Државната изборна комисија на Словенија (DIK) денеска соопшти дека ги отфрли приговорите на Социјалдемократската партија (SDS) на Јанез Јанша и ги потврди резултатите од изборите одржани на 22 март.
Според овие резултати, Движењето Слобода на актуелниот премиер Роберт Голоб освоило најмногу мандати – 29, додека SDS освоил еден помалку (28).
Партиите NSi, SLS и Fokus освоија по девет мандати, SD и Demokrati по шест, а листите Levica, Vesna и Resni.ca по пет мандати, пренесува порталот 24UR.
Словенечкиот парламент има вкупно 90 места. По потврдувањето на резултатите, следува објавување во Службен весник, по што претседателката на Словенија, Наташа Пирц Мусар, ќе ја свика конститутивната седница на новиот состав на парламентот.
SDS ги оспорува изборите тврдејќи дека имало неправилности, меѓу кои спроведување на изборите во Буенос Аирес, одредување на избирачки места за предвремено гласање, именување на заменик-претседатели на окружни изборни комисии и чување на гласачките ливчиња.
