УНГАРИЈА

Орбан: САД ѝ дадоа на Унгарија целосно изземање од санкции за руската енергија

Унгарскиот премиер Виктор Орбан изјави во Вашингтон дека неговата земја постигнала договор со САД, со кој Унгарија добила потполна и неограничена изземеност од американските санкции за користење руска енергија преку гасоводот „Турски тек“ и нафтоводот „Дружба“.Орбан, кој се сретна со американскиот претседател Доналд Трамп, по средбата одржа заедничка прес-конференција со шефот на унгарската дипломатија Петер Сијарто, нагласувајќи дека овој договор ја „спасил унгарската политика на ниски режиски трошоци“.„Од американскиот санкциски систем сега успеавме да се извлечеме, но со европските санкции допрва ќе водиме борба“, рече Орбан, додавајќи дека Унгарија повеќе не мора да стравува дека најавените американски мерки против руските енергенти ќе се применат и врз неа.Сијарто потврди дека и други држави се обиделе да добијат сличен изземок.„Да санкциите стапеа на сила, сметките на домаќинствата драстично ќе пораснеа. По денешната средба, таа опасност повеќе не постои за Унгарија“, изјави тој.Еден од најважните делови на договорот, според Орбан, се однесува на гасоводот „Турски тек“ и нафтоводот „Дружба“, преку кои Унгарија увезува руски гас и нафта.„Овие две стратешки линии добија изземок без временско ограничување. Со тоа успеавме да ја одбраниме политиката на пониски трошоци за граѓаните“, истакна Орбан.Тој прецизираше дека без постигнатиот договор, сметките за струја и греење во декември би биле двојно повисоки.Орбан објави и дека САД повлекле сè што било проблематично околу изградбата на нуклеарната електрана „Пакс 2“, проект кој се реализира во соработка со Русија.„Во врска со завршувањето на ‘Пакс 2’ нема повеќе американски сомнежи. Такви санкции во иднина нема да бидат воведени,“ рече Орбан.Американската страна, според Будимпешта, потврдила дека нема да воведува ниту да одржува санкции кои би ја попречиле изградбата на нуклеарката.Иако Унгарија успеала да обезбеди изземок од американските мерки, санкциите на Европската Унија остануваат, а Орбан најави „борба во Брисел“.Тој потсети дека се спротивставува на планот на ЕУ до крајот на 2027 година постепено да се отфрлат руските енергенти, оценувајќи дека станува збор за одлука што може да се донесе со квалификувано мнозинство, без согласност на сите членки.Трамп: „Некои земји зборуваат едно, а купуваат руско гориво“Американскиот претседател Доналд Трамп коментираше дека многу европски држави и натаму купуваат руска нафта, иако тврдат дека не зависат од неа.„Некои европски земји немаат проблем каков што има Унгарија, а сепак купуваат многу руска нафта. Тоа ме вознемирува повеќе,“ рече Трамп.Орбан, пак, повтори дека географијата е реалност и дека алтернативите, како снабдувањето преку Хрватска, имаат премал капацитет за да ги задоволат енергетските потреби на Унгарија.

Свет | пред 4 месеци

Будимпешта под ризик: американските санкции ја разнишуваат енергетската зависност од Москва

Унгарскиот премиер Виктор Орбан изјави дека на претстојниот состанок со Доналд Трамп ќе се разгледува агенда што би можела да доведе до мировен договор во Украина, пренесе Reuters.Орбан претходно најави дека со Трамп ќе разговара и за американските санкции кон руските нафтени компании, воведени минатата недела.Унгарија, како што потсетуваат медиумите, и понатаму во голема мера зависи од увозот на руска нафта и гас, за разлика од повеќето членки на Европската унија кои по почетокот на руската инвазија во 2022 година го намалија ослонувањето на руската енергија. Напротив, Будимпешта дури го зголеми увозот, пишува Bloomberg.Оваа зависност сега претставува ризик за енергетската безбедност на земјата, бидејќи новите американски санкции против „Роснефт“ и „Лукоил“ имаат цел да го притиснат рускиот претседател Владимир Путин да седне на преговарачка маса околу Украина.Унгарската влада тврди дека поради географската положба без пристап до море, нема реална алтернатива за снабдување со нафта освен преку Русија.Орбан претходно изјави дека Трамп направил грешка воведувајќи санкции на руската нафта, сметајќи дека тие можат да предизвикаат штета и на европските економии.

Свет | пред 5 месеци

Ќе биде комплицирано за понатамошна помош: Унгарија со Чешка и Словачка сака да формира сојуз на скептици кон Украина

Унгарија настојува да ги обедини силите со Чешка и Словачка за да формира блок на земји скептични кон понатамошната помош за Украина во рамките на Европската унија. Таквиот потег би можел значително да ги искомплицира напорите на Брисел да обезбеди континуирана финансиска и воена поддршка за Киев, пишува „Политико“.Балаш Орбан, главниот политички советник на унгарскиот премиер, изјави дека се надева на здружување со Андреј Бабиш, чија десничарска популистичка партија победи на неодамнешните парламентарни избори во Чешка, како и со словачкиот премиер Роберт Фицо. Според неговите зборови, целта е координација на ставовите пред состаноците на лидерите на ЕУ, што подразбира и одржување средби пред самите самити.Иако сè уште не е постигнат силен политички сојуз, неговото формирање би можело значително да ги отежни напорите на ЕУ за обезбедување финансиска и воена поддршка за Украина, наведува „Политико“.Тројка наместо четворка од Вишеградската група„Мислам дека тоа ќе се случи – и ќе стане сè поочигледно“, изјави Балаш Орбан на прашањето за можноста од формирање блок скептичен кон Украина во рамките на Европскиот совет.Тој потсети на моделот на соработка на таканаречената Вишеградска група (Унгарија, Чешка, Словачка и Полска) за време на миграциската криза.„Тоа многу добро функционираше во текот на миграциската криза. Така успеавме да се спротивставиме“, рече тој, алудирајќи на периодот по 2015 година, кога во Варшава беше на власт евроскептичната партија „Право и правда“.Како што наведува „Политико“, новиот сојуз би се состоел од три, а не од четири членки. Сегашниот полски премиер од центар-десницата, Доналд Туск, е цврсто проукраински ориентиран и малку е веројатно дека ќе се приклучи на каков било сојуз со унгарскиот премиер.Унгарскиот премиер, кој е на власт веќе 15 години, следната година ќе се соочи со борба за повторен избор. Според анкетите на јавното мислење што ги наведува публикацијата, партијата „Тиса“ на опозицискиот лидер Петер Мадар во моментов е популарна од владејачката „Фидес“.

Свет | пред 5 месеци

Орбан под удар: Пропадна самитот Путин–Трамп, новите санкции ја тресат Унгарија

Премиерот на Унгарија Виктор Орбан доживеа сериозен политички и економски удар, откако падна во вода планот за одржување на самит меѓу Доналд Трамп и Владимир Путин во Будимпешта, кој требаше да претставува дипломатски успех и обид за посредување меѓу Истокот и Западот.Само неколку дена по најавата, Трамповата администрација воведе санкции кон двете најголеми руски нафтени компании, ЛУКОИЛ и Росњефт, со цел да го ослаби рускиот воен буџет – потег што, според CNN, предизвика потрес не само во Москва, туку и во Будимпешта.Иако санкциите се насочени кон Русија, тие би можеле да имаат сериозни последици за унгарската економија, која е силно зависна од руска енергија. За разлика од повеќето земји од ЕУ, кои по инвазијата на Украина ја намалија зависноста од руските енергенси, Унгарија и Словачка ја зголемија, па денес речиси целосно се потпираат на руска нафта.Според извештајот на Центарот за проучување на демократијата (CSD) и Центарот за истражување на енергија и чист воздух (CREA), во Унгарија уделот на руската нафта пораснал од 61% пред војната на 86% во 2024 година, а во Словачка зависноста е „речиси стопроцентна“.Орбан, кој со години промовира „суверенистичка енергетска политика“ и се спротивставува на барањата на Брисел за диверзификација, сега се соочува со последици од ваквиот курс. ЕУ најави дека до 2027 година ќе го забрани увозот на руски течен природен гас (LNG), што дополнително ќе го отежни положбата на Будимпешта.Покрај тоа, во земјата расте внатрешниот притисок од опозицијата, предводена од поранешниот соработник на Орбан – Петер Магјар, која го обвинува премиерот за економска изолација и корупција.„Орбановата стратегија да стане посредник меѓу Истокот и Западот пропадна. Наместо самит со Путин и Трамп, доби економска криза и санкции“, оценува политичкиот аналитичар Елина Рибакова од Питерсон институтот за меѓународна економија.Според неа, обидот на Унгарија да ги заобиколи американските санкции ќе биде првиот тест за сериозноста на Трамповата администрација, која засега испраќа мешани пораки – министерот за финансии Скот Бесент предупредува на „строга примена“, додека самиот Трамп вели дека „се надева санкциите нема долго да траат“.Во меѓувреме, унгарскиот премиер изјави за државното радио дека неговата влада „работи на тоа како да ги заобиколи санкциите“, додека експертите предупредуваат дека таквиот потег би можел дополнително да ја изолира земјата во рамки на Европската унија.

Свет | пред 5 месеци

Орбан тврди дека самитот меѓу Трамп и Путин не е откажан: „Подготовките се во тек“

И покрај тоа што најавениот самит меѓу американскиот претседател Доналд Трамп и рускиот лидер Владимир Путин e ставен на чекање, унгарскиот премиер Виктор Орбан денеска изјави дека подготовките за средбата продолжуваат, јавува Reuters.Орбан на својата официјална страница на Facebook напиша дека унгарскиот министер за надворешни работи Петер Сијарто моментално престојува во Вашингтон и дека се работи на логистиката околу мировниот самит.„Подготовките за мировниот самит продолжуваат. Датумот сè уште не е познат. Кога ќе дојде време – ќе го одржиме“, напиша Орбан.Потсетуваме, средбата беше одложена откако Москва одби да се согласи со предлогот за моментален прекин на огнот во Украина, што го засени напредокот во дипломатските обиди за мир.Рускиот министер за надворешни работи Сергеј Лавров изјави дека инсистирањето на траен прекин на огнот е спротивно на претходните договори меѓу лидерите на двете земји постигнати на самитот во Алјаска. Тој предложи привремен прекин на огнот како чекор кон поширок мировен процес, повикувајќи ги европските партнери да го поттикнат Вашингтон да ја смени својата позиција.Од американска страна, Трамп изјави дека не сака да има „бесмислен состанок“, но додаде дека ситуацијата може да се промени во наредните денови и најави дека јавноста ќе биде „навремено информирана“.Претставник на Белата куќа потврди дека плановите за втор самит меѓу Трамп и Путин се привремено одложени по телефонски разговор меѓу државниот секретар Марко Рубио и Лавров, кој бил оценет како „продуктивен“.Орбан, кој според последните анкети заостанува пред парламентарните избори во 2026 година, е долгогодишен сојузник на Трамп и одржува блиски односи со Москва, што го направи контроверзна фигура во Европската унија поради неговите конфликти со Брисел и обвиненијата за назадување на демократијата во Унгарија.

Свет | пред 5 месеци

„Ако не ви се допаѓа инфраструктурата – дигнете ја во воздух!“ – жестока реакција на Унгарија кон Полска

Унгарскиот министер за надворешни работи Петер Сијарто остро реагираше на одлуката на полскиот суд да го ослободи украинскиот државјанин Володимир Журављов, осомничен за вмешаност во терористичкиот напад врз гасоводот „Северен тек“, нарекувајќи ја постапката на Варшава „невиден скандал“.„Според полското мислење, ако не ви се допаѓа инфраструктурата во Европа, можете да ја дигнете во воздух. Полска не само што ослободи терорист, туку и му оддава почит – до тоа дошло европското владеење на правото,“ изјави Сијарто.Тој оцени дека одлуката на судот во Варшава претставува „прелиминарна дозвола за терористички напади во Европа“ и предупреди дека ваквиот пристап ги поткопува темелите на заедничката безбедност во рамките на Европската унија.Одлуката на судот ја поддржа полскиот премиер Доналд Туск, кој рече дека таа е „точна“ и дека „случајот е затворен“.Журављов беше уапсен во Полска на барање на германските власти под сомнение дека бил вмешан во нападот врз гасоводот „Северен тек“ во Балтичкото Море. Окружниот суд во Варшава му одреди притвор од седум дена на 1 октомври, кој потоа беше продолжен за уште 40 дена, а во петокот судот донесе одлука да го ослободи и да ја одбие неговата екстрадиција во Германија.

Свет | пред 5 месеци

Самитот Трамп–Путин во Будимпешта – удар за Европа, триумф за Орбан

Најавата на американскиот претседател Доналд Трамп дека ќе се сретне со рускиот лидер Владимир Путин во Будимпешта за да разговараат за прекин на војната во Украина се толкува како тежок дипломатски удар за Европската Унија, додека унгарскиот премиер Виктор Орбан ја доживува како свој личен триумф.Како што пишува британски The Telegraph, Орбан — често исмејуван како најблискиот сојузник на Путин во ЕУ — сега се чувствува „како мачка што стигнала до павлака“. Унгарскиот премиер долго време е во судир со украинскиот претседател Володимир Зеленски, жестоко ги критикува западните санкции против Русија и редовно го напушта заедничкиот фронт на НАТО и ЕУ во врска со украинското прашање.Односите меѓу Будимпешта и Киев се на најниско ниво досега, а Орбан дури се закани дека ќе го блокира приклучувањето на Украина кон ЕУ, обвинувајќи го Киев за прогон на унгарското малцинство. Минатото лето, откако Украина го погоди рускиот нафтовод кој снабдува нафта до Унгарија, Орбан повторно побара „итни мировни преговори“, тврдејќи дека Украина „не може да победи во овој војна“.За разлика од односите со Киев, Орбан никогаш не се судрил со Трамп, на кого остана лојален уште од неговиот прв мандат. Додека беше надвор од Белата куќа, Орбан му даде политичка и медиумска поддршка, станувајќи миленик на американските конзервативци.Орбан е единствениот лидер на ЕУ кој отворено го поддржа Трамп пред неговото повторно избирање. Американскиот претседател пак, го опиша унгарскиот премиер како „фантастичен лидер“ и неколкупати ја пофали неговата политика.Планираниот самит во Будимпешта се гледа како огромна дипломатска победа за Орбан, кој сака да се прикаже како глас на мирот во Европа, во време кога Унијата е длабоко поделена околу иднината на конфликтот во Украина.Самиот избор на Унгарија како место за средбата има силна симболика – држава што е речиси изолирана во рамките на ЕУ, но добива централна улога во геополитички настан што го следи целиот свет.За Брисел, пак, ова претставува уште еден болен потсетник за неговата маргинализација во мировните иницијативи околу Украина. ЕУ е исклучена од повеќето клучни разговори, а сега гледа како еден нејзин член станува посредник во дијалог меѓу две нуклеарни сили.Во исто време, Унгарија веќе најави повлекување од Меѓународниот кривичен суд, што го елиминира секој ризик за апсење на Путин, против кого постои меѓународен налог. Тоа дополнително ја прави Будимпешта единствено можно место за ваков состанок во рамките на ЕУ.Како што наведува The Telegraph, Трамп му враќа услуга на Орбан, наградувајќи ја неговата лојалност и засилувајќи ја идејата за глобално ширење на движењето MAGA („Make America Great Again“) – како антипод на либералните вредности на ЕУ.Со ова, унгарскиот премиер, често нарекуван „лошиот дечко на Брисел“, добива историски момент на слава — и можност неговата земја повторно да стане центар на светската политичка сцена, дури и ако тоа значи дополнителна изолација од Европа.

Свет | пред 5 месеци

Унгарскиот министер тврди дека Зеленски го „губи разумот“

Унгарскиот министер за надворешни работи, Петер Сијарто, во петок изјави дека украинскиот претседател Володимир Зеленски „почнува да го губи разумот“ откако Зеленски рече дека извиднички беспилотни летала, кои ја нарушиле украинската воздушна граница, веројатно припаѓаат на Унгарија.Претседателот Володимир Зеленски почнува да го губи разумот поради својот непријателски став кон Унгарија, напиша Сијарто на социјалната мрежа Facebook. Сега му се привидуваат чудовишта.Зеленски истакна дека извидничките дронови ја нарушиле украинската воздушна граница, повикувајќи се на прелиминарно воено известување според кое леталата дошле од Унгарија со цел да го испитаат индустрискиот потенцијал на граничните подрачја.Унгарија е членка на Европската унија и НАТО, две организации кои ја поддржуваат Киев во војната против Русија, но односите меѓу Киев и Будимпешта често биле напнати.По руската инвазија на Украина во февруари 2022 година, голем број големи украински компании, особено од источните и јужните региони, се преселиле во западна Украина и други побезбедни области.Унгарскиот премиер Виктор Орбан е скептичен во однос на западната воена помош за Украина и за разлика од другите членки на НАТО и ЕУ, одржува блиски односи со рускиот претседател Владимир Путин.

Свет | пред 6 месеци

Новинарите го прашаа Османи дали се сретнал со Груевски во Будимпешта, еве што одговори тој

Откако ВЛЕН денови наназад бара одговори, но и го критикува кандидатот за градоначалник на Чаир, Бујар Османи од ДУИ за можна средба со Никола Груевски во Унгарија, тој денеска беше конкретно прашан и од новинарите, дали имал или немал средба со поранешниот премиер.А еве што одговори Османи:-Средбите на министрите за надворешни работи се класифицирани средби и по закон не можат да се откријат. Дури и да имало нешто такво, тоа ќе било во рамките на функцијата на министерот за надворешни работи – рече Османи.

Македонија | пред 6 месеци

Унгарија ја тужи Европската унија поради користење на замрзнатата руски имот за помош на Украина

Унгарија поднесе тужба против Европската унија поради одлуката приходите од замрзнатите руски средства да се користат за воена поддршка на Украина. Судот на Европската унија ја примил тужбата на 25 август.Спорот се однесува на одлука на Советот на ЕУ со која речиси целокупните камати од замрзнатите руски средства се пренасочуваат кон Украина преку Европскиот инструмент за мировна поддршка. Се проценува дека станува збор за три до пет милијарди евра годишно. По почетокот на руската инвазија, западните земји замрзнаа околу 300 милијарди долари руски државни средства, од кои најголемиот дел се наоѓа во Европската унија.Владата на Виктор Орбан бара поништување на одлуката, тврдејќи дека е донесена спротивно на европското право и дека не е почитувано правото на вето на Унгарија. Будимпешта нагласува дека како земја која не учествува во финансирањето на инструментот не може да биде обврзана од неговите одлуки. Постапката може да трае со години, а во меѓувреме помошта за Украина ќе продолжи преку други механизми.Ова е веќе втора тужба на Унгарија против вакви одлуки, по првата поднесена во јуни 2024 година. Правниот спор се одвива во услови на заострени односи меѓу Киев и Будимпешта, кои дополнително се влошија по украинските напади со дронови врз нафтоводот „Дружба“, преку кој нафтата стигнува и во Унгарија и во Словачка.Од почетокот на војната во 2022 година, Европската унија и земјите членки имаат обезбедено речиси 186 милијарди долари финансиска, воена и хуманитарна поддршка за Украина, од кои 12,8 милијарди преку Европскиот инструмент за мировна поддршка.

Свет | пред 7 месеци

(Видео) Украинците повторно нападнаа клучен руски нафтовод, Унгарија бесна: „Немаме нафта“

Украина изведат нов напад врз најголемата руска пумпна станица за нафта – дел од системот на нафтоводот „Дружба“, лоцирана во градот Унеча, Брјанска област. Информацијата ја потврди Роберт Бровди, познат како „Маѓар“, командант на украинските Сили за беспилотни системи, објави „Кијив Пост“.Според него, нападот бил изведен со дронови од 14. полк на украинските беспилотни сили. „UNECHA NPS – заврши во пепел“, напиша Бровди на „Телеграм“, објавувајќи и видео со пожарот по експлозиите. Постројката Унеча, сместена четириесетина километри од украинската граница е систем долг 9.000 километри снабдува со нафта руски воено-индустриски капацитети и претставува клучна извозна рута за Москва.На нападот веднаш реагираше унгарскиот министер за надворешни работи Петер Сијарто, кој соопшти дека „снабдувањето на Унгарија со сурова нафта повторно е запрено“. Тој го нарече ударот „нов напад врз енергетската безбедност на Унгарија“ и предупреди на „уште еден обид земјата да се вовлече во војната“.Ова не е прв случај на напад врз истата станица. На 13 август украински дронови исто така погодија дел од постројката, по што беа пријавени повеќекратни експлозии и голем пожар.Според податоците на Генералштабот на Украина, нападите врз руските компании и инфраструктура во 2025 година предизвикале штети од 74,11 милијарди долари, што е околу 4% од рускиот БДП. Речиси 80% од метите биле нафтени и гасни капацитети – рафинерии, складишта и логистички центри како што е Унеча.

Свет | пред 7 месеци

„Добрососедство по мерка на ЕУ: Блискоста со Србија не се дозволува“, професорката Ванковска објасни што и пречи на Европа

Иако Европската унија постојано инсистира на добрососедски односи меѓу земјите од Западен Балкан, од Македонија очекува да се дистанцира од Србија – став што, според професорката Билјана Ванковска, не само што е контрадикторен, туку и опасен по внатрешната стабилност на државата.-Прво, нѐ обвинуваат за блиски односи со нивна полноправна членка (иако не многу популарна) - Унгарија.Второ, од нас бараат “добрососедски односи” ама сакаат да се скараме со Србите, иако тие (божем) го поддржуваат и членството на Србија (и БиХ) во ЕУ.Конечно, треба да се скараме и со Русија и со Кина - а тие развиваат односи на соработка со Кина особено поради царините на Трамп. Руски енергенси купуваат “под рака” со прокси.За нас знам дека имаме власт која колку и да ја понижуваат, таа ќе им бакнува рака. Ама, ЕУ знае ли кај тера? И како мисли да го стабилизира Балканот со негова дестабилизација?Заборавив да додадам нешто за ефектите врз внатрешната стабилност на Македонија: инсистирајќи на наводно влијание на т.н. Српски свет, ЕП директно ги поткопува меѓуетничките односи. Албанската заедница едвај дочека да викне: “фатете го крадецот (Србите ни се непријатели)”. Уставен суверенитет не постои кај нас од 2018, од миксот на европски и балкански методи како што сугерираше еврокомесарот Хан.Балканскиот котел го меша Брисел. Големите европски сили нѐ третираат како парички за поткусурување“, вели таа.

Македонија | пред 8 месеци

Прв пат во историјата? „Активирајте ја нуклеарната опција против Унгарија!“

Под слоганот „Силна Европа во светот што се менува“, во текот на следните шест месеци Кралството Данска, кое го презеде претседателството со Советот на Европската Унија на 1 јули, ќе се фокусира на две главни теми - безбедност и одбрана и конкурентност и зелена транзиција.На овој пат, Данска покрена важна иницијатива, имено, сака Европа да го искористи целиот свој правен арсенал против Унгарија за кршење на основните права на Унијата, вклучително и покренување на таканаречената „нуклеарна опција“, Член 7, против Будимпешта, пишува Политико.„Продолжуваме да бидеме сведоци на кршење на фундаменталните вредности“, изјави данската министерка за европски прашања, Мари Бјер, пред новинарите во Архус, каде што е во посета Европската комисија, додека Копенхаген го презема претседателствоto со Советот на ЕУ, додавајќи: „Затоа ќе ја продолжиме постапката според Член 7, како и расправата за Унгарија“.„Нуклеарна опција“Член 7 е клаузула во договорот на ЕУ што им овозможува на земјите да гласаат за исклучување или санкционирање на членка што ги крши правилата на Унијата. Се смета за најтешка законска мерка - „нуклеарната опција“, која ЕУ сè уште не ја имплементирала и покрај тврдењата на Брисел дека Унгарија го прекршила законот.Бјер, исто така, рече дека Унијата треба да размисли за ограничување на пристапот до фондовите на Унијата за земјите што го кршат европското право, а друго важно прашање за Данска е проширувањето на ЕУ. Министерот ја критикуваше Унгарија за постојаната блокада на членството на Украина во Унијата и рече дека Данска е подготвена да ги разгледа сите политички и практични решенија „за да можеме да продолжиме напред“.Недостаток на поддршка од две земјиДоколку земјите од ЕУ одлучат да ја заострат постапката според Член 7, тие би можеле да ѝ го одземат правото на глас на Унгарија за прашања од европската политика, како што е проширувањето, со што ќе го изгубат правото на вето на Будимпешта врз членството на Украина.Сепак, дипломатите предупредуваат дека таков чекор би барал решителна поддршка од Париз и Берлин за да се убеди остатокот од Унијата, и дека поддршката во моментов недостасува.Иако Унгарија продолжува категорично да го отфрла членството на Украина, се шпекулира дека Европската комисија може да одлучи да продолжи со членството на Молдавија со формално отворање на преговарачки кластер во наредните денови. Молдавија и Украина се движат кон членство во ЕУ заедно, па затоа нивното одвојување би било контроверзно.

Свет | пред 8 месеци

(Видео) Отпор во Будимпешта: И покрај обидите за забрана, одржана „Парадата на гордоста“

И покрај обидите на унгарската влада да го забрани одржувањето на Парадата на гордоста, стотици активисти, граѓани и политичари од цела Европа маршираа низ улиците на Будимпешта, претворајќи го 30-тиот Budapest Pride во моќна демонстрација против режимот на Виктор Орбан и политиките што, според критичарите, ја разградуваат демократијата и човековите права во Унгарија.Повеќе од 70 европратеници и функционери на ЕУ пристигнаа во Будимпешта за да ја поддржат поворката која годинава доби дополнителна тежина поради најновите рестриктивни закони против LGBTQ+ заедницата. Во март, унгарскиот парламент усвои закон што ја забранува т.н. „јавна промоција“ на ЛГБТК содржини, а властите најавија и употреба на системи за препознавање лица за идентификација на учесници на „забранети собири“.„Ова не е само борба за правата на хомосексуалците. Ова е борба за опстанок на демократијата“, порача градоначалникот на Будимпешта, Гергељ Корачоњ, кој ја поддржа парадата и објави дека настанот не може да се забрани, бидејќи е пријавен како локален собир кој не подлежи на полициска дозвола. Наместо официјална Парада на гордоста, градските власти организираа настан за одбележување на ослободувањето на Унгарија од советските трупи во 1991 година – со ист маршрут и исти вредности: слобода и различност.„Љубовта не може да се забрани. Никој нема да биде граѓанин од втор ред во Будимпешта“, изјави Корачоњ, кој организираше сопствено обезбедување и ангажираше приватни чувари за да го гарантира безбедното одвивање на настанот.Присуството на европските институции беше масивно – околу 200 претставници од Европскиот парламент беа дел од поворката. Еврокомесарката за еднаквост, Хаџа Лахбиб, остро ја осуди дискриминацијата на ЛГБТ заедницата и потенцираше:„Разновидноста е темел на Европската унија. Таа мора да се заштити.“Претседателката на Европската комисија Урсула фон дер Лајен побара од унгарските власти да овозможат парадата да се одржи без репресија и полициско прогонување. Слична порака испрати и претседателката на Европскиот парламент, Роберта Мецола, која нагласи дека „почитувањето на човековите права не е избор, туку обврска“.Организаторите на Budapest Pride велат дека ваквата видливост и солидарност испратија јасна порака – и до Унгарија и до Европа – дека правото на љубов, идентитет и изразување не може да биде ставено под државна контрола.

Свет | пред 9 месеци

Унгарија со нов закон: Полицијата ќе може да забрани ЛГБТ+ маршеви и ќе користи камери за препознавање лица

Унгарскиот парламент, каде што владејачката десничарска партија на Виктор Орбан – Фидес има значајно мнозинство, усвои контроверзен закон кој овозможува полицијата да забрани ЛГБТ+ маршеви, со образложение дека „заштитата на децата“ има предност пред правото на јавно собирање.Законот, кој беше изгласан во март, ѝ дава овластувања на полицијата да користи камери за препознавање лица за идентификација на учесниците на јавни собири, со цел полесно изрекување казни – јави Ројтерс.Критичарите го оценуваат законот како дел од поширок обид за ограничување на демократските слободи, особено во пресрет на парламентарните избори следната година, на кои Орбан се соочува со засилена конкуренција од страна на опозицијата. Според некои анкети, дел од опозициските кандидати имаат дури и подобри шанси од Орбан.„Сите сме возрасни и препорачувам секој да одлучи што сака, се додека ги почитува правилата... а ако не ги почитува, тогаш треба да се соочи со правни последици“, изјави Орбан за државното радио.

Свет | пред 9 месеци

Орбан: Европа се подготвува за војна

Унгарскиот премиер Виктор Орбан смета дека лидерите на Европската унија се подготвуваат за воен конфликт со Русија и покрај немањето какво било оправдување за таквите акции. Говорејќи во утринската програма на Радио Кошут, Орбан тврди дека Унгарија нема да учествува во таков конфликт, јави руската државна новинска агенција ТАСС.„Гледам дека Брисел се подготвува за војна. Најстрашно е што се случува во главите на овие луѓе“, рече Орбан, мислејќи на повиците на лидерите на ЕУ до граѓаните да складираат вода, храна и медицински материјали 72 часа во случај на конфликт со Русија. Орбан го опиша таквото размислување во ЕУ како алармантно и смешно, тврдејќи дека тоа ги одразува воените подготовки на Брисел.Додека Европа продолжува да шпекулира дека украинскиот конфликт би можел да се прошири низ целиот континент, Орбан го отфрла тоа тврдење.„Тоа не е вистина“, рече тој. Тој тврди дека таквите шпекулации се појавуваат исклучиво затоа што „Брисел сака да ја продолжи војната“ и продолжува да дава воена поддршка на Украина.„Унгарија остана неутрална во овој конфликт. Ние се залагаме за мир и не испорачуваме оружје и не испраќаме војници во Украина. Сепак, има земји од ЕУ кои со поддршка на Брисел сакаат повеќе да се вклучат во војната и гледам дека во моментов се одвиваат политички подготовки за такви акции“, рече Орбан.Тој нагласи дека затоа на граѓаните на ЕУ им се кажува да имаат при рака вода, храна, лекови и други залихи за 72 часа во случај на конфликт со Русија. "Сакам да ги уверам унгарските семејства дека не треба да преземаат вонредни мерки. Нема закана од војна. Унгарија нема да се судри со никого. Ќе останеме на страната на мирот и ќе ја обезбедиме нашата безбедност. Ако Европа влезе во војна, ние сигурно нема да учествуваме", рече Орбан.

Свет | пред 1 година

Орбан за планот на ЕУ: Ова е рецепт за уништување на Европа

ЕУ не може да си дозволи да ги финансира воените напори на Украина, бидејќи американската финансиска помош повеќе не е загарантирана, изјави унгарскиот премиер Виктор Орбан откако лидерите на 26 земји од ЕУ, со исклучок на Унгарија, потпишаа изјава во која изразуваат поддршка за Украина. Орбан, сојузник на американскиот претседател Доналд Трамп, кој исто така негува врски со Москва, изјави за државното радио дека неговата влада во Унгарија ќе започне „јавна консултација“ за пристапот на Украина во Европската унија во наредните недели.Унгарскиот премиер, кој е на власт од 2010 година, ја започнува оваа национална политичка кампања бидејќи се соочува со избори во 2026 година, а економијата штотуку излегува од инфлаторна криза. Покрај тоа, тој се соочува со растечка нова опозициска партија која претставува најголем предизвик за неговото владеење досега. Европските лидери вчера ги поддржаа плановите за повеќе одбранбени трошоци и продолжија со Украина во светот потресен од пресвртот на американската политика на Доналд Трамп.Одбранбениот самит на Европската унија во Брисел се одржа поради стравувањата дека Русија, охрабрена од војната во Украина, би можела следно да нападне земја на ЕУ и дека Европа повеќе не може да се потпира на САД да и помогнат.Но, Орбан, кој од почетокот на војната одбива да испрати оружје во Украина и одржува блиски односи со Москва, рече дека наместо продолжување на војната, Европа треба да ги поддржи мировните преговори на Трамп. Тој рече дека начинот на кој ЕУ сега сака да ја поддржи Украина, додека истовремено ги зголемува европските трошоци за одбрана, ќе ја „уништи Европа“.„Ако САД сега се откажат (од финансирањето на војната)... како другите 26 земји-членки ќе имаат шанса да ја дочекаат оваа војна до крај?“, рече тојТој додаде дека начинот на кој ЕУ се обидува да ја поддржи Украина додека ги зголемува сопствените воени трошоци е „рецепт за уништување на Европа“.Трамп рече дека Европа мора да преземе поголема одговорност за својата безбедност. Во четвртокот, тој изрази сомневање за неговата подготвеност да ги брани сојузниците на Вашингтон во НАТО, велејќи дека нема да го стори тоа доколку тие не платат доволно за сопствената одбрана.Неговата одлука да се префрли од цврста американска поддршка за Украина на попомирувачки став кон Москва длабоко ги вознемири Европејците кои ја гледаат Русија како најголема закана.

Свет | пред 1 година

Претседателот на Европскиот совет го отфрли барањето на Орбан за безусловен прекин на огнот

Унгарскиот премиер Виктор Орбан го критикуваше самитот во Лондон, обвинувајќи ги европските лидери дека „одлучиле да ја продолжат војната наместо да изберат мир“, нарекувајќи го таквиот став погрешен, опасен и штетен. Независниот унгарски портал Директ36 изминатиот викенд објави дека Орбан испратил писмо до претседателот на Европскиот совет Антонио Коста, барајќи итни преговори за прекин на огнот во Украина.Орбан, заедно со словачкиот премиер Роберт Фицо, кој исто така има проруски ставови, сигнализираше дека може да ги блокира заклучоците на Европскиот совет за Украина кои се очекуваат подоцна оваа недела. Сепак, Коста не покажа загриженост кога беше прашан за заканите со вето на Орбан утринава, за време на посетата на Молдавија. Тој јасно ја отфрли идејата за прекин на огнот по секоја цена, велејќи: „Европската унија е мировен проект, а мирот подразбира безбедност и одбрана како приоритет. Затоа што мирот без одбрана е само илузија“.„Никој не сака мир повеќе од Украинците, и затоа ние ги поддржуваме во нивната борба за трајно решение. Мирот не е само прекин на огнот што ќе и даде шанса на Русија да се реорганизира и да се врати уште посилна. Она што го сакаме е праведен и траен мир“.

Свет | пред 1 година

Протече шокантен извештај: „Унгарска ЦИА“ шпионирала претставници на ЕУ

Објавен е бомбастичен извештај во кој се тврди дека унгарската разузнавачка агенција шпионирала претставници на ЕУ кои ја посетувале земјата, ги пребарувале нивните хотелски соби и снимале телефонски разговори, пишува Политико.Заедничката истрага на Direkt36 и De Tijd откри дека Унгарскиот информативен кабинет (IH), еквивалент на ЦИА во Будимпешта, ги таргетирал иследниците на Европската канцеларија за борба против измами (OLAF), кои во еден момент истражувале унгарска фирма во сопственост на синот на премиерот Виктор Орбан.Во извештајот се наведени случаи меѓу 2015 и 2017 година во кои функционери на ЕУ кои работеле за ОЛАФ кои патувале во Унгарија биле физички следени за време на патувања со автомобил и биле прислушувани нивните телефони.Во извештајот се додава дека вообичаена практика е унгарската шпионска агенција да ги пребарува хотелските соби на делегациите на ЕУ кои ги посетуваат и да презема информации од нивните лаптопи.Берталан Хаваси, портпаролот на кабинетот на Орбан, негираше сè за Политико: „Ние не се занимаваме со лажни вести“.Будимпешта долго време беше под притисок поради обвинувањата за хакирање на телефоните на новинари, активисти и опозиционери. Според Политико, унгарски пратеник во 2021 година признал дека владата купила израелски шпионски софтвер. Претходно оваа година, европратеник кој ја критикуваше Унгарија беше цел на сајбер напад.Политико контактираше со портпаролот на ОЛАФ за коментар, но сè уште не е добиен одговор.

Свет | пред 1 година

Двегодишно дете убиено кај хрватската граница, осомничен е таткото

Безживотно тело на двегодишно дете е пронајдено во близина на хрватската граница со Унгарија, а неговиот татко е осомничен за убиство.37-годишниот маж со тешки повреди е пренесен во болница, А докторите се сомневаат дека тој се обидел да се самоубие откако го убил детето.Засега не се познати повеќе детали за злосторството, пренесува српски „Телеграф“.

Свет | пред 1 година

(Фото) Дунав надмина 8 метри во Будимпешта: Поплавите се големи, одбраната е отежната

Дунав, чијшто водостој моментално е над осум метри, би можел да го достигне својот врв во Будимпешта за време на викендот, според прогнозите на метеоролозите.Во Унгарија, која се бори со поплави откако циклонот Борис предизвика обилни врнежи на подрачјето на Централна Европа, ситуацијата е најкритична во селото Кисмарос, каде локалното население веќе користи чамци по улиците, додека населението на Градот Баја се подготвува за најголемата поплава во последните 11 години.„Во Будимпешта се очекува бавен раст, водостојот на Дунав ќе се зголеми за педесет сантиметри до сабота навечер, по што реката полека ќе почне да се повлекува“, изјави генералниот директор на националното водостопанство Иштван Ланг.Тој нагласи дека поплавите се големи и дека одбраната е отежната.Тој рече и дека просечниот водостој на Дунав е околу педесет сантиметри понизок од нивото на водата за време на поплавите во 2013 година, но дека оптоварувањето на одбранбените линии е сепак многу значајно.Ланг истакна дека времето за одбрана ќе биде подолго од претходно планираното бидејќи падот на водостојот е побавен од очекуваното.Унгарија се бори со поплави откако циклонот Борис предизвика обилни врнежи низ централна Европа.Најлошите поплави што ја погодија централна Европа во последните две децении погодија делови од Полска, Чешка, Романија, Австрија и Словачка и однесоа најмалку 24 животи.топПретседателката на Европската комисија, Урсула фон дер Лајен вчера се сретна со лидерите на европските земји погодени од поплавите, меѓу кои Полска, Австрија, Чешка и Словачка и вети финансиска помош од Европскиот фонд за солидарност.Таа изјави дека ЕУ ќе обезбеди уште 10 милијарди евра од кохезиониот фонд поради огромните штети што ги предизвикаа поплавите врз инфраструктурата и станбените згради.

Свет | пред 1 година

Николовски тргна да носи и телефонски оператор од Унгарија во Македонија

За време на официјалната посета на Будимпешта, Унгарија, заменик претседателот на Владата и министер за транспорт Александар Николоски, оствари продуктивна средба со Гелерт Жасзаи, претседател на “4iG Групацијата”.На средбата оддржана во унгарската престолнина, претседателот на “4iG Групацијата” изрази силен интерес за анализа на условите за влез на телекомуникациски пазар во Македонија и нудење на услуги во мобилната и фиксна телефонија.Како истакната регионална ИТ и телекомуникациска компанија со докажана историја во поттикнување на дигиталната трансформација во различни сектори, оваа иницијатива е усогласена со стратегијата на “4iG Групацијата” за проширување на своето присуство во земјите од Западен Балкан.„Веруваме дека воспоставеното искуство на “4iG Групацијата” во телекомуникациската индустрија, комбиниранo со нејзината стручност во регионални рамки, може ефикасно да се искористи и на македонскиот пазар. Оваа иницијатива ветува значителни придобивки за двете страни, а може да биде поволна особено за граѓаните на Македонија, бидејќи и Македонија и 4iG Групацијата делат заедничка визија за поврзано и дигитално напредно општество”, истакна заменик претседателот на Владата и министер за транспорт Александар Николоски.За време на официјалната средба, двете страни го истакнаа значењето и развојот на дигиталната инфраструктура заради економски и социјален напредок. Усогласувајќи се со плановите за одржлив развој на Македонија до 2030 година, претседателот на “4iG Групацијата” изрази интерес за соработка во проекти во комуникациска инфраструктура, истакнувајќи ги потенцијалните инвестиции во најсовремени технологии за подобрување на поврзаноста меѓу урбаните и руралните средини во Македонија.Оваа иницијатива има за цел да го подобри искуството на клиентите, да промовира одржливост, да создаде нови можности за работа и да го стимулира економскиот раст.„Имаме волја да придонесеме за развојот на телекомуникациски сектор во Македoнија и да поттикнеме позитивни промени преку технологијата. Во однос на нашата амбиција за влез на македонскиот телекомуникациски пазар, во следните неколку недели ќе ја започнеме соработката со Владата на Македонија и нашата посветеност за овој процес да го формализираме во детали“, – истакна Гелерт Жазсаи, претседател на 4iG Групацијата, по разговорите со заменик претседателот Николоски.4iG Групацијата е вториот по големина телекомуникациски оператор во Унгарија и водечки ИТ систем интегратор, со растечко инвестициско портфолио во секторот на вселенска и одбранбена индустрија. Во 2022 година, 4iG Групацијата се проширува на телекомуникациските пазари на Западен Балкан, воспоставувајќи значајни позиции во Црна Гора и Албанија преку лансирање на сопствениот телекомуникациски бренд - ONE .Под брендот - ONE, подружниците на 4iG во Западен Балкан прават значителна трансформација и со тоа станува водечки бренд на пазарот на 5Г мобилни услуги во Црна Гора, додека ОNE – Албанија формирана преку консолидирање на албанските телекомуникациски компании станува врвен телекомуникациски провајдер во земјата.Покрај тековните инвестиции, 4iG Групацијата во соработка со Телеком Египет планира и инсталација на подводен кабел за пренос на податоци со висок капацитет за поврзување на Египет и Албанија. Овој проект може да донесе дополнителни придобивки за Македонија преку зајакнување на дигиталниот и економски раст на земјата.Со почит

Македонија | пред 1 година

Орбан: Европа се повеќе се вклучува во конфликт од кој ништо не може да добие

Унгарскиот премиер Виктор Орбан изјави дека Европа се повеќе се вклучува во конфликтот во Украина од кој не може ништо да добие, но може многу да изгуби.„Живеејќи во балон, бриселската бирократија направи неколку политички грешки во последните години. Европа се повеќе се вклучува во војна од која не може да добие ништо, но лесно може да изгуби се. Секој ден е се поочигледно дека кога станува збор за војна, ништо не им е прескапо“, рече Орбан.Унгарскиот премиер рече и дека бриселските бирократи ја сакаат таа војна, сакаат да ја поразат Русија, сакаат парите на европските даночни обврзници да одат во Украина, додека во исто време европските компании трпат санкции, скокови на инфлација, а милиони граѓани се во тешка ситуација.„Европа е во криза, христијанската цивилизација слабее, економската моќ паѓа, а исто така и конкурентноста на Стариот континент. Способноста на Европа да ги застапува сопствените интереси во меѓународната политика исто така опаѓа“, заклучи тој.Претходно Орбан изјави дека западните земји се поблиску до линијата на фронтот и директно се мешаат во конфликтот во Украина. Меѓутоа, како што рече, во таква ситуација Унгарија нема да учествува во мисијата на НАТО во Украина, ниту пак ќе обезбеди војници, оружје или финансиски средства за таа цел.

Свет | пред 1 година

ЕУ строго ја казни Унгарија: казнара е 200 милиони евра, секој ден доцнење ќе чини уште милион евра

Европскиот суд на правдата (ЕСП) во четвртокот пресуди дека Унгарија мора да плати сума од 200 милиони евра затоа што не ги спроведува мерките што се бараат од неа во однос на политиката за миграција и азил. Исто така, одлучено е Унгарија да плаќа по еден милион евра дневно додека не ги исполни условите.Судиите во Стразбур во декември 2020 година пресудиле дека Унгарија не го почитувала правото на ЕУ за третман на мигрантите и и наредиле да спроведе промени. Судот изјави дека неспроведувањето на пресудата е „без преседан и претставува исклучително сериозно кршење на правата на ЕУ“, пренесува ДВ.ЕСП пресуди дека „Унгарија не ги презела потребните мерки за да се усогласи со пресудата од 2020 година за пристап до процедурата за меѓународна заштита, правото на барателите за меѓународна заштита да останат во Унгарија во очекување на конечната одлука по нивната жалба против одбивањето на нивната апликација и отстранување на нелегално престојуваните државјани на трети земји“.

Свет | пред 1 година

Нема фотографија

Нов удар за Унгарија

Годишната стапка на инфлација во Унгарија благо се зголеми во мај од 3,7 отсто во април на 4 отсто, објави денеска Централниот завод за статистика на Унгарија.Според извештаите, цените на струјата, гасот и другите горива во Унгарија во мај паднале за 2,4 отсто на годишно ниво, забавувајќи се од априлскиот годишен пад од 4,5 отсто.Во мај цените на храната поскапеле за еден отсто на годишно ниво, а на услугите за 9,5 отсто, со исто темпо како и во април.Наспроти тоа, алкохолните пијалоци и тутунот поскапеле за 3,5 отсто на годишно ниво, а облеката за 4,7 отсто, и во двата случаи со побавно темпо од април.Годишната базна стапка на инфлација во Унгарија благо паднала во мај од 4,1 отсто во април на 4 отсто, според КСХ.На месечно ниво, цените во Унгарија паднаа за 0,1 отсто во однос на април.

Свет | пред 1 година