нашето однесување мора да дадеме пример дека се спротивставуваме на системот кој не функционира. Доколку постои било каков основ за одговорност кај мене, го повикувам обвинителството да го испита тоа и да постапи согласно законите.За мене, после оваа трагедија, ништо повеќе нема исто значење! Ова беа наши деца! Многумина, со право, забележаа зошто вчера не излегов во јавност цел ден. Но, тие што ме познаваат знаат колку сум скршен и како го доживувам ова што се случи. Тешко е, и тешко ќе го преживеам. Работев чесно и посветено целиот свој живот!Никогаш не сум ни помислил дека вака ќе заврши и мојот ангажман, но сега се повлекувам од оваа функција, молејќи го Бога за душите на нашите деца, за нивните семејства и за народот на Македонија!

Македонија | пред 1 година

Тошковски: 45 лица од повредените се во критична состојба, пиротехниката во дискотеката ја донел бендот

Тошковски информираше дека 45 лица од повредените се во критична состојба, се транспортират во странство, а владата се труди да овозможи соодветно згрижување и лекување на истите.Пиротехниката во дискотеката „Пулс“ во Кочани ја донел бендот „ДНК“, лицето кое било задолжено за нивна употреба е починато.По завршување на увидот, ќе биде доставен извештај на ОЈО, по што ќе се утврди дали истите требале да поседуваат одреден сертификат за употреба.Според Тошковски, дискотеката работела во објект чија што намена е лесна индустрија, а не угостителство. За цел клуб имало само два противпожарни апарати. Концертот бил одржан „на диво“ бидејќи немало писмен договор меѓу организаторот и оддржувачите.Приведени се 5 лица со кои се разговара и меѓу нив е и поранешен министер. Нареден е претрес кај 2 лица. Правното лице немало валидна лиценца за работа, односно приложил вчера фалсификат лиценца па и кај него ќе се врши претрес.Вчера приведени 13 лица во Штип, меѓу кои сопственик, обезбедување, продавач на билети, член на пазарен инспекторат, еден од трудов инспектор и уште некои. Сите имаат притвор од 7 дена за предизвикување на општа опасност.

Македонија | пред 1 година

Меѓу загинатите во пожарот се уште двајца млади спортисти, покрај фудбалерот Лазаров

Локалната телевизија М Нет јави дека меѓу жртвите е и 18-годишниот голман Дамјан Танески од Штип.„Низ својата млада кариера која доправа требаше да се развива и да го чува голот, настапуваше за Мал Ајакс од Штип, беше во младинските категории на скопски Вардар, потоа беше дел од Брегалница и Кит Го од Пехчево“, информира телевизијата.Меѓу загинатите е и 20-годишниот кошаркар Петар Ивановски. Трагичната вест ја потврдија од неговиот матичен клуб.„Со голема тага ја примивме веста каде што нашиот соиграч Петар Ивановски е една од жртвите во синоќешната трагедија.Тој беше голем човек со големо срце, беше голем борец и беше МВП на турнир М-14. Тагата е преголема, сочувство до семејството“, напишаа од Дино баскет.

Македонија | пред 1 година

Нема фотографија

Денес ден на жалост и во Црна Гора поради вчерашната трагедија во Кочани

По повод трагедијата во Северна Македонија, во која загинаа 59 лица, а над 150 се повредени, понеделник, 17 март, во Црна Гора е прогласен за Ден на жалост.„Со голема тага ја примивме веста за трагичниот настан во Кочани, Северна Македонија. Владата на Црна Гора е подготвена да застане покрај пријателскиот народ на Северна Македонија на сите неопходни начини во ова тешко време и со ова ја информира јавноста дека понеделник, 17 март, во Црна Гора ќе биде Ден на жалост. Изразуваме длабоко сочувство до семејствата на жртвите, а на повредените им посакуваме брзо закрепнување. Нашите мисли и молитви се со Северна Македонија“, напиша црногорскиот премиер Милојко Спајиќ на Икс. 

Македонија | пред 1 година

Таравари: Сите хоспитализирани се во стабилна состојба, надвор од државата 51 повреден

Таравари во денешниот прес изјави дека сите хоспитализирани пациенти се во стабилна состојба, додека надвор од државата се пренесени 51 повреден. Нема пациенти во Кочани и во Штип.Испрати порака сите што не се пријавиле вчера за преглед, да се пријават денес.Во клинички центар има 49 пациенти, во „8 Септември“ 18 пациенти, стара градска болница 17, додека во регионот и Европа бројот е следниов:Турција: 9Бугарија: 14Грција: 5Србија: 17Унгарија: 2Литванија: 4Во теков на денешниов ден се планира да се упатат уште двајца во Словенија, евентуално уште двајца, потоа во Хрватска четворица, во Австрија 6 и во Србија уште 12.  

Македонија | пред 1 година

Се следи состојбата на петте млади момчиња и 18-годишната девојка згрижени во Белград

Српските медицински екипи укажаa помош на повеќе од десет лица тешко повредени во пожарот во дискотеката „Пулс“ во Кочани.Во текот на вчерашниот ден и вечерта со амбулантни возила и авион на војската на Србија биле префрлени во болниците во Белград, сместени во ВМА и Клиничкиот центар на Србија.Како што дознава Telegraf.rs, сите пациенти кои се сместени во ВМА се во шок соба. Пет од нив биле интубирани.Според неофицијални информации, станува збор за пет млади момчиња и една девојка.Младите мажи се на возраст од 18 до 27 години, а изгорениците покриваат и до 30 отсто од кожата.Девојката која е префрлена во ВМА има 18 години и изгорениците и покривале 24 отсто од кожата.Најмалку 59 лица загинаа во пожарот што избувна ноќта меѓу саботата и неделата во дискотеката Пулс во Кочани.Најмладата жртва имала само 14 години. Меѓу повредените има најмалку 150 лица, кои се префрлени во болниците во Кочани, Штип и Скопје, по што е извршен итен транспорт во околните земји.Со авион на српската армија во неделата вечерта во Белград биле донесени 12 пациенти.

Македонија | пред 1 година

Почина возач на брза помош кој цела ноќ ги пренесувал повредените од трагедијата во Кочани

Возачот на брза помош, Иле Гоцевски, кој цела ноќ ги преведувал повредените од пожарот во Кочани, починал утрово.Колегите од Општата болница Кочани, каде што Гоцевски беше дел од тимот, се во шок и неверување. Вчера, како и секој ден, извршуваше свои работни задачи, транспортирајќи пациенти и повредени лица, давајќи го својот максимум за да им помогне на оние на кои им е најпотребно. По напорниот и долг ден, се вратил дома да одмори, но, за жал, не се разбудил.За него сведочат како за пожртвуван и професионален човек, секогаш подготвен да помогне, без оглед на времето и условите. Неговата посветеност кон работата и човечноста што ја покажувал кон пациентите ќе останат запаметени меѓу колегите и сите што го познавале.Оваа ненадејна загуба е тежок удар за неговото семејство, пријателите и колегите, кои денеска се простуваат од него со голема тага. Кочани загуби човек кој животот го посвети на спасување други животи.

Македонија | пред 1 година

Состојбата на Панчо е влошена, ставен е на апарати, објави Ребека

Пејачката Ребека Јанковска Ристески, јави дека состојбата на пејачот на ДНК, Владимир Блажев Панчо од ДНК е влошена. Оваа информација не можевме да ја потврдиме. Според неа, трахеата (орган за дишење) му е многу оштетен.„Панчо мил, не се предавај. Трахеата е оштетена. Вдишал многу топол дим, на апарати е“, напиша Ристески.Тој во текот на вчерашниот ден, по третирањето во Клиничкиот центар Скопје каде беше примен, беше преместен во болницата „Систина“.Од бендот на ДНК досега е потврдена смртта на еден од главните вокали Андреја Горгиевски, клавијатуристот Филип Стевановски, гитаристот Александар Коларов, тапанарот Горги Горгиев и придружниот вокал Сара Пројковска. Игор Велков, тонецот на групата „ДНК“ и бит-боксерот Мартин Атанасовски познато како Мартин Буцо, се исто меѓу загинатите во дискотеката „Пулс“.

Македонија | пред 1 година

Сите 59 тела се донесени во Институтот за судска медицина: се работи етапно

Сите 59 тела се донесени во Институтот за судска медицина, каде се врши обдукција, за да се утврдат точните причини за смртта.„Етапно работиме, работиме најбрзо што можеме, за да може блиските да си ги подигнат телата на жртвите“, рече директорот на Институтот, Александар Станковски.Вчера по кратки тензии пред болницата во Кочани, телата беа транспортирани за Скопје. Резултатите од обдукцијата ќе треба да послужат и за натамошното гонење на осомничените односно обвинетите за настанот.

Македонија | пред 1 година

Девет обвинители работат на предметот за катастрофата во Кочани - ќе се вештачат компјутери од Министерството за економија

„Обвинителскиот тим кој работи на истрагата за утврдување на причините за катастрофата во Кочани од утрово е проширен и во моментов го сочинуваат:- 2 јавни обвинители од ОЈО Кочани- 2 јавни обвинители од ОЈО Штип- 5 јавни обвинители од ОЈО СкопјеСиноќа се издадени повеќе дополнителни наредби, вклучително наредба за пребарување на серверите и на уште еден компјутер во Министерството за економија, како и наредба за графолошко вештачење на потписи на одредена документација.Увидот на лице место денеска продолжува“, велат од Обвинителството

Македонија | пред 1 година

Кратка хронологија на пожарот во Кочани - од стампедо, гушење и уривање на кровот загинале 59-те лица

Нови информации за интервенцијата на противпожарните бригади.Не повеќе од 7 минути од добивање на повикот, ТППЕ Кочани со едно навално возило и со тројца од четирите дежурни пожарникари излегува експресно брзо на терен.По самото пристигање на објектот во пламен и согледување на ситуацијата се известува пожарникарот кој останал во база да ја мобилизира цела единица како и да побара помош од соседните градови.Иако во три часот кога обично сите се во длабок сон, пожарникарите веднаш одат во база, каде што со останати камиони излегуваат. Во меѓувреме на помош кон Кочани се упатуваат од ТППЕ Виница кои пристигаат втори по ТППЕ Кочани. На терен доаѓа и ДПД Кочани со две возила, а потоа екипи од ТППЕ Штип, ТППЕ Свети Николе и ТППЕ Пробиштип.Пожарот за релативно краток период е ликвидиран за што говори неофицијалниот податок дека само три тела се изгорени целосно. Во исто време пожарникарите паралелно со гаснење и евакуирале и ваделе починати и живи луѓе, давале и прва помош за реанимција...Најголем дел од луѓето, 95% се пронајдени на самиот влез едни врз други. Сомнежите, кажа директорката на Болницата во Кочани дека се починати од гушење и стампедо. Неофицијално неколку лица (се збори за бројка до 5) загинале од повреди при урнување на кровот од каде што почнал пожарот.

Македонија | пред 1 година

Се чекаат хеликоптери од Хрватска и Романија, а медицински лица од Чешка, Австрија, Израел

Министерот за внатрешни работи, Панче Тошковски и министерот за здравство, Арбен Таравари, од утрово се во Клиничкиот центар во Скопје. Таму се хоспитализирани 90 лица. Вкупно 90 лица се хоспиталзиирани во Македонија.[caption id="attachment_324522" align="alignnone" width="862"] Screenshot[/caption]Хеликоптери од Хрватска и Романија се очекува да пристигнат денеска за да пренесат пациенти во европските земји. Денеска треба да пристигнат медицински лица од Чешка, Австрија и Израел.Пред Клиничкиот центар има силно полициско обезбедување, волонтери на Црвен крст, но и членови на семејствата на повредените.Досега, 59 лица загинаа, 150 се со повреди, а дел од нив и во критична состојба.Нови детали се чекаат во текот на наредните часови.

Македонија | пред 1 година

18 повредени од Кочани се во грчките болници - има тројца тешко повредени, едно лице е оперирано

По трагичната несреќа во Македонија и телефонскиот разговор меѓу грчкиот министер за надворешни работи Јоргос Герапетритис и министерот за надворешни работи Тимчо Муцунски во неделата наутро, со координирани акции на министерствата за надворешни работи, здравство, цивилна заштита и грчката служба за итна медицинска помош, Грција ги презеде сите чекори побарани од Европскиот механизам за цивилна заштита, велат владини извори.Вкупно 18 повредени ќе бидат згрижени во болницата Папаниколау во Солун и во воените болници во Атина и Солун.Три тешко повредени лица на возраст од 25, 25 и 19 години веќе се лекуваат во болницата Папаниколау со големи изгореници, од кои на едното веќе му е извршена операција.Претходно:

Македонија | пред 1 година

Во Кочани ќе се одржи протест во 13 часот, по трагедијата каде загинаа 59 лица

По трагичната несреќа во Кочани, во која загинаа над 59 наши сограѓани, на социјалните мрежи веќе кружат апели и се најавува протест во 13 часот во Градскиот парк.„Овој протест е израз на длабока болка и револт за загубените животи, но и за состојбата во која се наоѓаме како општество. Не можеме да ги вратиме нашите мили сограѓани, но сме должни да се бориме во нивна чест и за нив да го смениме овој неефикасен систем кој не обезбедува сигурност, благосостојба и праведност.Граѓаните бараат конкретни промени. Ќе се борат за град без партиски вработувања, за институции кои функционираат, за полиција која е тука за нас, за инспекциски служби кои ќе ги вршат своите обврски, за јавни простори кои ќе бидат безбедни и чисти. Протестот е за правдата, за секој од нас, за секоја жртва која што ја изгубивме и за сите нас кои го живееме овој град секој ден.Потребно е да се преиспита регуларноста на сите угостителски објекти, особено пицериите кои ги проширија и легализираа своите тераси на нелегален начин. Кафулињата кои ги проширија своите објекти низ цел трговски простор, и колите паркирани по тротоарите, кои ја блокираат пешачката патека, создаваат опасности за нас. Не смееме да ja заборавиме ниту дека не се почитува забраната за фрлање отпад од другите општини на депонијата, каде што со полициска придружба се дозволи да се фрла отпад на истата“, стои во објавата.

Македонија | пред 1 година

(Видео) Осум повредени од Кочани се во тешка состојба, во Софија се борат за нивните животи

Вкупно осум лица повредени во пожарот што избувна во дискотека во Кочани се хоспитализирани во Универзитетската болница „Н. И. Пирогов“ во Софија, изјави на прес-конференција директорот на болницата, д-р Валентин Димитров.Меѓу примени пациенти има тројца малолетници – две девојчиња и едно момче, додека останатите се четворица мажи и една жена, на возраст од 22 до 25 години. Највозрасниот пациент има 31 година.Состојбата на сите пациенти е тешка, со изгореници на телото, горните екстремитети и лицето, како и на горните и долните дишни патишта, што дополнително ја комплицира нивната здравствена состојба. Според д-р Димитров, тројца од пациентите се интубирани, додека за останатите ќе биде направена дополнителна медицинска проценка и терапевтски план.– Ќе биде направено сè што е потребно, болницата располага со сите неопходни ресурси, нагласи тој. Додаде дека сите пациенти биле донесени во тешка состојба на термички шок, што е сериозна закана за организмот, независно од брзината на лекарската интервенција.Центрите за снабдување со крв во Софија, Пловдив и Стара Загора одговорија на потребите на болницата за крв, но д-р Димитров упати апел дека крводарувањето не смее да запре и останува постојана потреба.– Сега претстојат средби со семејствата на пациентите кои беа транспортирани од Кочани, додаде тој.Шест други повредени лица се примени во Воената болница во Варна и во болницата „Св. Георги“ во Пловдив.

Македонија | пред 1 година

Згрижени се над 140 пациенти од дискотеката во Кочани - лицата префрлени во странство се во стабилна состојба

Министерството за здравство информира дека од раните утрински часови во Клиничкиот центар функционира Кризниот штаб, во тесна координација со Министерството за внатрешни работи и Министерството за надворешни работи. Тимовите на здравствените установи се целосно ангажирани за обезбедување на соодветна медицинска нега, а состојбата на сите пациенти се следи внимателно, при што се спроведуваат конзилијарни одлуки за натамошните медицински постапки.Во текот на денешниот ден, згрижени се над 140 пациенти, распределени во здравствените установи низ земјата на следниов начин:• Клинички центар – 20 пациенти• ГОБ „8 Септември“ – 20 пациенти• Универзитетска клиника „Св. Наум Охридски“ – 21 пациент• Клиничка болница Штип – 20 пациенти• Општа болница Кочани – 7 пациенти• Клиника за токсикологија – 2 пациентиПокрај медицинската грижа во земјата, дел од пациентите се префрлени во здравствени установи во странство, како резултат на меѓународната поддршка и соработката со партнерските земји:• Република Турција: 3 пациенти пристигнаа во Истанбул, а дополнителни 6 пациенти се очекува да пристигнат во Анкара до полноќ.• Република Бугарија: 14 пациенти се хоспитализирани.• Република Грција: 4 пациенти се згрижени.• Република Србија: 5 пациенти се веќе хоспитализирани, а дополнителни 12 пациенти со воен авион се на пат кон Белград.• Република Хрватска и Романија: Очекува се во текот на утрешниот ден да бидат испратени по 4 пациенти во секоја од овие земји.• Република Словенија, Унгарија и Австрија: Во текот на утрешниот ден се очекува овие земји да испратат медицински авиони за транспорт на пациенти.Сите пациенти кои се префрлени во странство се во стабилна состојба и под континуирана медицинска нега.Како дополнителна поддршка во справувањето со кризата, во земјата пристигна медицински тим од ВМА Белград, а се очекуваат и медицински тимови од Чешка, Израел и Белгија, кои ќе се приклучат на напорите за обезбедување соодветна здравствена грижа.За сите информации поврзани со состојбата на пациентите кои се наоѓаат во странство, како контакт лице е именуван Проф. Д-р Игор Николов, кој е достапен на телефонскиот број: +389 72 270 648.Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

Македонија | пред 1 година

Тоше отишол во дискотеката да го прослави раѓањето на синот, но не успеа да се спаси од пожарот

Триесетгодишниот Тоше Богданов е еден од 59 загинати во пожарот во кочанската дискотека „Пулс“. Пријателите на Богданов сведочат дека тој излегол со своите пријатели заеднички да го прослават раѓањето на неговиот син.Богданов кој бил од Облешево, работел како автомеханичар и живеел со сопругата, која според неофицијални информации се породила пред неколку дена.„Тоше доби син и излезе да го прослави раѓањето на своето дете со пријателите. Сакаше да ги почести пријателите и отиде во диско, а сега го нема“, изјави за Информер извор запознаен со случајот.Во пожарот во дискотеката „Пулс“ загинаа 59 лица а над 150 се повредени. Најмладата жртва имала само 14 години.

Македонија | пред 1 година

Сплотеност и солидарност - иселеници и сограѓани нудат помош за семејствата чии блиски се низ болниците во Македонија и странство

Македонката Тамара Ангеловска која студира и живее во Бугарија самоиницијативно се пријави за помош на семејствата чии деца се однесени на лекување во болниците во Бугарија. Преку јавен повик Тамара остави и контакт телефон каде може да ја побараат доколку семејствата имаат потреба од било каква помош.Помош понудија и граѓани во Скопје, но и наши иселеници.

Македонија | пред 1 година

Најнова информација: Обвинителството до овој момент поведува постапка на проверки за вкупно 11 лица, 3 се во тешка состојба

Обвинителството до овој момент поведува постапка на проверки за вкупно 11 лица.„Од нив предлог за краткотраен притвор е веќе поднесен за 8 лица, додека останатите 3 се уште се хоспитализирани во потешка здравствена состојба. Постапката во однос на нив ќе продолжи веднаш кога состојбата ќе им се подобри. Дејствија продолжуваат да се преземаат за испитување на одговорност на повеќе лица“, велат од Обвинителството.

Македонија | пред 1 година

Панчо од ДНК е вон животна опасност и префрлен е во Систина

Седум члена на ДНК се меѓу загинатите во трагедијата во дискотеката Пулс во Кочани.Пејачот на ДНК, Владимир Блажев Панчо, кој е со изгореници, но вон животна опасност е префрлен во приватната клиника Систина.Панчо е сместен на одделението за интезивна нега.

Македонија | пред 1 година

Ова се деталите: Големи пропусти во дискотеката каде загинаа 59-лица, се бара краток притвор за 10 лица

Десетици пропусти се пронајдени во првите часови од увидот во дискотеката каде загинаа 59-лица. Републичкиот јавен обвинител, Љупчо Коцевски кажа дел од нив посочувајќи дека „пропустите се навистина многу големи“. Краткорочен притвор ќе се бара за 10 лица.„Од увидот на јавните обвинители, заедно со инспектори на ДЗС беше констатирано дека објектот немал хидрантска мрежа ниту хидрант во близина, имало само два ПП апарати, имало само една импровизирана метална врата, која била заклучена со катанец и без квака од внатрешна страна, а обложена со сунѓер. Немало пристап за противпожарни возила од две страни. На ѕидовите немало противпожарно отпорен материјал, немало врати со противпожарна отпорност, ниту систем за кочење на вратите, ниту систем со јак звучен сигнал за сигнализација на гостите. Во објектот противзаконски биле користени пиротехнички материјали, без друштво за палење на пиротехничките материјали. На лице место бил присутен и државен инспекторат за урбанизам, по што констатирано е дека објектот е регистриран како деловен објект за лесна индустрија. Не е извршена пренамена на објектот во угостителски објект. И покрај тоа што за објектот нема пренамена, истиот има дозвола за работа од Министерство за економија за угостителски објект издадена пред 15 години“, рече Коцевски.Увидот ќе продолжи и утре.„Беше наредено да се апси секое лице кое што со своето постапување или непостапување придонело за настаност и да се испита неговата улога. Беше дадена наредба за анализа на одземени предмети. Беше издаден предлог за издавање на наредба за привремено одземање на видео запис и документација. Беше издадено барање за претрес. Во текот на денешниот ден, од страна на јавните обвинители, беше извршен увид на лице место, траеше до вечерните часови и се уште не е завршен. Ќе продолжи и утре. Во текот на утрешниот ден, од моја страна ќе ангажирам од три до пет јавни обвинители од скопското обвинителство, оти е сложен предмет“, рече Коцевски.Краткотраен притвор ќе се бара за дел од лицата кои сега се задржани во полициска станица.„Сослушан е еден од првите осомничените, тоа е еден од организаторите. Тој даде одредени релевантни докази. Нема писмен договор помеѓу организаторот и од страна на групата, односно за организирање на концертот. Можам само да кажам дека може евентуално да се работи за кривични дела од член 292, за давање и примање поткуп и за пиротехничките средства. Лицата постапувале спротивно на правилата за мерките за заштита“, додаде Коцевски.

Македонија | пред 1 година