СОБРАНИЕ

ССМ на штрајк пред Собранието, поставија 120 столчиња, по едно за секој пратеник.

Сојузот на синдикатите на Македонија (ССМ) на првиот ден од генералниот штрајк, со кој работниците во јавниот сектор бараат поголеми плати, на булеварот пред Собранието утрово постави 120 столчиња, по едно за секој пратеник.Синдикалците бараат зголемување на платите на вработените во јавниот сектор за 2.806 денари и утврдено право на регрес за годишен одмор во висина од 30 до 100 отсто од основицата.Пред Собранието свое обраќање имаше и претседателот на ССМ, Дарко Димовски, кој побара поддршка од народните претставнци за поднесениот амандман, како што рече, сега и веднаш, односно почнувајќи од 1 јули.„Тие пари ни се неопходни поради сè ова што ни се случува, двоцифрена инфлација, ценовни шокови, најавена енергетска криза и поскапување на струјата.Сите оние што нема да го поддржат ова наше барање во интерес на работникот, наше легитимно право како претставници на работниците е од нив да побараме оставка“, предупреди Димовски.„Ние сме ги избрале тие пратеници за да ги унапредуваат и чуваат нашите права и да ни излезат во пресрет сега кога ни е најпотребно. Другари пратеници, другари од власта, од локалната самоуправа, сериозно сфатете си ја работата, работникот денеска се бори за егзистенција“, нагласи претседателот на ССМ.Синдикатите утре протестот ќе го преселат пред Владата, каде што со 21 празно столче, за секој министер, ќе го блокираат сообраќајот на булеварот Илинденска.

Македонија | пред 3 години

Собраниската Комисија ќе продолжи со амандманската расправа за ребалансот на Буџетот

Собраниската Комисија за финансирање и буџет денеска во 11 часот, ќе продолжи со амандманската расправа за ребалансот на Буџетот, во рамките на 38.седница.Комисијата досега расправаше за пет амандмани на опозицијата, кои беа одбиени од парламентарното мнозинство.Вкупно се поднесени 204 амандмани,од кои над 170 од пратеничката група на ВМРО-ДПМНЕ, 28 на Алијанса на Албанците и два на парламентарното мнозинство.Вчера најмногу дебата предизвика амандманот на Сојузот на синдикати на Македонија, поднесен од ВМРО-ДПМНЕ, за линеарно зголемување на платите во јавниот сектор од 2806 денари, што беше одбиен од мнозинството.

Македонија | пред 3 години

Францускиот предлог за ветото стигна во бугарското собрание

Францускиот предлог за одлука за ветото на Бугарија за почеток на преговорите на Македонија за членство во ЕУ е испратен до Комисијата за надворешни работи на бугарското собрание, пишува БНР повикувајќи се на два независни извори од парламентот.Француската амбасадорка во Бугарија Флоренс Рубин вчера се сретна со пратениците од Групата за пријателство со Франција во собранието. На оваа средба се разговараше за документот. Се расправаше и за тоа дали органите на власт го имаат потребното мнозинство да го прифатат, пишува бугарскиот медиум.Подоцна, копретседателот на ДБ, Христо Иванов, на маргините на парламентот објасни дека ќе биде успех за Бугарија доколку Скопје се согласи да ги прифати бугарските услови и ЕУ стане гарант за нивното спроведување.Во средата, Советот на министри одлучи сите предлози за преговорите со Северна Македонија, освен сегашната бугарска позиција, да бидат одобрени од бугарското собрание.Пред една недела токму оваа тема стана причина за заминувањето на владејачката коалиција од ИТН, а лидерот на партијата Слави Трифонов постапките на премиерот Кирил Петков ги оцени како национално предавство.

Македонија | пред 3 години

Реџепи да го врати мандатот, бара Алтернатива

По вчерашното информирање од страна на пратеникот Скендер Реџепи дека отсега ќе настапува како независен пратеник во Собранието на Република Македонија, политичката партија Алтернатива реагира преку соопштение на Фејсбук, во кое наведува дека ова е целосно негова лична одлука и нема никаква врска со каков било став што се поврзува со некој орган или структура на партијата.– Алтернатива изразува жалење за ваквата одлука на пратеникот Реџепи и ја информира јавноста дека оваа одлука не влијае со ништо во пратеничката група на Алтернативата, ниту ќе влијае врз парламентарното мнозинство, но ниту во учеството на партијата во извршната власт. Иако индикативно е дека ова негово повлекување доаѓа токму во време кога македонската опозиција организира протест за напад на парламентарното мнозинство, ова прашање останува да го разјасни самиот тој, потенцираат од Алтернатива.Бидејќи мандатите на пратениците од овој пратенички состав, следствено и на нашата партија, се добиени под логото и името на партијата, а не како независни кандидати, од Алтернатива посочуваат дека се надеваат оти пратеникот Скендер Реџепи – во име на политичкиот морал и обврска до партиските структури кои го направија пратеник – да го врати мандатот добиен во име на партијата.

Македонија | пред 3 години

Џафери одговори зошто не треба да биде сменет: Се пласираат груби невистини дека го прекршувам Уставот

„Интерпелацијата што Пратеничката група на ВМРО-ДПМНЕ и Коалицијата ја поднесе за мене, содржи низа невистини и претставува груб обид за манипулација, поради што и решив да одговорам на крајно тенденциозните наводи“, тврди претседателот на Собранието, Талат Џафери.Тој во одговорот на интерпелацијата посочува:„Тврдењата изнесени во интерпелацијата јасно укажуваат на намерата на подносителите без каква било основа да ги девалвираат моите постигнувања, посебниот придонес што го дадов во изминатите пет години во подигнувањето на нивото на дијалог и демократска култура во законодавниот дом, преземајќи чекори кон јакнење на независноста на Собранието и на неговата контролна функција во однос на извршната власт – нешто што беше речиси незамисливо во периодот кога дел од сегашните подносители на интерпелацијата беа мнозинство во парламентот. Пратениците на ВМРО-ДПМНЕ, секако, се свесни дека, за дневно - политички цели, поттикнати од нивното партиско седиште, пласираат груби невистини со наводите во интерпелацијата дека ги прекршувам Уставот, законите и собранискиот Деловник.Доволна потврда за нивните неосновани обвинувања во овој контекст се извештаите на Државниот завод за ревизија во периодот од 2008 година, заклучно со последниот Извештај за 2020 година, објавен минатата седмица, кој претставува аргумент плус за успешното и транспарентно работење и менаџирање на Собранието, во согласност со законските прописи. Во овој Извештај, ДЗР, како единствен надлежен орган за контрола на работата на Собранието, меѓу другото, констатира дека активностите, финансиските трансакции и информации, рефлектирани во финансиските извештаи, во сите материјални аспекти, се во согласност со релевантната законска регулатива, упатства и воспоставени политики. Со оглед на тоа што Извештајот на ДЗР дава мошне објективна и позитивна слика за работењето на Собранието на Република Северна Македонија, Собранието не даде никакви забелешки во однос на Нацрт-извештајот на овластениот државен ревизор за извршената ревизија на финансиските извештаи и ревизијата на усогласеноста за 2020 година на СРСМ.Но, тоа не е случај и со ревизорските извештаи за периодот од 2008 до 2016 година, во кои се констатирани многу слабости, нормативни прекршувања и има повеќе забелешки за тогашното раководење и менаџирање на Собранието. Истите можете да ги најдете на веб страницата на Собранието.Во врска со наводите дека сум го прекршил Деловникот со тоа што сум побарал да се затворат вратите на пленарната сала за да се пребројат присутните пратеници, на сите упатени во случувањата во Собранието во последните неколку години, веројатно им е многу јасно дека станува збор за чисто лицемерство. Односно, мошне јасна е намерата на опозицијата, која сите овие години ја опструира работата на законодавниот дом и оневозможува донесување на битни закони за граѓаните, и овој пат да создаде лажна претстава во јавноста дека јас постапувам спротивно на Деловникот.Токму Деловникот ги демантира нелогичните обвинувања дека сум сторил нешто надвор од моите надлежности.Според членот 95 од Деловникот, Собранието може да одлучува ако на седницата присуствува мнозинство од вкупниот број пратеници. Собранието одлучува со мнозинство гласови од присутните пратеници, а најмалку со една третина од вкупниот број пратеници, ако со Уставот не е предвидено посебно мнозинство. Претседателот на Собранието го соопштува бројот на пратениците што гласале "за", "против" или "воздржано", како и бројот на пратениците што се присутни. Претседателот на Собранието може да определи да се утврди бројот на присутните пратеници со броење. Утврдениот број на присутни пратеници се смета за точен сè додека претседателот или еден пратеник, чие барање го поддржуваат најмалку десет пратеници, не побара повторно да се утврди бројот на присутните пратеници.Според тоа, вечерта на 25 мај, вратите на салата беа затворени за да можат собраниските служби да го утврдат бројот на присутни пратеници, односно дали има кворум за да се премине на гласање. Всушност, во Деловникот е предвидена можност за затворање на вратите на салата, на барање на претседателот на Собранието или на еден пратеник, поддржан од најмалку десет пратеници. Поточно, членот 97 од Деловникот предвидува дека за време на поименичното изјаснување на пратениците вратите на салата во која се одржува седницата на Собранието се затвораат и не се дозволува влегување и излегување на пратениците се додека трае поименичното изјаснување, така што јасно е дека единствената намера на опозицијата, во овој случај беше да приредат евтина претстава пред јавноста.Што се однесува до обвинувањата за прекршување на Кодексот, јас нема да навлегувам во сценариото на Пратеничката група на опозициската коалиција, која се обиде да создаде тензична атмосфера во салата на продолжението на 71.пленарна седница, со очигледна намера да предизвика инцидент, за што сведочи и однесувањето на координаторот на Пратеничката група, кој недозволиво навлезе во просторот определен за претседавачот со седницата. Во оваа прилика, единствено ќе истакнам дека во изминатите пет години, се однесувам со посебна почит кон сите вработени во Службата на Собранието на Република Северна Македонија. Аргумент во таа насока е и мојата посебна заложба за донесување на законските измени кои овозможија независност на собраниската служба, како што и и личи на институцијата која е носител на законодавната власт и на демократските процеси во земјава, со што, меѓу другото, за првпат по подолго време се овозможи зголемување на платите на сите вработени во собраниската администрација за 20 проценти.Според тоа, можеби единствената точна констатација во оваа интерпелација е таа дека јас сум прво потпишаниот на овој Кодекс, кој, по многу обиди во претходните години, беше усогласен и донесен во мојот мандат, што само по себе говори за мојата посветеност во јакнење на демократичноста и на етичките начела во законодавниот дом. Делумна вистина е и тоа дека ВМРО-ДПМНЕ и Коалицијата, во еден период, откако не успеаја во своите задни намери на 27 април 2017 година, не присуствуваа на координациите кај мене, иако секогаш беа уредно поканети. Затоа пак, апсолутна вистина е дека координаторот и пратениците од оваа Пратеничка група, и покрај неприсуството на координациите, како нивен политички маневар пред јавноста, во тој период, практично, не излегуваа од мојот кабинет, каде што доаѓаа дури и за лични потреби и барања. Од тој аспект, воопшто не држат вода наводите за мое несоработување со координаторите на сите пратенички групи, вклучително и со тие од опозицијата. За сите координации има записници кои ги демантираат тезите изнесени во интерпелацијата за прекршување на Уставот и на Деловникот, како и за мое несоработување со опозицијата, особено ако се има предвид дека на сите координации се поканети и координаторите од опозицискиот блок, дури и пратеници од партии кои не се организирани во пратеничка група, што беше незамисливо претходно.Записниците од координациите, на пример, ги побиваат наводите во интерпелацијата дека јас го оневозможувам разгледувањето на интерпелациите за носители на јавни функции. Пратениците на ВМРО-ДПМНЕ, посебно нивниот координатор, многу добро знаат дека сите поднесени интерпелации се ставени на дневен ред на пленарна седница, а тоа што не почнала расправа за нив е „заслуга“ на самите подносители на интерпелацијата. На 36. седница, одржана на 25 март 2021 година, координаторот Никола Мицевски лично побара да се симнат од Дневен ред сите точки, вклучително и интерпелациите, освен првата, деветтата, десеттата и единаесеттата точка за што можете да ги побарате и стенографските белешки на веб страницата на Собранието.Имено, со оглед на практиката терминот за расправа за интерпелација да биде во договор со нејзините подносители, како и со функционерот на кој таа се однесува, односно да се усогласи со нивната агенда, фактите говорат дека постојаните одложувања и премислувања на ВМРО-ДПМНЕ беа причина што не почна расправа за интерпелациите на поранешните вице-премиер за спречување корупција и министер за правда.Поточно, на координацијата на 10 мај 2021 година, на која присуствуваше и координаторот на ВМРО-ДПМНЕ, Никола Мицевски, јас ги информирав присутните дека ќе го дополнам дневниот ред на 41.седница, која почна на 18 мај 2021 година, со интерпелациите за тогашните министер за правда и вицепремиер за борба против корупцијата. Потоа, постојаните премислувања на ПГ на ВМРО-ДПМНЕ за тоа кога да биде расправата по интерпелациите, се основната причина поради која тие не дојдоа на разгледување, по што самиот Мицковски предложи да бидат повлечени од дневен ред.Стара вистина е дека пред да обвинуваш некого, прво треба да се погледнеш во „огледало“. Да имаше малку самокритичност и објективност кај пратениците на ВМРО-ДПМНЕ, тие ќе се воздржеа од вакви неосновани напади врз мене и од креирање вакви сценарија. Затоа што фактите говорат дека и Етичкиот кодекс и законските измени со кои се овозможи независноста на собраниската администрација се донесени во мојот мандат, дека најновиот извештај на ДЗР за работата на Собранието е чист како солза, а дека прекршувањата на Уставот и на Деловникот беа пракса во едни минати времиња“.

Македонија | пред 3 години

Реџепи ја напушта Алтернатива, ќе дејствува како независен пратеник

Пратеникот Скрендер Реџепи повеќе нема да делува како дел од партијата Алтернатива туку како независен.Реџепи денеска до претседателот на Собранието Талат Џафери доставил известување во кое се вели дека тој од сега натаму ќе дејствува како независен пратеник.Со ова, Алтернатива во парламентот ќе остане со тројца пратеници.Инаку Алтернатива е дел од владејачкото мнозинство и во Владата влезе по излегувањето на БЕСА.

Македонија | пред 3 години

Парламентарното мнозинство останува со еден пратеник помалку

Пратеникот Скендер Реџепи од Алтернатива ја напуша пратеничката група на партија и во иднина ќе делува како независен пратеник. И за оваа одлука официјално го извести собранискиот спикер, Талат Џафери.Алтернатива е дел од владејачкото мнозинство и во Владата влезе по излегувањето на БЕСА. Реџепи беше незадоволен од владиниот договор и не се појави на последниот партиски конгрес на кој Африм Гаши доби поддршка за втор мандат за лидер на партијата.Реџепи бараше непристрасна истрага за случаи за кои тој смета дека биле политички монтирани, но и рамноправен развој на Липковскиот регион.

Македонија | пред 3 години

Собранието работеше до три сабајле, Џафери и ВМРО-ДПМНЕ тераа инат

Активната блокада од ВМРО-ДПМНЕ на Собранието продолжи. 73 -та седница на Собранието на Република Македонија заврши во 03:00 часот. Тоа значи дека Талат Џафери заедно со пратениците седеа до раните утрински часови.„Показната вежба им заврши неуспешно, коалицијата СДСМ - ДУИ никогаш не била по работата. И покрај тоа што инсистиравме да продолжиме со работа, Џафери ја прекина седницата бидејќи од мнозинството останаа само тројца (3) пратеници. Ова е само почеток“, напиша пратеникот Бојан Стојаноски.Седница бр. 74 на Собрание е закажана веќе за денеска.

Македонија | пред 3 години

Мицевски: На оние на кои што устата им е полна со транспарентност гласаа против да се отвори темата за Џафери

„Во текот на вчерашниот ден до Собранието поднесовме предлог на Кодекс за престанување на важење на Кодексот за етничко однесување на пратениците во Собранието на Република Македонија. Зошто го поднесовме ова? Имено, сведоци сте и вие, а и македонската јавност во текот на вчерашниот ден дека нешто кое што го работиме заедно со нашите меѓународни пријатели подолг временски период, а тоа е уредување на односите, уредување на работата на пратениците во Собранието, дојде на ред да го ставиме на тест. И на првиот наш тест на ова барање на очиглед на целата македонска јавност, на барање на пратеничката група на ВМРО-ДПМНЕ прво три недели се бегаше од темата и се чекаше истата да спласне. Но, кога видоа дека јавноста е многу револтирана и дека елементите за поднесување и барање за разгледување на одговорноста по однос на неговото поведение на одреден пратеник се навистина големи , побаравме точка на Дневен ред на Комисијата за мандатно имунитетни прашања. Претседателот на Комисијата немајќи каде по неколкудневно бегство од медиумите ја закажа оваа Комисија и видете за чудо истиот тој кој што даде предлог точка на Дневен ред гласаше против таа точка на Дневен ред“, нагласи Никола Мицевски, координатор на пратеничката група на ВМРО-ДПМНЕМицевски додаде дека би било подоблесно претседателот на Комисијата да речеше дека нема да е присутен на седницата од оправдани причини отколку тоа што го стори вчера.„Но, овој што го предложи Дневниот ред по однос на Етичкиот кодекс и барање на одговорност по него да гласа сам против себе навистина е малку за дискусија и малку дегутантно. Од таа причина гледајќи дека ова нема да профункционира, гледајќи веќе кога се наоѓаме во ситуација кога имаме еклатантен пример на непочитување на Деловникот, службениците, колегите, побаравме да се дискутира за тоа, одлуката е на крај индивидуална. Меѓутоа дискусија мораше да има. И ние се доведовме до ситуација да владиното мнозинство реши да не се дискутира на темава“, нагласи Мицевски.Мицевски посочи дека на оние на кои што устата им е полна со транспарентност гласаа против да се отвори темата за Џафери.„Барам Кодексот да биде ставен како точка на Дневен ред“, побара Мицевски.Кодексот не беше ставен на Дневен ред, појаснување на спикерот Талат Џафери е додека не се преведе нема да се стави на Дневен ред.

Македонија | пред 3 години

„Се оправда простотилакот и пцуењето на Џафери, СДС и ДУИ се во љубов која руши граници“, жестока реакција од Јаулески

„СДС - ДУИ, љубов која руши граници, но и држава“. Ова е ставот на Јован Јаулески, пратеник на ВМРО-ДПМНЕ и член на Комисијата за мандатно-имунитетни прашања со чиј глас не се успеа да се изгласа дневниот ред на седницата за одговорност на Талат Џафери. Пцуењето нема да биде осудено, ниту ќе биде санкционирано.„Денес, пратениците од СДС на Комисијата за мандатно имунитетни прашања гласаа ПРОТИВ дневниот ред на кој требаше да се расправа за однесувањето на Талат Џафери, но истиот не беше прифатен. СДС со тоа уште еднаш докажа дека не е власт во Македонија туку дека е во скутот на ДУИ кој пак е власт, а СДС само потпишуваат. Истовремено, со тоа се оправдува пцуењето на Џафери, простотилакот и одвратните зборови кои сите ги слушнавме и го претвори Собранието во биртија. Омаловажувањата, мобингот и навредите се оправдани од страна на СДС, сега може Талат да не пцуе, можда и фрла со камења по пратениците и за тоа да не сноси никаква одговорност бидејќи ако СДС покрене, одма се распаѓа коалицијата и паѓа власта. Не знам уште колку може СДС да ја наведнува кичмата, но едно е сигурно - СИТЕ НА ПРОТЕСТ НА 18 ЈУНИ ЗА ДА СТАВИМЕ КРАЈ НА ОВАА ИЗЖИВУВАЊЕ ВРЗ НАРОДОТ И МАКЕДОНИЈА!“, напиша Јаулески.

Коментари | пред 3 години

„СДС најбесрамно го заштитија Џафери, кукавички е вака да се бега од одговорност!“, вели Крмов

Борислав Крмов, пратеник од Левица посочи дека Талат Џафери избегал од соочување за како што посочи, насилничкото однесување према службениците во Собранието.„Очајниците за власт СДС најбесрамно го заштитија Талат Џафери, кој избега од соочување за неговото насилничко однесување према службениците! Ладно не си изгласаа дневен ред и расправата не се оддржа. Срамно и кукавички за еден претседател на Собранието вака да бега од одговорност. А на СДС задниците одамна им се дадени под кирија. Нема политичко дно кое не се подготвени да го допрат. Му висите на вратот на овој народ! Не можеме да дочекаме конечно да си заминете во историјата“, посочи Крмов.

Коментари | пред 3 години

(ВИДЕО) Џафери се спаси благодарение на пратениците од власта

Претседателот на Комисијата за мандатно имунитетни прашања, Панчо Минов, седна нервозен, но стана насмеан откако за две ипол минути заврши денешната седница. Парламентарното мнозинство со пет гласа „против“ ги надгласа пратениците од ВМРО-ДПМНЕ кои имаа четири гласа „за“ изгласување на дневниот ред. Па така, прашањето дали собранискиот спикер Талат Џафери го прекршил Етичкиот кодекс со пцуењето во Собрание и навредите упатени кон семејства на службеници, нема да се разгледува.„Констатирам дека дневниот ред не е утрвден и ја заклучувам оваа седница“, кажа Минов.Потегот на пратениците од парламентарното мнозинство да не гласаат за предложениот дневен ред по кој можеше да се отвори и дебата, наиде на негодувања од ВМРО-ДПМНЕ. На крајот, опозициските пратеници им дадоа и тн. ироничен аплауз на колегите поради кои дневниот ред не беше усвоен.

Македонија | пред 3 години

Продолжува активната блокада во Собранието, вели Петрушевска

Петрушевска:На 18 јуни народот ќе испрати силна порака дека оваа ненародна власт треба веднаш да си заминеПратеничката од ВМРО-ДПМНЕ, Марија Петрушевска во своето гостување на Радио Лидер зборуваше за работата во Собранието односно за однесување на Талат Џафери и посочи дека такво однесување е недозволиво.-Состојбата во Собрание е многу сериозна, ние покренавме две иницијативи, имено едната е она која ја поднесовме до Комисијата за мандатно-имунитетни прашања кој што за жал е предводена од пратеник кој е дел од парламентарното мнозинство, познат по неговата променливост во однос на ставовите, но она кое го очекуваме е наредната недела да ја закаже таа комисија. Во таа комисија треба да дискутираме за одговорноста на Џафери, додека интерпелација е сумирана во однос на целата негова работа во Собранието. За жал навредите и она кое што го слушнавме искрено се срамам кон вработените и нарушувањата на човековите права, на стручните служби без разлика дали станува збор дали се со високо образование, или со средно, тоа се луѓе кои поминале толку многу мандати и ние без тие луѓе не можеме да функционираме. Недозволиво е такво однесување, а камоли во Собрание. Едно такво однесување не можеме да препознаеме никаде во Европа особено замислете ова однесување доаѓа од луѓе кои милуваат честопати да се нарекуваат прогресивна влада. Ние да имавме прогресивна влада ова утро требаше да видиме оставка од целиот „економски тим“. Ние од оваа влада очекуваме да се вразуми, рече Петрушевска.Таа понатаму во текот на своето гостување порача дека потреби се избори час поскоро и дека на 18 јуни народот ќе испрати порака дека оваа ненародна власта треба да си замине.-Денеска продолжува активната блокада во Собранието и ние заедно со народот ќе стасаме до предвремени парламентарни избори. Цениме дека навистина е алармантно она кое се случува во државата и потребни се час поскоро избори и тим кој ќе има стратегија и визија за да ја врати Македонија на правиот пат. Во она кое се случува во Македонија бара обединување, сплотеност и мислам дека ја имаме таа поддршка. На 18 јуни ќе ни се придружи народот и ќе испратиме една силна порака дека крајно време е оваа ненародна власт да си замине и да почнеме сериозно да се работи во интерес на граѓаните, додаде таа.

Македонија | пред 3 години

Собранието без конркетен датум кога ќе интерпелацијата за Џафери ќе ја дискутираат пратениците

Претседателот на Собранието на Република Северна Македонија, Талат Џафери, денеска ја доби интерпелацијата поднесена од Пратеничката група на ВМРО-ДПМНЕ и Коалицијата, по која тој ќе постапи согласно роковите и процедурите предвидени со Деловникот на Собранието.„Според Деловникот на Собранието на Република Северна Македонија (член 45 став 3), интерпелацијата се поднесува до претседателот на Собранието, кој веднаш ја доставува до оној на кого му е упатена и до пратениците.Субјектот на кого му е поставена интерпелацијата има право да достави писмен одговор на поставената интерпелација до претседателот на Собранието, најдоцна во рок од 15 дена од денот на приемот на интерпелацијата. (член 46)Интерпелацијата се става на дневен ред на првата наредна седница на Собранието, по истекот на 15 дена од денот на доставувањето на одговорот до пратениците. Ако одговорот не се поднесе во рокот утврден во членот 46 на овој Деловник, интерпелацијата се става на дневен ред на првата наредна седница на Собранието. (Член 47)Согласно член 49 став 1 од Деловникот, претресот по интерпелацијата трае еден работен ден, до исцрпувањето на листата на пријавените пратеници за збор, а се одлучува најдоцна до 24.00 часот“, велат од Собранието.

Македонија | пред 3 години

Ново обвинување за вмровските пратеници доаѓа од СДСМ

Очигледно е дека ВМРО-ДПМНЕ не може да се помири со фактот дека СДСМ и Министерството за земјоделство, шумарство и водостопанство посветено работат на развој и унапредување на земјоделството па затоа во континуитет покажува неодговорно и деструктивно однесување.И во услови на најголема економска и енергетска криза во кој се наоѓа Европа и светот, со СДСМ субвенциите се исплаќаат навремено и неселективно, а претходно без партиска книшка земјоделците не можеа да дојдат до субвенции.Сите закони за земјоделството се во насока на унапредување на стандардот и условите за работа на земјоделците.Меѓу нив секако е и Законот за земјоделство и рурален развој чии измени се на дневен ред во Собранието.Овој Закон е важен за навремена исплата на субвенции на околу 20.000 тутунари за кои има обезбедено средства во висина од една милијарда и 300 милиони денари.Откако Законот со месеци беше закочен во Комисијата за земјоделство во Собранието сега кога е на пленарна седница, сите пратеници да ги поддржат измените кои значат олеснет пристап до субвенции и повеќе пари кај земјоделците во период кога тие им се најпотребни.Владата предводена од СДСМ се грижи за земјоделците, продолжува да инвестира во земјоделството кое е една од најважните стопански гранки.

Македонија | пред 3 години

Отпочната процедура за симнување на Џафери од претседателската функција

ВМРО-ДПМНЕ отпочна процедура за интерпелација на собранискиот претседател Талат Џафери. Координаторот на пратеничката група, Никола Мицевски побара поддршка и од пратениците на СДСМ, за и тие да гласаат за Џафери да биде симнат од функцијата.„Овој човек се однесува како да има право да пцуе и омаловажува пратеници. Апелираме до СДСМ да ги тргнат на страна партиските договори и да застанат во одбрана на човековите права и Собранието. Оваа интерпелација е резултат на хаосот кој се случува во Собранието и е директива на Џафери, самоволието кое го спроведува. Во досегашната работа, односно неработа, како и никогаш досега не се случувале скандали и понижување на институциите“, кажа Мицевски.Интерпелацијата беше најавена минатата недела.

Македонија | пред 3 години

Кои пратеници се привилигирани и се појавуваат само за гласање во Собрание

Пратеничката од ВМРО-ДПМНЕ и универзитетска професорка Гордан Силјановска Давкова во вечерашното интервју во Тема на денот во централниот дневник на телевизија Сител, рече дека во моментот во собранието има активна и пасивна блокада, активна во која учествува пратеничката група на ВМРО-ДПМНЕ која на седниците дискутира стручно, и пасивна во која се пратениците од владејачкото мнозинство кои што се привилегирани и кои се појавуваат само на полноќ за гласање за кои рече дека таа ги нарекла неформален Дом на лордовите.Ако забележавте вчера и сите граѓани можат да видат, што значи активна а што пасивна блокада. Можат граѓаните да ги видат нашите говори и да видат дали зборувавме за законот за сметководствени услуги, политички или навистина зборувавме стручно и компетентно, тоа е активна блокада. Што значи пасивна блокада? Тоа значи дека во парламентот има една привилегирана група на пратеници која исклучиво се појавува на гласање. Многу од нив не се членови на ниту една комисија, делегација и јас ги нареков нели неформален Дом на лордовите, и обично доаѓаат на полноќ пред гласање, изјави Силјановска Давкова.Силјановска Давкова истакна дека законските решенија кои што се во интерес на граѓаните ќе бидат прифатени и изгласани од пратеничката група на ВМРО-ДПМНЕ.Не сме ние тие кои што кочиме, напротив рековме дека добрите закони, законите кои што се во интерес на граѓаните, ќе ги поддржиме, потенцираше таа.Во однос на законот за сметководствени услуги Силјановска Давкова вели дека истиот не е добар бидејќи и самата Комора на сметководители преку одржување на прес конференција пред собранието го посочила истото како и дека и покрај тоа што власта ги слушнала нивните предлози истите не ги вклучиле во предлозите на законот.Вчера дискутиравме за сметководителите бидејќи по тој закон се организираше јавна расправа, и секој кој ќе чуе ќе рече па тоа е демократски чекор во парламентот, но јавната расправа се организираше еден ден откако заврши рокот за пријавување амандмани. Меѓутоа фамозниот претседател на најфамозната комисија рече дека нема проблем, и замислете навистина 16 амандмани поминаа. Но, 60 амандмани да прифатеа тој закон немаше да биде добар. Зошто? Затоа што на таа јавна расправа ние ги чувме ставовите на сметководителите, згора на тоа пред нашиот дом одржаа прес протестирајќи против лошиот закон. Ги поканиле на расправа ги изразиле своите ставови, си заминале, рекоа дека тоа било инклузивен процес ама во предлозите ги немаше нивните предлози, нагласи Силјановска Давкова.

Македонија | пред 3 години

Џафери се правда зошто ги заклучил пратениците во сала

„Проѕирна е намерата на опозицијата, која сите овие години ја опструира работата на законодавниот дом и оневозможува донесување на битни закони за граѓаните, и овој пат да создаде лажна претстава во јавноста дека претседателот на Собранието на Република Северна Македонија постапува спротивно на Деловникот. Токму Деловникот ги демантира нелогичните обвинувања дека претседателот Џафери сторил нешто надвор од своите надлежности“, вака се правда Талат Џафери за заклучувањето на собраниската сала.Од Собранието додаваат:„Според членот 95 од Деловникот, Собранието може да одлучува ако на седницата присуствува мнозинство од вкупниот број пратеници. Собранието одлучува со мнозинство гласови од присутните пратеници, а најмалку со една третина од вкупниот број пратеници, ако со Уставот не е предвидено посебно мнозинство. Претседателот на Собранието го соопштува бројот на пратениците што гласале „за“, „против“ или „воздржано“, како и бројот на пратениците што се присутни. Претседателот на Собранието може да определи да се утврди бројот на присутните пратеници со броење. Утврдениот број на присутни пратеници се смета за точен сè додека претседателот или еден пратеник, чие барање го поддржуваат најмалку десет пратеници, не побара повторно да се утврди бројот на присутните пратеници.Според тоа, во текот на вчерашниот ден вратите на салата беа затворени за да можат собраниските служби да го утврдат бројот на присутни пратеници, односно дали има кворум за да се премине на гласање. Со оглед на тоа што во салата со куполи, каде што во овој период се одржуваа пленарните седници нема соодветна опрема, се воспостави пракса координаторот да составува листа од присутни пратеници пријавени за збор.Од тој аспект, Деловникот дозволува можност за затворање на вратите на салата, на барање на претседателот на Собранието или на еден пратеник, поддржан од најмалку десет пратеници. Поточно, членот 97 од Деловникот на Собранието на Република Македонија предвидува дека за време на поименичното изјаснување на пратениците вратите на салата во која се одржува седницата на Собранието се затвораат и не се дозволува влегување и излегување на пратениците се додека трае поименичното изјаснување. Гласањето може да се врши и со поименично изјаснување на пратениците. Поименично изјаснување може да се врши заради точно утврдување на резултатот од гласањето, по барање на претседателот на Собранието или на еден пратеник чие барање го поддржуваат најмалку десет пратеници, само ако предлогот за кој се гласа добил до пет гласа повеќе или помалку од потребниот број гласови за негово донесување. Поименичното гласање се врши со изјаснување на секој прозиван пратеник со „за“ или „против“ предлогот или со воздржување од гласањето. Доколку пратеникот кога е повикан да гласа не е присутен во салата, не може дополнително да гласа. За време на поименичното изјаснување на пратениците вратите на салата во која се одржува седницата на Собранието се затвораат и не се дозволува влегување и излегување на пратениците се додека трае поименичното изјаснување.Исто така, Деловникот, поточно членот 91 предвидува дека за одржување на редот на седницата се грижи претседателот на Собранието. За повреда на редот на седницата, претседателот на Собранието може да го опомене и да му го одземе зборот на пратеникот.Според тоа, сосема јасно е дека претседателот на Собранието во ниту еден момент не го прекрши Деловникот во текот на вчерашното продолжение на 71.седница, туку дека тоа, како и илјадници пати досега, го направи опозицијата, со своето недолично однесување, со цел да создаде хаос во законодавниот дом, служејќи се со слични методи како и на 27 април 2017 година.Претседателот на Собранието нема да дозволи ВМРО-ДПМНЕ на таков начин да ја девалвира парламентарната демократија во земјава. Претседателот на Собранието досега и во иднина ќе продолжи да работи согласно Деловникот, Уставот и законите, во интерес на граѓаните“.

Македонија | пред 3 години

Следува обид за разрешување на Џафери, Мицевски сподели кои чекори се преземаат

Пратеничката група на ВМРО-ДПМНЕ и Коалицијата „Обнова за Македонија“ ќе поднесат Интерпелација на Претседателот на Собранието Талат Џафери, ова денеска преку изјава за медиумите го истакна координаторот на пратеничката група на ВМРО-ДПМНЕ, Никола Мицевски.-По вчерашниот ден во кој ние пратениците бевме заклучени во пленарната сала по наредба на Талат Џафери веќе е кристално јасно дека Собранието не е е повеќе демократска институција туку институција заробена од еден Автократ кој што си дозволува да се однесува како собранието да е приватна своина, непочитувајќи никаков Деловник и пред се крши основни човекови права. Талат Џафери, со своите диктаторски и непринципиелни методи не смее ни ден повеќе да го води законодавиот дом. Овој човек нема почит спрема никого, ниту спрема собраниската служба која ја вреѓаше и пцуеше на најбезобразен начин, ниту спрема пратениците за кои се дрзна да им го ограничи правото на движење и ги заклучи во пленарната сала. Почитувани граѓани, ова се крици на еден немоќен и неспособен човек кој што не може да изгради сопствен авторитет ниту кај службата ниту кај пратениците и затоа незнаејќи што да прави се дрзнува насила да спроведува режим кој што е далеку од демократски. За Талат Џафери, не постои Деловник, не постојат човекови права. Овој автократ е влезен во филм дека никој ништо не му може и дека е недопирлив и затоа мора да си оди подалеку од храмот на демократијата, вели Мицевски.Тој додава дека ова е човек што си дозволува да фрла амандмани на опозиција во контејнер, да омаловажува вработени во Собранието, луѓе професионалци кои се криви само затоа што одбиваат да ги примаат неговите наредби кои се незаконски, насилно да ги заклучува пратениците во Собранието, да крие закони и интерпелации во фиока и да го ускратува уставно загарантираното право на пратеник да ги застапува граѓаните кои што го бирале.-Сакаме да додадеме дека сето ова случува со амин и знаење на СДСМ кои што секојдневно ги бранат постапките на Џафери сакајќи најлошиот претседател на Собранието во историјата да го претстават како најдобар. Ова е одговорност и на СДСМ, кои заедно со Џафери ги приредуваат овие циркуси во Собранието. Нас ни е јасно дека Џафери и СДСМ ќе направат се, повторно да избегаат од одговорност како многупати досега и исто така им порачуваме дека оваа Интерпелација не смее да заврши повторно кај него во фиока и никогаш да не ја стави на седница како што се случи со предходната што ја поднесовме. Редот и функционирањето на Деловникот мора да се вратат во Собранието на Република Македонија. Самоволието, деспотското раководење и сите други методи на кои е навикнат Џафери може да си ги применува само во својата партија и кај него дома. Ги повикуваме пратениците од СДСМ да да се ослободат од ова заложничко однесување на Талат Џафери и да ни се приклучат заедно да кажеме СТОП на овој човек кој што секој ден се повеќе го урнисува законодавниот дом. Исто така, го повикуваме и премиерот Димитар Ковачевски, еднаш барем да се заинетесира и да се постави како вистински премиер, а не да молчи и да бега од јавноста бидејќи ова што се случува е и негов срам. На македонската јавност и е повеќе од јасно дека Ковачевски е само пиун, човек кој што не е биран од народ и затоа мора да се распишат предвремени парламентарни избори за Македонија да се ослободи од овие луѓе кои секој ден ја уништуваат државата и народот, без око да им трепне, рече Мицевски.

Македонија | пред 3 години

Талат го изгуби кредибилитетот со заклучувањето пратеници во сала, вели Апасиев и понуди опција за разрешување

Лидерот на Левица и пратеник, Димитар Апасиев, со остра реакција за Талат Џафери, откако спикерот вчера заклучи пратеници во собраниска сала.“Со заклучувањето на пратениците во пленарната сала на Собранието, Талат не само што стори кривично дело, туку и целосно го изгуби кредибилитетот да го води парламентот! Од вкупно 120 пратеници, треба пет - за да почне постапката за интерпелација.Двајцата пратеници на Левица стојат на располагање. Се бараат уште тројца јунаци и да почне процесот”, вели Апасиев.

Македонија | пред 3 години

Џафери нѐ држеше како заложници, тоа е кривично дело за кое се оди во затвор

Пратеникот на ВМРО-ДПМНЕ, Бојан Стојаноски посочи дека собранискиот спикер Талат Џафери го држел него и неговите колеги како заложници во собраниската сала, заклучувајќи ги вратите. Тој смета дека ова дејствие на Џафери е казниво и дека е кривично дело.Во текот на вчерашниот ден Џафери ги затвори вратите во Собранието и практично ги држеше пратениците како заложници. Тој со ова свое дејствие стори кривично дело од чл. 140 ст.3 и 4 од КЗ, од кои ст.3 гласи дека и обидот се казнува.Додека ст.4 вели дека ако противправното лишување од слобода го стори службено лице со злоупотреба на службената положба или овластување, ќе се казни со затвор од шест месеци до пет години. Ова е трета тешка злоупотреба на позицијата на Талат Џафери“, посочи Стојаноски.Тој е дециден дека одговорност ќе има.„Секој кој мисли дека заради припадноста на една политичка партија од која никој досега не одговарал за ништо, а ја испокрадоа цела држава ќе се спаси - се лаже. Останува во наредниот период да бидеме сведоци на релативизирањето од страна на СДСМ и Ковачевски, па ќе слушаме изговори од типот – „вратите сами се заклучија“. Апелираме до сите граѓани, медиуми и претставници на меѓународната заедница одблиску да ги следат овие случувања, бидејќи во Собранието на Република Македонија не владее нормална и работна атмосфера. Затоа изборите се единствено решение“, додава Стојаноски.

Македонија | пред 3 години

„Ова е насилие, скандалозно однесување“, Стојаноски револтиран од Џафери кој ги заклучи пратениците во собраниска сала

Сите пратеници на ВМРО-ДПМНЕ се револтирани од односот на собранискиот спикер Талат Џафери. Пратеникот Бојан Стојакоски посочи дека загубената контрола на Џафери се прикажува на дело.„Заклучената врати нема да спасат никого од одговорноста. Автократот ги исклучи микрофоните. Неколку пати ги заклучуваат вратите, за пратениците од надвор да не можат да влезат во салата. Вака не се одлучува демократски. Ова е срамота, насилие. Ова се случува по скандалозното однесување кон собраниските службеници Скандалите во Собранието продолжуваат“, објасни Стојаноски.Тој претходно бидејќи немаше Џафери ги исклучуваше собраниските микрофони, а јавноста можеше да гледа само визуелно, се вклучи во живо на Фејсбукот од неговиот колега Миле Лефков да искоментира што се случува зад затворените врати во Собранието.

Македонија | пред 3 години

ВИДЕО: Заклучени пратеници и хаос во Собрание!

„Заклучени пратеници и хаос во Собрание!“, реагира Миле Лефков, пратеник на ВМРО-ДПМНЕ.„Диктатурата на ДУИ/СДСМ олицетворена во Талат го покажува грдото лице во Собрание!“, додава тој.Бидејќи микрофоните во салата беа исклучени, а јавноста не може во живо да ги следи седниците поради тоа што Собранието нема можност за тоа, пратеникот Бојан Стојаноски се обрати до јавноста преку социјалните мрежи:„Автократот ги исклучи микрофоните. Неколку пати ги заклучуваат вратите, за пратениците од надвор да не можат да влезат во Собранието. Вака не се одлучува демократски. Ова е срамота, насилие. Ова се случува по скандалозното однесување кон собраниските службеници“, кажа Стојаноски.

Македонија | пред 3 години

Извинување од Џафери не чекајте, пцуењето за него е дозволено

На собраниските службеници местото им е на работа среде работното време, а не на кафе на улица Македонија. Вака коментира собранискиот спикер Талат Џафери, откако беше снимен како со погрдни зборови им се обраќа на вработените во Службата.Ова е снимката која излезе во јавност пред речиси две недели. Реакции имаше многу, а Џафери вели – нема објаснување и додава дека не чувствува потреба да се извини.Пцовките не беа кон вработените туку кон нивниот однос кон работата што ја имаат, а не како што сугерира опозицијата, тврди Џафери. Додава дека пратеничката група на ВМРО-ДПМНЕ којашто ја блокира работата на Собранието, треба да води сметка за тоа што самите тие го направиле, а не да оценуваат дали претседателот го прекршил етичкиот кодекс.

Македонија | пред 3 години

„Ова не ти е Форино, оставка“, пратеникот Јаулески удри по Џафери

„Ова не ти е Форино“, вака пратеникот од ВМРО-ДПМНЕ Јован Јаулески побара оставка од собранискиот претседател Талат Џафери. Тој му порача: „Таљо не пцуј“.„Поминаа повеќе од 10 дена откако Талат Џафери редеше мајки-шајки, се однесуваше како да е на сточен пазар а не во Собрание на кое тој лично е претседател. Одговорност нема, оставки нема, а заедно со СДСМ се трудат сето ова да се заборави. Тука сме да потсетиме и уште еднаш да порачаме: ОСТАВКА!“, посочи Јаулески

Македонија | пред 3 години