СОБРАНИЕ

(Видео) Мециновиќ: Мицкоски излажа за Чебрен и продолжува со приватните интереси

Пратеникот од Левица, Амар Мециновиќ, критикувајќи го Предлог-буџетот за 2025 година, ја потенцираше важноста на проектот Чебрен како единствениот одговор за енергетската стабилност. Тој истакна дека, иако во предизборието го најавуваа, сега, ВМРО - ДПМНЕ за 2025 година не предвидуваат да насочат ниту денар за енергетска независност.„ДПМНЕ направи ново Министерство за енергетика. Некој би рекол дека ова е приоритет на ДПМНЕ, дека со отворање на ова Министерство за енергетика, сака да ја зголеми енергетскатанезависноста на државата, но, ако видиме меѓу редови, дека припадниците на оваа Влада се претставници на приватниот енергетски интерес, па да не кажам енергетска мафија, и ако видиме како им е конципиран Буџетот - тоа значи дека Министерството за енергетика е создадено само за приватниот енергетски интерес.“ – заклучи пратеникот Мециновиќ.„Од друга страна, имаме зголемување, на средствата за вооружување и за НАТО, за 2 милијарди дополнителни денари, и ние сме веќе блиску до таа препорачана стапка од 2% за трошење за НАТО, т.е. рекет за НАТО. А за 2026, Мисајловски и Мицкоски пак, предвидуваат дуплирање на таа цифра! Зошто една од најсиромашните држави сака да ја надмине стапката од препорачани 2%, кога покадарни држави не се приближуваат до таа стапка, туку ги приоритизираат социјалните и сите цели кои служат за вдахнување живот во капацитетите на државата?!“ – праша тој.Мециновиќ потсети на 1991 година и кажа дека Македонија тогаш преживеа без сопствена полиција, војска и парична валута – затоа што имала независен енергетски систем, а денес, таа независност е потполно уништена.„Ситуацијата дополнително се комплицира со тоа што ТЕЦ Неготино сѐ уште работи на мазут, со тоа што е еколошки и економски неодржливо; РЕК Битола за време на енергетската криза во 2022 година, еден од реакторите се испостави дека 365 дена бил во квар и еден ден само работел. И наместо да се свртиме кон развивање на сопствените енергетски капацитети, а одговорот е очигледен, тоа е Чебрен на Црна река - ние не гледаме дека оваа Влада воопшто има ваков план.“ – продолжи пратеникот од Левица.„Има едно 10 изјави од Мицкоски за Чебрен, како и за многу работи во неговата политичка кариера... И сега? Каде е приоритетот за Чебрен? Дајте да почнеме барем со првата од десетгодишната фаза. Нема ништо! Затоа што не е приоритет развивање на независноста на енергетскиот систем на Македонија, туку приоритет е Мицкоски со неговите хидроцентрали, со неговите пријатели и Владата наполнета со неговите партнери од времето на неговиот ангажман во енергетскиот сектор. Наместо Чебрен, ние ќе добиеме приватен интерес и дополнителна корозија на енергетскиот систем“ – кажа Мециновиќ којшто поднесе и амандман кон Предлог-буџетот со цел да се пристапи кон изградба на хидроцентралата Чебрен.„Сите државни елементи во овој цел систем се во долг! АД Електрани се во долг, неплатен долг од 4,4 милијарди денари и недоспеан долг во висина од 5,7 милијарди денари. Што значи вкупен долг од 10 милијарди денари или околу 165 милиони евра. Од друга страна, ЕСМ за производство на топлинска енергија има вкупен доспеан и недоспеан долг од над 510 милиони денари. А во контраст на ова, приватните енергетски компании како ЕВН Македонија, во 2023 година имаат добивка од 28 милиони евра, што претставува раст од 546% споредено со 2022 година!“, акцентираше Мециновиќ на комисиската седница.„Приватните компании во овој систем, ги искасапија нашите граѓани. Дури има статистика дека со мрежарината што ја воведе Регулаторната комисија, која е околу 150-200 денари месечно - никој од нас една сијалица да не запали во Македонија, за 8 години ЕВН ќе направи профит од 200 милиони евра т.е. онолку колку му требаше да го купи делот од ЕСМ“. Мециновиќ објасни и дека, иако велеа дека нема, сепак, околу Нова година ќе следи покачување на цената на струјата.„Заклучокот е дека енергетската криза со која се соочуваме не е само резултат на глобални трендови, туку и на нашиот сопствен недостаток на стратешко планирање и поставување на луѓе со мафијашки интереси на позиции. Абе не може цело време Украина да ни е крива за сѐ, кога ние во Буџетот не предвидуваме средства за Чебрен. Крива ни е, очигледно, нашата политичка гарнитура и консталација која со децении не може да одговори на потребите на граѓаните“, додаде пратеникот од Левица.

Македонија | пред 1 година

(Видео) Лукаревска: Во Буџетот се намалени парите за малите и средни претпријатија од 80 на само 18 милиони

Пратеничката на СДСМ Сања Лукаревска во рамките на расправата на собраниската комисија за финансирање и буџет, посветена на предлог-буџетот за 2025 година истакна дека реториката на напад на власта полека оди кон одбрана, на моменти неосновано и безаргументирани.Мислев дека нема да се критикува претходната власт, а и не би личело кога зборуваме за нов буџет, нема веќе простор за обвинувања за некакви душмански трошења, несоодветна распределба на средства, фаворизирање на една или друга институција, па некогаш не одат во прилог бројките за споредба по било кој параметар, особено за јавниот долг, гломазноста и секако сè ќе пукне како балон, за што се милуваше овде долго и долго да се зборува претходните неколку години, рече Лукаревска, и направи споредба со сите епитети коишто што беа давани изминатите години, кога се носеа буџетите.Во 2022, 4,4 милијарди евра, период на корона вирус – епитетот е нереално планиран. Во 2023 5,3 милијарди евра, енергетска криза, со епитет инфлаторен и неразвоен, во 2024 година 5,5 милијарди евра, период кога се опоравуваме од кризите, со епитет напумпан, за да денес во 2025 година 6,5 милијарди евра без било каква криза, дека истиот е визионерски, којшто дава еден зрак светлина, односно да цитирам надеж. Ако предложениот буџет за 2024 од 5,5 за тогашната опозиција беше напумпан, мегаломански, расипнички, тогаш со какви зборови да го опишеме овој поголем за 1 милијарда евра, нагласи Лукаревска.Лукаревска истакна дека владата предводена ВМРО-ДПМНЕ скори буџет од 6,5 милијарди евра во услови кога претходната владата предводена од СДСМ ги санираше разорувачките последици од пандемиската криза, на која и се надоврза економската криза, војната во Украина, енергетската неизвесност, ценовните шокови и неминовната инфлација.Во целиот текст на буџетот провејуваат оптимистички проекции, но истите ако не се остварат ќе имаме влошување на фискалната консолидација во земјата. На пример се планира раст од 13,1% на приходи од данок на личен доход во 2025 во однос на планираните од минатата година, тоа тешко да се оствари во отсуство на овогодинешна даночна реформа затоа што слушнавме дека ќе имаме одреден напредок во 2026 година и во услови на инфлација и забавен раст на платите, рече Лукаревска, додавајќи дека покрај ова има и даночни приходи, кои се планирани да растат уште и посериозно, како и раст на БДП од 3,7% во 2025, што исто така не го зема предвид забавувањето на економијата во еврозоната, посебно во Германија.Лукаревска нагласи дека кај тековните расходи, најголем е растот масата на плати и социјални трансфери, капиталните расходи се зголемуваат повеќе од тековните расходи, што на прв поглед изгледа во ред, но треба да се постави прашањето колкав дел од тие плаќање ќе останат во македонската економија.Нема средства за унапредување на здравствена заштита преку фондот за здравство, за поддршка на земјоделството средствата се намалуваат од 128 во 2024 на 117 милиони евра. Се намалуваат средствата за поддршка на развој на мали и средни претпријатија од 80 милиони денари на 18. Тие се двигателот во бизнис заедницата, а од друга страна за поддршка на странски инвестиции има 36 милиони евра, истакна Лукаревска, и со задоволство констатираше дека оваа влада ги продолжува проектите, кои се осмислени, преговарани и договарани од претходната влада, како коридорите на Бехтел и Енка кои беа „криминален проект“, а сега се високо на агендата проектите за реализација на новата влада.Лукаревска запраша зошто има дуплирање на масата на плати во државата комисијата за одлучување во управна постапка од работен однос и инспекциски надзор од 63,7 милиони денари 2024, на 116 во 2025, зошто се зголемуваат платите во министерството за европски прашања од 75,9 милиони денари во 2024 на 108 милиони во 2025, зошто се зголемува масата за плати во ТИРЗ од 58 на 105 милиони денари во 2025 година и зошто се намалуваат значајно алоцираните средства за медицинска опрема за потребите на ЈЗУ во РСМ за заштита на населението од СИДА, здравствена заштита на лицата со болести на зависности и едукација на лекари и медицински персонал.Предлог Буџетот за 2025 точно ја дефинира политиката која има намера да ја тера оваа влада исклучиво за свои потреби, минимална грижа за граѓаните, максимална за себе, минимална реална посветеност и максимална пропаганда. Единствено што може да се заклучи од предложениот буџет за 2025 година е дека смело чекориме кон нови задолжувања, кои, кон крајот ќе стигнат за наплата кај секој граѓанин, без разлика на што и кој ќе го користи кредитот, каматата секако е наменета за граѓаните, порача пратеничката на СДСМ Сања Лукаревска.

Македонија | пред 1 година

(Видео) Панова: Зголемување на буџетот за правосудството и обвинителството треба да биде поврзан со конкретни реформи и јасни резултати

Во текот на денешната општа расправа за Предлог-буџетот за 2025 година, од собраниската говорница се обрати и пратеничката од редовите на ВМРО-ДПМНЕ, Ели Панова, при што посебен акцент и осврт даде на судството и обвинителството кои до сега немале повисоки буџети.Таа истакнува дека буџетот на судската власт е за речиси 8% поголем од буџетот предвиден за 2024 година, додека пак кај обвинителството зголемувањето е за 9,5%, но истовремено од друга страна, во последните години довербата на граѓаните во правосудството е алармантно ниска или само 2%, што е аларм дека системот не функционира како што треба и дека граѓаните не го чувствуваат истиот како средство за заштита на нивните права.„Во овој контекст, поставувањето на барањето за зголемени средства за правосудството и обвинителството мора да биде предмет на внимателен преглед. Дали повеќе пари ќе го решат проблемот? Не, ако нема реформи во самиот систем. Буџетските средства не можат да го поправат структурниот проблем што лежи во етиката и интегритетот на самите судии и обвинители“, децидна е Панова.Според неа, доделувањето на поголеми финансиски средства треба да биде условено со потполна системска реформа која истовремено ќе значи и повисоки стандарди на морал и етика во правосудството, бидејќи на нашето општество му е потребен систем кој ќе биде ефикасен, правичен и професионален.„Предлогот за зголемување на буџетот за правосудството и обвинителството треба да биде поврзан со конкретни реформи и јасни резултати. Првенствено, мора да се постават стандарди за избор и оценка на судиите и обвинителите, кои ќе бидат транспарентни и јавни. Треба да се обезбедат механизми за надзор и санкционирање на неетичкото и неефикасно работење. Сè тоа ќе биде основа за изградба на довербата што ја изгубија нашите граѓани“, заклучува Панова.

Македонија | пред 1 година

(Видео) Јамалов: Во 2025 година очекуваме раст на економијата од 3,7% преку реализација на капитални инвестиции во износ од 50,5 милијарди денари

Денес во Собранието на Комисијата за финансирање и буџет на која што се расправа предлог буџетот за 2025 година се обрати пратеникот од ВМРО-ДПМНЕ, Александар Јамалов кој потенцираше дека во 2025 година се очекува економијата на Република Македонија да забележи раст од 3,7% и тоа би претставувало значително подобрување во споредба со изминатите години.Јамалов додаде дека предвидениот раст од 8,1% на бруто-инвестициите ќе биде поттикнато од засилената реализација на големите инфраструктурни проекти, вложувања во патна и железничка инфраструктура, како и инвестиции во енергетиката, земјоделството, здравството и образованието.„Дополнително, растот ќе биде поддржан преку поддршката на општините за реализација на капитални инвестиции со цел по рамномерен регионален развој и унапредување на животот на граѓаните во износ од нови 250 милиони евра, покрај овогодинешните 100 милиони евра. Значителен придонес се очекува и од инвестициската активност на домашните компании, како резултат на исклучително поволните финансиски средства обезбедени преку заемот од Унгарија“, рече Јамалов.Пратеникот посочи дека капиталните инвестиции се централниот елемент на предлог буџетот за 2025 година кои ќе изнесуваат околу 50,5 милијарди денари.„Со износ од 50,5 милијарди денари, или 5% од БДП, овие инвестиции ќе бидат насочени кон проекти кои ќе имаат долгорочен економски и социјален импакт. Ова создава предуслови за нов циклус на економски раст, обезбедување значително ниво на јавни инвестиции коишто се основа за подобрување на економските перспективи, како и подобар живот на граѓаните“, истакна Јамалов.

Македонија | пред 1 година

(Видео) Бочварски: Во Буџетот 2025 нема 250 милиони евра за општините

Во буџетот кој го предлага владата, нема 250 милиони евра за општините, нешто што ДМНЕ го ветуваше пред изборите и ова е уште една манипулација на власта, рече пратеникот на СДСМ, Благој Бочварски, на Комисијата за финансирање на буџет.- Пред неколку месеци, ДПМНЕ велеше дека до крај на годината ќе бидат дадени на општините 100 милиони евра, за капитални проекти, а за наредната 2025 година, нови 250 милиони евра, исто така за капитални проекти. Еве сме, на крај на ноември нема ниту еден денар, ниту еден проект реализиран во ниту една општина од тие 100 милиони евра кој власта ги даде на општините. Денес во новиот буџет не гледаме 250 милиони евра за реализирање на капитални проекти во општините за 2025 година, туку само 100 милиони евра. Ова значи дека 2004 реализација на општинските проекти е 0, а за 2025 година, нема да има 250 милни, туку 100 милиони евра‘, рече Бочварски.Тој потенцираше дека СДСМ реализираше проекти во делот на локалните патишта, водоводи, канализации на општините со поповолен кредит, со под 1 посто камата, кредит од светска банка, за денес ДПМНЕ да земе поскап кредит и да ги дава парите по лоша методологија исклучиво по глава на жител на општините, што е погрешна политика.Бочварски кажа и дека Владата предизборите ветуваше намалување на јавниот долг, намалување на дефицитот, раст на капиталните инвестиции и повисок животен стандард.- Кога сме кај јавниот долг, власта СДСМ ја предаде во месец јуни 2024 со јавен долг од 55%, а денес во ноември 2024 јавниот долг е зголемен на над 65%. Што значи, не е точно дека новата влада ќе направи консолидација и намалување на задолжувањето, туку напротив ќе не дозадолжи за речиси нови 10% од БДП од 55 на преку 65%. СДСМ функционираше во две огромни кризи, а оваа влада на ДПМНЕ, без никаква криза за 5 месеци го покачи јавниот долг. Од овде јасно се гледа дека оваа Влада едно зборуваше пред избори, а друго прави после избори, рече Бочварски.

Македонија | пред 1 година

(Видео) Стојаноски: Од кога е ВМРО-ДПМНЕ на власт, јавниот долг опаѓа на 56,9%

На седницата на Комисија за финансирање и буџет, пратеникот од редовите на ВМРО-ДПМНЕ, Бојан Стојаноски истакна дека од кога ВМРО-ДПМНЕ е власт, јавниот долг во третиот квартал опаѓа на 56,9%.„На отворени финансии, за кои што Вие пред малку излажавте дека за 10% е покачен долгот, знаете што кажува? Квартал три од кога ВМРО-ДПМНЕ ја преземала власта, на отворени финансии е 56,9%. Јавниот долг паѓа. Еве отворени финансии, истото тоа што Вие го исцитиравте’’, потенцираше Стојаноски.Пратеникот додаде дека буџетот не може да „пукне’’, поради тоа што има зголемување на даноците и приходите.„Велите за плати и пензии. Плати 10 милијарди денари повеќе, нема институција во која што не се зголемуваат платите. Пензии, 15 милијарди повеќе. Пет илјади денари секој пензионер ќе добие повеќе средства. Кажувате како е возможно надуваниот буџет да не пукне. Многу просто. Приходите се зголемени за 16%, даноците за 12,3%, така ќе ги штедат граѓаните повеќе’’, појасни Стојаноски.

Македонија | пред 1 година

Дрвошанов: Предлог-буџетот за 2025 година е развоен, со социјална компонента и реални нивоа на приходи и расходи

На денешната Комисија за финансирање и буџет на која се разгледува и расправа Предлог-буџетот за претстојната 2025 година, пратеникот од редовите на ВМРО-ДПМНЕ, Жан Дрвошанов, истиот го окарактеризира како исклучително развоен, со социјална компонента и приходи и расходи кои се со реално ниво на остварување односно извршување.Тој истакнува дека со овој буџет ќе се постигне макроекономска стабилност со фискална консолидација и тоа преку раст на БДП, понизок буџетски дефицит и умерено ниво на државен долг заедно со високо ниво на капитални инвестиции.„Сведоци сме во изминатите години, како претходните влади со реализацијата на нивните буџети не направија никаков, ама баш никаков развој во државата. Напротив, имавме назадување и стагнација скоро во сите сфери на општеството, имавме низок раст на бруто домашниот производ, висок буџетски дефицит, ниска реализација на капитални инвестиции, а од друга страна имавме енормно високо ниво на задолжување на државата“, потсетува Дрвошанов на состојбите од изминатите седум години.Според него овие негативни и штетни политики неизбежно се рефлектираат и имаат влијание како во сегашниот, така и во идниот период и токму поради тоа со Предлог-буџетот за 2025 година, целта е да се консолидира состојбата во државата во сите области, да се стабилизираат економските текови, со што ќе се постигнат солидни финансиски и економски резултати.„Така, со Предлог-буџетот за 2025 година е планирано да се постигне раст на бруто домашниот производ од 3,7%, инфлација од 2,2% и капитални инвестиции од 50,5 милијарди денари кои ќе бидат реални капитални инвестиции и директно ќе влијаат на зголемувањето на бруто домашниот производ. За споредба, од претходно, во изминатите години оваа реализација на реални капитални инвестиции не помина повеќе од 15 милијарди денари и имавме трансфери кои никако не можат да влијаат врз растот на бруто домашниот производ“, јасно прецизира Дрвошанов.Во оваа насока, тој потенцира дека особена и сериозна економска активност ќе предизвика и финансиската помош од Владата која се состои во билатералниот заем од Унгарија, односно поволните кредити за стопанството кои се повеќе од потребни за производствените компании кои со ваквата помош ќе го зголемат сопственото производството, вработувањата, а со тоа ќе растат и платите на вработените.

Македонија | пред 1 година

Пенков: Основниот постулат на буџетот за 2025 година е забрзан економски раст и реализација на крупни инфраструктурни проекти

Денес во Собранието на Комисијата за финансирање и буџет на која што се расправа Предлог буџетот за 2025 година се обрати пратеникот од ВМРО ДПМНЕ, Златко Пенков кој нагласи дека Владата со буџетот за следната година применува нов концепт и визија кои се базирани на реални макроекономски претпоставки.„Основниот постулат е забрзан економски раст, пред се како резултат на реализација на крупни инфраструктурни проекти, проектите во единиците на локалната самоуправа како и странските директни инвестиции. Според мене три клучни збора кои мора да ги знаеме а тоа се растот, реализацијата и развојот", обасни Пенков.Пенков нагласи дека доколку се направи сублимат од овие три клучни зборови се добива, раст на бруто домашниот производ преку реализација на владините програми за забрзан развој на државата.„Буџетот претставува слика на општествените потреби од една страна проекции за приходи а од друга страна распределба на расходите. На приходната страна детерминирани се 358 милијарди денари, на расходната страна имаме 400,2 милијарди денари а дефицитот е проектиран на 41,3 милијарди денари. Во делот на приходната страна кај буџетските приходи, спомнатата сума значи раст на наплатата за 13% во споредба со усвоениот ребаланс на буџетот. За 2025 година приходите од данокот на додадена вредност се детерминирани на 86,7 милијарди денари, секако овде доаѓаат акцизите, данокот на личен доход и сл“, рече Пенков.Тој потенцираше дека даночната политика ќе се базира на намалување на сивата економија, поголема наплата на средствата во државниот буџет за да се постигне целта, односно одржливиот економски раст и развој.„Даночната политика ќе се базира на намалување на сивата економија која зафаќа 30 до 39% односно пола од економијата отпаѓа на сивата економија, што е незамисливо и недозволиво за една економија како што е македонската. Значи, даночната политика од една страна ќе се базира на намалување на сивата економија, поголема наплата на средствата во државниот буџет, а целта секако е одржливиот економски раст и развој“, рече Пенков.

Македонија | пред 1 година

(Видео) Тренчевска: Со овој буџет Владата најмногу крати кај социјално ранливите граѓани

Пратеничката на СДСМ Јована Тренчевска на денешната седница на собраниската комисија за финансирање и буџет истакна дека првиот буџет предложен од новата владата, во вредност од 6,5 милијарди евра, најголем буџет досега, е нереален, нималку развоен, туку трошковен, недомаќински, предизборен и најважно од се невизионерски, неинвентиен и буџет на нови долгови и нова изгубена година за економијата и граѓаните.„Со Буџетот требаше да ги видиме сите политики ветувани во изборната платформа 1198, кои би требало да донесат подобар живот за граѓаните и економски развој на државата, буџетот е пред нас и слободно можам да кажам дека од тоа нема ништо, ниту подобар животен стандард на граѓаните, ниту пак економски развој за државата“, рече Тренчевска, додавајќи дека со буџетот предвидува нереален раст на БДП од 3,7%, зголемување на јавниот долг и покажува дека фискалната политика нема компас.Тренчевска нагласи дека владата проектира буџетски дефицит од 4% од БДП, што е спротвно на законот за буџетите, каде јасно стои дека дефицитот не смее да надмине 3% од БДП, со што владата сака да испрати порака дека законите важат за сите но не и за неа.Имае буџет кој единство ги задоволува потребите на 24 министри и нивните кабинети, но не и на граѓаните. Имаме буџет во кој не се приоритет граѓаните, особено ранливата категорија граѓани. Ако го погледнеме буџетот на министерството за социјална политика, демографија и млади сето тоа се потврдува, нагласи Тренчевска.Таа додаде дека со овој буџет најмногу се крати кај социјално ранливата категорија граѓани, се крати кај социјалните услуги, кај трансферот кон националните сојузи на инвалидски организации, се крати кај лицата со попреченост и кај услугите што се насочени кон нив, се крати кај сите оние граѓани, најчесто граѓанки кои се вклучени како негуватели кај давателите на социјалните услуги, кај активностите насочени кон борба со насилството врз жените и семејното насилство, се крати и на трансферот кон црвениот крст и општинските организации на црвениот крст.„Ставката трансфери кон инвалидските организации, националниот сојуз на Црвен крст, граѓанските организации кои работата на борбата против семејно насилство и насилство врз жените, нашата социјално емпатична влада средствата ги намалила за дури 25 %. Од 80 милиони денари по 5-6 години се враќаме на минимумот којшто е предвиден со законот од 60 милиони“, рече Тренчевска, додавајќи дека се намалуваат средствата и за здруженијата на слепи, глуви и наглуви, за трудови инвалиди, лица со интелектуална попреченост, три пати се намалува буџетот за заштитните друштва.„Да дојде до поголем израз емпатичноста на владата, со буџетот удира и кај социалните услуги, кои се вопставени во повеќе од 40 општини, услуги за помош и нега во домот за стари лица и помош и нега во домот за лица со попреченост, удира и по личната асистенција за лицата и децата со попреченост, удира и по целиот процес на деинституционалнизација“, истакна Тренчевска, и нагласи дека социјална држва и подобрување на квалитеот на животот на граѓаните не се постигнува со кратење на средствата за најранливите.Тренчевска нагласи дека иста е состојбата и кај капиталните инвестииции во социланата заштита, каде за изградба на дневни центри за деца и лица со попречност, домови за стари лица се предвидени само 9 милиони денари, со кои нема да може ни да се завршат започнатите во во Кавадарци, Македонски брод, Чешионово Облешево, Берово, Пробиштип.„Како, без проектирани средства ќе ја донесете владината програма за инвестиции во социјалната заштита за 2025 година. На жими мајка? Или како и се друго со лицемерие и лаги. Нема пари во буџетот за зголемување на минимланата плата, нема пари за спроведување на обврските од општиот колективен договор за јавниот сектор, нема слух за синдиактите, нема слух за работниците, нема намера да се реализира новата методологија за пресметка на платите во јавниот сектор од март 2025 годона и накратко Владата ги разочара најранливите, ги разочара работниците со предлог буџетот за 2025 година, со својата безидејност, лошто и нереалното планирање. За себе власта си испланира бурек со месо и јогурт, а за граѓаните трошки“, порача пратеничката на СДСМ Јована Тренчевска на денешната седница на собраниската комисија за финансирање и буџет.

Македонија | пред 1 година

Станковиќ: Планираните приходи од над 358 милијарди денари во Буџетот за 2025 година се реално остварливи

Денес на Комисијата за финансии и буџет, на која се расправа Предлог- буџетот за 2025 година, се обрати Малиша Станковиќ, пратеник од коалицијата предводена од ВМРО-ДПМНЕ, кој зборуваше детално за буџетот и посочи дека граѓаните мора да се запознаат со бројките околу буџетот, затоа што на крајот од денот тие треба да ценат дали е добар или не.Тој се осврна на областа од буџетот, која се однесува на приходната ставка, односно на предвидувањето на Владата за приходувањето, со средства кои се прибираат од даноци но и од донации или заеми, при што додаде дека цифрата која што е предвидена е достижна за остварување, а тој има позитивно гледиште на сето тоа.„358,8 милијарди денари државата планира да прибере како средства, тие вообичаено се прибираат од даноци, акцизи и друг вид на царински давачки. Дел од овие средства се обезбедуваат и како донации или заеми. Од овие 358,8 милијарди денари ако можевте да видите уште пред буџетот да влезе во Собранието, има експерти што зборуваа дека малку оваа цифра е нереална, мене ако ме прашувате од она што можевме да го видиме во изминатото тромесечје видовме дека енормно се зголемило наплатата во управата за јавни приходи и наплатите во царина како два органи коишто, пред се, се грижат за фискалната политика односно на прибирањето на средствата во државата. Тоа ни дава умерен оптимизам дека оваа цифра е достижна, така да овие 358,8 милијарди денари колку што е предвидено дека ќе се приходуваат во текот на 2025 година, сметам дека се достижни и оттаму можеме да бидеме оптимисти дека барем приближно оваа цифра ќе ја обезбедиме“, изјави Станковиќ.Исто така тој наведе дека ребалансот е работа која е сосема нормална во секоја држава и со помош на ребалансот ќе се има увид на состојбата во една земја и сите средства би биле соодветно распоредени во зависност од тоа во која насока се движат работите и во која област треба да се наменат, па така не треба да се критикува тука да се сфати за нормален дел од функционирањето на државата.„Зборуваат често колегите дека има ребаланс. Да ребалансот не е лоша работа, со ребалансот се проверува до каде е стигната состојбата, секоја држава прави ребаланс и секоја држава гледа како тој ребаланс би влијаел. Вие можете да имате состојба каде што ќе приходувате повеќе, па со ребалансот ќе ги предвидите приходите коишто сте ги обезбедиле да ги распоредите по соодветни ставки. Така да, ребалансот не треба да се разбере како лоша работа напротив, ако треба да се критикува за ребалансот кога ќе дојде ребалансот, не треба да ги плашиме граѓаните што ќе има ребаланс, не сме измислиле топла вода, секоја држава во текот на годината има ребаланс“, посочи Станковиќ.

Македонија | пред 1 година

(Видео) Попов: Со новиот буџет има повеќе пари за повисок младински стандард

Во текот на денешната Комисија за финансирање и буџет за 2025 година, од собраниската говорница се обрати и Сергеј Попов, пратеникот од редовите на ВМРО-ДПМНЕ кој потенцира дека новите буџети и ребалансите на истите претставуваат одлична прилика да се согледаат намерите на една влада кон одредените таргет групи и колку се тие реални или паушални ветувања.Според него ова претставува исклучителна прилика за согледување на разликите во односот кон младите и младинскиот стандард помеѓу изминатиот период додека владата беше предводена од СДС и сега, кога ВМРО-ДПМНЕ е на власт.„Порано, драги млади и почитувани пратеници, многу се ветуваше, ништо не се реализираше, а не се реализираше затоа што ветувањата се даваа паушално без за тоа да се обезбедат средства во буџетот, што неминовно не води до констатацијата дека младите седум години биле манипулирани“, концизен е Попов.Тој појаснува дека во изминатите 7 години државата за едни беше мајка, а за други маќеа и дека сите пресови, реакции и поднесени амандмани беа за бадијала зошто Владата предводена од СДС парите за младите сепак ги насочуваше за други ставки преку кои се богатеа одредени поединци од власта.„Затоа изборите завршија како што завршија и затоа поддршката од младите за Социјалдемократскиот сојуз е толкава колкава што е или во превод, на ниво на статистичка грешка. Почитувани, младите се почитуваат со дела, а токму овој буџет со сигурност ќе донесе повисок младински стандард, а сега дозволете ми со факти да презентирам и зошто“, вели Попов.Во овој контекст, Попов појаснува дека Владата на ставката студентски стандард предвидува средства кои се за 18% повеќе споредно со буџетот за 2024 година, додека пак за ученичкиот стандард се предвидени 12% повеќе во однос на буџетот од минатата година, кој беше креиран од другата влада и за ставката високо образование 17% повеќе споредено со претходниот период.Тој исто така напоменува дека веќе е отпочната реконструкцијата на студентските домови и во текот на наредната година истите ќе бидат ставени во функција, а истовремено се предвидува и реконструкција на средни училишта.

Македонија | пред 1 година

Стаменкоска Трајкоска: Заврши времето на нетранспарентна распределба на средства и донесување штетни политики, данокот нема да го плаќаат граѓаните

„Колега Џафери ве слушав внимателно и навистина во вашиот говор имавте еден интересен заклучок, спомнавте сиромаштија, спомнавте ниски плати, спомнавте брзи кредити. Не спомнавте дека 22 години на власт беше вашата политичка партија и не спомнавте исто така дека не успеавте да ја завршите работата“, истакна пратеничката на ВМРО-ДПМНЕ Бети Стаменкоска Трајкоска на денешната собраниска Комисија за финансирање и буџет.Стаменкоска Трајкоска посочи за нетранспарентната распределба на средствата која се правела и за штетата која ја предизвикувале со ваквиот начин на однесување директно на товар на граѓаните.„Не спомнавте исто така дека доколку не се трошеа пари нетранспарентно, доколку парите се трошеа одговорно ќе имаше за сите и за народот како што има сега во предлог буџетот. Не ја спомнавте „Соравија“, „Арберија“, ЕТЦ травел“ и сите оние милиони евра кои беа потрошени во тој правец“, децидна беше Стаменкоска Трајкоска.Стаменкоска Трајкоска напомена дека апсурдно е што говореле за поделба на финансирање на проекти по однос на фаворизирање на општини. Фактите говорат дека нема поделба, постои транспарентна распределба на државните пари.„Ги спомнавте општините и почнавте да ја делите работата за едни има за други нема. Сите 80 општини аплицираа на повикот за проекти, одобрени 357 проекти, дали знаете каква поделба има таму? Нема поделба. Транспарентно и одговорно распределба на државните народни пари“, изјави Стаменкоска Трајкоска.Стаменкоска Трајкоска потенцираше дека ќе следуваат промени во корист на граѓаните, зголемување на животен стандард и ова ќе биде реалност од која ќе нема отстапување.„И ќе кажам, да ќе нема сиромаштија ќе нема брзи кредити кога граѓаните ќе имаат повисоки плати, а ќе имаат, кога пензионерите ќе имаат повисоки пензии, а ќе имаат, тоа е новата реалност која ќе се случува“, заклучи Стаменкоска Трајкоска.

Македонија | пред 1 година

(Видео) Ангелова: Сите наставници од основно до високо образование ќе имаат повисоки плати

Денес во Собранието на Комисијата за финансирање и буџет на којашто се расправа предлог буџетот за 2025 година се обрати пратеничката од ВМРО-ДПМНЕ, Емилија Ангелова која што истакна дека буџетот е развоен и наменет за подобрување на животниот стандард на граѓаните.Ангелова нагласи дека главниот акцент е ставен на капиталните инвестиции во инфраструктурата, образованието и здравството со цел подобрување на јавните услуги и стимулирање на економскиот раст.Во однос на образованието Ангелова додаде дека посебно внимание ќе се посвети на стандардот на просветните работници така што од следната година сите наставници од основно до високо образование ќе имаат повисоки плати.„Планирани се раст на платите за одредени сектори вклучувајќи ги образованието, и здравството и врзување на минималната плата со продуктивноста на трудот. Буџетот предвидува зголемување на платите во јавниот сектор, особено за наставниците што е насочено кон подобрување на стандардот на вработените и зајакнување на квалитетот на овие услуги. Оваа насока на буџетот го прави развоен и ориентиран кон граѓаните со цел подобрување на квалитетот на животот преку поддршка на економскиот раст и социјалната стабилност“, истакна Ангелова.Таа додаде дека во изминатиов период и покрај лошиот буџет за 2024 година донесен од владата на ДУИ и СДСМ, Владата предводена од ВМРО ДПМНЕ уште годинава ги зголеми платите на наставниот кадар.„Сведоци сме изминатиов период дека и покрај искасапениот буџет од 2024 година кој што го имаше донесено владата на ДУИ во коалиција со СДСМ, оваа Влада, Владата на ВМРО ДПМНЕ и коалицијата од октомвриската плата која се исплаќа во ноември наставниците и останатиот персонал добиваат покачување од 5%, во март уште едно покачување на наставниците од 7%. Покачување на платата ќе добие цел наставен кадар, од основното образование до високо, што значи дека можело да се постигне договор со СОНК. Ова покачување е дел од новиот договор меѓу Владата и СОНК, синдикатот за образование кое ја осигурува континуираната поддршка за просветните работници, понатаму предвидени се редовни годишни зголемувања со цел до 2028 година платите да бидат зголемени за минимум 46% во однос на сегашните“, рече Ангелова.

Македонија | пред 1 година

(Видео) Буџетот за 2025 година ќе ја загрози финансиската стабилност на државата, рече Филипче

Фискалната политика што ја предлага власта во Буџетот за 2025 година ќе ја уништи финансиската стабилност на земјата, порача претседателот на Социјалдемократскиот сојуз на Македонија и пратеник, Венко Филипче, на денешната собраниска Комисија за финансирање и буџет, на која на дневен ред за расправа е Буџетот за 2025 година.Зборувајќи за фискалните политики предложени во новиот Буџет, Филипче потенцираше дека нереалните високи стапки за економски раст не се ништо друго освен изговор за планираната зголемена буџетска дупка и нови задолжувања.„Владата предвидува раст на БДП од 3,7% за 2025 година. Народната банка го проектираше растот на 3,3%, а Светската банка е уште попесимистична со 2,5%. Буџетскиот дефицит е поставен на 4% од БДП, што директно го нарушува Законот за буџетите. И ова мора да биде јасно, таквиот пристап не значи развој. Тоа значи дека Владата планира да троши повеќе отколку што заработува. И кој ќе го враќа тој долг? Ќе ги зголемиме ли даноците? Ќе ги скратиме ли јавните услуги? Ќе се задолжуваме?“, посочи Филипче.При тоа, Филипче нагласи дека ваквите планирани параметри упатуваат на тоа дека Македонија е единствена земја во регионот која не планира фискална консолидација.„Сите други земји од Западниот Балкан уште во 2024 година, буџетскиот дефицит го сведоа под 3% од БДП. Јавниот долг веќе годинава силно ќе ја помине границата од 60%. Со еден збор ова е фискална политика за уништување на финансиската стабилност на земјата“, нагласи Филипче.Во обраќањето пред пратениците, Филипче порача вака како што е скроена новата буџетска каса, јасно е дека и во наредните години ќе ги има истите нереални проекции, истата безидејност и истото неодговорно трошење.„Ова требаше да биде буџет во кој ќе видиме вистински политики што ќе донесат подобар живот за граѓаните и економски развој на државата. Но, дали ги гледаме тие политики? Дали има барем еден развоен проект што ќе ни донесе долгорочен раст? Одговорот е не. Од ветувањата на Владата нема да има ништо. Без никаква визија и без никаква креативност, Предлог Буџетот за 2025 година наместо да обезбеди основа за економски развој, овој буџет ќе биде генератор на нови долгови и на уште една изгубена година за економијата и за граѓаните“, потенцираше Филипче.

Македонија | пред 1 година

(Видео) Филипче: Буџетот е скроен да се товари администрацијата со партиски вработувања, инвестиции нема

Претседателот на Социјалдемократскиот сојуз на Македонија и пратеник, Венко Филипче, на денешната собраниска Комисија за финансирање и буџет, посочи дека Владата во Предлгот Буџетот за 2025 година ги намалува капиталните расходи во клучни сектори за сметка на зголемување на непродуктивните трошоци.На комисиската расправа на Предлог Буџетот за 2025 година, Филипче порача дека новиот предлог Буџет е планиран за да се зголемува бројот на администрацијата со нови партиски вработувања, што јасно се гледа и во ставките во кои се зголемува и сумата за плати во Владата и дел од владините министерства и институции.„Зошто се зголемува буџетот за плати во Влада од 383 милиони денари во 2024 година на 591 милиони денари во 2025 година? Ќе се вработуваат нови луѓе? Сакате партиските активисти да ги сместите? Или зошто за една третина се зголемува трошокот за плати во СОЗР, од 207 милиони денари во 2024 на 300 милиони денари во 2025 година? Исто е во Министерството за правда од 122 милиони денари во 2024 на 153 милиони денари во 2025? Исто е во Министерството за земјоделство, трошок за плати од 648 милиони денари во 2024 на 766 милиони денари во 2025 година? Во Министерството за транспорт и врски, зголемување на масата на плати од 167 на 247 милиони денари и стоките и услугите од 71 милиони денари на 115 милиони денари. Очигледно планирате добро да ја натоварите администрацијата со партиски војници додека седум години во опозиција ветувавте ефикасна и мала администрација“, нагласи Филипче.Во однос на новите министерства, Филипче укажа дека тие со предлог Буџетот за 2025 година добиваат поголем буџет во споредба кога истите беа како функции во рамките на старите министерства.„Ова ќе ги направи ли поефикасни? Ова е класична операција за зголемување на можностите за вработување на партиските кадри и ништо повеќе од тоа“, рече Филипче.Наспроти ваквите непродуктивни трошоци, власта како што кажа Филипче ги намалува средствата за капитални инвестиции и не нуди нови инвестиции.„Намалувате неверојатни 13,51% средства за општините во делот на инфраструктурни проекти. Единствените проекти кои ќе се реализираат се тие на СДСМ, додека Владата не понуди ништо свое, ништо ново“, порача Филипче и додаде дека СДСМ нема да гласа за Буџет со кој ќе се задолжува државата, ќе се товари со нови вработувања администрацијата, ќе троши на стоки и услуги, а за граѓаните ќе нема ништо.

Македонија | пред 1 година

(Видео) Филипче: Речиси двојно зголемен буџетот за нови возила за функционерите

Зголемување од фантастични 75% за набавка на нови возила за функционерите, предвидува власта, во Буџетот за 2025 година, контрадикторности и расипнички трендови, истакна денеска претседателот на СДСМ, Венко Филипче на денешната прва седница на собраниската Комисија за финансирање и буџет на која што се разгледува Предлог Буџетот за 2025. ВМРО ДПМНЕ како владејачка партија, се разликува од она што го говореше во опозиција, рече Филипче.„Опозиционерот Мицкоски не го познава премиерот Мицкоски, така изгледа и опозиционерката Кочоска не ја познава министерката Кочоска.Да ја цитираме тогашната опозиционерка денес министерка за финансии: „Имено, доколку го замислиме буџетот како 1000 денари, владата од него дава 127 денари за плати на јавната администрација, 86 денари за набавка на стоки и разни услуги, 656 денари одат за сите трансфери кои ги спроведува владата, 38 денари се даваат за камати, а само 23 денари за капитални инвестиции“, рече Гордана Димитриеска Кочоска, член на ИК на ВМРО-ДПМНЕ“. Е денеска, вие самата предлагате покачување на 19% на буџетот за стоки и услуги, од 58, на 72 милиони! Јас министерке би се срамел од ова.“-рече претседателот на СДСМ, Венко Филипче.ВМРО ДПМНЕ во опозиција ревносно критикуваше набавки на возила за министерствата, а сега во предлог Буџетот предвидува да купи двојно повеќе луксузни возила за функционерите, од време на СДСМ.„Знаете ли колку прес конференции одржа ВМРО опозициска за набавка на возила, на пример. Јас паметам преку 10 каде кажувавте како расипнички се трошеле парите на возила и луксуз. Ај да го видиме вашиот буџет. Зголемување за фрапантни 75%! Па нели беше расипништво тоа? Речиси двојно повеќе возила за функционерите ќе купите од СДСМ.“-додаде ФилипчеПретседателот на СДСМ, Венко Филипче укажа на загрижувачкиот тренд на зголемување на средствата за Министерството за внатрешни работи, додека истовремено се намалуваат средствата за Министерството за одбрана. Тој потенцираше дека Северна Македонија е земја членка на НАТО, и оваа разлика во распределбата на буџетските средства е неприфатлива и невообичаена, особено кога се разгледува безбедносната ситуација на регионално ниво.

Македонија | пред 1 година

Филипче: Домашните компании оставени на цедило, пари само за странските

Во предложениот Буџет за 2025 година, средствата за поддршка на домашни компании се намалени од 340 милиони денари на само 220 милиони денари, додека истовремено средствата за поддршка на странски компании се зголемени, истакна на денешната комисиска расправа претседателот на СДСМ, Венко Филипче. Со ова сериозно се загрозуваат домашните компании кои вработуваат повеќе од 80% од работната сила во нашата земја.„Значи оние кои вработуваат 80% од сите вработени во државата не заслужуваат поддршка, а оние кои го носат профитот надвор, тие заслужуваат поддршка? Знаете ли дека оваа политика на запоставување на домашните компании на сметка на странските донесе огромна сиромаштија и нееднаквост, ниски плати и потценување на домашните компании и работници. Сега ја враќате истата таа политика. Мислите дека е ова фер кон домашните компании? Владата на ВМРО-ДПМНЕ, во 2025 се враќа, 4 години назад во поддршката на домашните компании“ рече Филипче, претседател на СДСМ.Оваа политика на Владата предводена од ВМРО ДПМНЕ значи запоставување на домашните компании, а фаворизирање на странските. Филипче истакна дека со ваквиот Буџет не само што ги става домашните компании и работници во незавидна позиција, туку води кон економска нееднаквост, ниски плати и постојана потценета вредност на домашните ресурси. Според претседателот на СДСМ, Буџетот за 2025 година, земјата се враќа на истата неефикасна и несоодветна политика што ги игнорира домашните компании и ги става странските во предност.Претседателот на опозицијата смета дека од клучна важност е поддршката на домашните компании кои го носат развојот на нашата држава. Нашата економија може да напредува само ако ги ставиме интересите на домашните компании и работници на прво место.

Македонија | пред 1 година

(Видео) Стојаноски: Буџетот за 2025-Клуч за обнова и економски раст како излез од 7-годишната економска катаклизма на СДС

На денешната Комисиска расправа за предлог-буџетот за 2025, пратеникот Бојан Стојаноски од владејачката ВМРО-ДПМНЕ, се осврна на клучните елементи на предлог-буџетот за 2025 година. Според него, буџетот е базиран на поддршка на реалните иневстиции кои треба да доведат до зголемување на животниот стандард.„Овој документ е крвната слика за економската политика која ќе ја води оваа влада, а која ќе биде базирана на поттикнување и вложување во реалните инвестиции кои треба да го зголемат животниот стандард и да го подобрат животот на граѓаните. Ова е буџет кој е патоказ за излез од 7-годишната економска катаклизма која ја зафатила Република Македонија, а која се базираше на безидејност, лоповлук и дрско крадење од сопствениот народ“, рече Стојаноски.Стојаноски додаде дека со овој предлог-буџет се поставуваат темелите за стабилност и економски раст. Тој истакна и дека сите граѓани, без исклучок, ќе почувствуваат позитивни промени во економската ситуација.„Ова е развоен буџет кој гарантира повисоки плати, пензии, капитални проекти кои ќе станат реалност, и силна поддршка за стопанството. Ниту еден граѓанин или ентитет не е заборавен од овој буџет. Народот ни даде шанса да ги промениме работите и да покажеме дека може подобро; едноставно, мораме подобро и немаме повеќе време за губење. Ова е првата реална можност во креирањето на нашите економски политики. Досега се обидувавме да ја санираме штетата, а вистинскиот момент сега е кога започнуваме да ги градиме контурите на економската обнова на Македонија“, кажа Стојаноски.Стојаноски ги презентираше прогнозите за економскиот раст, и посочи дека странските инвестиции веќе се договорени.„Економскиот раст наредната 2025 година ќе биде 3,7%, странските инвестици коишто досега ги договори оваа Влада, а тоа се 8 на број за помалку од 5 месеци, отпочнувањето на проектот и директната помош од 350 милиони евра како и реализација на капиталните инвестиции го оправдуваат ова наше очекување“ истакна Стојаноски.Во однос на проекциите за буџетскиот дефицит, Стојаноски истакна дека се поволни, и нагласи дека буџетот за 2025 е поголем, иако изминатата година се соочувавме со помал буџет.„Проекциите за дефицитот е дека тој треба да достигне ниво од 41,4 милијарди денари, што е помал од 3,3 милијарди денари од тој кој беше предвиден за 2024 година и покрај тоа што имаше помал буџет, а фактот е дека овој буџет е поголем од претходната година“, јасен е Стојаноски.Стојаноски исто така нагласи дека институциите веќе покажале успешни резултати.„Државата ќе собира повеќе приходи и ќе ги собира многу поревносно, нешто што докажавме дека е возможно во изминатите 5 месеци, ако го видите работењето на УЈП, Царинската управа и Јавното претпријатие за државни патишта“, изјави Стојаноски.Стојаноски нагласи дека нема да има повеќе даночни раеви во земјата, и дека со новиот буџет Македонија ќе биде подготвена за предизвиците што ги носи иднината.„Како најголема категорија даночните приходи се очекува да достигнат реализација во наплата 35 милијарди денари повеќе од тоа што е планирано за 2024, односно има зголемено планирање од 12,3% кое треба да резултира со вкупно 319,2 милијарди денари наплата. Ова значи дека секој којшто треба да си плати данок ќе си плати никој нема да биде заобиколен во обврската да си ги плаќа даноците. Повеќе даночни раеви во Македонија како држава нема да има“, заклучи Стојаноски.

Македонија | пред 1 година

(Видео) Димитриеска Кочоска: Штетите кои ги предизвика СДС во министерство за финансии се огромни, ќе следува ревизија и одговорност од чинителите

„Растот на приходите поради борба со корупција и криминал, предмети кои во скоро време ќе почнат да излегуваат каде што точно се гледа колку штети има на буџетот.Буџетот на Владата е зголемен точно заради колегата Фатмир Битиќи којшто потпишуваше договори за инвестиции и поддршка на инвестиции на приватен сектор за којшто исто така има предмети и ревизии“, изјави министерката за финансии Гордана Димитриеска Кочоска на денешната Комисија за финансирање и буџет.Димитриеска Кочоска посочи дека и покрај тоа што СДС го уништеле ЕСМ и им служело како основ за да може да ги наполнат сопствените џебови, Владата предводена од ВМРО-ДПМНЕ е пример за домаќинско работење и коректор на лошите политики од минатото.„И за сметка на тоа што ЕСМ го уништувавте и крадевте, ние сега напротив имаме многу подомаќинско работење и тие проекти ќе одат од таму, тие не се дел од буџетот, требало да ви кажат дека не влегуваат во буџетот, тоа се акционерски друштва коишто немаат врска со буџетот. А во однос на квалитетот на воздух, да не се грижите. Министерството за животна средина има уште еден цел буџет во делот на сопствени приходи и тоа се прави со проширување на буџет во тековна година“, децидна беше Димитриеска Кочоска.Исто така таа додаде дека веќе предвидени се доволно средства за реализација на серија активности. Димитриеска Кочоска особено го истакна и делот на исплатата и пресметката во однос на активните и пасивните саати којашто се вршела кон докторите. Напомена дека ваквиот случај е предмет на ревизија кој дополнително ќе се разгледува и дискутира.„Ќе има проекти, ќе се прошируваат и има доволно средства за реализација на истото.А во однос на платите на докторите она што регуларно сте го направиле неспорно е, меѓутоа во однос на активните и пасивните саати и начинот на пресметка тоа е предмет на ревизија исто така што ќе се дискутира“, заклучи Димитриеска Кочоска.

Македонија | пред 1 година

(Фото) Новоизбраните членови на ДИК дадоа свечена изјава

Денеска, во Охридската сала на Собранието, новоизбраните членови на Државната изборна комисија, Светлана Карапетрова и Ангелчо Ристов, дадоа свечена изјава пред претседателот на Собранието, Африм Гаши и генералната секретарка на Собранието, Марина Димовска.

Македонија | пред 1 година

(Видео) Милион евра за решавање на кочанската депонија, бара пратеникот Крмов

Пратеникот Борислав Крмов од Левица поднесе амандман кон владиниот предлог-Буџет за решавање на проблемот со кочанската депонија:„Поднесов амандман на предлог-буџетот за 2025 година од милион евра со цел да се реши проблемот на кочанчани. Намерата е тие пари да се искористат да се направи соодветно оградување на депонијата, обезбедување со камери, со чувар и останатите пари да се искористат за сервисирање на машините и купување на нови машини на ЈП Водовод, коешто стопанисува со депонијата којашто е во очајна состојба.“Крмов нагласи дека не очекува опструкции од власта по ова прашање и дополнително побара Информацијата за кочанската депонија да се најде пред пратениците наредната Седница.„За жал, заради роковите на Собранието, нема да се најде на оваа Седница денеска. Но, ние очекуваме и се надеваме дека нема да има опструкции од владеjачкото мнозинство и дека ќе се најде на Седницата на дваесет и први кога ќе има исто и пратенички прашања.“

Македонија | пред 1 година

Собраниска делегација на брифинг во седиштето на НАТО во Брисел

Во заедничка организација на Парламентарното собрание на НАТО и НАТО, на 4-5 ноември 2024 година, се одржа редовниот брифинг за новоизбрани пратеници во седиштето на Алијансата во Брисел. На состанокот учествуваа пратеници од 9 земји членки и 5 асоцијативни делегации, кои за прв пат се дел од телата на Парламентарното собрание, меѓу кои и Делегацијата од Собранието во состав: Драган Ковачки - шеф на Делегацијата во ПС на НАТО, Беким Сали и Славјанка Петровска - членови на Делегацијата.Настанот претставуваше уникатна можност учесниците изворно да се информираат за начинот на функционирање и соработката меѓу парламентарниот и владиниот дел на Алијансата, како и за нејзините актуелните приоритети, политики и идни предизвици во пресрет на Самитот на НАТО во Хаг следната година. Беше поздравено значителното инвестирање и одвојување средства во делот на одбраната кај сите земји членки, со потенцијал истите да продолжат да се зголемуваат во следните години. Особено беше потенцирана потребата од континуирана комуникација меѓу земјите членки, координацијата на заедничките активности, како и зголемената соработка со индустријата, како клучни за нивно поуспешно делување, се наведува во соопштението од Собранието.Присутните беа согласни дека заштитата на универзалните вредности треба безусловно да продолжи и во иднина. Во тој контекст, беа разменети мислења за ситуацијата во Украина, но и за случувањата во Блискиот Исток, Медитеранот, Западниот Балкан, северот на Африка и Индо-Пацификот.Што се однесува до идните предизвици, се посвети особено внимание на размена на информации и искуства околу користењето на и инвестирањето во вештачката интелегенција, вселената, зајакнување на отпорноста и спречувањето на хибридните и сајбер нападите, злоупотребата на дезинформации и информациите за манипулации за политички и други цели, како и за ре-дефинирањето на односите и соработката со трети земји, се додава во соопштението.

Македонија | пред 1 година

(Фото) Пратеници на ДУИ протестираа пред Мицкоски додека говореше

Пратеници на ДУИ со транспаренти излегоа пред Владата и премиерот Христијан Мицкоски во знак на протест, дека Владата не е легитимна за Албанците. Според ДУИ, тие немаат претставник во Владата.„Без етничка припадност, нема охридски договор“, стоеше на еден од транспарентите, а кој алудираше на укинатиот Балансер.„Денес “големите команданти” Муса Џафери и Садула Дураки стоеја мирно пред премиерот Христијан Мицкоски, држејќи банерчиња во раце. ДУИ е демонтирано и од нив повеќе ништо не зависи“, вели Бране Петрушевски.

Македонија | пред 1 година

Ковачки на теренска посета и состаноци на Парламентарното собрание на НАТО во Грција

На заедничките состаноци и теренската посета на Политичкиот комитет и Комитетот за демократија и безбедност на ПС на НАТО, од 14 до 16 октомври 2024 година во Атина и Хања (Крит), Република Грција, учествуваше шефот на Делегацијата на Собранието во Парламентарното собрание на НАТО, Драган Ковачки.Првиот ден на посетата во Атина се одвиваше во Парламентот на Република Грција, каде на парламентарците им се обратија: претседателот на Парламентот Константинос Тасулас, шефот на Грчката делегација во ПС НАТО Димитриос Каиридис и заменик-министерот за национална одбрана Јанис Кефалојанис.На тематските сесии посветени на повеќе актуелни безбедносни прашања, парламентарците имаа можност од високите претставници од безбедносниот и одбранбениот сектор на Република Грција и од академската фела, да се запознаат со грчката перспектива кон безбедноста и политичките случувања во јужното крило на НАТО, каде спаѓа и РС Македонија, потоа за Грчката перспектива за предизвикот на Кина кон поредокот заснован на правила и растечката миграција и мигрантските предизвици.На теренската посета во Хања (Крит), парламентарците од ПС НАТО се запознаа со функционирањето на Оперативниот поморски тренинг центар на НАТО, каде поздравно обраќање имаше претседателот на Постојаната комисија за национална одбрана и надворешни работи во Парламентот на Република Грција. Беа посетени и НАТО центарот за извонредност за воздушна и ракетна одбрана и НАТО поморскиот центар за обука, како и поморската база Суда, каде високи воени функционери ја објаснија задачата и улогата на овие воени постројки. Крајот на посетата беше резервиран за обиколка на воздушната и поморската инфраструктура на НАТО и САД во Грција, каде беше презентирано како заеднички функционираат и логистички се поддржуваат армијата на Грција, армијата на САД и НАТО во вежбовните воздушни и поморски маневри во Медитеранот.Специјализираните состаноци и теренските посети на воена инфраструктура во рамките на ПС НАТО се одржуваат според класифицирани безбедносни критериуми и Chatham House Rules, при што не се дозволува поголема елаборација на содржината во јавната медиумска сфера.

Македонија | пред 1 година

Средба Мицевски-Меидани: Албанија е посветена кон заедничкиот стремеж за интеграција на двете земји во ЕУ

Координаторот на Пратеничката група на ВМРО-ДПМНЕ и Коалицијата „Твоја Македонија“, Никола Мицевски, одржа средба со амбасадорот на Република Албанија, Денион Меидани.Посакувајќи му успешна работа на новиот албански амбасадор, координаторот Мицевски изрази задоволство од билатералната соработка меѓу двете соседни земји и увереност дека амбасадорот ќе даде значаен придонес во идното продлабочување на пријателските односи меѓу двете држави.Амбасадорот Меидани порача дека Албанија е посветена кон заедничкиот стремеж за интеграција на двете земји во Европската Унија, како и споделување искуства во насока на поттикнување реформски и демократски процеси.Соговорниците разменија нови идеи и начини за унапредување на билатералните односи, како и тоа дека двете земји споделуваат заеднички вредности и придонес кон регионалната соработка.

Македонија | пред 1 година