УКРАИНА

Стармер: Не смее да се заборави Украина поради конфликтот во Иран

Британскиот премиер Кир Стармер за време на средбата со украинскиот претседател Володимир Зеленски во Лондон нагласи дека „фокусот мора да остане на Украина“ и покрај тековниот конфликт во Иран. Примачувајќи го Зеленски во Дауннинг Стрит, Стармер посочи дека „Путин не смее да профитира од конфликтот во Иран, ниту преку цените на нафтата, ниту преку укинување на санкциите“.Средбата се одржува во момент кога американско-израелскиот конфликт со Иран влегува во третата недела, додека американскиот претседател Доналд Трамп продолжува со критики кон Обединетото Кралство и други земји за нивниот одговор на ситуацијата.За време на разговорите, двата лидери се договорија за ново одбранбено партнерство насочено кон спречување на напади со евтини дронови. Според соопштението од Дауннинг Стрит, партнерството ќе ја комбинира „украинската експертиза и индустриска база на Обединетото Кралство“ за производство и снабдување со дронови и други воени капацитети, со можност за поширока соработка со трети земји за зајакнување на меѓународната безбедност. Британија ќе обезбеди и 500.000 фунти за финансиирање на Центар за извонредност за вештачка интелигенција во Киев.Стармер потенцира дека поддршката на Обединетото Кралство за Украина останува непоколеблива: „Нашата решеност е несломлива. Јасно е дека на Блискиот исток се одвива конфликт, но не смее да се изгуби од видокруг што се случува во Украина и потребата за нашата поддршка“.Британскиот министер за одбрана Џон Хили додаде дека „се повеќе е важно да се потпреме на украинската експертиза и иновации“, додека Стармер истакна дека дроновите, електронското војување и брзите иновации на бојното поле се клучни за националната и економската безбедност, особено во контекст на конфликтот на Блискиот исток.Зеленски се заблагодари на Обединетото Кралство за поддршката, истакнувајќи дека „бевте со нас во текот на целата тешка зима“. Посетата на Лондон е дел од неговата турнеја по европските престолнини со цел да обезбеди понатамошна поддршка и да го одржи конфликтот со Русија, кој влезе во четвртата година, во центарот на вниманието на сојузниците.Украинскиот претседател нагласи дека Киев има „најголемо искуство во светот во спречување на напади со дронови“, користејќи евтини, масовно произведени дронови пресретачи за заштита на своето небо, а неговите воени експерти се испратени во Катар, ОАЕ и Саудиска Арабија за помош во одбраната од дронови лансирани од Иран.

Свет | пред 1 седмица

Русија планира масовно населување и големи проекти на окупираните територии на Украина

Руските власти планираат до 2045 година да преселат околу 114.000 граѓани на окупираните делови од Украина, покажуваат таканаречените „развојни планови“ за Донецк, Луганск, Запорожје и Херсон. Плановите се изработени од руската државна развојна корпорација VEB.RF и Единствен Институт за просторен развој.За таа цел, Русија развила 15 главни мастер-планови и 10 проекти за просторен развој. Според нив, населението би требало да се зголеми за 67.100 луѓе со реализација на мастер-плановите и дополнителни 46.700 преку проектите за урбанизирање. Се предвидува изградба на над 13 милиони квадратни метри нови станбени објекти, повеќе од 140 градинки, десетици училишта и околу 100 амбуланти и поликлиники. Плановите предвидуваат и изградба или реконструкција на над 3.270 километри патишта, речиси 430 километри железнички пруги со 19 станици, како и развој на марици за јахти и пристаништа, плус обновување на четири аеродроми.Во индустрискиот сектор се планирани 25 индустриски паркови, осум фабрики за машиноградба, 15 фабрики за градежни материјали и шест рударски и прерадбени погони.Русија исто така планира развој на туризмот на окупираните територии, со цел до 2044 година да привлече до 9,4 милиони туристи. Како потенцијално атрактивни дестинации се наведуваат Приморск и Геническ, а дополнително и Арабатска превлака, Мариупол, Кириловка, Скадовск и крајбрежјето на Запорожската област.Анализата проценува дека за реализација на сите проекти ќе бидат потребни околу 225.400 вработени.

Свет | пред 1 седмица

Зеленски ја прифати помошта од ЕУ за поправка на нафтоводот „Дружба“

Украина се согласи на надворешна инспекција на оштетениот нафтовод „Дружба“, која ќе биде финансирана од Европска Унија, потврдија денеска од Брисел. Овој чекор доаѓа само два дена пред клучниот самит на европските лидери, каде што се бара решение за деблокирање на заемот за Украина во вредност од 90 милијарди евра, кој е блокиран поради вето од Унгарија.Политичкиот исчекор се случува во пресрет на состанокот на лидерите на ЕУ, на кој во фокусот ќе биде токму унгарската блокада. Европската Унија се обидува да обезбеди исплата на заемот договорен уште во декември, но ветото на Будимпешта сè уште го попречува процесот. Во заедничка изјава, претседателката на Европска комисија, Урсула фон дер Лајен, и претседателот на Европскиот совет, Антонио Кошта, наведоа дека ЕУ ѝ понудила техничка и финансиска поддршка на Украина, што украинската страна ја прифатила, додавајќи дека европските експерти се веднаш достапни.Унгарскиот премиер Виктор Орбан тврди дека нафтоводот, преку кој се транспортира евтина руска нафта, е функционален и дека украинскиот претседател Володимир Зеленски го блокира од политички причини поврзани со претстојните избори во Унгарија на 12 април. Зеленски, пак, изјави дека е под притисок од европските сојузници повторно да го отвори нафтоводот, што го оцени како лоша идеја, иако нагласи дека станува збор за негов личен став.Во писмо до европските лидери, Зеленски ги отфрли обвинувањата на Орбан како неосновани и посочи дека прекинот во снабдувањето е последица на руски напади врз нафтоводот и придружната инфраструктура кон крајот на јануари. Според него, пумпната станица Броди во источна Украина претрпела сериозни оштетувања, што го прави безбедниот транспорт на нафта невозможен. Тој додаде дека поправката би траела околу месец и половина, доколку не дојде до нови напади.Европските лидери нагласија дека поправката на „Дружба“ станала уште поважна поради нестабилноста на енергетските пазари, поттикната од конфликтите на Блискиот Исток, кои ја зголемија цената на нафтата над 100 долари за барел. Во меѓувреме, одлуката на Соединети Американски Држави да ги ублажи санкциите за руската сурова нафта предизвика критики од европските сојузници.И покрај неизвесноста, Брисел се надева дека новиот компромис ќе помогне да се надмине ќор-сокакот и да се овозможи брза санација на нафтоводот. Сепак, засега останува нејасно дали овој потег ќе биде доволен Виктор Орбан да го повлече ветото пред изборите во април.

Свет | пред 1 седмица

Зеленски: Русија му помогнала на Иран

Претседателот на Украина, Володимир Зеленски, изјави дека Русија му помогнала на Иран да ги унапреди дроновите „Шахед“, кои денес претставуваат закана за земјите на Блискиот Исток.Во интервју за „Jерусалем пост“, што го пренесува Украинформ, Зеленски наведе дека овие дронови значително напредувале во однос на почетните верзии користени на почетокот на војната во Украина.Тој изјави дека Иран, и покрај претходните негирања, испорачал дронови на Русија, ги обучил руските сили за нивна употреба и споделил технологија и лиценци за производство.Според него, Русија сега возвраќа со обезбедување унапредени верзии и техничко знаење за Иран.„Ова е огромна количина знаење од бојното поле. Тоа се нови технологии засновани на иранските развои и сето тоа ќе има влијание врз други региони. Секогаш сум зборувал за Африка, Блискиот Исток и Европа“, додаде украинскиот лидер.Зеленски предупреди дека заканата од дронови се проширила надвор од Украина и сега ги погодува Израел, земјите од Персискиот Залив и американските сили во регионот, оценувајќи дека искуствата од бојното поле доведуваат до развој на нови технологии што влијаат врз повеќе региони во светот.

Свет | пред 1 седмица

Иран: Зеленски се обидува да ја вовлече Украина во конфликт со Техеран

Портпаролот на иранското Министерство за надворешни работи Есмаил Багаеи изјави дека украинскиот претседател Володимир Зеленски веќе четири години го вовлекува украинскиот народ во постојана војна со Русија и се обидува да вовлече и други држави во конфликтот.„Со жалење забележуваме дека народот на Украина навистина падна под влијание на човек кој веќе четири години ја води оваа земја – иако немаме проблем со украинскиот народ – кон неизбежна војна и постојано инсистира на продолжување на тој пат. Бидејќи не успеа да ги постигне целите што му беа наметнати од други, за жал, постојано се обидува да вовлече и други земји во конфликтот“, изјави Багаеи на брифинг, одговарајќи на прашање за изјавите на Зеленски за испраќање воени советници.Тој реагираше на најавите дека украински воени советници би можеле да им помогнат на американските сојузници во одбраната од ирански дронови.„Од самиот почеток изјавивме дека не играме никаква улога и дека не се мешаме во конфликтот во Украина“, додаде тој, истакнувајќи дека обвинувањата дека Иран е вмешан во војната се неосновани.Според него, Зеленски, „заглавен во мочуриштето на војната со Русија“, се обидува да го вовлече украинскиот народ и во конфликт со Иран преку испраќање воени советници на Блискиот Исток за борба против ирански беспилотни летала.Во меѓувреме, тензиите во регионот дополнително се зголемија откако САД и Израел на 28 февруари изведоа серија напади врз цели на територијата на Иран, вклучително и во Техеран. Во нападите имало и цивилни жртви, по што Иран возврати со ракетни напади врз израелска територија и врз американски воени објекти на Блискиот Исток.

Свет | пред 2 седмици

Анкета во Унгарија: мнозинството се против влез на Украина во ЕУ и имаат недоверба кон Зеленски

Мнозинството возрасни граѓани во Унгарија се против приклучување на Украина кон Европската унија и имаат изразено негативен став кон украинскиот претседател Володимир Зеленски, покажуваат резултати од најнова анкета објавена на 15 март 2026 година.Истражувањето е спроведено на почетокот на март од Институтот „Незопонт“ во соработка со јавната медиумска компанија МТВА. Според презентираните наоди, 64% од испитаниците изразиле негативно мислење за Зеленски.Во истиот контекст, 79% од анкетираните негативно ја оцениле наводната „закана“ што Зеленски ја упатил кон унгарскиот премиер Виктор Орбан. Одделно, податоците укажуваат дека 35% се противеле на истрага за тоа како Украина располагала со средствата добиени како помош.Анализата наведува и значајни разлики во перцепцијата зависно од партиската припадност. Кај гласачите на владејачката партија „Фидес“ и кај поддржувачите на „Ми Хазанк“ доминира отфрлање на споменатата „закана“, додека кај гласачите на опозициската „Тиса“ ставовите биле поделени, со наведување дека мнозинството од нив гледале позитивно на потегот.Во изјавата што ја пренесуваат унгарските медиуми, се посочува и дека меѓу гласачите на „Тиса“ има пошироко позитивно расположение кон Украина, поради што партиското раководство настапува внимателно во прашањата што, според оценките, може да имаат долгорочно влијание врз внатрешнополитичките приоритети и надворешната позиција на земјата.Анкетата дополнително нотира дека значителен дел од испитаниците сметаат оти унгарската држава треба да преземе конкретни мерки и да инсистира на проверка на начините на кои се користат средствата што Украина ги добива како помош.

Свет | пред 2 седмици

Земјите од Заливот бараат помош од Украина за одбрана од ирански дронови

Украина бара финансиска и технолошка поддршка во замена за експертска помош за одбрана од ирански беспилотни летала во земјите од Персискиот Залив, изјави украинскиот претседател Володимир Зеленски.Според него, Киев испратил неколку експертски тимови на Блискиот Исток кои треба да направат проценка на системите за одбрана од дронови и да демонстрираат како може да се спротивстави на нападите со беспилотни летала.Секој од тимовите се состои од неколку десетици експерти кои ќе работат на анализа на одбранбените капацитети на земјите во регионот.Зеленски посочи дека државите од Персискиот Залив веќе потрошиле значителни количини противвоздушни ракети во одбрана од иранските дронови „Шахед“ и затоа побарале експертиза од Украина, која има големо искуство во нивно пресретнување поради војната со Русија.Украинските сили секоја ноќ пресретнуваат руски дронови користејќи различни системи, вклучително и поевтини беспилотни летала и опрема за електронско попречување.Украински тимови веќе биле испратени во Катар, Обединетите Арапски Емирати и Саудиска Арабија, а експерти работеле и во американска воена база во Јордан.„Ние не сме во војна со Иран. Ова не е учество во операции, туку проценка како да се заштитиме од дроновите“, изјави Зеленски.Тој додаде дека разговорите за тоа каква помош ќе добие Украина за возврат сè уште траат, но нагласи дека за Киев во моментов се клучни и технологијата и финансиската поддршка.

Свет | пред 2 седмици

Четири жртви во руски напади врз Украина, Зеленски обвинува за злоупотреба на кризата во Иран

Претседателот на Украина, Володимир Зеленски, изјави дека Русија го користи конфликтот во Иран како параван за засилување на нападите врз Украина.Според украинските власти, Москва во текот на ноќта извршила напади со ракети и беспилотни летала, при што загинале четири лица, а штета е регистрирана во пет региони низ земјата.„Русија ќе се обиде да го искористи конфликтот на Блискиот Исток за да предизвика уште поголеми разурнувања овде во Европа, во Украина“, изјави Зеленски.Нападите доаѓаат во период на зголемени глобални тензии, додека војната меѓу Русија и Украина продолжува, а конфликтот на Блискиот Исток дополнително ја усложнува меѓународната безбедносна состојба.

Свет | пред 2 седмици

Ирански функционер: Украина се вмеша во војната и стана легитимна цел

Иранскиот функционер Ебрахим Азизи изјави дека Украина, со наводната поддршка за Израел во тековниот конфликт, се вмешала во војната и со тоа ја направила својата територија легитимна цел за Иран.Азизи тврди дека Киев обезбедува поддршка со беспилотни летала за, како што го нарече, „израелскиот режим“.„Со обезбедувањето беспилотна поддршка за израелскиот режим, пропаднатата Украина всушност се вклучи во војната и, според член 51 од Повелбата на Обединетите нации, ја претвори целата своја територија во легитимна цел за Иран“, изјави тој.Членот 51 од Обединетите нации се однесува на правото на државите на самоодбрана во случај на вооружен напад.Засега нема официјална реакција од украинските власти на овие обвинувања. Изјавата доаѓа во време на зголемени тензии на Блискиот Исток и ширење на конфликтот меѓу Иран, Израел и Соединетите Американски Држави.

Свет | пред 2 седмици

Руски напади во три региони на Украина: има загинати и повредени

Во руско гранатирање во југоисточниот украински регион Дњепропетровск загинало едно лице, а шестмина се повредени, додека жртви има и во регионите Запорижје и Белгород, соопштија локалните власти.Шефот на воената администрација на Дњепропетровската област, Олександр Ганжа, преку Телеграм информира дека руските сили нападнале две локации во регионот, при што има загинати и повредени.Напад бил регистриран и во југоисточниот регион Запорижје. Гувернерот Иван Федоров соопшти дека четири лица се повредени во напад во близина на главниот град на регионот, кој го носи истото име – Запорижје.Во меѓувреме, од другата страна на границата, во руската Белгородска област, регионалниот гувернер Вјачеслав Гладков изјави дека едно лице загинало во украински напад врз село во близина на границата.Нападите се дел од продолжените борби меѓу руските и украинските сили, кои со месеци се водат на повеќе фронтови долж источниот и јужниот дел на Украина.

Свет | пред 2 седмици

Зеленски пристигна во Париз: Следува средба со Макрон

Претседателот на Украина, Володимир Зеленски, пристигна во Париз, каде што треба да се сретне со францускиот претседател Емануел Макрон, соопшти портпаролот на украинскиот претседател, Сергиј Никифоров.Тој напомена дека програмата на посетата вклучува разговори меѓу претседателите на Украина и Франција, а Зеленски ќе се сретне и со студенти, пренесува Укринформ.Како што беше претходно најавено, двајцата претседатели ќе разговараат за актуелната состојба во Украина, поддршката од Франција и европските партнери во помошта за Киев, како и за начините за зголемување на притисокот врз Русија, вклучително и борбата против таканаречената руска „сенковита флота“, пренесе Укринформ.На средбата соговорниците ќе разменат мислења и за условите за постигнување праведен и траен мир.

Свет | пред 2 седмици

Зеленски во официјална посета на Романија: разговори за одбрана, енергија и обнова на Украина

Претседателот на Украина Володимир Зеленски пристигна во официјална посета на Романија, потврди неговиот портпарол Сергиј Никифоров, пренесе „Украинска правда“.Зеленски ќе се сретне со романскиот претседател Никушор Дан во палатата Котрочени во Букурешт. Се очекува разговорите да се фокусираат на одбранбена и енергетска соработка, обновата на Украина и проширувањето на Европската Унија.За време на посетата тој ќе се сретне и со романскиот премиер Илие Болојан и ќе го посети центарот за обука на пилоти на борбените авиони Ф-16.По посетата на Романија, Зеленски на 13 март треба да отпатува во Париз на разговори со францускиот претседател Емануел Макрон. Се очекува темите да бидат поддршката за Украина и мерките против руската флота во сенка на танкери. Можно е Зеленски да учествува и на состанокот на Европскиот совет на 19 и 20 март во Брисел.

Свет | пред 2 седмици

Зеленски: Ако никој не ja запре војната на Блискиот исток, може да се претвори во светска војна

Ако конфликтот на Блискиот исток наскоро не се запре, тој би можел да прерасне во светска војна, изјави денеска украинскиот претседател Володимир Зеленски.Ако никој брзо не ja запре војната на Блискиот исток, таа може да трае многу долго и да се претвори во светска војна“, рече Зеленски, пренесува Укринформ.Тој оцени дека светот е многу близу до нова светска војна.Многу сме блиску. Не гледам како операцијата во Иран може да биде брза. Гледам повеќе глобални предизвици. Ако војната не се запре до есен, ќе трае долго“, додаде Зеленски.Украинскиот претседател исто така нагласи дека Русија подоцна би можела да испрати свои единици за помош на Иран.Технички, светот не е подготвен за ова. Европа не е подготвена, освен поединечни земји. Германците се многу брзи, но тоа не е доволно. Нема доволно време да се подготвиме за такви предизвици оваа година“, заклучи Зеленски.

Свет | пред 2 седмици

Зеленски: САД побараа одложување на преговорите со Русија поради кризата на Блискиот Исток

Украинскиот претседател Володимир Зеленски изјави дека Украина е подготвена за нови мировни преговори со Русија со поддршка на Соединетите Американски Држави, но дека вниманието на меѓународната заедница во моментов е насочено кон конфликтот меѓу САД, Израел и Иран.Зеленски соопшти дека Вашингтон побарал одложување на претстојниот состанок, кој требало да се одржи оваа недела, поради актуелната безбедносна криза на Блискиот Исток.„Целото внимание на нашите партнери е насочено кон ситуацијата околу Иран и затоа состанокот, планиран за оваа недела, се одложува на предлог на САД“, напиша Зеленски во објава на социјалната мрежа Икс.Тој додаде дека Украина примила 11 барања од држави во соседството на Иран, како и од САД и европски земји, за помош во соборување на беспилотни летала кои, според нив, биле лансирани од Техеран.„Русија се обидува да ја искористи ситуацијата на Блискиот Исток и во регионот на Персискиот Залив за да манипулира во корист на својата агресија“, наведе Зеленски.Мировните преговори, чија цел е завршување на четиригодишниот конфликт меѓу Украина и Русија, досега не донеле напредок по клучните прашања, особено поради руските барања Украина да направи територијални отстапки.По состанок за национална безбедност, Зеленски изјави дека постои значителен интерес за украинското искуство во развојот на системи за пресретнување дронови, електронско војување и обука за борба против беспилотни летала.Тој нагласи дека Украина е подготвена позитивно да одговори на барањата на државите кои ѝ помагаат во одбраната и заштитата на нејзината независност.Во изјава за „Њујорк тајмс“, Зеленски посочи дека Украина испратила дронови-пресретнувачи и тим специјалисти во Јордан, додека според информации на агенцијата „Ројтерс“, САД и Катар водат преговори за купување украински дронови-пресретнувачи.

Свет | пред 3 седмици

Украинската државна банка бара од Унгарија да врати пари, злато и оклопни возила

Украинската државна банка соопшти дека ќе покрене правни постапки за да ја врати банкарската имотина која, според неа, и понатаму се наоѓа во Унгарија, откако унгарските власти привеле нејзини вработени и заплениле возила што служеле за транспорт на вредности.Според соопштението на банката, седумте вработени кои биле привремено задржани од унгарските власти веќе се вратиле дома, но „возилата и вредностите“ и натаму се задржуваат без законска основа. Банката најави дека ќе преземе два правни чекори: жалба на рестриктивните мерки што ги вовеле унгарските миграциски власти и постапка поврзана со наводно кршење на правата на вработените за време на притворот.Банката наведува дека притворот траел повеќе од еден ден и дека во тој период, според нивните тврдења, лицата немале пристап до правна помош и конзуларна поддршка.Во истиот контекст, банката соопшти дека ќе бара враќање на запленетиот имот, меѓу кој се споменуваат два транспортни возила за пренос на готовина и вредности, како и средства и злато што се превезувале. Банката тврди дека транспортот бил изведен согласно украинските закони и дека релевантната документација е доставена до Националната банка на Украина за проверка. Дополнително, се разгледува и ангажирање независна меѓународна ревизорска куќа за да ги провери договорите и процедурите поврзани со операцијата.Инцидентот се случува во период на засилени тензии меѓу Киев и Будимпешта. Унгарските власти случајот го поврзаа со сомневања за перење пари, а од унгарска страна беа изнесени и тврдења за можни врски со криминални структури. Украинските власти реагираа остро, оценувајќи дека станува збор за неприфатлив потег што дополнително ги нарушува односите меѓу двете земји.Во позадина, според украински и унгарски медиумски наводи, се надоврзуваат и политички несогласувања околу транзитот на руска нафта преку нафтоводот „Дружба“, кој извесен период не е во функција, што дополнително ја подгрева дипломатската напнатост.

Свет | пред 3 седмици

(Видео) Пожар во нафтено складиште во Русија по напад со дрон, Москва ја обвинува Украина

Пожар избувна доцна синоќа во складиште за нафта во Краснодарската област во Русија, откако, според руските власти, бил извршен напад со украински дрон.Регионалниот кризен штаб соопшти дека огнот избувнал во складишно и претоварно постројување на Јужната нафтена компанија во градот Армавир. Засега нема официјален коментар од украинските власти за овие наводи.Руското Министерство за одбрана тврди дека во текот на ноќта над Краснодарската област биле соборени четири украински дрона. Пожарот во нафтеното складиште го потврдија и локални канали на Телеграм, како и очевидци од местото на настанот.Жителите на Армавир изјавиле дека непосредно пред избувнувањето на пожарот слушнале неколку експлозии и забележале дејствување на противвоздушната одбрана.На снимки и фотографии што се шират на социјалните мрежи се гледаат големи пламенови над индустрискиот објект, додека на местото пристигнуваат противпожарни и спасувачки екипи.Краснодарската област, која се наоѓа на југозападот на Русија покрај Црното Море, повеќепати била цел на напади со беспилотни летала во рамки на украинската кампања насочена кон руската енергетска и воена инфраструктура. Украина во изминатиот период често изведува напади длабоко во руската територија, користејќи беспилотни летала произведени во сопствен развој.

Свет | пред 3 седмици

Орбан до Зеленски: Не ѝ се заканувајте на Унгарија со војници, прекинете со уцените

Унгарскиот премиер Виктор Орбан денеска на социјалната мрежа Икс објави порака упатена до украинскиот претседател Володимир Зеленски, во која го обвини за закани и уцени и побара да престане со притисоците и да овозможи непречен премин на унгарските пратки на нафта.„Претседателе, ја примив вашата порака. Ми се заканивте со војници и преку мене на цела Унгарија. Претседателе, тоа не поминува. Престанете со тоа. Ова е Унгарија. Унгарците не може да се уценуваат, а мене не можете да ме заплашите. Синоќа Унгарците порачаа дека не сакаат влада наклонета кон Украина и не сакаат проукраински премиер во Унгарија. Подобар е мирот. Престанете со уцените и заканите. Прекинете ја нафтената блокада и пуштете ги унгарските пратки на нафта. Наместо закани и уцени, дајте им на Унгарците почитта што ни припаѓа“, напиша Орбан.Нивниот спор во последните денови ескалираше откако Зеленски на средба со новинарите изјави дека би можел „да даде адреса на една личност во Европската Унија“ која ја блокира европската помош за Украина, за украинските војници „да ја повикаат и да разговараат со неа на свој јазик“.Во Будимпешта, но и во дел од Европската Унија, ова беше протолкувано како алузија на Орбан, кој повеќепати се судри со европските партнери околу пакетите помош за Киев. Паралелно трае и спорот околу енергетиката, при што унгарската страна зборува за „нафтена блокада“ и тврди дека се загрозува снабдувањето со енергенси.

Свет | пред 3 седмици

Украинската ПВО пресретнала 19 руски ракети и 453 дрона во ноќен напад

Украинската војска соопшти дека во текот на претходната ноќ нејзината противвоздушна одбрана пресретнала 19 руски ракети и 453 дрона од различни типови.Според соопштението, девет ракети и 26 јуришни дрона биле погодени на 22 локации, додека остатоци од беспилотни летала биле пронајдени на уште пет места. Како главни цели на нападот се наведуваат Киев, Харков, Житомирската област, Хмељницката област и Чернивецката област.Од другата страна, руското Министерство за одбрана објави дека „пресретнало и уништило“ украински беспилотни летала над неколку региони. Според нивното соопштение, најголем дел од дроновите — 29 — биле соборени над Брјанската област, 15 над Орловската област и 11 над Белгородската област.Руското министерство, како што е наведено, не пријавило евентуална штета предизвикана од тие напади.

Свет | пред 3 седмици

Балистички ракети и дронови над Киев и Харкив: погодена станбена зграда, најмалку петмина загинати

Русија во ноќеска изведе напад со балистички ракети и беспилотни летала врз Киев и други украински градови. Во Харкив, при директен удар врз повеќекатна станбена зграда, загинаа најмалку пет лица, а десетмина се повредени, соопштија локалните власти.Според првичните информации, проектилот ја погодил зградата во киевскиот реон на Харкив, по што избувнал пожар и настанале големи разурнувања. Спасувачките екипи извлекле тела на жртвите од урнатините, додека потрагата и расчистувањето продолжија и по нападот.„Потврдено е дека балистички проектил директно погоди повеќекатница. Има значителна штета, избувна пожар, а можно е луѓе да се заробени под урнатините“, соопшти градоначалникот на Харкив, Игор Терехов.Државната служба за вонредни состојби наведе дека меѓу повредените има и две деца. Во меѓувреме, во Чугуев во Харкивската област, уште две лица биле повредени откако руски дрон околу 01:20 часот погодил семејна куќа.Експлозии биле пријавени и во украинскиот главен град. Првите детонации се слушнале околу 01:30 часот по локално време, а нови следеле десетина минути подоцна. Градоначалникот на Киев, Виталиј Кличко, ги повика граѓаните да останат во засолништа додека дејствува противвоздушната одбрана.„Во главниот град дејствуваат силите на противвоздушната одбрана. Останете во засолништа“, порача Кличко.Поради нападот, околу 03:00 часот била прогласена воздушна тревога за целата земја. Експлозии биле забележани и во Одеса, а украинските воздушни сили известиле за повеќе групи дронови кои се приближувале кон градот.Украинските власти повторно укажаа дека нападите сè почесто ги погодуваат цивилните населби и критичната инфраструктура, додека службите на терен се обидуваат да ја проценат штетата и да обезбедат помош за погодените населени места.

Свет | пред 3 седмици

Орбан до Зеленски: Ќе ја пробиеме нафтената блокада, не се плашам од закани по живот

Унгарскиот премиер Виктор Орбан изјави дека лично не е загрижен поради заканите по живот кои, како што тврди, му ги упатил украинскиот претседател Володимир Зеленски, нагласувајќи дека нема да дозволи неговата татковина да биде загрозена.Орбан истакна дека спорот околу нафтоводот „Дружба“ не е прашање што се однесува лично на него, туку, како што рече, станува збор за снабдувањето на Унгарија со енергија.Тој предупреди дека ќе ги искористи сите политички средства за да ја пробие украинската нафтена блокада.Орбан, како што пренесува унгарскиот медиум Hirado, јасно ставил до знаење дека Унгарија не може да биде принудувана или уценувана кога станува збор за енергетската безбедност.Според неговите зборови, Украинците ја ставиле Унгарија под нафтена блокада, што владата има намера да ja спречи со сите расположливи средства.Тој нагласи дека нафтата која чека транзит е сопственост на Унгарија, а украинската страна е должна да ја испорача врз основа на договорите на Европската Унија.Орбан додаде дека ќе ги искористи сите политички и финансиски средства за пробивање на нафтената блокада, но исклучи воена интервенција, бидејќи, како што рече, „унгарската влада стои на страната на мирот“.Енергијата е прашање на внатрешната политика и директно ги погодува џебовите на секое унгарско семејство. Ако не се браниме, Унгарците ќе ја платат цената. Затоа ќе се браниме и ќе го разбиеме ова – ќе ја пробиеме нафтената блокада, и никакви закани по живот не можат да ме одвратат од тоа“, нагласи Орбан.Претходно денеска, украинскиот претседател Зеленски му порача на Орбан дека украинските вооружени сили би можеле да бидат насочени кон него доколку Унгарија продолжи да го блокира заемот на Европската Унија за Украина во износ од 90 милијарди евра.Се надеваме дека одредена личност нема да го блокира кредитот од 90 милијарди евра или неговата прва транша во Европската Унија, а тогаш Украинците ќе имаат оружје. Во спротивно, ќе им ја дадеме адресата на таа личност на нашите вооружени сили, на нашите синови – нека го повикаат и разговараат со него на свој начин“, најави Зеленски, пренесува Hirado.Будимпешта го презеде овој чекор како одговор на одлуката на Киев да го запре транзитот на руска нафта преку нафтоводот „Дружба“.

Свет | пред 3 седмици

Зеленски: САД побараа помош од Украина во борбата против иранските дронови

Украинскиот претседател Володимир Зеленски изјави дека Соединетите Американски Држави побарале од Украина помош во одбраната од беспилотни летала на Блискиот Исток.Зеленски во објава на социјалната мрежа Икс појасни дека станува збор за конкретно барање за поддршка во одбраната од иранските дронови од типот „Шахед“.„Добивме од Соединетите Американски Држави барање за конкретна помош во одбраната од ‘Шахед’ на подрачјето на Блискиот Исток“, напиша Зеленски.Тој додаде дека веќе издал наредба да се обезбедат потребните средства и да се ангажираат украински експерти кои можат да ја гарантираат потребната безбедност.

Свет | пред 3 седмици

Фицо: Зеленски лаже, имаме докази дека „Дружба“ не е оштетена

Словачкиот премиер Роберт Фицо изјави дека располага со тајни сателитски снимки кои докажуваат дека нафтопроводот Дружба, по кој порано се пренесувала руска нафта, не е оштетен.Фицо директно го обвини украинскиот претседател Володимир Зеленски дека лаже за состојбата на нафтопроводот, пренесува Kyiv Independent.Освен еден мал резервоар за складирање, главната траса на нафтопроводот Дружба не е оштетена. Значи, претседателот Зеленски очигледно лаже“, изјави Фицо за словачкиот портал Aktuality. „Веројатно мислеше дека на тој начин може да ги уценува Словачка и Унгарија, иако не ми е јасно што сака да постигне.Словачкиот премиер не можеше да ги достави снимките до медиумите, тврдејќи дека фотографиите се класифицирани и не можат да се споделат. Нафтопроводот, кој минува низ Украина, престана со работа во јануари откако Киев соопшти дека е оштетен при руски напад на западот на земјата. Фицо и на крајот на февруари тврдел дека словачката разузнавачка служба „потврдува дека нафтопроводот не е оштетен и дека ништо не го спречува транзитот на нафта“.Во одговор на обвинувањата, советникот на Зеленски, Дмитро Литвин, изјави дека Украина го повикала Фицо за овие „сериозни прашања“ да разговараат лично, наместо да комуницираат преку социјални мрежи.Словачка најави прекин на итните испораки на електрична енергија кон Украина како одговор на запрените испораки на нафта, што предизвика критики од Киев. Унгарија и Словачка исто така го запреле извозот на дизел во Украина.Украина купува електрична енергија, не ја добива бесплатно. Владата на Фицо со тоа само ќе им ја скрати заработката на словачките компании, а Украина ќе ја набави струјата од други извори“, изјави за Kyiv Independent портпаролот на украинското Министерство за надворешни работи, Георхиј Тихи.

Свет | пред 3 седмици

Зеленски донесе одлука: Украина испраќа експерти за ирански дронови на Блискиот исток

Володимир Зеленски објави дека неговата земја ќе испрати дел од своите воени експерти на Блискиот исток за да помогнат во борбата против иранските дронови и проектили. Зеленски на платформата X соопшти дека ги задолжил клучните министри и шефовите на безбедносните служби да изработат план за помош кој нема да ги загрози одбранбените способности на Украина, јавува The Hill.Според зборовите на Зеленски, Иран во само неколку дена лансирал повеќе од 800 проектили и над 1.400 јуришни дронови.Токму иранските дронови и проектили претставуваат главна закана за слободната пловидба, дестабилизирајќи ги глобалните цени на нафтата, нафтените деривати и гасот“, напиша тој.Зеленски посочи дека се советува со партнери во Европа и САД, како и дека веќе разговарал со лидерите на Обединети Арапски Емирати, Катар, Јордан и Бахреин. Во план се и разговори со Кувајт и други земји во регионот.Сите тие се соочуваат со сериозна закана и отворено зборуваат: иранските јуришни дронови се исти 'Шахеди' кои напаѓаа по нашите градови, села и украинската инфраструктура за време на оваа војна“, додаде Зеленски.Иранските дронови Шахед-136 се оружје кое го користат руските сили во војната против Украина.

Свет | пред 3 седмици

Сијарто: Поголема е веројатноста Киев да остане без пари отколку Унгарија без нафта

Унгарскиот министер за надворешни работи и трговија, Петер Сијарто, денес изјави дека не се очекува напредок во врска со блокадата на нафтоводот „Дружба“ пред априлските избори во Унгарија.Тој оцени дека доколку актуелната власт во Будимпешта остане на позиција и по изборите, Украина ќе мора да постигне договор, бидејќи, како што нагласи, поголема е веројатноста Киев да остане без пари отколку Унгарија без нафта. Истовремено, украинскиот министер за енергетика Денис Шмигал соопшти дека сè уште не е донесена одлука за продолжување на работата на тој нафтовод кон Унгарија и Словачка.Сијарто, како што пренесува МТИ, рече дека не очекува поместувања во врска со прекинот на испораките на руска нафта преку нафтоводот „Дружба“ до одржувањето на парламентарните избори, бидејќи, како што наведе, Украина се обидува да влијае врз нивниот исход со запирање на транспортот.Според неговите зборови, украинската компанија што управува со нафтоводот во повеќе наврати ја известила унгарската државна нафтена компанија МОЛ дека нафтоводот е во исправна состојба и дека се чека политичка одлука за обновување на транспортот.Ситуацијата е јасна. Ако победиме на изборите, што е многу веројатно, и продолжиме да ја водиме земјата, Украинците ќе мора да соработуваат со нас. Нивните пари ќе исчезнат пред нашата нафта“, истакна Сијарто.Тој оцени дека војната денес е „деловен модел“ во Украина, тврдејќи дека таа земја во последните четири години од Европската унија добила 193 милијарди евра, што, според него, е повеќе отколку што нејзината економија би можела да произведе во мирнодопски услови.Живеат од средствата што ги добиваат од ЕУ. Затоа им е важен и овој заем од 90 милијарди евра, бидејќи им недостигаат средства. Ако стане јасно дека во наредните четири години ќе мора да соработуваат со нас, веднаш по изборите ќе мора да постигнат договор“, рече Сијарто.Од друга страна, украинскиот министер за енергетика Денис Шмигал изјави дека сè уште не е донесена одлука за времето на продолжување на работата на нафтоводот „Дружба“, преку кој руската нафта се транспортираше кон Унгарија и Словачка.Тој наведе дека украинската енергетска компанија Нафтогаз ја привршува анализата на хаваријата на постројката, по што ќе бидат утврдени трошоците, роковите и ресурсите потребни за санација и обновување на контролата на системот.Според неговите зборови, незгодата на еден од резервоарите предизвикала значителни внатрешни оштетувања на нафтоводот, кои не се видливи од површината.

Свет | пред 3 седмици

Орбан: Блокадата на нафтоводот „Дружба“ од страна на Украина претставува уцена

Унгарскиот премиер Виктор Орбан повтори дека блокадата на нафтоводот „Дружба“ од страна на Украина претставува уцена од страна на претседателот на таа земја, Володимир Зеленски, со цел да ѝ помогне на унгарската опозициска партија Тиса да дојде на власт.Орбан го напиша ова на својот Фејсбук, прикачувајќи изјава на генералниот директор на националната енергетска компанија MOL, Жолт Хернади, кој рече дека нафтооводот „Дружба“ сам по себе не е оштетен.Унгарија нема да остане пасивна. Ќе ја разбиеме блокадата на нафтата и ќе го заштитиме снабдувањето на Унгарја со енергенти“, напиша Орбан, пренесува MTI.Хернади посочи дека бил претходно информиран дека пожарот ќе биде изгаснат и нафтоводот ќе почне со работа повторно за два или три дена, но украинската страна подоцна соопштила дека сè уште не е донесена одлука за повторно пуштање во функција, што, според него, тешко може да се објасни како технички проблем.Унгарскиот премиер остро реагираше на одговорот на украинскиот претседател Зеленски, нарекувајќи го „дрзок“, откако Украина одби да го отвори нафтоводот „Дружба“ кој ја снабдува Маѓарска со сурова нафта.Орбан на Фејсбук напиша дека додека на Зеленски не му се „врати здравиот разум“, Унгарија ќе ја одбива секоја одлука која ја фаворизира Украина, пренесува MTI.Тој истакна дека Зеленски во петокот дал „циничен“ одговор, барајќи од Унгарија да биде благодарна на Украина, дури и кога „ја затворила славината“ на споменатиот нафтовод.Премиерот на Унгарија нагласи дека Зеленски одбива да го отвори нафтоводот, и покрај постоечките договори меѓу Украина и Европската Унија кои го обврзуваат на тоа.Тој исто така посочи дека испратил писмо до претседателката на Европската комисија, Урсула фон дер Лајен, во кое ја известил за ситуацијата.

Свет | пред 3 седмици