УКРАИНА

Родниот град на Зеленски погоден од руски напади, инфраструктурата разурната, 15.000 корисници без струја

Во текот на ноќта руските војници извршија напад со беспилотни летала на Криви Рих во областа Днепропетровск, каде, според украинските власти, била зафатена енергетската инфраструктура на градот.„Уште еден напад на воздухопловните сили на регионот на Криви Рог. Противвоздушниот ракетен систем уништи пет беспилотни летала Шахед. Сепак, имаше неколку удари“, изјави Сергеј Лисак, шеф на регионот Днепропетровск, пренесува Укринформ.Тој појасни дека поради ова избувнале два пожари, а без струја се речиси 15.000 луѓе, како и две котлари во Криво Рог кои снабдуваат 43.000 корисници.Лисак додаде дека Русија со артилериско оружје го гранатирала Никополскиот регион, каде биле оштетени две приватни куќи, помошна зграда и далновод.Воздухопловните сили на вооружените сили на Украина соопштија дека руските војници извршиле напад во текот на ноќта со употреба на 14 беспилотни летала од типот „Шакед-136/131“ и дека украинските воздухопловни сили уништиле девет беспилотни летала над Дњепропетровск, Одеса. , Николаев и Житомир региони, според Unian.

Свет | пред 2 години

Орбан попушти: Во ЕУ е постигнат договор за 50 милијарди евра помош на Украина

Чарлс Мишел, претседателот на Европскиот совет, објави дека е постигнат договор за 50 милијарди евра помош за Украина.„Сите 27 лидери се согласија“, рече тој, додавајќи дека „со ова се заклучува стабилно, долгорочно, предвидливо финансирање за Украина“.https://x.com/CharlesMichel/status/1753001809268920719?s=20Според британски Гардијан, повикувајќи се на текстот до кој имале пристап, лидерите се согласиле за следниот текст:„Врз основа на годишниот извештај на Комисијата за имплементација на Инструментот за Украина, Европскиот совет секоја година ќе одржува дебата за спроведувањето на Инструментот со цел да даде насоки. Доколку е потребно, за две години Европскиот совет ќе ја покани Комисијата да даде предлог за ревизија во контекст на новиот МФР“.Потсетуваме дека единствената членка на ЕУ која се спротивстави на пакетот помош за Украина беше Унгарија. Премиерот на таа земја, Виктор Орбан, досега ја блокираше одлуката за Украина и понуди да ги подели одобрените средства на годишни транши, со што Будимпешта ќе има можност секоја година да бара отстапки за да избегне вето.

Свет | пред 2 години

Сите ние што ја поддржуваме Украина сме на вистинската страна на историјата, вели Османи

Министерот за надворешни работи, Бујар Османи, во својство на претседавач со ОБСЕ во рамките на денешната посета на Украина го посети градот Бородјанка во киевската област, кој силно е погоден од воените дејства.Османи на почетокот од посетата изрази жалење за сите невини жртви и илјадници Украинци што мораа да ги напуштат своите домови како би ги избегнале разорувачките последици од руската воена агресија.„Сите ние што ѝ даваме поддршка на Украина сме на вистинската страна на историјата, на вистинската страна на хуманоста, на почитувањето на правото на живот. Во вооружените дејства од страна на Русија разрушени се училишта, болници и друга државна инфраструктура, која, за жал, и понатаму се оштетува или уништува“, посочи Османи.Воедно, претседавачот на ОБСЕ го осуди нападот на станбена зграда во Днепар, каде пред два дена загинаа повеќе од 40 лица и над 70 ранети. „Не постои оправдување ако континуирано се гранатираат цивилни цели. Ништо не може да оправда убивање цивили, попречување транспорт на вода и храна, отежнување на работата на хуманитарните конвои. Ништо не може да оправда кога деца и бремени жени се оставени без греење, со недоволно храна“, оцени Османи.Неиспровоцирана агресија е кршење на меѓународното право, потенцијална закана за регионот, но и извор на страв и несигурност за целиот свет. Османи истакна дека Организацијата ќе ги искористи сите механизми и алатки да помогне во напорите да се стави крај на, како што рече, ова страдање и уништување.„Пустошот предизвикан од воената агресија врз Украина длабоко ме потресува. Уништувањето на виталната инфраструктура и страдањето на украинскиот народ мора да запре. Потребна е итна акција за да се стави крај на ова безумие и да се обезбеди помош за оние на кои им е потребна. Мораме да работиме да престане страдањето, а потоа да ги обновиме овие уништени области“, истакна претседавачот на ОБСЕ.Османи, воедно, упати порака дека Северна Македонија како земја претседавач со ОБСЕ ќе се залага да најде начин повторно да ја врати Организацијата во Украина. Тој исто така порача дека комуникацијата со Русија ќе зависи од тоа какви ќе бидат кон принципите и заложбите на Организацијата за што Османи нема да дозволи никакви компромиси.

Македонија | пред 3 години

Украина негира: Состојбата со снабдувањето со енергија е тешка, но под контрола

Се огласи украинското Министерство за енергетика во врсја со снабдувањето со електрична енергија на територијата на Украина. Тие тврдат дека снабдувањето е под контрола и покрај серијата руски напади врз инфраструктурата за производство и дистрибуција на електрична енергија и дека нема потреба од паникаШефот на DTEK, најголемата приватна енергетска компанија во земјата, во посебна изјава рече дека нема потреба луѓето да ја напуштаат Украина, пренесува Reuters.Руските ракетни напади уништија речиси половина од енергетскиот систем на Украина, а властите во Киев во петокот објавија дека е можно целосно исклучување на електричната мрежа на главниот град.Ги демантираме најавите за ширење паника на социјалните мрежи и електронските медиуми и ги уверуваме граѓаните дека состојбата со снабдувањето со енергија е тешка, но под контрола“, се наведува во соопштението на Министерството за енергетика.Надлежните најавија прекини на струја низ државата за да се извршат неопходните санации и ги повикаа граѓаните да ја намалат потрошувачката на струја за најмалку 25 проценти.

пред 3 години

Режимот во Киев трипати го докажа неуспехот на НАТО, ова е почеток на крајот, вели Володин

Режимот во Киев трипати пред светот го докажа неуспехот на Северноатлантската алијанса, изјави претседателот на Државната дума, Вјачеслав Володин.„Јасно е дека ова е почеток на крајот за НАТО. Режимот во Киев трипати на целиот свет го докажа неуспехот на НАТО“, напиша Володин на Телеграм.Володин истакна дека режимот во Киев, „нахранет со оружје на НАТО – стана негов гробар“.Тој како пример ги наведе романскиот борбен авион соборен над Црното Море, дронот што експлодираше во Загреб и украинската противвоздушна ракета што падна во Полска.Полските власти претходно им дозволија на украинските експерти да го посетат местото на падот на ракетата на полска територија.Според полскиот претседател Анджеј Дуда, нема докази дека ракетата што паднала на полска територија била истрелана од руската армија.

пред 3 години

ЛДП со иницијатива за употреба на локалните топоними за населените места во Украина на украински јазик

Иницијатива за донесување на Одлука на Владата за употреба на локалните топоними за населените места во Украина на украински јазик, со нивна транслитерација на македонски јазик, поднесоа ЛДП под водство на Емил Кирјас и потпретседателката Моника Зајкова.Тие иницираат наместо Киев треба да се употребува Киив, наместо Запорожје треба да се употребува Запорижија, наместо Луганск треба да се употребува Луханск, наместо Мариупол треба да се употребува Мариупиљ, наместо реката Дњепар треба да се употреби Днипро, и други примери.- Воедно, предлагаме Владата да донесе одлука конечно да престане да се употребува неприфатливото именување на Република Беларус на македонски јазик како „Република Белорусија“ за што белaрускиот народ, како што самите се нарекуваат (а не белорускиот!) и државата веќе се имаат изјаснето со соодветни јазични, законски и уставни измени. Препорачуваме, во македонскиот јазик исто така да се употребува и уставното име „Република Латвија“ наместо досегашното име преземено од руското наименување „Република Летонија“, се вели во соопштението на партијата.Во иницијативата има и предлог до Министерството за надворешни работи, во најкус можен рок, а во соработка со Амбасадата на Украина во Скопје, да и предложи на Владата соодветна одлука во оваа насока, со која ќе им се наложи на сите институции во државата да ги користат украинските топоними во македонскиот јазик. Императив според Зајкова и Кирјас е сите овие одлуки да се донесат пред преземањето на претседателството на ОБСЕ од страна на Р.С. Македонија на 01 јануари 2023 година.- По посетата на Украина на крајот на август оваа година, во екот на руската агресија, ни беше предочено дека реализацијата на руската експанзионистичка и империјалистичка политика во доктрината на непризнавањето на украинскиот јазичен и етнички идентитет се манифестира и преку употребата на руските топоними за украинските населени и географски места, наместо на соодветните украински топоними. Таа практика може да се забележи во официјалната употреба за топонимите за населените места во Украина и на македонски јазик, велат од партијата.Владата на Северна Македонија ја осуди руската агресија врз Украина, а Собранието речиси едногласно донесе Декларација со осуда на руската инвазија и поддршка на Украина, а Генералното Собрание на ОН во два наврати ја осуди руската воена интервенција, а воедно ги прогласи таканаречените референдуми и последователната еднострана анексија на суверена украинска територија од страна на Русија како неприфатлива и нелегална, и побара напуштање на руските воени сили на Украина.- Македонскиот народ и македонските граѓани имаат морална обврска да застанат во целосна одбрана на украинскиот национален и етнички идентитет и самобитност. Тоа е врвен македонски национален интерес. Со одбрана на украинскиот идентитет и самобитност, се брани воедно и македонскиот идентитет и самобитност, како и вековното опстојување на двата идентитети, додаваат од партијата.

Македонија | пред 3 години

Шефот на атомска енергија: Дозволете ми да ја посетам најголемата нуклеарна централа, треба да го проценам нивото на опасност

Главниот директор на Меѓународната агенција за атомска енергија (МААЕ) повторно апелираше за пристап до украинската нуклеарна централа, која сега е под контрола на руските сили, за да се утврди дали таа претставува одредена закана.„Контактот со најголемата нуклеарна централа во Европа, која се наоѓа во Запорожје и е управувана од украински техничари, не е стабилен и не работи на дневна основа“, изјави Рафаел Гроси за швајцарскиот весник „Тагес-Анзајгер“.„Не можеме да си дозволиме да имаме несоодветна комуникација со објектот во областите критични за безбедноста. Свесни сме за наводите дека во објектот се складира боева муниција и дека се случуваат напади врз електраната“, рече тој.„Да бидам искрен, ако немам пристап, не можам да одредам степен на опасност. Има контрадикторности меѓу извештаите од руската и украинската страна. Добивам информации, ги спомнувам во извештаите, но можам „Одреди дали тоа одговара на фактите“, рече Гроси, како што пренесува „Гардијан“.Русија соопшти дека и понудила на МААЕ да го посети објектот, но дека Украина одбива да соработува. Од друга страна, Украина не сака да ја легитимира руската окупација на објектот.Гроси рече дека засега не гледа оти конфликтните страни се подготвени да постигнат каков било конкретен договор.Да потсетиме, Гроси вчера упати драматично предупредување во врска со најголемата европска централа Запорожје, наведувајќи дека нуклеарната централа е „целосно надвор од контрола“.Ситуацијата таму станува се поопасна секој ден, рече тој и ги повика Русија и Украина да дозволат експерти да го посетат комплексот за да се спречи нуклеарна несреќа.„Секој принцип на нуклеарна безбедност е прекршен“, рече тој. „Заканата е исклучително сериозна и опасна“, додаде тој.

Македонија | пред 3 години

(ФОТО) Македонија и испраќа тенкови на Украина, фатен е моментот на транспорт

Откако на социјалните мрежи се појавија видеоснимки на кои се гледа транспорт на тенкови, „360 степени“ се обрати до Министерството за одбрана од каде, според одговорот, потврдуваат дека станува збор за донација што земјава ѝ ја дава на Украина.Од МО велат дека станува збор за трета генерација тенкови кои со развојот на технологијата за неколку години би биле неконкурентни и некомпатибилни со нашите побарувања за снабдување со западна платформа, а дополнително за нивно уништување во земјава ќе се потрошат пари што, како што велат, е нецелисходна активност за нашата Армија.

Македонија | пред 3 години

Зеленски на средба со Шон Пен

Украинскиот претседател Володимир Зеленски на својот официјален Фејсбук профил сподели видео од средбата со Шон Пен.„ Актерот и режисер Шон Пен снима документарен филм за војната во Украина. Од првиот ден на целосната инвазија, тој беше во Киев и со свои очи виде што е руска агресија. Наскоро целиот свет ќе може да ja види целата вистина за војната благодарение на неговиот филм. Шон, ти благодарам што ја поддржуваш нашата држава и нашиот народ!“, напиша Зеленски на видеото.Пен се сретна со Зеленски во февруари, ден пред инвазијата и денот кога започна инвазијата.„ Јасно беше дека сум во присуство на нешто… Тоа беше нешто ново за современиот свет во смисла на храброст, достоинство и љубов. Тоа беше извонреден момент. Начинот на кој ја обедини таа земја. Бев импресиониран и трогнат од тоа и преплашен од него и за Украина“, рече актерот за украинскиот претседател.Тој исто така спомна дека неговата непрофитна организација прави се што може за да им помогне на луѓето во Украина, кои живеат во „мрачна нова реалност“.

Магазин | пред 3 години

Украина сака да биде домаќин на Евровизија

Украина која победи на Евровизија ја осуди во петокот одлуката на Европската радиодифузна унија ЕБУ, да ѝ се одземе улогата на домаќин следната година. Од ЕБУ во петокот ја донесоа оваа одлука поради недоволната безбедност во земјата и руската инвазија.„Украина не се согласува со природата на оваа одлука која ја донесе Европската радиодифузна унија (ЕБУ)“, рече во соопштението украинскиот министер за култура Олександр Ткаченко.„Бараме дополнителни преговори за улогата на домаќин на Евровизија 2023 година во Украина“, додаде тој.ЕБУ во петокот објави дека Евровизија 2023 година нема да може да се одржи во Украина поради војната, додавајќи дека е во преговори со „Би-би-си“, тоа да се одржи во Велика Британија.„Украинската јавна телевизија UA:PBC не може да ги исполни оперативните и безбедносни гаранции потребни за телевизијата да биде домаќин, да организира и ја продуцира Евровизија според правилата на ESC-a“, напишаа од ESC Еurovison Song Contest на „Твитер“.„ЕБУ сака да ѝ се заблагодари на UA:PBC за нивната сесрдна соработка и посветеност во истражувањето на сите сценарија во неделите по победата на оркестарот „Калуш“ во Торино и ја споделува својата тага и разочарување што натпреварот во 2023 не може да се одржи во Украина“.Укранскиот бенд оркестарот „Калуш“ победи на Евровизија во Торино минатиот месец, додека Велика Британија беше на второто место.„Очигледно ова не се околностите кои некој би ги посакал. Се разбира дека ќе расправаме за тоа да „Би-би-си“ биде домаќин на „Евровизија“, рекоа од „Би-би-си“.„Традиционално победникот на Евровизија е домаќин на натпреварувањето следната година, но поради неможноста на украинската телевизија да ги даде безбедносни и оперативни гаранции потребни за да се одржи натпреварот, значи дека шансата ќе ја добие земјата што завршила втора. Ние имаме целосна намера и нашата цел ќе биде следната година јасно да покажеме дека Украина беше победник“, соопштија од ЕБУ.

Магазин | пред 3 години

Евровизија нема да се одржи во Украина, еве која земја ќе биде домаќин

Управниот одбор на Евросонг објави дека по извршената објективна анализа, а со оглед на актуелната состојба, одлучено е дека украинскиот јавен сервис не е во состојба да ги исполни сигурносните и оперативни гаранции за организација и продукција на натпреварување за песна на Евровизија.-Ова натпреварување е една од најсложените ТВ продукции во светот со илјадници кои работат и присуствуваат на настанот и за тоа е потребна 12 месечна подготовка. По анализата управниот одбор со длабоко жалење заклучи дека украинскиот јавен сервис не е во состојба да ги исполни условите според ЕСЦ правилата. Му благодариме на украинскиот јавен емитер за соработката во деновите по победата, но ЕБУ одлучи дека следната година натпреварувањето не може да се одржи во Украина, се наведува во соопштението.Во соопштението се наведува дека, согласно правила, ЕБУ ќе започне разговори со Би-Би-Си како овогодишен второпласиран јавен сервис, за потенцијално организирање на изборот за песна на Евровизија 2023 и негово одржување во Велика Британија.Украина претходно беше организатор на Евровизија во 2017 и 2005 година.

Магазин | пред 3 години

Украина ги започнува подготовките за Евровизија 2023 година

Украина ги започнува подготовките за домаќин на Изборот за песна на Евровизија во 2023 година, изјави Кирило Тимошенко, заменик-шеф на Кабинетот на претседателот на Украина, на својот Телграм-канал.„На светот му ја покажуваме нашата отвореност, гостопримливост и способност да спроведуваме проекти од големи размери. Главното прашање за нас и за европската радиодифузна унија е безбедноста“, рече тој.„Министерството за одбрана и Министерството за внатрешни работи на Украина се вклучени во подготовките за Евровизија 2023 од самиот почеток со цел да се обезбеди соодветна логистика и најважно, безбедност“, објасни Тимошенко.Се разгледуваат различни локации за одржување на натпреварот, но во моментов не може да открие за кои локации станува збор.Украинскиот бенд „Калуш оркестра“ победи на овогодинешниот Евросонг, а според правилата на Евровизија, следниот натпревар треба да се одржи во Украина.

Магазин | пред 3 години

Зеленски му пиша на Пендаровски, претседателот го објави писмото

Писмо од претседателот Зеленски, упатено по повод искажаната поддршка за Украина до претседателот на Македонија, Стево Пендаровски:„Ве молам примете ја мојата благодарност за Вашето срдечно писмо од 17 мај 2022 година и покажаната солидарност со нашата држава, која одлучно се спротивставува на руската агресија. Ја цениме цврстата и бескомпромисна позиција изразена од Скопје за поддршка на суверенитетот и територијалниот интегритет на Украина. Благодарни сме што Република Северна Македонија целосно се приклучи кон санкциите воведени од страна на Европската Унија кон Русија како земја-агресор.Мојата срдечна благодарност кон Вам лично господине претседател и кон народот на Северна Македонија за поддршката на стратегијата за европска интеграција на Украина и доделувањето кандидатски статус на нашата земја за пристапување кон Европската Унија. Таква искрена позиција на претседателот на Северна Македонија, која веќе е земја-кандидат за членство во ЕУ, е од особено значење. Се надевам дека Северна Македонија ќе започне со пристапните преговори кон Европската Унија во најбрз можен рок.Време е Европската Унија да донесе важни политички одлуки. Верувам дека Република Северна Македонија исто така ќе може успешно да напредува кон членството во ЕУ и еден ден нашите пријателски држави ќе се приклучат кон заедничкото европско семејство како полноправни членки на ЕУ.“

Македонија | пред 3 години

Таен британски извештај: Армијата на Путин е пред колапс

Британски медиуми објавија тајна анализа за руската инвазија на Украина, напишана од, како што тврдат, врвен британски аналитичар и која им е ставена на располагање на високи функционери на британската влада. Во анализата се наведува дека руската армија е „на работ на колапс“ и дека нејзините загуби досега се 30.350 војници.Украинците тврдат дека Русите изгубиле 207 воени авиони, 174 хеликоптери, 1.349 тенкови и 13 бродови од почетокот на инвазијата. Независниот портал Орикс, пак, наведува дека Русите останале без 4187 воени возила, пловни објекти и авиони.Извештајот, исто така, сугерира дека претставниците на Кремљ „залудно се обидувале да го убедат Путин дека неговата инвазија е катастрофа, бидејќи Путин сè уште верува дека може да извојува делумна победа“."Обидот на Русија да постигне брза и одлучувачка победа во Донбас се уште не успеа. Тие се уште напредуваат, добивајќи по 1-2 километри на ден. Русите сега постигнуваат успех главно со последователни, многу скапи, пешадиски напади кои потсетуваат на 1945 година, не 2022. година.Путин досега успеваше доста добро да ги сокрие своите групни неуспеси од руската јавност, односно да обвини различни функционери кои беа уапсени и отпуштени.Руското население до неодамна веруваше во дезинформациите на Путин. „Гледаме обиди во Кремљ да се пренесе порака до Путин и неговиот најблизок тим дека работите не одат добро, можеби дури и катастрофално“, се вели во извештајот.

Актуелно | пред 3 години

Се отвара македонската амбасада во Украина

Министерот за надворешни работи, Бујар Османи денеска е во посета на Киев, од каде информираше дека амбасадата повторно ќе биде ставена во функција."Тукушто допатував во Киев, каде покрај средбата со мојот колега, Дмитро Кулеба, во функција повторно ќе ја ставиме и нашата амбасада во Украина.Северна Македонија стои цврсто во поддршка на храбриот украински народ", се вели во објавата.

Македонија | пред 3 години

Претседателот Пендаровски упати писмо до украинскиот претседател Зеленски

Претседателот Стево Пендаровски упати писмо до претседателот на Украина, Владимир Зеленски во кое изразува поддршка за украинскиот народ и упатува честитки до претседателот Зеленски за поднесената кандидатура за членство во Европската Унија.„Изминатите три месеци граѓаните на Украина херојски ја бранат својата земја, а со тоа и целиот европски континент и универзалните вредности на демократијата во кои веруваат мирољубивите држави и народи на кои припаѓаме.Во оваа смисла, Украинците со конкретни дела докажаа дека припаѓаат на европското семејство и се подготвени да ги направат првите чекори во насока на започнување на процесот на интеграција во Европската Унија. Јас како долгогодишен поддржувач на идејата за Обединета Европа, цврсто сум убеден дека денес, кога војната повторно се врати на европско тло, Унијата треба да донесе важни политички одлуки, со што процесот на проширувањето нема да запре на Западниот Балкан, туку ќе продолжи со сите мирољубиви европски држави кои ги споделуваат вредностите на демократијата“, се вели во писмото од претседателот Пендаровски до украинскиот претседател Зеленски.Во продолжение е интегралниот текст на писмото:Ваша Екселенцијо,Срдечно поздравувајќи Ве, дозволете ми да Ви упатам изрази на особена почит кон Вашата држава и кон Вас лично, како и да Ви изразам сестрана поддршка во трагичната ситуација во која се наоѓа Украина и украинскиот народ по руската воена агресија.Изминатите три месеци граѓаните на Украина херојски ја бранат својата земја, а со тоа и целиот европски континент и универзалните вредности на демократијата во кои веруваат мирољубивите држави и народи на кои припаѓаме.Во оваа смисла, Украинците со конкретни дела докажаа дека припаѓаат на европското семејство и се подготвени да ги направат првите чекори во насока на започнување на процесот на интеграција во Европската Унија. Јас како долгогодишен поддржувач на идејата за Обединета Европа, цврсто сум убеден дека денес, кога војната повторно се врати на европско тло, Унијата треба да донесе важни политички одлуки, со што процесот на проширувањето нема да запре на Западниот Балкан, туку ќе продолжи со сите мирољубиви европски држави кои ги споделуваат вредностите на демократијата.Драг Владимир,Поаѓајќи од оваа моја констатација, би сакал да Ви упатам честитки за успешно пополнетиот прашалник за членство во Европската Унија и да подвлечам дека Република Северна Македонија како земја-кандидат го поддржува европскиот пат на пријателска Украина и добивањето кандидатски статус за време на Советот на Европската Унија во јуни оваа година.Верувам дека таквиот исход ќе биде праведен и логичен, и ќе претставува поддршка на напорите на Украина на евроинтегративниот пат, како и дополнителен стимул за спроведување на натамошни суштински внатрешни реформи за ваше практично приближување кон Унијата.Впрочем, европските аспирации нам не ни се потребни како политички трофеј, туку, како инструмент и процес за време на кој ќе се менуваме и реформираме за да ги достигнеме неопходните стандарди по кои се препознаваат европските демократии. Во овој контекст очекуваме потврда дека и нашите европски пријатели тоа го препознаваат и вреднуваат.Господине Претседател, во надеж за скоро целосно ослободување на вашата земја од окупаторот, дозволете ми, уште еднаш да Ви ги упатам изразите на моето највисоко почитување и да Ви посакам добро здравје и успех во извршувањето на Вашата одговорна функција во овие тешки времиња.

Македонија | пред 3 години

Британските разузнавачи зборуваа за ситуацијата во Мариупол

Тешките борби и руските воздушни напади продолжуваат во опколениот украински град Мариупол, соопшти британското воено разузнавање.„Хуманитарната ситуација во градот се влошува“, соопшти Министерството за одбрана.„Повеќето од 160.000 преостанати жители немаат струја, комуникации, лекови, греење или вода. Руските сили спречија хуманитарен пристап, веројатно вршејќи притисок врз ветераните да се предадат.Украинските медиуми јавија за експлозии во регионот Лавов на запад и регионот Дњепропетровск на југоисток.Воениот администратор на Лавов, Максим Козицки, ги потврдил експлозиите во близина на градот Радехив, североисточно од Лавов, објави во вторникот вечерта Украинската правда.Засега нема информации за жртви, рече тој.Во регионот Днепропетровск, очевидци рекоа дека виделе експлозии во Новомосковск, индустриски град на околу 25 километри североисточно од главниот град на регионот Днепро, според украинската правда.

пред 3 години

(ВИДЕО) Како изгледа ноќниот живот во Киев среде војна

Блогерот Антон Птушкин, кого на „Јутјуб“ го следат 267.000 луѓе, сними видео за актуелниот живот во Киев.Тој шета низ градот и вели дека се чувствува како да е во паралелна реалност додека поминува покрај урнатини на продавници и аптеки што ги посетувал последните десет години.Антон исто така интервјуира луѓе што се кријат во тунели на подземни железници, во подруми, но и во ноќни клубови каде што пијат и танцуваат за да се релаксираат во овие времиња.Посетил и болница, каде што сретнал деца што биле повредени и чии родители починале штитејќи ги.Видеото на „Јутјуб“ набргу се прошири на социјалните мрежи. Твитерџиите пишуваат дека видеото на Антон е важно и поучно.

Магазин | пред 3 години

Русија најави мерки за државите кои бркаа дипломати, меѓу нив е и Македонија

Русија најави протерување на дипломатите од земјите кои ги протераа нивните дипломатиРусија ќе одговори пропорционално на протерувањето на нејзините дипломати од голем број западни земји, изјави поранешниот руски претседател и заменик претседател на Советот за безбедност Дмитриј Медведев, пренесува Ројтерс. Меѓу нив е и Македонија, која минатата недела, со обвинување дека правеле нелегални дејствија, за персона нон-грата прогласи пет руски дипломати.„Сите го знаат одговорот: тоа ќе биде симетрично и деструктивно за билатералните односи. Кого казнија?Франција во понеделникот објави дека ќе протера 35 руски дипломати поради војната во Украина, а Германија наведува „значителен број“ руски дипломати кои се прогласени за непожелни.„Ако вака продолжи, ќе биде соодветно, како што напишав на 26 февруари - да се удираат вратите на западните амбасади. Ќе биде поевтино за сите. И тогаш на крајот само ќе се погледнеме, на никаков друг начин освен низ знаменитостите“, рече тој.е Медведев.

Македонија | пред 3 години

И во Скопје ќе се емитува концертот на светските ѕвезди за поддршка на Украина

Целиот свет е сведок на бруталната војна која руската федерација ја започна и сеуште ја води во Украина. Веќе еден месец украинскиот народ се бори за својата слобода, независност и суверенитет. Целиот свет не поддржува, вели Амбасадата на Украина во Македонија.„Во овој контекст, на 27 март 2022 година во 17:30 часот по македонско време, ќе се одржи светски онлајн телемаратон за поддршка на Украина под слоганот #SAVEUKRAINE.За време на концертот ќе настапат украински (Jamala, Okean Elzy, MONATIK, Ruslana, DakhaBrakha, Kalush, Go A) и светски ѕвезди, меѓу кои Sting, Ed Sheeran, Bryan Adams, U2, Madonna, Imany, Imagine Dragons, Rod Steward, Elton John и многу други.Во многу земји на светот, телемаратонот ќе се емитува на националните телевизии, во центрите на градовите и слично.Северна Македонија не е исклучок.Во центарот на град Скопје, на видео бимот на плоштад „Македонија“ ќе се емитува телемаратонот за поддршка на Украина и украинскиот народ.Ги покануваме сите кои што не поддржуваат во оваа праведна борба Украина за својата земја, да дојдат и да ја поддржат Украина со своето присуство.Ве очекуваме, пријатели“, стои во објавата.

Скопје | пред 4 години

Ковачевски: Самитот има за цел е да го одврати Путин од тоа што го прави во Украина

Претседателот на Владата на Република Северна Македонија Димитар Ковачевски ќе учествува на состанокот на Северно-атлантскиот совет во рамките на Вонредниот самит на шефови на држави и влади на НАТО што денеска се одржува Брисел.Премиерот Ковачевски, кој на состанокот е заедно со министерот за надворешни работи Бујар Османи и министерката за одбрана Славјанка Петровска, во изјавата за медиумите пред почетокот на Самитот, ги соопшти очекувањата од состанокот.Во продолжение на ова соопштение, ви ја пренесуваме изјавата на премиерот Димитар Ковачевски во целост:„Денес сме сведоци пред голем предизвик за Европа и за целиот свет. Бевме убедени дека мирот во Европа никогаш нема да биде прекинат со ваквата агресија на Руската Федерација кон Украина. Тоа претставува невидено кршење суверенитетот и територијалниот интегритет на една независна држава. Ова предизвикува бегалска криза.Денес сите сојузници на НАТО се обединети и ќе ја дадеме нашата поддршка за народот на Украина. Ќе останеме обединети и Северна Македонија како земја членка на НАТО веќе ја усогласи својата надворешна политика со ЕУ и ги донесовме сите одлуки со земјите членки на НАТО и на ЕУ.Самитот има за цел е да го одврати Путин од тоа што Русија го прави во Украина. Сметаме дека мирното решение е единствениот начин за решавање на ова прашање.Во насока да им помогнеме на Украинците ги донесовме сите потребни одлуки во земјата за да ги прифатиме сите бегалци кои би побарале засолниште во нашата држава.На состаноците кои претходеа на овој самит во НАТО беше разговарано за зацврстување на источното крило и тоа секако ќе биде дискутирано и на овој вонреден самит.Северна Македонија како земја членка на НАТО веќе понуди соодветна помош на украинскиот народ. Сега е време кога слободниот народ на Украина има потреба од помош од демократскиот свет.“

Македонија | пред 4 години

Камила Кабело, Ед Ширан и „Сноу Патрол“ ќе настапат на „Концертот за Украина“

Камила Кабело, Ед Ширан и „Сноу Патрол“ ќе настапат на „Концертот за Украина“ следниот вторник, кој ќе се емитува на Ај-ти-ви и Ес-ти-ви.Емели Санде, Беки Хил, Грегори Портер и Шик исто така се на списокот, а во меѓувреме се очекува и други да го потврдат своето учество.Билетите за настанот ќе бидат пуштени во онлајн продажба денес, 22 март, а концертот ќе се одржи во Бирмингем во вторник на 29 март.„Моето срце е скршено за народот на Украина“, изјави Кабело. „Сите имаме одговорност да помогнеме“.Концертот ќе го води Ема Бантон (од „Спајс грлс“), заедно со Марвин Хјумс и Ронан Кемп, а ќе учествуваат и The Manic Street Preachers и Том Одел.Приходите од концертот ќе бидат наменети на хуманитарниот апел на украинскиот комитет за вонредни ситуации , кој обезбедува храна, вода, засолниште и медицинска помош за раселените лица во Украина и бегалците во соседните земји.

Магазин | пред 4 години

Нема фотографија

„Работиме 24/7, не сме излегле од болницата“, Бекам ѝ го отстапи инстаграм-профилот на лекарка од Харков

Познатиот фудбалер Дејвид Бекам ѝ го отстапи својот инстаграм-профил на Ирина, лекарка од Украина која работи во Харков, кој е во првата линија на фронтот и постојана цел на руските бомбардирања. Таа работи како шефица на регионалниот перинатален центар.„Работиме 24/7, не сме излегле од болницата. Веројатно ги ризикуваме нашите животи, но воопшто не мислиме на тоа. Си ја сакаме работата. Лекарите и медицинските сестри овдека плачат, се грижат, но никој нема да се откаже“, вели Ирина.Неговите 71,5 следбеници на Инстаграм имаа можност да го видат тесниот подрум каде што биле евакуирани сите трудници и нови мајки на првиот ден на руската инвазија. А покрај тоа да видат со што сè се соочуваат таа и детскиот анестезиолог среде воениот конфликт преку објавените видеа и фотографии.Таа исто така објави и фотографии од новороденчиња на одделението за интензивна нега, кои се приклучени на апарати и затоа не можеле да бидат префрлени во подрумот.

Магазин | пред 4 години

Мила Кунис и Ештон Качер обезбедија 30 милиони долари помош за Украина

Мила Кунис и Ештон Качер ја остварија зацртаната цел да соберат 30 милиони долари помош за Украина само две недели по почнувањето на кампањата, односно програмата за помош на Украинците што бегаат од својата земја разурната од војната.Двојката ја сподели веста на „Инстаграм“ во четвртокот.Кога ја отворија страницата GoFundMe на 3 март, Мила и Ештон првично ветија дека ќе соберат околу 3 милиони долари во донации, со цел да се обезбеди непосредна хуманитарна помош за украинските бегалци.„Само сакаме да кажеме дека ја постигнавме нашата цел“, вели Мила во клипот пред Ештон да додаде: „Собрани над 30 милиони долари“.Мила, која е родена во Черновци, Украина, продолжи: „Над 65.000 од вас донирале. Ние сме преплавени со благодарност за поддршката и иако ова е далеку од решавање на проблемот, нашиот колективен напор ќе обезбеди помош за толку многу луѓе додека се движат во својата иднина на неизвесност“.

Магазин | пред 4 години

Во Струга пристигна првото семејство од Украина

Семејство од Украина е сместено во домот на познатиот струшки активист Алберт Хани во Струга.Локалните медиуми пишуваат дека тој им ги отворил вратите и ги угостил во својот дом.Руската инвазија на Украина предизвика милиони Украинци да ги напуштат своите домови, главно жени, постари лица и деца. Повеќето од нив заминале во соседните земји како Полска, Молдавија и Романија, но има значителен број што пребегнале во други европски земји, но и на Балканот, пишува VOX Струга.

Македонија | пред 4 години