Министерот за внатрешни работи Ивица Дачиќ денеска изјави дека полицијата ги идентификувала двајцата напаѓачи на Ѓорѓе Мијатовиќ, братот на вицепремиерот на Федерацијата на Босна и Херцеговина, кој беше убиен завчера во Белград, а еден од нив Ф.Б.(16), веќе е уапсен.
Дачиќ во изјава за новинарите рече дека вториот напаѓач Н.З. (17) преку мајка му рекол дека во текот на денот ќе се предаде.
Малолетните осомничени се товарат за тешко убиство. Ф.Б денеска беше сослушан во Вишото јавно обвинителство, по што беше предложен притвор.
Како што беше потврдено, малолетниците се осомничени дека го удирале Мијатовиќ во глава, кој почина неколку часа подоцна.
